ராஜபாளையம் ராஜுக்கள் கல்லூரி குடிமக்கள் நுகர்வோர் மன்றம் சார்பாக உணவு பாதுகாப்பு பற்றிய விழிப்புணர்வு கருத்தரங்கம் நடைபெற்றது. Dr.D எபி ஜேம்ஸ் நுகர்வோர் மன்ற பொறுப்பாளர் வரவேற்புரை வழங்கினார். மாணவர்களுக்கு உணவுப்பொருட்களின் கலப்படம் மற்றும் அவற்றின் மூலம் ஏற்படும் பாதிப்புகளை பற்றி விளக்கினார். Dr.S. ராமகிருஷ்ணன், முதல்வர் வாழ்த்துரை வழங்கினார். நமது உடல் ஆரோக்கியம் மற்றும் நல்வாழ்விற்கு தினசரி நாம் எடுத்துக் கொள்ளும் உணவு முறையேச் சார்ந்ததாகும். ஆனால் இன்றைய நவீன காலத்தில் மக்கள் வறுத்த மற்றும் பதப்படுத்தப்பட்ட உணவுகள் போன்ற ஆரோக்கியமற்ற உணவுகளை தவிர்க்க வேண்டும் என்று வலியுறுத்தினார். திரு.S. சுப்பிரமணியம், மாநில தலைவர், நுகர்வோர் பாதுகாப்பு சேவை மையம் சிறப்பு விருந்தினராக கலந்து கொண்டார். உணவு பாதுகாப்பு, ஊட்டச்சத்து மற்றும் உணவு பாதுகாப்பு ஆகியவை பிரிக்க முடியாத வகையில் இணைக்கப்பட்டுள்ளன. உணவு மூலம் பரவும் நோய்கள் ஒரு நாட்டின் சமூக பொருளாதார வளர்ச்சியைத் தடுக்கின்றன.உணவே மருந்து என்ற காலம் மாறி மருந்தே உணவு என்ற நிலை ஏற்பட்டுள்ளது. செயற்கை முறையில் தயாரிக்கப்படும் காய்கறிகளை நாம் பயன்படுத்துவதை தவிர்க்க வேண்டும். உடல் ஆரோக்கியம் பற்றிய விழிப்புணர்வு அவசியம் என்று வலியுறுத்தினார்கள். சிறுதானிய உணவுகளையும் நாம் நம்முடைய அன்றாட வாழ்வில் இணைத்துக் கொள்ள வேண்டும். மருத்துவமனை செல்லாதவனே உண்மையான செல்வந்தர்கள். இதற்கு காரணம் நம்முடைய பாரம்பரிய உணவு முறையே ஆகும். நம் பகுதிகளில் விளையும் காய்கறிகள் மற்றும் பழங்களே நமக்கு அதிக ஆரோக்கிய தரும் உணவாகும். இந்நிகழ்ச்சியின் இறுதியாக எம். கார்த்திகா , மூன்றாம் ஆண்டு மாணவி நன்றியுரை வழங்கினார். இன்றைய நிகழ்ச்சிகள் அனைத்தையும் என்.காவியா, மூன்றாம் ஆண்டு மாணவி தொகுத்து வழங்கினார்.
