25 YEARS OF EXCELLENCE
Weather: -
Tuesday Oct 20, 2026
11:22:10am
Weather: -
Tuesday Oct 20, 2026
11:22:10am
கல்வியில் சிறந்திட, செல்வம் பெருகிட.தொழில் வளம் பெற்றிடஅனைவருக்கும் இனியசரஸ்வதி பூஜைமற்றும் ஆயுத பூஜைநல்வாழ்த்துக்கள்.
உணவு, உடை, குடிநீர், இருப்பிடம், கல்வி, வேலைவாய்ப்பு உள்ளிட்ட அடிப்படைத் தேவைகளும் சமூகப் பாதுகாப்பும் கிடைக்கப் பெறாதவர்கள் வறுமையால் பாதிக்கப்பட்டவர்களாகக் கருதப்படுகின்றனர். உலகில் கோடிக்கணக்கான மக்கள் தீவிர வறுமையில் வாழ்கின்றனர். வறுமையால் பாதிக்கப்படுவது மனித உரிமை மீறலாகும் என பிரான்ஸ் நாட்டைச் சேர்ந்த ஜோசப் ரெசின்ஸ்கி வலியுறுத்தினார். இவரது முயற்சியால், 1987 முதல் ஐக்கிய நாடுகள் சபையின் சார்பில் ஆண்டுதோறும் அக்டோபர் 17-ம் தேதி உலக வறுமை ஒழிப்பு தினம் கடைப்பிடிக்கப்படுகிறது. அனைவருக்கும் அடிப்படை வசதிகளும் பாதுகாப்பான வாழ்விடமும் கிடைக்கச் செய்வதே இத்தினத்தின் முக்கிய நோக்கமாகும்.
தொழில்நுட்ப வளர்ச்சி ஏற்படுவதற்கு முன்பே, மக்களிடையே தகவல்களைப் பரிமாறுவதில் அஞ்சல் சேவை முக்கியப் பங்கு வகித்தது. உலக அஞ்சல் ஒன்றியம் 1874ம் ஆண்டு தொடங்கப்பட்டதை நினைவுகூரும் வகையில், ஒவ்வோர் ஆண்டும் அக். 9ம் தேதி உலக அஞ்சல் தினம் கடைப்பிடிக்கப்படுகிறது.உலகம் முழுவதும் சுமார் 6.60 லட்சம் அஞ்சல் நிலையங்கள் செயல்பட்டு வருகின்றன. மக்களை இணைப்பதிலும், தகவல் தொடர்புச் சேவைகளை அனைவருக்கும் கொண்டு சேர்ப்பதிலும் அஞ்சல் துறை தொடர்ந்து முக்கியப் பங்காற்றி வருகிறது.'ஒரே அஞ்சல் கட்டமைப்பு: எல்லையற்ற சாத்தியக்கூறுகள்' என்பது இந்த ஆண்டின் மையக்கருத்தாகும். நவீன தொழில்நுட்பங்கள் வளர்ந்து வரும் நிலையிலும், அஞ்சல் சேவையின் தேவையையும் அதன் சமூகப் பங்களிப்பையும் எடுத்துரைப்பதே இத்தினத்தின் நோக்கமாகும்.
காந்தி ஜெயந்தி என்பது இந்தியாவின் தேசிய விடுமுறை நாளாகும். இது அண்ணல் மகாத்மா காந்தியின் பிறந்தநாளைக் கொண்டாடும் வகையில் ஒவ்வொரு ஆண்டும் அக்டோபர் 2 அன்று கொண்டாடப்படுகிறது.முக்கியத்துவம்: காந்தியின் அகிம்சை (வளராத வன்முறை) மற்றும் சத்யாகிரகம் (உண்மை வழியிலான போராட்டம்) கொள்கைகளை நினைவுகூருகிறது.சர்வதேச அங்கீகாரம்: ஐக்கிய நாடுகள் சபை இந்நாளை சர்வதேச வன்முறை எதிர்ப்பு தினமாக அறிவித்துள்ளது.கொண்டாட்டம்: புதுடெல்லியில் உள்ள அவரது நினைவிடமான ராஜ் காட்டில் சிறப்பு வழிபாடுகள், மலரஞ்சலி செலுத்துதல் மற்றும் சமுதாய நற்பணிகள் மேற்கொள்ளப்படுகின்றன.
