கன்னியாகுமரி- திப்ரூகர் விவேக் எக்ஸ்பிரஸ் ரயிலை மதுரை, சென்னை வழியாக இயக்க வேண்டும் என்று கோரிக்கை எழுந்துள்ளது. கன்னியாகுமரிலிருந்துஅசாம் மாநிலத்தின் திப்ரூகர்என்ற இடத்துக்கு2011ம் ஆண்டு ரயில்வே பட்ஜெட்டில் வாராந்திரரயில் அறிவிக்கப்பட்டு இயக்கப்பட்டுவருகிறது. இந்த ரயில் இந்தியாவிலேயே அதிகதூரம் அதாவது4273 கி.மீ இயக்கப்படும் ரயில்ஆகும். இந்த ரயில் முதலில் கொச்சுவேளியிருந்துஎர்ணாகுளம் வழியாக திப்ரூகருக்கு சிறப்புரயிலாக இயக்கப்பட்டு பின்னர்புதிய நிரந்தர ரயிலாக இயக்கலாம் என்று ரயில்வே பட்ஜெட்டின் போதுதிட்ட கருத்துரு சமர்ப்பிக்கப்பட்டது.இந்த நிலையில் கொச்சுவேளி ரயில் நிலையத்தில் இடநெருக்கடிஏற்படும் என்றும் வேறு புதிய ரயில்கள் கொச்சுவேளியில் இருந்துகேரளா பயணிகளுக்கு இயக்கமுடியாமல் இந்த ரயில் பெட்டியால் பிரச்னை வரும் என்று அறிந்த திருவனந்தபுரம் கோட்டஅதிகாரிகள் கன்னியாகுமரிக்கு புதியரயில் இயக்கப்படுகிறது என்று ரயில் பயணிகள் சங்கத்தினர் கூறுகின்றனர்.கடந்த2020ம் ஆண்டு ரயில்வே வரியம் இந்த கன்னியாகுமரி திப்ரூகர்வாராந்திர ரயிலை வாராந்திர ரயில் சேவையிலிருந்து தினசரிரயிலாக மாற்றம் செய்யப்படும் என்றுஅறிவித்தது. இதன்படி கடந்த2023ம் ஆண்டு மே மாதம் முதல் வாரத்துக்கு நான்குநாட்கள் ரயிலாக இயங்கி வருகின்றது. குமரி மாவட்ட மக்கள் சென்னை செல்ல பயணசீட்டு கிடைக்காமல் இருக்கமுழு ரயிலும் காலியான ஏன் இந்த ரயில் இவ்வாறு இயக்கப்படுகின்றது என்றுஅனைவரது மனதிலும் கேள்வி எழுகிறது. தற்போது வாரத்திற்கு நான்குநாட்கள் செல்லும் ரயிலை தினசரி ரயிலாக மாற்றம் செய்ய ரயில்வேதுறை திட்டமிட்டுஅதற்கான பணிகளை விரைவாக செய்து வருகின்றது. இதன் ஒரு பகுதியாக இந்த ரயில் தினசரி இயக்குவதற்கு தேவையானகாலி பெட்டிகள் நாகர்கோவில் வந்துவிட்டது..சென்னை முதல் கன்னியாகுமரி வரைஉள்ள இருப்பு பாதை இருவழிபாதையாக ஒருமாதத்துக்குள் மாற்றம் பெற்றுவிடும் நிலையில்உள்ளது. இந்த நிலையில் இந்த கன்னியாகுமரி திப்ரூகர்இயக்கப்படும் வாரத்துக்கு மூன்றுநாள் சேவையை திருநெல்வேலி, மதுரை,திருச்சி, விழுப்புரம் சென்னைவழியாக இயக்க வேண்டும் என்று கன்னியாகுமரி மாவட்டரயில் பயணிகள் சங்கம் கோரிக்கை விடுக்கின்றது. இந்தரயிலை திருநெல்வேலி, மதுரை,திருச்சி, சென்னை வழியாக இயக்கும் போது குமரி மாவட்ட பயணிகள் தங்கள் தலைநகர் சென்னைக்கு செல்ல ரயில்சேவை கிடைக்கும். இவ்வாறு சென்னை வழியாக இயக்கும் பட்சத்தில் சுமார்250 கி.மீக்கு குறைவான கட்டணம் செலுத்தி குறைந்த பயணநேரத்தில் வடகிழக்குமாநிலங்களில் உள்ள நகரங்களுக்கு பயணிக்கலாம். இது மட்டும் இல்லாமல் குமரி மாவட்ட பயணிகள் தமிழகத்தில் உள்ளபல்வேறு இடங்களுக்கு செல்லபகல் நேர ரயில் சேவையும் தமிழகத்தில் உள்ள12 மாவட்டங்களை சார்ந்த பயணிகளுக்கு வடகிழக்குமாநிலங்களை சார்ந்த பகுதிகளுக்கு செல்லநேரடி ரயில் சேவையும் கிடைக்கும்.சென்னையை தவிர தமிழ்நாட்டின் மத்தியமற்றும் தென்மாவட்டங்களிலிருந்துவடகிழக்கு மாநிலங்களுக்கு செல்லஎந்த ஒரு நேரடி ரயில் சேவையும் கிடையாது என்பது குறிப்பிடத்தக்கது. தென்மாவட்டங்களிலிருந்துதமிழகம் வழியாக பயணம் செய்ய1000 கி.மீக்கு மேல் பயணம் செய்யும் ஒரு தினசரி ரயில் கூட இதுவரை மதுரை மற்றும் திருச்சி கோட்டங்களிலிருந்துபுறப்படும் படியாகவோ அல்லது இந்த கோட்ட எல்லைக்குள் இயங்கும்படியாகவோ ரயில்வேதுறையால் அறிவித்துஇயக்கப்படவில்லை.