.இராஜபாளையம் இராஜுக்கள் கல்லூரியில் 78 வது சுதந்திர தின விழா சிறப்பாக கொண்டாடப்பட்டது. இந்நிகழ்வில் இராஜபாளையம் ரோட்டரி சங்கத் தலைவர் திருமதி ஆனந்தி அவர்கள் தேசியக் கொடியினை ஏற்றி வைத்து, தேசிய மாணவர் படையினரின் அணிவகுப்பு மரியாதையை ஏற்றுக்கொண்டு சுதந்திர தின உரையாற்றினார். அவர் தனது உரையில், நாட்டுக்காக பாடுபட்ட விடுதலைப் போராட்ட வீரர்களை நினைவு கூர்ந்தார். அதோடு இன்னும் வெளியில் தெரியாத விடுதலைப் போராட்ட வீரர்களை நாம் கண்டறிந்து அவர்களையும் போற்ற வேண்டும் என்றும், உலகையே அச்சுறுத்தி வரும் நெகிழி பயன்பாட்டை குறைக்க வேண்டும் என்றும் எடுத்து கூறினார். அதோடு நம் ஊரின் பாரம்பரியத்தையும் பாதுகாக்க முன் வரவேண்டும் என்றும், குறிப்பாக முடங்கியார் ரோட்டில் அமைந்துள்ள கல் மண்டபத்தை சுத்தம் செய்வதற்காக உங்களைப் போன்ற மாணவர்களோடு இணைந்து பணியாற்ற கடமைப்பட்டுள்ளதாகவும் தெரிவித்துக் கொண்டார். நிகழ்வில் கல்லூரி முதல்வர் பொறுப்பு திரு.ராமகிருஷ்ணன் தலைமை உரையாற்றினார். நாட்டு நலப்பணித்திட்ட அலுவலர்கள் திருமதி சத்யா வரவேற்புரையும், பிரசன்னா நன்றியுரையும் வழங்கினார்கள்.சுற்றுப்புற சூழல் பாதுகாப்பை வலியுறுத்தும் விழிப்புணர்வு மினி மாரத்தான் போட்டியும் நடைபெற்றது. இப்போட்டி மாணவர்களுக்கு கல்லூரியில் இருந்து முடங்கியார் ஆற்றுப்பாலம் வரையிலும், மாணவிகளுக்கு கல்லூரி விளையாட்டு மைதானத்திலும் வைத்து நடைபெற்றது. போட்டியில் ஆண்கள் பிரிவில் இளங்கலை இரண்டாம் ஆண்டு மாணவர் நவீன் முதல் இடத்தையும் மற்றும் பெண்கள் பிரிவில் மூன்றாம் ஆண்டு இளங்கலை மாணவி அன்னபூரணி முதல் இடத்தையும் பெற்று, சிறப்பு விருந்தினரால் கேடயமும் சான்றிதழும் வழங்கப்பட்டு கௌரவிக்கப்பட்டார்கள். நிகழ்வுக்கான ஏற்பாடுகளை உடற்கல்வி இயக்குனர் திரு.முத்துக்குமார் மற்றும் தேசிய மாணவர் படை அலுவலர் திரு. சக்திவேல் ஆகியோரும் சிறப்பாக செய்திருந்தனர். இந்நிகழ்வில் பேராசிரியர்கள், மாணவர்கள், அலுவலர்கள் மற்றும் ரோட்டரி சங்க நிர்வாகிகள் ஆகியோர் கலந்து கொண்டனர்.
RAJAPALAYAM RAJUS' COLLEGE RAJAPALAYAM78th Independence Day CelebrationChief Guest ,Rtn.R.ANANTHI, PRESIDENT Rotary Club of Rajapalayamwill hoist the National Flag, deliver the Independence day address inaugurate the Independence day "Environmental Awareness Mini Marathon Race"Date: 15.08.2024 (Thursday)Time: 08.30 A.M.All are Invited