பாதிப்பு: ரேபிஸ் (வெறிநாய் கடி) நோயினால் உலக அளவில் ஆண்டுதோறும் சுமார் 60,000 பேர் உயிரிழக்கின்றனர்.தடுப்பு மருந்து: 1885-ஆம் ஆண்டு பிரான்ஸ் நாட்டைச் சேர்ந்த லூயிஸ் பாஸ்டர் ரேபிஸ் வைரஸிற்கான முதல் தடுப்பூசியைக் கண்டுபிடித்தார்.தினத்தின் நோக்கம்: மருத்துவ உலகில் அவரது இந்த வரலாற்றுச் சிறப்புமிக்க பங்களிப்பைப் போற்றும் வகையில், லூயிஸ் பாஸ்டர் அவர்களின் நினைவு தினமான செப்டம்பர் 28-ஆம் தேதி, ஆண்டுதோறும் உலக ரேபிஸ் தினமாக கடைப்பிடிக்கப்படுகிறது.
மக்களின் உடல்நலத்தை மேம்படுத்துவதில் மருந்தாளுநர்களின் முக்கிய பங்களிப்பை அங்கீகரிக்கும் வகையில், ஆண்டுதோறும் செப்டம்பர் 25-ம் தேதி உலக மருந்தாளுநர் தினம் கடைப்பிடிக்கப்படுகிறது.மருந்தாளுநர்களின் பங்களிப்பு மற்றும் அவர்களின் பணியின் முக்கியத்துவம் குறித்து பொதுமக்களிடையே விழிப்புணர்வை ஏற்படுத்தும் நோக்கத்துடன் இந்த நாள் அனுசரிக்கப்படுகிறது.இந்த ஆண்டின் மையக்கருத்தாக “ஆரோக்கியமான மருந்தாளுநர்களை எதிர்காலத்திற்காக வலுப்படுத்துதல்” என்பது வலியுறுத்தப்படுகிறது.உலகம் முழுவதும் சுமார் 40 லட்சம் மருந்தாளுநர்கள் பணியாற்றி வருகின்றனர். இவர்களில் சுமார் 78 சதவீதம் பேர் பெண்கள் என்பது குறிப்பிடத்தக்கது.மருத்துவர்கள் பரிந்துரைக்கும் மருந்துகளை நோயாளிகளுக்கு சரியான அளவு மற்றும் முறையில் வழங்குவது மருந்தாளுநர்களின் முக்கியப் பணியாகும். மேலும், மருந்துகளை எவ்வாறு பயன்படுத்த வேண்டும், அதன் அளவு மற்றும் பயன்பாடு தொடர்பான வழிமுறைகளை நோயாளிகளுக்கு எடுத்துரைப்பதிலும் மருந்தாளுநர்கள் முக்கிய பங்காற்றுகின்றனர்.மக்களின் பாதுகாப்பான மற்றும் தரமான மருத்துவப் பராமரிப்பில் மருந்தாளுநர்களின் பங்களிப்பை நினைவுகூரும் நாளாக உலக மருந்தாளுநர் தினம் கடைப்பிடிக்கப்படுகிறது.
