25 YEARS OF EXCELLENCE

சமீபத்திய நிகழ்வுகள்:
ராஜபாளையத்தில்ஹெல்மெட் அணிவதன் அவசியம் குறித்து விழிப்புணர்வு >> இராஜபாளையத்தில் பெய்து வரும் மழையால் விவசாயிகள் மகிழ்ச்சி >> காலை உணவுத் திட்டத்திற்கு அரசு நிதி ஒதுக்காமல், ஆசிரியர்களை திட்டப் பணிக்கான வேலைகளை , செய்யக் கோரி துன்புறுத்துவதாக ஆசிரியர் கூட்டணி குற்றச்சாட்டு. >> சுற்றுச்சூழலை காக்கும் பணியில் பரியாவரன், சாயி பசுமை இயக்கம் >> இராஜபாளையம் மேற்கு தொடர்ச்சி மலைஅடிவார பகுதியில் யானைகள் நடமாட்டம் >> ரோட்டரி கிளப் ஆப் இராஜபாளையம் சென்ட்ரல் கிளப் >> ஆதி திராவிடர் பள்ளியில் படித்து ஐ.ஐ.டி.யில் சேர்ந்த மாணவன். >> சிறந்த கல்லூரியாக தேர்வு பெற்ற ராம்கோ இன்ஜினியரிங் கல்லூரி. >> ஜூவல் ஒன்,தங்கம் வைரம் பிளாட்டினம் வெள்ளி,வைர நகைகளின் கண்காட்சி மற்றும் விற்பனை >> குழந்தை தொழிலாளர்கள் எதிர்ப்பு தினம்.-JUNE-12 >>


அரசு பொதுத்தேர்வு -2024 நடைபெறும் மையங்களில் மாணவர்கள் தேர்வு எழுதுவதை ஆய்வு
News content decrease font size News content increase font size
Click the above icons to increase/decrease the font size.

அரசு பொதுத்தேர்வு -2024 நடைபெறும் மையங்களில் மாணவர்கள் தேர்வு எழுதுவதை ஆய்வு

விருதுநகர் மாவட்டம், அருப்புக்கோட்டை வட்டம், பாலவநத்தம் அரசு மேல்நிலைப்பள்ளியில் (26.03.2024) அரசு பொதுத்தேர்வு-2024 நடைபெற்று வரும் மையத்தில், மாவட்ட ஆட்சித்தலைவர் முனைவர் வீ.ப.ஜெயசீலன், I A S, அவர்கள்; நேரில் சென்று பார்வையிட்டு ஆய்வு செய்தார்.2023-2024 ஆம் ஆண்டுக்கான பத்தாம் வகுப்பு அரசு பொதுத் தேர்வு 26.03.2024 அன்று தொடங்கி 08.04.2024 வரை நடைபெறுகிறது. விருதுநகர் மாவட்டத்தில் 358 பள்ளிகளைச் சார்ந்த மாணவர்கள் தேர்வு எழுதுகின்றனர். 114 தேர்வு மையங்களில் 10,908 மாணவர்களும், 11,097 மாணவியர்களும் என மொத்தம் 22,005 பள்ளி மாணவ, மாணவியர்கள் தேர்வு எழுதுகின்றனர்.

இதில் 277 மாற்றுத்திறனாளி மாணவர்கள் தேர்வு எழுதுகின்றனர். இம்மாணவர்கள் தேர்வு எழுத வசதியாக தரைத் தளத்தில்  தேர்வு அறைகள் ஒதுக்கீடு செய்யப்பட்டுள்ளது. உடல் ஊனமுற்றோர், கண் பார்வையற்றோர், காது கேளாத வாய் பேச இயலாதார், டிஸ்லெக்சியா மற்றும் மனவளர்ச்சி குன்றிய மாணவர்களுக்கு கூடுதல் நேரம் ஒதுக்கியும், சொல்வதை  எழுதுவதற்கு ஆசிரியர்கள் நியமிக்கப்பட்டுள்ளனர்.தேர்வு மையங்களில் குடிநீர் வசதி, இருக்கை, மின்சாரம், காற்றோட்டம், வெளிச்சம் மற்றும் கழிப்பிட வசதிகளை சிறப்பான முறையில் அமைத்திட ஏற்பாடுகள் செய்யப்பட்டுள்ளது. தேர்வு மையங்கள் அமைந்துள்ள பகுதிகளில் தடையில்லா மின்சார வசதி ஏற்படுத்தியும், தேர்வு மைய வழித்தடங்களில் மாணவர்கள் சிரமமின்றி செல்வதற்கு வசதியாக கூடுதல் பேருந்துகளும் இயக்கப்பட்டு வருகிறது.