இராஜபாளையம் இராஜூக்கள் கல்லூரி பொன்விழா ஆண்டு நிகழ்வையொட்டி அறிவியல் கட்டிடத் திறப்பு விழா கல்லூரியில் வைத்து நடைபெற்றது. சிறப்பு விருந்தினராக நாகலாந்து ஆளுநர் மேதகு இல.கணேசன் அவர்கள் கலந்து கொண்டு 2.5 கோடி மதிப்புள்ள புதிய அறிவியல் கட்டிடத்தைத் திறந்து வைத்தார். திறப்பு விழா நிகழ்வில் கல்லூரித் தலைவர் திரு.கே.ஜி.பிரகாஷ் அவர்கள் விழாவிற்கு வருகை புரிந்த அனைவரையும் வரவேற்று உரையாற்றினார். கல்லூரிச் செயலர் முனைவர்.எஸ்.சிங்கராஜ் அவர்கள் கல்லூரியின் 51 ஆண்டு கால சாதனைகளை விளக்கிப் பேசினார். பழைய பாளையம் ராஜூக்கள் மகுமைப் பண்டு தலைவர் என்.ஆர்.கிருஷ்ணமூர்த்தி ராஜா அவர்கள் வாழ்த்துரை வழங்கினார்.ராம்கோ நிறுவன மேலாண்மை இயக்குனர் திருமதி நிர்மலா வெங்கட்ராம ராஜா அவர்கள் வாழ்த்துரை வழங்கினார். கல்லூரியின் புதிய அறிவியல் கட்டிடம் நிதி உதவி வழங்கிய கொடையாளர்களை நாகலாந்து ஆளுநர் மேதகு இல. கணேசன் அவர்கள் பாராட்டு தெரிவித்து கௌரவித்தார். அவர் தனது சிறப்புரையில்,இராஜபாளையம் ராஜூக்களின் வழி சமுதாய மரபுகள், கட்டுப்பாட்டுகள் ஆகியவை தனித்துவம் வாய்ந்தவை. ஏழை, எளிய மாணவர்களுக்கான இலவச கல்வி சேவையை கல்லூரி வழங்கி வருகிறது., இராஜபாளையத்தின் மண்ணின் மாண்பில் கல்லூரி வளர்ந்த விதம், மாணவர்களின் கல்வி வளர்ச்சியில், எதிர்கால இந்தியாவை உருவாக்கும் மாணவர்களின் மன உறுதியை நினைவு கூர்ந்தார். சுதந்திர இந்தியா கடந்து வந்த பாதை மற்றும் இளைய பாரதத்தை உருவாக்க வேண்டும் என்றும் நாட்டின் விடுதலைக்கு வித்திட்ட வேலு நாச்சியார் , கட்டபொம்மன், ஜான்சிராணி, பாரதியார், வ.உ. சி. போன்ற தலைவர்களின் வாழ்க்கை வரலாறுகளை எடுத்துக் கூறி பூரண சுதந்திரம் பெற்றுத் தேசத்தை வளர்ச்சிப் பாதையில் எடுத்துச் செல்லும் மாணவர்களை உருவாக்க வேண்டும் என்றும் தேசிய ஒருமைப்பாட்டை கடைபிடிக்க வேண்டும் என்றும் கூறினார்.விழாவின் நிறைவாகக் கல்லூரியின் முதல்வர் முனைவர். கே.ரமேஷ் குமார் அவர்கள் நன்றியுரை ஆற்றினார். விழாவிற்கு சிவகாசி துணை ஆட்சியர் திருமதி பிரியா அவர்கள், கல்லூரி ஆட்சி மன்றக்குழு உறுப்பினர்கள், பழைய பாளையம் மகுமைப் பண்டு உறுப்பினர்கள், பேராசிரியர்கள், மாணவ, மாணவிகள், அலுவலர்கள் மற்றும் பெற்றோர்கள் ஆகியோர் கலந்து கொண்டனர்.
இராஜபாளையம் இராஜுக்கள் கல்லூரி பொன்விழா ஆண்டு அறிவியல் கட்டட திறப்பு விழா JULY 31. 7 . 24 MORNING 10.30 A.Mஇடம் - முன்னாள் மாணவர்கள் சங்கக் கலையரங்கத்தில் பொன்விழா ஆண்டு அறிவியல் கட்டட திறப்பு விழா நடைபெறவுள்ளது
ராஜபாளையம் ராஜூக்கள் கல்லூரியில் ஆண்டு விழா முன்னாள் மாணவர் சங்க கூட்டரங்கில் வைத்து நடைபெற்றது. துணை முதல்வர் ரமேஷ்குமார் வரவேற்புரை ஆற்றினார். கல்லூரி முதல்வர் வெங்கடேஸ்வரன் ஆண்டறிக்கையை வாசித்தார். கல்லூரி ஆட்சி மன்ற குழுத் தலைவர் கே.ஜி.பிரகாஷ் தலைமை உரை ஆற்றினார். கல்லூரிச் செயலர் எஸ்.சிங்கராஜ் வாழ்த்துரை வழங்கினார். இந்நிகழ்வில் சிறப்பு விருந்தினராக கலந்து கொண்ட முன்னாள் ஐஜி. எம் எஸ்.முத்துசாமி ஐபிஎஸ் கலந்து கொண்டு சிறப்புரை ஆற்றினார். அவர் தனது சிறப்புரையில், கல்வி என்பது ஒரு ஆயுதம் அதை எதற்காக, எப்படி பயன்படுத்துகிறோம் என்பது தான் முக்கியம். படித்த அனைவருக்கும் இன்று வேலைவாய்ப்புகள் உண்டு. இளங்கலை பட்டம் படித்தவர்கள் இன்றைக்கு எத்தனையோ பெரிய,பெரிய பதவிகளை அலங்கரித்துக் கொண்டிருக்கின்றார்கள். மாணவர்கள் கல்லூரி வேலை நாட்களை முழுவதும் பயன்படுத்தி தங்களது திறமைகளை வளர்த்துக் கொள்ள வேண்டும். மொழியை பிரதானப்படுத்தி ஆங்கிலம் தெரியவில்லை என்று தாழ்த்தி விடாமல் முன்னோக்கி வளர வேண்டும்.திருவள்ளுவர் திருக்குறளை தமிழ் மொழியில் எழுதினார். தமிழ் மொழியில் எழுதப்பட்ட திருக்குறளை உலக பொதுமறை ஆக போற்றப்படுகிறது. எந்த மொழியில் பேசுகிறோம் என்பது முக்கியமல்ல என்ன பேசுகிறோம் என்பது தான் முக்கியம் என்று மாணவர்களுக்கு அறிவுரை கூறினார். நிறைவாக மாணவர்கள் பங்கேற்ற கலை நிகழ்ச்சிகளும் நடைபெற்றது. இந்நிகழ்வில் 600க்கும் மேற்பட்ட மாணவ, மாணவியர்கள், பேராசிரியர்கள், ஆட்சி மன்ற குழு உறுப்பினர்கள், பழையபாளையம் மகமை உறுப்பினர்கள் ஆகியோர் கலந்து கொண்டனர்.
ராஜபாளையம் ராஜுக்கள் கல்லூரியில் 51 ஆவது பொன்விழா ஆண்டு விளையாட்டு தின விழா கல்லூரி மைதானத்தில் வைத்து சிறப்பாக நடைபெற்றது. கல்லூரி முதல்வர் வெங்கடேஸ்வரன் வரவேற்புரை ஆற்றினார். கல்லூரி ஆட்சி மன்ற குழுச் செயலர் சிங்கராஜ் தலைமை உரையாற்றினார்.விழாவினுடைய சிறப்பு விருந்தினராக அர்ஜுனா விருது, ஆசிய அளவில் தங்கப் பதக்கம் பெற்ற திருநெல்வேலி தமிழ்நாடு மின்சார வாரிய மூத்த விளையாட்டு அலுவலர் மணத்தி கணேசன் கலந்துகொண்டு சிறப்புரை ஆற்றினார். அவர் தனது உரையில், சாதாரண குடும்பத்தில் பிறந்து இந்த அளவிற்கு முன்னேற காரணம் என்றால் விளையாட்டின் மீதான எனது ஆர்வம் அர்ப்பணிப்பும் தான். விளையாட்டின் மூலம் நமது திறமையை வளர்த்து நமது கிராம மண்ணின் பெருமையை உலகறிய செய்யலாம். பல திறமைகளை கொண்டுள்ள நீங்கள் இன்னும் பல பயிற்சிகளை பெற்று சாதனை பெற வேண்டும் என்று வாழ்த்து கூறினார். சீருடை அணிந்த தேசிய மாணவர்களின் படை அணிவகுப்பு நடைபெற்றது. ஆண்களுக்கான ஒட்டுமொத்த மொத்த சாம்பியன் பட்டத்தை பாரதியார் அணியும், பெண்களுக்கான ஒட்டுமொத்த சாம்பியன் பட்டத்தை காவேரி அணியும் வென்றது. தனிநபருக்கான சாம்பியன் பட்டத்தை ஆண்கள் பிரிவில் மணிகண்டன், பெண்கள் பிரிவில் பாப்பாத்தி ஆகியோர் சாம்பியன் பட்டத்தை வென்றனர். மாணவ, மாணவிகளுக்கான கலை நிகழ்ச்சிகளும் நடைபெற்றது. போட்டிகளில் வெற்றி பெற்ற மாணவ, மாணவிகளுக்கு பரிசுகளும், கேடயமும், சான்றிதழும் வழங்கி கௌரவிக்கப்பட்டனர். இந்த கல்வி ஆண்டின் விளையாட்டு அறிக்கையை உடற்கல்வி இயக்குனர் முத்துக்குமார் வாசித்தார். விழாவின் நிறைவாக உடற்கல்வி உதவிப் பேராசிரியை அபிநயா நன்றியுரை கூறினார்.இந்நிகழ்வில் ஆட்சி மன்ற குழு உறுப்பினர்கள் மற்றும் பழையபாளையம் மகமை உறுப்பினர்கள், பேராசிரியர்கள், அலுவலர்கள் மற்றும் மாணவர்கள் ஆகியோர் கலந்து கொண்டனர்.
இராஜபாளையம் ராஜூக்கள் கல்லூரி கலையரங்கத்தில் வைத்துத் தமிழ்த்துறை சார்பாக "நாட்டார் வழக்காற்றியல்"என்ற தலைப்பில் தேசியக் கருத்தரங்கம் நடைபெற்றது. கருத்தரங்கத்திற்கு வந்த அனைவரும் வரவேற்றுத் தமிழ்த்துறைத் தலைவர் திரு.ச.மைதிலிராஜ் அவர்கள் வரவேற்புரை ஆற்றினார். கல்லூரி ஆட்சி மன்றக் குழுச் செயலாளர் முனைவர் எஸ்.சிங்கராஜ் அவர்கள் நிகழ்ச்சியில் பங்கேற்றுத் தலைமையுரை ஆற்றினார்.நிகழ்ச்சியில் கல்லூரி முதல்வர் முனைவர் த.வெங்கடேஸ்வரன் மற்றும் சுயநிதிப் பிரிவு ஒருங்கிணைப்பாளர் முனைவர் பெ.சூரியகலா ஆகியோர் கலந்து கொண்டு அனைவரையும் வரவேற்று வாழ்த்துரை வழங்கினார்கள். கருத்தரங்கத்திற்குச் சிறப்பு விருந்தினர்களாக முனைவர் டி.தருமராஜ் முனைவர் பா.ச.அரிபாபு மற்றும் முனைவர் கு.சக்திலீலா ஆகியோர் கலந்து கொண்டு விழாவைச் சிறப்பித்தனர்.நிகழ்ச்சியில் மதுரை காமராசர் பல்கலைக்கழகத்தின் தேர்வாணையத்தின் தலைவரும், நாட்டுப்புறவியல் மற்றும் பண்பாட்டு ஆய்வுகள் துறைத் தலைவருமான முனைவர் டி.தருமராஜ் அவர்கள் "படிக்காதவர் படித்த புத்தகங்கள்" என்ற தலைப்பில் நாட்டார் வழக்காற்றியலில் உள்ள மக்களின் இன்றைய பழக்க வழக்கங்கள் மற்றும் நாட்டுப்புறவியல் சார்ந்த மக்களின் நம்பிக்கை குறித்துச் சிறப்புரையாற்றினார். அமெரிக்கன் கல்லூரி உதவிப் பேராசிரியர் முனைவர் பா.ச.அரிபாபு அவர்கள் "இராமாயணநாடகம் -சடங்கே நாடகமாதல்" என்ற தலைப்பில் தமிழகத்தில் இன்றைய காலகட்டத்தில் நாட்டார் வழக்காற்றியலில் இராமாயணம், மகாபாரதப் புராணங்கள் எவ்வாறு அரங்கேற்றப்படுகிறது மட்டுமல்லாமல் அக்கருத்துகள் நாட்டார் வழக்காற்றியலோடு எவ்வாறு தொடர்பு படுத்தப்படுகிறது என்பன பற்றி மிகச் சிறப்பாக உரையாற்றினார்.காளீஸ்வரி உதவிப் பேராசிரியர் முனைவர் கு.சக்திலீலா அவர்கள் "பெருந்திரள் வழிபாட்டின் நீட்சி" என்ற தலைப்பில் நாட்டார் வழக்காற்றியலில் உள்ள பெருந்தெய்வ மற்றும் சிறு தெய்வ வழிபாடு குறித்துப் பல அரிய கருத்துக்களைப் பல்வேறுநூல்களில்இருந்துமாணவமாணவியர்களுக்குஎடுத்துரைத்தார்.