மதுரை மீனாட்சி அம்மன் கோயிலில் 17 ஆண்டுகளுக்குப் பிறகு இன்று (செப். 17) கும்பாபிஷேகம் வெகு விமரிசையாக நடைபெறுகிறது. காலை 7.40 மணி முதல் 8.10 மணிக்குள் கும்பாபிஷேகம் நடைபெற உள்ள நிலையில், தங்கள் வீட்டு விழாவாகக் கருதி லட்சக்கணக்கான பக்தர்கள் மதுரையில் திரண்டுள்ளனர்.பக்தர்களின் பாதுகாப்பை உறுதி செய்யும் வகையில் அனைத்து துறைகளும் ஒருங்கிணைந்து விரிவான ஏற்பாடுகளை செய்துள்ளன. எந்தவித அசம்பாவிதமும் ஏற்படாத வகையில் பாதுகாப்பும் பலப்படுத்தப்பட்டுள்ளது.கும்பாபிஷேகத்தை முன்னிட்டு மதுரைக்கு இன்று உள்ளூர் விடுமுறை அறிவிக்கப்பட்டுள்ளது. கும்பாபிஷேகத்தை நேரில் தரிசிக்க கோயில் மேல்தளத்தில் 9,000 பக்தர்களுக்கு அனுமதி வழங்கப்பட்டுள்ளது.காலை 10 மணிக்குப் பிறகு பொதுத் தரிசனத்திற்காக பக்தர்கள் கோயிலுக்குள் அனுமதிக்கப்பட உள்ளனர். 17 ஆண்டுகளுக்குப் பிறகு நடைபெறும் இந்த சிறப்புமிக்க கும்பாபிஷேகத்தை காண மதுரை முழுவதும் விழாக்கோலம் பூண்டுள்ளது.
ஒவ்வொரு கடவுளுக்கும் ஒவ்வொரு மலர் அல்லது இலை விசேஷமாகக் கருதப்பட்டு படைக்கப்படுகிறது. சிவபெருமானுக்கு வில்வம், பெருமாளுக்கு துளசி, அனுமனுக்கு வெற்றிலை, அம்மனுக்கு வேப்பிலை என வழிபாட்டில் முக்கியத்துவம் பெற்றுள்ளன. அதுபோல விநாயகப் பெருமானுக்கு மிகவும் உகந்ததாக அருகம்புல் கருதப்படுகிறது.முன்னொரு காலத்தில் அனலாசுரன் என்ற அசுரன் இருந்ததாக புராணங்கள் கூறுகின்றன. அவன் தனது உடலில் இருந்து நெருப்பைக் கக்கி, தேவர்கள், முனிவர்கள் மற்றும் மக்களைத் துன்புறுத்தி வந்தான். இதனால் கவலை அடைந்த தேவர்கள், விநாயகப் பெருமானிடம் சென்று முறையிட்டனர்.தேவர்களின் வேண்டுகோளை ஏற்ற விநாயகர், அனலாசுரனுடன் போரிட்டார். விநாயகர் ஏவிய அனைத்து ஆயுதங்களையும் அனலாசுரன் நெருப்பைப் பயன்படுத்தி சாம்பலாக்கினான். இதையடுத்து விநாயகர், அனலாசுரனை சிறிய உருவமாக மாற்றி விழுங்கிவிட்டார்.ஆனால் அனலாசுரனின் கடுமையான வெப்பத்தால் விநாயகரின் வயிறு எரிச்சலடைந்தது. இதனால் அவர் வேதனை அடைந்தார்.விநாயகரை குளிர்விக்க தேவர்கள் பல்வேறு முயற்சிகளை மேற்கொண்டனர். வருண பகவான் மழையைப் பொழிந்தார். இந்திரன் சந்தனத்தைப் பூசினார். அன்னை பார்வதி, பாற்கடலை விநாயகர் பக்கம் திருப்பிவிட்டார். சிவபெருமான் குளிர்ச்சியான பாம்பை விநாயகரின் இடுப்பைச் சுற்றிக் கட்டினார். ஆனால் இவை அனைத்தும் பலனளிக்கவில்லை.இதையடுத்து தேவர்கள், காஷ்யப முனிவரின் உதவியை நாடினர். காஷ்யப முனிவர் 21 அருகம்புல் கற்றைகளை விநாயகரின் தலையில் வைத்தார். உடனே விநாயகரின் உடல் வெப்பம் தணிந்ததாக கூறப்படுகிறது.இதனால் மகிழ்ந்த விநாயகப் பெருமான், அருகம்புல்லைத் தனது வழிபாட்டில் சிறப்பிடம் பெறச் செய்ததாக ஐதீகம். அன்றுமுதல் விநாயகர் வழிபாட்டில் அருகம்புல் முக்கிய இடம் பிடித்ததாக புராணங்கள் தெரிவிக்கின்றன.
கல்லை உளியால் செதுக்கி உருவம் கொடுப்பது சிற்பி என்றால்.மாணவர்களை சொல்லால் செதுக்கி உருவாக்குவது சிறப்புமிக்க நமது நல்ஆசிரியர்களே, உலகில் இரண்டு புனிதமான இடங்கள் உண்டு.ஒன்று தாயின் கருவறை. இன்னொன்று ஆசிரியரின் வகுப்பறை.தாயின் கருவறையில் ஒருவன் உயிரை பெறுகிறான் ஆசிரியரின் வகுப்பறையில் அவன் அறிவை பெறுகிறான்.பெற்றப்பிள்ளையைவிட தன்னிடம் கற்றப்பிள்ளையின் உயர்வைப்பார்த்து மகிழ்வது ஆசரியர் இனம் மட்டுமே. செப்டம்பர் 5 மதிப்புமிக்க இந்நாளில் அவர்களை போற்றி வணங்குவோம்.
அதர்மம் அதிகரிக்கும் போதெல்லாம் தர்மத்தை நிலைநாட்ட இறைவன் அவதாரம் எடுப்பதாக நம்பப்படுகிறது. துவாபர யுகத்தில் அவதரித்த ஸ்ரீ கிருஷ்ணரின் பிறந்தநாள் ஜன்மாஷ்டமியாக ஆண்டுதோறும் பக்தர்களால் கொண்டாடப்படுகிறது.2026ஆம் ஆண்டு ஸ்ரீ கிருஷ்ண ஜன்மாஷ்டமி செப்டம்பர் 4ஆம் தேதி, வெள்ளிக்கிழமை கொண்டாடப்படுகிறது. இந்த நாளில் கிருஷ்ணர் கோயில்களில் சிறப்பு பூஜைகள், அபிஷேகம், பஜனைகள் மற்றும் கீர்த்தனைகள் நடைபெறும். பூஜைக்கான சுப நேரம்.ஜன்மாஷ்டமி பூஜைக்கான முக்கிய நேரம் செப்டம்பர் 4 இரவு 11:57 மணி முதல் செப்டம்பர் 5 அதிகாலை 12:43 மணி வரை எனக் குறிப்பிடப்பட்டுள்ளது. நள்ளிரவில் லட்டு கோபாலருக்கு அபிஷேகம் செய்து, புதிய ஆடைகள் அணிவித்து, மலர்கள் மற்றும் துளசியால் அலங்கரித்து, வெண்ணெய், பழங்கள் மற்றும் இனிப்புகளை நைவேத்தியமாகப் படைப்பது வழக்கம். தஹி ஹண்டி.குழந்தை கிருஷ்ணர் வெண்ணெய் திருடியதை நினைவுகூரும் வகையில், குறிப்பாக மகாராஷ்டிரா மற்றும் கோவாவில் தஹி ஹண்டி விழா உற்சாகமாக கொண்டாடப்படுகிறது. இளைஞர்கள் மனித பிரமிட் அமைத்து உயரத்தில் கட்டப்பட்ட தயிர் அல்லது வெண்ணெய் பானையை உடைப்பது இதன் சிறப்பாகும்.சேவையும் தானமும்.ஜன்மாஷ்டமி என்பது கிருஷ்ணரின் பிறப்பைக் கொண்டாடும் நாள் மட்டுமல்ல; அன்பு, தர்மம், கருணை மற்றும் மனிதநேயத்தை வாழ்க்கையில் கடைப்பிடிக்க நினைவூட்டும் நாளாகவும் பார்க்கப்படுகிறது.இந்த புனித நாளில் தேவையுள்ளவர்களுக்கு உணவு வழங்குதல், தானம் செய்தல் மற்றும் பிறருக்கு உதவுதல் போன்ற நற்பணிகளில் ஈடுபடலாம்.அன்பை வளர்ப்போம்… தர்மத்தை நிலைநாட்டுவோம்…ஜெய் ஸ்ரீ கிருஷ்ணா.
