ஆன்மீகம்

'திருப்பதிக்கு சென்றால் திருப்பங்கள் உண்டாகும். ராசிகள்.

ஆன்மீகம்

Oct 16, 2026

'திருப்பதிக்கு சென்றால் திருப்பங்கள் உண்டாகும். ராசிகள்.

மேஷம், ரிஷபம், மிதுனம், கடகம், கன்னி, துலாம், விருச்சிகம், மகரம், மீனம் இந்த 9 ராசிக்காரர்கள் திருப்பதி கோவிலுக்கு செல்வதற்கு ஒரு உண்டியலில் சனி தோரைக்கு பணத்தை சேமித்து, அதில் சேர்த்திருக்கும் பணத்தை வைத்து பயணம் மேற்கொண்டால், எப்பேற்பட்ட கடனும் தவிடு பொடியாகிவிடும்.அப்படிப்பட்ட சக்தி சனி தோரைக்கும் திருப்பதிக்கும் உண்டு, அதுமட்டுமல்ல, சந்த்ரனுடைய சக்தி மிகுந்த கோவிலாக திருப்பதி கோவில் இருப்பதால், நமக்கு மன நிம்மதி கிடைப்பதோடு, சந்திரனால் ஏற்பட்ட தோஷம் நீங்கும்.இங்கு வருடத்தில் 365 நாட்களில் 360 நாட்கள் திருவிழாக்களும், உற்சவமும் திருப்பதியை தவிர வேறு எங்கும் நடப்பதில்லை.அதனாலேயே திருப்பதியை “வைகுண்ட பூலோகம்" என்று ஜந்து புராணங்களில் சொல்லப்படுகிறது.நாம் எவ்வளவு தான் திருப்பதிக்கு செல்ல முயற்சி செய்தாலும், பல தடைகள் வரக்கூடும். திருப்பதிக்கு செல்ல அவனுடைய அருள் இருந்தால் மட்டுமே, இது சாத்தியப்படும்.

அருள்மிகு ஸ்ரீஸ்ரீ பர்வதவர்த்தினீ ஸமேத ஸ்ரீ ராமலிங்கேஸ்வர ஸ்வாமி திருக்கோவில் நவராத்திரி உற்சவம்.

ஆன்மீகம்

Oct 09, 2026

அருள்மிகு ஸ்ரீஸ்ரீ பர்வதவர்த்தினீ ஸமேத ஸ்ரீ ராமலிங்கேஸ்வர ஸ்வாமி திருக்கோவில் நவராத்திரி உற்சவம்.

நிகழும் மங்களகரமான பராபவ வருடம் புரட்டாசி மாதம் 24-ம் தேதி (11-10-2026) ஞாயிற்றுக்கிழமை முதல் ஐப்பசி மாதம் 03-ம் தேதி (20-10-2026) செவ்வாய்க்கிழமை வரை நவராத்திரி விழா சிறப்பாக நடைபெற உள்ளது. சர்வ சமுத்ர அக்ரஹாரம், இராஜபாளையம்.நாள்11.10.2026 ஞாயிற்றுக்கிழமை - பிராஹ்மீ12.10.2026 திங்கள்கிழமை -மாஹேஸ்வரீ13.10.2026 செவ்வாய்க்கிழமை -கௌமாரீ14.10.2026 புதன்கிழமை - வைஷ்ணவீ15.10.2026 வியாழக்கிழமை - ஐந்த்ரீ16.10.2026 வெள்ளிக்கிழமை - புவனேஸ்வரீ17.10.2026 சனிக்கிழமை -கோவிந்த ரூபிணீ18.10.2026 (துர்க்காஷ்டமி)ஞாயிற்றுக்கிழமை - ஸ்ரீ துர்க்கா பரமேஸ்வரீ19.10.2026 (சரஸ்வதீ பூஜை)திங்கள்கிழமை - ஸ்ரீ மஹாஸரஸ்வதீ20.10.2026 (விஜயதசமி)செவ்வாய்க்கிழமை -மாலை 6 மணிக்கு காலபைரவர் அபிஷேகம்-------- அக்ஷராப்யாஸம்"ஸரஸ்வதி நமஸ்துப்யம் வரதே காமரூபிணீ! வித்யாரம்பம் கரிஷ்யாமி சித்திர்பவது மே ஸதா"!!நிகழும் மங்களகரமான பராபவ வருடம் ஐப்பசி மாதம் 03-ம் தேதி (20-10-2026) விஜயதசமி நன்னாளாகிய செவ்வாய்க்கிழமை காலை 7.00 மணி முதல் 8.00 மணிக்குள் நமது திருக்கோவிலில் அமைந்துள்ள அம்பாள் சந்நிதிக்கு முன்பாக அக்ஷராப்யாஸம் சிறப்பாக நடைபெற உள்ளது.அக்ஷராப்யாஸம் செய்து கொள்ளக்கூடிய குழந்தைகள் தாம்பாளம், வாழைப்பழம், வெற்றிலை பாக்கு, உதிரிபுஷ்பம், சரம், பச்சரிசி மற்றும் ஒரு ரூபாய் நாணயம் ஆகியவற்றுடன் காலை 6.00 மணிக்குள் கொண்டு வந்து அம்பாளின் அருள் பெற்றுய்யுமாறு கேட்டுக் கொள்கிறோம்.இப்படிக்கு "குருபக்தமணி"பி.ஆர். வெங்கட்ராம ராஜா பரம்பரை அறங்காவலர்