இஸ்ரோவின் 'பெண் ரோபோ' ககன்யான் திட்டத்திற்கு அனுப்பப்படுகிறது.இஸ்ரோவின் ககன்யான் திட்டம் இந்தியாவின் முதல் மனித விண்வெளி பயணமாக இருக்கும்.இஸ்ரோவின் கனவுத் திட்டமான ககன்யான் 2025-ஆம் ஆண்டுக்குள் நான்கு விண்வெளி வீரர்களை விண்வெளிக்கு அனுப்புவதை நோக்கமாகக் கொண்டுள்ளது.மனிதர்களை விண்வெளிக்கு அனுப்புவதற்கு முன்பாக, சோதனை அடிப்படையில் முதல் கட்டமாக விண்வெளிக்கு காலி விண்கலத்தைச் செலுத்தி அதை மீண்டும் பத்திரமாக பூமிக்கு கொண்டு வர வேண்டும்.இரண்டாம் கட்டமாக, விண்வெளிக்கு ரோபோவை வைத்து ஒரு விண்கலத்தை அனுப்பி, பூமிக்கு மீண்டும் பத்திரமாக கொண்டு வர வேண்டும் என்பது இஸ்ரோவின் திட்டம்.இந்த பணியில் ஈடபட உருவாக்கப்பட்ட பெண் ரோபோ தான் இந்த வியோமித்ரா.ஸ்ரீஹரிகோட்டாவில் உள்ள சதீஷ் தவான் விண்வெளி மையத்தின் முன்னாள் துணை இயக்குநரும், ஓய்வுபெற்ற விஞ்ஞானியுமான பி.வி.சுப்பாராவ் பிபிசியிடம் வியோமித்ரா குறித்து விளக்கினார்.
இந்தியாவில் பெண் தொழில்முனைவோரின் எண்ணிக்கை கடந்த 20 ஆண்டுகளில் கணிசமாக வளர்ந்துள்ளது. பாலின வேறுபாடுகளைத் தகர்த்து பல்வேறு வணிகத் துறைகளில் பெண் தொழிலதிபர்கள் வெற்றி பெற்றுள்ளனர். இந்தியாவில் பெண் தொழில்முனைவோரின் எண்ணிக்கை கடந்த 20 ஆண்டுகளில் கணிசமாக வளர்ந்துள்ளது. அவர் தனது நிறுவனத்தை ரூ. 20,000 என்ற சிறிய முதலீட்டில் FMCG துறையில் மிகவும் வெற்றிகரமான ஒரு நிறுவனமாக நிலைநிறுத்தினார். ஒரு தொழிலதிபராக அவரது உத்வேகப் பயணத்தை இந்திய அரசு அங்கீகரித்து ஜனவரி 2021 இல் அவருக்கு பத்மஸ்ரீ விருதை வழங்கியது.இங்கிலீஷ் ஓவன் மற்றும் க்ரீமிகா போன்ற பிரபலமான இந்திய பிராண்டுகளை உருவாக்கிய ரஜினி பெக்டர், அவரது தாய் நிறுவனமான மிஸஸ் பெக்டர்ஸ் ஃபுட் ஸ்பெஷலிட்டிஸ் லிமிடெட், 2023ஆம் ஆண்டு நிலவரப்படி சந்தையில் ரூ. 6681 கோடி மதிப்புடையது.1940ஆம் ஆண்டு பாகிஸ்தானின் கராச்சியில் பிறந்த ரