வருமான வரி பிடித்தம் குறித்த விழிப்புணர்வு கூட்டம்
விருதுநகர் மாவட்டம், ஷத்ரிய வித்யாலயா ஆண்கள் மேல்நிலைப்பள்ளியில், மாவட்ட கருவூலம் சார்பில், வருமானவரி பிடித்தம் குறித்த விழிப்புணர்வு கூட்டம் மாவட்ட கருவூல அலுவலர் திரு.ச.சுந்தர் அவர்கள் தலைமையில் 18.07.2024 அன்று நடைபெற்றது.
ஆணையர் கருவூலம் மற்றும் கணக்குதுறை, சென்னை அவர்களின் அறிவுரையின்படி வரிப்பிடித்தம் செய்யும் அலுவலர்களின் நலன் கருதி தமிழ்நாடு முழுவதும் உள்ள அனைத்து மாவட்ட கருவூல அலுவலகங்களின் கீழ் வருகிற அனைத்து பணம் பெற்று வழங்கும் அலுவலர்களுக்கும் வருமானவரி பிடித்தம் குறித்த விழிப்புணர்வு கூட்டம் நடத்தப்பட்டு வருகிறது. அந்த வகையில் விருதுநகர் மாவட்டத்தின் கீழ் வருகின்ற தமிழ்நாடு அரசு வரிப்பிடித்தம் செய்யும் அலுவலர்களின் நலன்கருதி வருமான வரி பிடித்தம் குறித்த கூட்டம் மாவட்ட கருவூல அலுவலர் அவர்கள் தலைமையில் நடைபெற்றது.
இக்கூட்டத்தில், மதுரை சரக வருமான வரி துணை ஆணையர் திரு. மதுசூதனன், I.R.S., அவர்கள், வருமான வரி அலுவலர் திரு.ஜி.வெங்கடேசன் மற்றும் அலுவலர்கள் கலந்து கொண்டு முறையாக வரிப்பிடித்தம் செய்வது எப்படி, வரிப்பிடித்தம் செய்பவர்களின் கடமைகள், அவர்களின் பொறுப்புகள், வரிப்பிடித்த விதிகளை முறையாகப் பின்பற்றவில்லை என்றால் ஏற்படும் சிக்கல்கள் குறித்து விளக்கி கூறினார்கள். இக்கூட்டத்தில் 250-க்கும் மேற்ப்பட்ட அரசு அலுவலர்கள் கலந்து கொண்டனர்.
0
Leave a Reply