அருள்மிகு ஸ்ரீ சாரதாம்பாள் திருக்கோவில்.ஸ்ரீ சாரதா சரண் நவராத்ரி உற்சவம்

ஆன்மீகம்

Oct 09, 2026

அருள்மிகு ஸ்ரீ சாரதாம்பாள் திருக்கோவில்.ஸ்ரீ சாரதா சரண் நவராத்ரி உற்சவம்

(ஸ்ரீ சிருங்கேரி ஸ்ரீ சாரதா பீடத்தின் இராஜபாளையம் கிளை)ஸ்ரீ வித்யாதீர்த்தபுரம், தெற்கு வெங்காநல்லூர் சாலை, இராஜபாளையம்.(11.10.2026- 20.10.2026) நமது நூதன திருக்கோவிலில் சிருங்கேரி ஸ்ரீ சாரதா பீடத்தின் ஜகத்குரு ஸ்ரீஸ்ரீ பாரதீதீர்த்த மஹாஸ்வாமிகள், ஜகத்குரு ஸ்ரீஸ்ரீ விதுசேகர பாரதீ ஸ்வாமிகள் ஆகியோர்களின் பரிபூர்ண அனுக்ரஹத்துடன்10.10.2026 சனிக்கிழமை காலை 8.00 மணிக்கு மேல் ஸ்ரீசாரதாம்பாள் மஹா அபிஷேகம், ஜெகத்ப்ரஸுதிகா அலங்காரம். 11.10.2026 ஞாயிற்றுக்கிழமை முதல் 20.10.2026 செவ்வாய்க்கிழமை வரைஸ்ரீ சாரதா சரண் நவராத்ரி உற்சவம் கீழ்க்கண்டவாறு தினசரி நடைபெற உள்ளன. காலை 6.00 9.00 மணிநித்ய பூஜைகள் ஸ்ரீ ஆதிசங்கரபகவத்பாதாசாரியர் பூஜைகள்) (ஸ்ரீராஜகணபதி,ஸ்ரீ நவாவரண,காலை 9.00 - 12.00 வரை ஸ்ரீ தேவீமஹாத்ம்ய பாராயணம் காலை 5.00 - 7.00 வரை நித்ய பூஜைகள் (அஷ்டோத்ர, த்ரிசதீ, ஸஹஸ்ரநாம பாராயணங்கள்)இரவு 7 மணி ரதோற்சவம் ..... 19.10.2026 திங்கள்கிழமை காலை திருக்கோவிலில் வெளிப்பிரகாரத்தில் அமைந்துள்ள யாகசாலையில் மஹாகணபதி ஹோமமும், மஹாசண்டி ஹோமமும், சுமங்கலி, கன்யா பூஜைகளும் சிறப்பாக நடைபெற ஏற்பாடு செய்யப்பட்டு உள்ளன.ஸ்ரீ சாரதா சரண் நவராத்ரி ஒருநாள் பூஜைக்கு ரூ.3000/.நவராத்ரி பூஜைக்கு கட்டளைதாரராக விரும்பும் ஆஸ்தீக மஹாஜனங்கள் திருக்கோவில் அர்ச்சகர் அல்லது 9003273690 என்ற தொலைபேசியிலோ தொடர்பு கொள்ளவும். ...... 11.10.2026 ஞாயிற்றுக்கிழமை - ஹம்ஸ வாகனம் 12.10.2026 திங்கள்கிழமை - காமதேனு வாகனம்13.10.2026 செவ்வாய்க்கிழமை - ரிஷப வாகனம் 14.10.2026 புதன்கிழமை - மயூர வாகனம் 15.10.2026 வியாழக்கிழமை -கருட வாகனம்16.10.2026 வெள்ளிக்கிழமை - கஜ வாகனம் 17.10.2026 சனிக்கிழமை -வீணா சாரதா அலங்காரம்18.10.2026 ஞாயிற்றுக்கிழமை - (துர்க்காஷ்டமி) - ஸிம்ஹ வாகனம்19.10.2026 திங்கள்கிழமை (சரஸ்வதீ பூஜை) - கஜலக்ஷ்மீ 20.10.2026 செவ்வாய்க்கிழமை (விஜயதசமி) - கஜலக்ஷ்மீ ....... அக்ஷராப்யாஸம்.'ஸரஸ்வதி நமஸ்துப்யம் வரதே காமரூபிணீ! வித்யாரம்பம் கரிஷ்யாமி சித்திர்பவது மே ஸதா"!!நிகழும் மங்களகரமான பராபவ வருடம் ஐப்பசி மாதம் 03-ம் தேதி (20-10-2026) விஜயதசமி நன்னாளாகிய செவ்வாய்க்கிழமை காலை 7.00 மணி முதல் 8.00 மணிக்குள் நமது திருக்கோவிலில் அமைந்துள்ள சாரதாம்பாள் சந்நிதிக்கு முன்பாக அக்ஷராப்யாஸம் சிறப்பாக நடைபெற உள்ளது.அக்ஷராப்யாஸம் செய்து கொள்ளக்கூடிய குழந்தைகள் தாம்பாளம், வாழைப்பழம், வெற்றிலை பாக்கு, உதிரிபுஷ்பம், சரம், பச்சரிசி மற்றும் ஒரு ரூபாய் நாணயம் ஆகியவற்றுடன் காலை 6.00 மணிக்குள் கொண்டு வந்து ஸ்ரீ சாரதாம்பாளின் அருள் பெற்றுய்யுமாறு கேட்டுக் கொள்கிறோம்.இந்த சரண் நவராத்ரி பூஜைகளில் அனைவரும் கலந்து கொண்டு ஸ்ரீ சாரதாம்பாளின் திருவருளுக்கு பாத்திரராகும்படி கேட்டுக்கொள்கிறோம்.இப்படிக்கு "குருபக்தமணி"பி.ஆர். வெங்கட்ராம ராஜா தலைவர் - ஸ்ரீ சாரதா சமிதி