கருத்தரங்கத்திற்குநாட்டார்வழக்காற்றியலில் பயன்படுத்தப்பட்ட பழம்பெரும் பொருட்கள் காட்சிப் பொருட்களாக வைக்கப்பட்டன.கருத்தரங்கத்திற்குப் பிற கல்லூரிமாணவமாணவிகள்பேராசிரியர்கள்மற்றும்ஆய்வாளர்கள்ஏராளமானோர்கலந்துகொண்டனர்.இந்நிகழ்ச்சியில் தமிழ்த்துறைப் பேராசிரியர்கள்.( சுயநிதிப் பிரிவு ) நிகழ்ச்சியைச் சிறப்பாக ஏற்பாடு செய்து விழாவைச் சிறப்பித்தனர்.
இராஜபாளையம் இராஜூக்கள் கல்லூரியில் முதுகலை ஆங்கிலத் துறையின் சார்பில் நடைபெற்ற மாணவர்களுக்கு இடையிலான ஆங்கில இலக்கிய விழா நடைபெற்றது. ஆங்கிலத்துறை தலைவர் மருதநாயகம் அனைவரையும் வரவேற்று பேசினார்.கல்லூரி முதல்வர் வெங்கடேஸ்வரன் மற்றும் சுயநிதி பிரிவு ஒருங்கிணைப்பாளர் சூர்யகலா வாழ்த்துரை வழங்கினார்கள்.வெற்றி பெற்ற மாணவர்களுக்கு கேடயமும் சான்றிதழையும் கல்லூரி முதல்வர் வெங்கடேஸ்வரன் வழங்கினார். நன்றியுரையை பேராசிரியர் பாண்டிபிரியா வழங்கினார்.விழாவிற்கான ஏற்பாடுகளை துறை பேராசிரியர்கள் செய்திருந்தனர்.
இராஜபாளையம் இராஜூக்கள் கல்லூரி, தமிழ்த்துறை பாரதிய பாஷா சமித், (மத்திய கல்வி அமைச்சகம்) நிதி நல்கையுடன் இணைந்து நடத்தும் ஜெகத்குரு ஸ்ரீசங்கராச்சார்யார் வியாக்ன மாலாசிறப்புரை-பேராசிரியர் C.R. அனந்தராமன், இணைப்பேராசிரியர், துறைத்தலைவர், சமஸ்கிருதத் துறை (ஓய்வு), விவேகானந்த கல்லூரி, திருவேடகம் மேற்கு, மதுரை. வருகை தரு பேராசிரியர், சாஸ்த்ரா பல்கலைக்கழகம், தஞ்சாவூர்.தலைப்பு: ஜெகத்குரு ஸ்ரீசங்கராச்சார்யார்Dr.S.ஸ்ரீதர் சுவாமிநாதன்,,துறைத்தலைவர், உதவிப் பேராசிரியர், சமஸ்கிருதத் துறை, விவேகானந்த கல்லூரி, திருவேடகம் மேற்கு, மதுரை.தலைப்பு: சங்கர திக்விஜயம் 19/03/2024 ,மணி: 10.00 காலை,இடம்: கருத்தரங்க அறைமுனைவர்.ச.சிங்கராஜ், செயலர்,முனைவர்.த.வெங்கடேஸ்வரன் முதல்வர்முனைவர்.வி. கலாவதி ,கருத்தரங்க ஒருங்கிணைப்பாளர், தமிழ்த்துறைத் தலைவர்திருமதி சு சத்யா, திரு.ச.குமார் தமிழ்த்துறை பேராசிரியர்கள்