விருதுநகர் மாவட்டத்தில் 5 வினாத்தாள் கட்டுக்காப்பு மையங்கள் அமைக்கப்பட்டு 24 மணி நேரமும் ஆயுதம் தாங்கிய காவலர்களால் பாதுகாக்கப்பட்டு வருகிறது.மேற்கண்ட 5 வினாத்தாள் கட்டுக்காப்பு மையங்களில் இருந்து 27 வழித்தட அலுவலர்கள் மற்றும் ஆயுதம் தாங்கிய காவலர்கள் பாதுகாப்புடன் 27 வழித்தடங்கள் மூலமாக அனைத்து இடைநிலைப் பள்ளி விடுப்புச் சான்றிதழ் (SSLC) பொதுத் தேர்வு மையங்களுக்கு வினாத்தாள் கட்டுகள் வழங்கப்படுகிறது.இத்தேர்வு நடைபெறும் அனைத்து தேர்வு மையங்களில் 119 முதன்மைக் கண்காணிப்பாளர்கள், 119 துறை அலுவலர்கள், 1809 அறைக் கண்காணிப்பாளர்கள் மற்றும் மாற்றுத்திறனாளி மாணவர்கள் சொல்வதை எழுதுபவர்களாக 260 ஆசிரியர்களும், நியமனம் செய்யப்பட்டு தேர்வு பணி மேற்கொண்டு வருகின்றனர்.பள்ளிக் கல்வித்துறை அலுவலர்களைக் கொண்டு 6 சிறப்பு பறக்கும் படை குழுவில் 12 உறுப்பினர்கள் மற்றும் தேர்வு மையங்களில் 157 நிலையான பறக்கும் படை உறுப்பினர்கள் நியமனம் செய்யப்பட்டு, தேர்வு மையங்களில் மாணவர்கள் ஒழுங்கீன செயல்களில் ஈடுபடுவதை தடுக்கவும், தேர்வுகள் சிறப்பான முறையில் நடைபெறுவதை கண்காணிக்கவும் ஏற்பாடு செய்யப்பட்டுள்ளது.
விருதுநகர் மாவட்ட  ஆட்சித்தலைவர் அவர்களின் தலைமையில் கல்வித்துறை அலுவலர்கள், மாவட்ட காவல் கண்காணிப்பாளர், மாவட்ட வருவாய் அலுவலர், சார் ஆட்சியர், வருவாய் கோட்டாட்சியர், மாவட்ட ஆய்வு அலுவலர், ஊர்காவல் படைத்தலைவர் மற்றும் பிறத்துறை அலுவலர்களைக் கொண்டு  மாவட்ட தேர்வுக் குழு அமைக்கப்பட்டு தேர்வு மையங்கள் திடீர் ஆய்வு செய்ய ஏற்பாடுகள் செய்யப்பட்டுள்ளது.2023-2024 ஆம் கல்வியாண்டில் இடைநிலைப் பள்ளி விடுப்புச் சான்றிதழ் (SSLC) தேர்வு எழுதும் மாணவ, மாணவியர்கள் அனைவரும் முழுதேர்ச்சி பெற வேண்டும் எனவும், அதிக மதிப்பெண்களை பெற வேண்டும் எனவும் மாணவ செல்வங்களுக்கு மாவட்ட ஆட்சித்தலைவர் அவர்கள் வாழ்த்துக்களை தெரிவித்துக் கொண்டார்.

0

Leave a Reply

Your email address will not be published. Required fields are marked *


More News