அருள்மிகு சொக்கர் கோவில் என்ற ஸ்ரீ மீனாக்ஷி சுந்தரேஸ்வரர் திருக்கோவில் நவராத்திரி உற்சவம்

ஆன்மீகம்

Oct 09, 2026

அருள்மிகு சொக்கர் கோவில் என்ற ஸ்ரீ மீனாக்ஷி சுந்தரேஸ்வரர் திருக்கோவில் நவராத்திரி உற்சவம்

(11.10.2026 - 20.10.2026) நிகழும் மங்களகரமான பராபவ வருடம் புரட்டாசி மாதம் 24-ம் தேதி (11-10-2026) ஞாயிற்றுக்கிழமை முதல் ஐப்பசி மாதம் 03-ம் தேதி (20-10-2026) செவ்வாய்க்கிழமை வரை நவராத்திரி விழா சிறப்பாக நடைபெற உள்ளது.அனைவரும் மன அமைதியும், வளமும், நலமும் பெற்று இன்புற்றிருக்க நவராத்திரி நன்னாளில் வழிபட்டு அருள் பெற்றுய்ய அன்புடன் அழைக்கிறோம்.11.10.2026 ஞாயிற்றுக்கிழமை - ஸ்ரீ ராஜராஜேச்வரீ - மங்கள இசை12.10.2026 திங்கள்கிழமை - ஸ்ரீ மீனாக்ஷி - ஸ்ரீமதி ராதிகா அவர்களின் மாணவிகள் வழங்கும் வாய்ப்பாட்டு13.10.2026 செவ்வாய்க்கிழமை - ஸ்ரீ அன்னபூர்ணா - ஸ்ரீமதி ஐஸ்வர்யா அவர்களின் மாணவியர் வழங்கும் பரதநாட்டியம்14.10.2026 புதன்கிழமை - ஸ்ரீ தான்யலக்ஷ்மீ - ஸ்ரீ அன்னப்பராஜா அவர்களின் மாணவ மாணவியர் வழங்கும் கீபோர்டு15.10.2026 வியாழக்கிழமை - அனந்தசயனம் - ஸ்ரீ கோகுல்நாத் அவர்களின் மாணவ மாணவியர் வழங்கும் வாய்ப்பாட்டு & மிருதங்கம்16.10.2026 வெள்ளிக்கிழமை - ஸ்ரீ தக்ஷிணாமூர்த்தி ரூபிணி - ஸ்ரீ P.M.பாலு அவர்களின் மாணவியர் வழங்கும் வாய்ப்பாட்டு17.10.2026 சனிக்கிழமை - ஸ்ரீ துர்கா, லக்ஷ்மீ, ஸரஸ்வதி - ஸ்ரீ முருகன் அவர்களின் மாணவ மாணவியர் வழங்கும் வயலின் & வாய்ப்பாட்டு18.10.2026 ஞாயிற்றுக்கிழமை - ஸ்ரீ மஹிஷாசுரமர்த்தினி - துர்க்காஷ்டமி19.10.2026 திங்கள்கிழமை (சரஸ்வதீ பூஜை) - ஸ்ரீ சிவபூஜா ரூபிணி - முனைவர் S.B.பத்மசங்கர் அவர்களின் மாணவியர் வழங்கும் வீணை20.10.2026 செவ்வாய்க்கிழமை (விஜயதசமி) - ஸ்ரீ மீனாக்ஷி கல்யாண அலங்காரம் - வாழும் கலைக் குழுவினர், இராஜபாளையம்........ அக்ஷராப்யாஸம்"ஸரஸ்வதி நமஸ்துப்யம் வரதே காமரூபிணீ! வித்யாரம்பம் கரிஷ்யாமி சித்திர்பவது மே ஸதா"!!நிகழும் மங்களகரமான பராபவ வருடம் ஐப்பசி மாதம் 03-ம் தேதி (20-10-2026) விஜயதசமி நன்னாளாகிய செவ்வாய்க்கிழமை காலை 7.00 மணி முதல் 8.00 மணிக்குள் நமது திருக்கோவிலில் அமைந்துள்ள வித்யாஸரஸ்வதி சந்நிதிக்கு முன்பாக அக்ஷராப்யாஸம் சிறப்பாக நடைபெற உள்ளது.அக்ஷராப்யாஸம் செய்து கொள்ளக்கூடிய குழந்தைகள் தாம்பாளம்,. வாழைப்பழம், வெற்றிலை பாக்கு, உதிரிபுஷ்பம், சரம், பச்சரிசி மற்றும் ஒரு ரூபாய் நாணயம் ஆகியவற்றுடன் காலை 6.00 மணிக்குள் கொண்டு வந்து வித்யாஸரஸ்வதியின் அருள் பெற்றுய்யுமாறு கேட்டுக் கொள்கிறோம்...........குறிப்பு:நவராத்திரியை முன்னிட்டு ஒவ்வொரு நாளும் காலை 7.00-9.00 மணி வரை ஸப்தஸதீ பாராயணம் நடைபெற உள்ளது.மாலை சிறப்பு பூஜையும் நடைபெற உள்ளது.ஸப்தஸதீ பாராயண ஸங்கல்பத்திற்கு நாளொன்றுக்கு ரூ 1000/-.இத்திருக்கோவிலில் 18-10-2026 ஞாயிற்றுக்கிழமை துர்க்காஷ்டமி அன்று மாலை 6.00 மணிக்கு நடைபெறும் சிறப்பு திருவிளக்கு பூஜையில் பங்கு கொண்டு அனைத்து நலங்களும் பெற்றுய்ய கேட்டுக்கொள்கிறோம்.துர்க்காஷ்டமியன்று திருவிளக்கு பூஜை செய்வது சிறந்த பலனைத்தரும்.திருவிளக்கு பூஜை கட்டணம் ரூ 25/-.நவராத்திரி பூஜை கட்டளைதாரராக விரும்புபவர்கள் ரூ 3000/-நன்கொடையளித்து திருக்கோவிலில் முன்பதிவு செய்து கொள்ளவும்.(மேலும் விவரங்களுக்கு திருக்கோவில்அர்ச்சகருடன் அல்லது 9003273690என்ற தொலைபேசியிலோ தொடர்பு கொள்ளவும்). இப்படிக்கு "குருபக்தமணி" பி.ஆர். வெங்கட்ராம ராஜா பரம்பரை அறங்காவலர்.

பக்தர்களை வா என அழைத்து அருளும் சுந்தரராஜப்பெருமாள்,

ஆன்மீகம்

Oct 02, 2026

பக்தர்களை வா என அழைத்து அருளும் சுந்தரராஜப்பெருமாள்,

பக்தர்களை வா என அழைத்து அருளும் சுந்தரராஜப்பெருமாள், சிவகங்கை மாவட்டம் வேம்பத்துாரில் கோயில் கொண்டிருக்கிறார். இங்கு தரப்படும் மந்திர விபூதியைப் பூசினால் நோய் தீரும்.கவிகால ருத்ரர் என்ற புலவரின் கனவில் தோன்றிய பெருமாள் அடியெடுத்துக் கொடுத்து பாடுவதற்கு அருள்புரிந்தார். இதன் அடிப்படையில் மன்னர் ஜடாவர்ம குலசேகரன் கோயிலைக் கட்டினார்.சுந்தரராஜப்பெருமாள் என சுவாமிக்கு திருநாமம் சூட்டப்பட்டது. ஆகூய் வரதராக' இங்கு அருள்புரிகிறார். 'இடதுகையால் வா என அழைத்து வலதுகையால் அருள்புரிபவர்' என பொருள். இடதுகை விரல்களை வளைத்து பக்தர்களை அருகில் அழைத்து வலது கையால் வரம் தருபவராக இருக்கிறார். மேலிரு கைகளில் சங்கு, சக்கரம் உள்ளன. மார்பில் மகாலட்சுமி இருக்கிறாள். பூமிதேவி, நீளாதேவி அருகில் உள்ளனர்.இங்கு தரிசித்தவருக்கு வைகுண்டத்தை தரிசித்த புண்ணியம் சேரும் என்பதால் இத்தலம் 'விண்ணகரம்' எனப்படுகிறது. இங்கு சுதர்சன சக்கரத்தை விபூதியில் வைத்து விஷ்ணு சகஸ்ர நாமம், சுதர்சன மந்திரங்களை ஜபிக்கின்றனர். சாயந்தர பூஜை முடிந்ததும் நோய் தீர்க்கும் பிரசாதமான மந்திர விபூதி தரப்படுகிறது. விருப்பம் நிறைவேற வராகருக்கு பூப்பந்தல் இட்டு நேர்த்திக்கடன் செலுத்துகின்றனர். ஹயக்ரீவர், கருடாழ்வார், ஆஞ்சநேயர், சுந்தரராஜ விநாயகர், பதினெட்டாம்படி கருப்பண்ணசுவாமிக்கு சன்னதிகள் உள்ளன.பாண்டிய மன்னரின் சார்பாக 2008 அந்தணர்களுக்கு தானம் செய்ய ஏற்பாடானது. அதில் ஒருவர் மட்டும் குறைந்ததால், வேம்பத்துார் குளக்கரை விநாயகரே அந்தணராக வந்து தானம் பெற்றார். இதன் அடிப்படையில் குளக்கரை விநாயகரோடு மற்றொரு விநாயகரும் இருக்கிறார். 'இரண்டாயிரத்தெண் விநாயகர்' என்னும் இவரை நீரில் மூழ்க பொழியும். 'இரண்டாயிரத்தெண்' வைத்து வருண ஜபம் செய்தால் மழை பொழியும்.'இரண்டாயிரத்தெண் ' என்பதற்கு இரண்டாயிரத்து எட்டு என பொருள்.

ஆன்மீகம்

Sep 25, 2026

டில்லி பாலாஜி மந்திர்.

டில்லி ராமகிருஷ்ணபுரத்தில் அமைந்துள்ள ஸ்ரீ வெங்கடேஸ்வரா (பாலாஜி) மந்திர், திருப்பதி ஏழுமலையானை நினைவூட்டும் சிறப்புமிக்க வைணவத் திருத்தலமாக விளங்குகிறது. திருப்பதியைப் போலவே இங்கும் பக்தர்கள் முடிக்காணிக்கை செலுத்தும் வழக்கம் உள்ளது.சுமார் 50 ஆண்டுகளுக்கு முன்பு வேலைவாய்ப்பு மற்றும் குடும்பச் சூழ்நிலை காரணமாக டில்லியில் குடியேறிய தென்னிந்திய மக்கள் ஒன்றிணைந்து இக்கோயிலை அமைத்து வழிபட்டு வந்தனர். பின்னர் நீதிபதி ராஜகோபால அய்யங்கார் தலைமையில் ராஜகோபுரம், அர்த்த மண்டபம், மகா மண்டபம் ஆகியவை கட்டப்பட்டு கும்பாபிஷேகம் நடைபெற்றது. தற்போது ஸ்ரீ வெங்கடேஸ்வரா மந்திர் சொசைட்டி கோயில் நிர்வாகத்தை மேற்கொண்டு வருகிறது.கோயிலின் ஐந்து நிலைகளைக் கொண்ட ராஜகோபுரம் கம்பீரமாக காட்சியளிக்கிறது. கருவறையில் சீனிவாசப் பெருமாள் மூலவராக அருள்பாலிக்கிறார். அலர்மேல் மங்கைத் தாயாருக்கு தனிச் சன்னதி அமைந்துள்ளது.கோயிலின் முன்புறத்தில் 41 அடி உயரமுள்ள கொடிமரம் செப்புக் கவசத்துடன் அமைந்துள்ளது. பிரகாரத்தில் ஆண்டாள், ஹனுமன், ஆழ்வார்கள், நிகமாந்த மகாதேசிகன், லட்சுமி நரசிம்மர், சுதர்சனாழ்வார், ஹயக்ரீவர், கோபாலர், ஆதிவராகர் உள்ளிட்ட பல்வேறு சன்னதிகள் உள்ளன. கோயிலில் அமைந்துள்ள கண்ணாடி அறையும் தனித்துவமான கலைநயத்துடன் காணப்படுகிறது.இத்தலத்தின் தலவிருட்சமாக மூன்று ஆண்டுகளுக்கு ஒருமுறை காய்க்கும் மாமரம் கருதப்படுகிறது. கோயில் வளாகத்தில் உள்ள நந்தவனத்திலேயே பூஜைக்குத் தேவையான மலர்கள் மற்றும் துளசி வளர்க்கப்பட்டு சேகரிக்கப்படுகின்றன. நம்மாழ்வார் சன்னதியின் மீது குடை விரித்தது போல் காணப்படும் மகிழ மரமும் இத்தலத்தின் சிறப்புகளில் ஒன்றாகும்.சித்ரா பவுர்ணமி அன்று இங்கு கஜேந்திர மோட்ச விழா சிறப்பாக நடைபெறுகிறது. வசந்த மண்டபத்தின் அருகில் கஜேந்திரன் என்ற யானையின் சிலை உள்ளது. அதன் அருகிலுள்ள தொட்டியில் நீர் நிரப்பப்பட்டு, யானை நீராட வரும் ஐதீகம் நிகழ்த்தப்படுகிறது. அப்போது பெருமாள் கருட வாகனத்தில் எழுந்தருளி வீதியுலா வருகிறார்.கார்த்திகை மாதம் உத்திரட்டாதி நட்சத்திரத்தில் நடைபெறும் வார்ஷீக விழாவும் முக்கியமானது. அன்று காலையில் சிறப்பு அபிஷேகமும், மாலையில் வீதியுலாவும் நடைபெறும். ஒவ்வொரு செவ்வாய்க்கிழமையும் ஹனுமனுக்கு அபிஷேகம் செய்யப்படுகிறது. மார்கழி மாத மூல நட்சத்திரத்தன்று ஹனுமனுக்கு வடைமாலை சேவையும் நடைபெறுகிறது.தங்களது வேண்டுதல்கள் நிறைவேற வேண்டும் என்பதற்காக பக்தர்கள் சனிக்கிழமைகளில் அங்கப்பிரதட்சணம் செய்கின்றனர். கோயிலுடன் செயல்படும் பாடசாலையில் நாலாயிர திவ்யப் பிரபந்தம் மற்றும் ஆழ்வார்களின் வரலாறு ஆகியவை பக்தர்களுக்கு கற்றுத் தரப்படுகின்றன. தினமும் காலையில் நடைபெறும் விஸ்வரூப தரிசனத்தின்போது கோபூஜையும் நடைபெறுகிறது.புரட்டாசி சனிக்கிழமைகள், வைகுண்ட ஏகாதசி, பங்குனி உத்திரம் ஆகியவை இக்கோயிலில் சிறப்பாகக் கொண்டாடப்படும் முக்கிய நாட்களாகும்.டில்லியில் இருந்து காந்தி மார்க்கம் வழியாகச் சென்றால் இக்கோயில் சுமார் 22 கி.மீ. தொலைவில் அமைந்துள்ளது.

சொத்து பிரச்சினைக்கு வழிபடும் தெய்வம் கரூர் மாவட்டம் மாயனூரில் அமைந்துள்ள செல்லாண்டியம்மன் கோயில்.

ஆன்மீகம்

Sep 18, 2026

சொத்து பிரச்சினைக்கு வழிபடும் தெய்வம் கரூர் மாவட்டம் மாயனூரில் அமைந்துள்ள செல்லாண்டியம்மன் கோயில்.

கரூர் மாவட்டம் மாயனூரில் அமைந்துள்ள செல்லாண்டியம்மன் கோயில், அப்பகுதி மக்களின் காவல் தெய்வமாக விளங்குகிறது. சேர, சோழ, பாண்டிய மன்னர்களுக்கு இடையே ஏற்பட்ட எல்லைப் பிரச்சினையின்போது செல்லாண்டியம்மன் காட்சியளித்து தீர்ப்பு வழங்கியதாக ஐதீகம் கூறப்படுகிறது.சொத்து தொடர்பான பிரச்சினைகள் தீர வேண்டும் என வேண்டுபவர்கள் செவ்வாய்க்கிழமைகளில் அம்மனுக்கு செவ்வரளி மாலை சாத்தி வழிபடுகின்றனர். குழந்தை வரம் வேண்டுபவர்கள் தொடர்ந்து மூன்று அமாவாசை நாட்களில் அம்மன் சன்னதியில் மரத்தொட்டி கட்டி வழிபடுவதாகவும் கூறப்படுகிறது.கோயில் வளாகத்தில் துர்கை, கருப்பண்ணசாமி, மதுரைவீரன் உள்ளிட்ட தெய்வங்களுக்கும் சன்னதிகள் உள்ளன. ஆடிப்பெருக்கு விழாவின்போது பக்தர்கள் முளைப்பாரி எடுத்துவந்து அம்மனை வழிபடுகின்றனர்.மேலும், இங்குள்ள காளிங்கநர்த்தன கிருஷ்ணர், முனிவர்கள் மற்றும் சிவனடியாரான சுந்தரர் ஆகியோரின் சிற்பங்கள் கலைநயத்துடன் அமைந்துள்ளன.

ஆன்மீகம்

Sep 11, 2026

ஆவேச நரசிம்மர்.

மைசூருவில் இருந்து ஹசன் வழியாக 150 கி.மீ.,துாரத்தில் உள்ளது பேலுார் சென்னகேசவர் கோயில் .இங்கு பிரகாரத்தைச் சுற்றி ராமாயண, மகாபாரத், தசாவதார சிற்பங்கள் உள்ளன. இதில் உள்ள இரண்யனை வதம் செய்யும் நரசிம்மர் சிற்பம் சிறப்பானதாகும்.கர்ஜிக்கும் நரசிம்மரின் கண்களில் அனல் பறக்க, முகத்தில் ஆவேசம் கொப்பளிக்கிறது. முன்னிரு கைகள் அசுரனின் வயிற்றை கிழித்து குடலை கழுத்தில் மாலையிட்டபடி உள்ளன. பின்னிரு கைகள் சங்கு, சக்கரத்தை தாங்கியுள்ளன. இரண்யனின் கைகள், தொடைகளை கைகளால் அழுத்தியபடி கோபத்தை வெளிப்படுத்துகிறார். நரசிம்மரின் பாதத்தின் அருகில் அசுரர்களும் கருடாழ்வாரும் கைகூப்பிய நிலையில் உள்ளனர்.

ஆன்மீகம்

Sep 04, 2026

திருகாக்கரையப்பன் கோயில்.

மகாவிஷ்ணுவின் அவதாரங்களில் ஒருவரான வாமனர், கேரள மாநிலம் எர்ணாகுளம் அருகிலுள்ள திருக்காக்கரையில் திருகாக்கரையப்பன் என்னும் பெயரில் கோயில் கொண்டிருக்கிறார். இவரை வழிபட்டால் முன்வினை பாவம் தீரும். இங்குள்ள தாயார் பெருஞ்செல்வ நாயகியை தரிசித்தால் பணம் சேரும்.அசுர குலத்தில் பிறந்த மகாபலிச்சக்ரவர்த்தி தன் செல்வத்தை தர்மம் செய்தார். இதனால் தன்னை விட தர்மம் செய்பவர் யாருமில்லை என்ற அகந்தை ஏற்பட்டது.அகந்தை அழிந்தால் தன்னை வந்தடையும் தகுதி மகாபலிக்கு கிடைக்கும் என எண்ணினார் மகாவிஷ்ணு. அதற்காக குள்ள வடிவில் 'வாமனர்' என்ற பெயரில் பூலோகம் வந்தார். மகாபலியிடம் தானமாக மூன்றடி மண் கேட்டார்."குள்ளமான தங்களின் காலடியால் மூன்றடி மட்டும் கேட்கிறீர்களே. இன்னும் அதிகமாக கேட்கலாமே" என்றார் மகாபலி.வந்திருப்பவர் மகாவிஷ்ணு என்பதை அறிந்த அசுரகுரு சுக்ராச்சாரியார், 'தானம் அளிக்காதே' என மகாபலியைத் தடுத்தார். ஆனால் குருநாதரையும் மீறி மகாபலி சம்மதித்தார். உடனே விஸ்வரூபம் எடுத்த மகாவிஷ்ணு ஓரடியால் பூமியையும், இன்னொரு அடியால் ஆகாயத்தையும் அளந்து விட்டு, "மூன்றாவது அடிக்கு நிலம் எங்கே " எனக் கேட்டார். அகந்தை அடங்கிய மகாபலி, "பகவானே ... என் தலையைத் தவிர வேறு இடமில்லை" என பணிந்தார். அவரைத் தன் காலால் பூமிக்குள் அழுத்தி மகாவிஷ்ணு ஆட்கொண்டார். இந்த சம்பவம் நடந்த இடம் எர்ணாகுளம் அருகிலுள்ள காக்கரை. இங்குபெருமாள் திருக்காக்கரையப்பன் (வாமனர்) என்ற பெயரில் நின்ற கோலத்தில் இருக்கிறார் . பெருஞ்செல்வ நாயகி தனி சன்னதியில் இருக்கிறார்.கோயிலுக்கு வெளியே பகவதி, சாஸ்தா, சுந்தர யக்க்ஷி, கிருஷ்ணர், நாகர் சன்னதிகள் உள்ளன.பரசுராமர் இக்கோயிலை உருவாக்கினார். மகாபலி பூஜித்த சிவலிங்கம் உள்ளது. கோயில் வாசலில் மகாபலியின் சிம்மாசனம் உள்ளது. இங்கு பக்தர்கள் விளக்கேற்றுகின்றனர்.கேரள பாணியில் ஓடு வேய்ந்த வட்ட வடிவக் கோயில் இது. முன் மண்டபத்தில் வாமனரின் மரச்சிற்பம் உள்ளது. திவ்ய தேசங்களில் ஒன்றான இங்கு தமிழ்க் கல்வெட்டுகள் உள்ளன. 9 முதல் 12ம் நூற்றாண்டு வரை சேர மன்னர்கள் திருப்பணி செய்துள்ளனர்.

கள்ளக்குறிச்சி மாவட்டம் திருக்கோவிலுார் உலகளந்த பெருமாளைத் தரிசிப்போம்.

ஆன்மீகம்

Aug 28, 2026

கள்ளக்குறிச்சி மாவட்டம் திருக்கோவிலுார் உலகளந்த பெருமாளைத் தரிசிப்போம்.

'ஓங்கி உலகளந்த உத்தமன்' என்று ஆண்டாள் திருப்பாவையில் இவரை போற்றுகிறாள்.வாமனர் வடிவில் வந்த மகாவிஷ்ணு வானுக்கும் மண்ணுக்குமாக விஸ்வரூபம் எடுத்தார். இந்த காட்சியை மிருகண்டு முனிவர் தரிசிக்க விரும்பினார். இதற்காக பிரம்மாவின் வழிகாட்டுதலுடன் தென்பெண்ணை ஆற்றங்கரையில் உள்ள திருக்கோவிலுாரில் தவம் புரிந்தார்.முனிவரின் மனைவி மித்ராவதியும் உடனிருந்து அன்னதானம் செய்து வந்தார். முனிவரைச் சோதிக்க விரும்பிய மகாவிஷ்ணு, அவர் முன்பு ஒரு முதியவர் முதியவர் வடிவில் தோன்றி பிச்சை கேட்டார். மிருகண்டு முனிவர் தன் மனைவியிடம் அதை கூறினார். ஒரு நெல்மணி கூட இல்லாத நிலையில் மித்ராவதி, "நான் கற்பில் சிறந்தவள் என்பது உண்மையானால் இந்த பாத்திரத்தில் அன்னம்நிரம்பட்டும்" என்றாள். மகாவிஷ்ணுவின் அருளால் அன்னம் நிரம்பியது.உடனே முதியவராக வந்த மகாவிஷ்ணு சுயவடிவில் காட்சியளித்தார். அவரே உலகளந்த பெருமாளாக இங்கு அருள் புரிகிறார்.மகாவிஷ்ணுவின் வலது கையில் சக்கரமும், இடது கையில் சங்கும் ஏந்தியிருப்பது வழக்கம். ஆனால் இங்கு முனிவரின் உபசரிப்பால் தன்னை மறந்த நிலையில், வலது கையில் சங்கும், இடது கையில் சக்கரமும் ஏந்தி இருக்கிறார். உலகளந்த பெருமாள், ஆயனார், இடைக்கழி ஆயன் என்ற பெயர்கள் இவருக்கு உண்டு. மரத்தால் செய்யப்பட்ட இவரது திருமேனியே 108 திவ்யதேசங்களில் உயரமானது. கருவறையில் மூலவர் வலது காலால் ஆகாயத்தை அளந்த படியும்,இடது காலை பூமியில் ஊன்றியும் நிற்கிறார். துாக்கிய வலது திருவடிக்கு பிரம்மா தீர்த்தத்தால் அபிஷேகம் செய்கிறார். கீழே ஊன்றிய இடது திருவடியின் கீழ் மகாபலியின் மகன் நமச்சு மகாராஜா இருக்கிறார். பெருமாளுக்கு அருகில் மகாபலியின் தாத்தா பிரகலாதன், மகாலட்சுமி, மகாபலி, மிருகண்டு முனிவர், மித்ராவதி உள்ளனர். பூங்கோவல் நாச்சியார் என்ற பெயரில் தாயார் தனி சன்னதியில் இருக்கிறார்.உற்ஸவரின் திருநாமம் கோபாலன். 5 ஏக்கர் பரப்பு கொண்ட கோயிலின் ராஜகோபுரம் 192 அடி. 11 நிலை கொண்ட இக்கோபுரம் தமிழகத்தின் மூன்றாவது பெரிய கோபுரம். (முதலாவது ஸ்ரீரங்கம், இரண்டாவது ஸ்ரீவில்லிபுத்துார்) பெருமாள் சன்னதிக்கு எதிரில் 40 அடி உயர ஒரே கல்லால் ஆன கருடத்துாண் உள்ளது.மூலவரின் பின்புறம் உள்ள வாமனரை ஓணத்தன்று சந்தனக்காப்பு அலங்காரத்தில் தரிசிக்கலாம்.கோயில் நுழைவு வாயிலின் வலப்புறம் சாளக்கிராம கிருஷ்ணர் இருக்கிறார்.வீர ஆஞ்சநேயர்,லட்சுமி நரசிம்மர்,ராமர், ஆண்டாள் சன்னதிகள் உள்ளன.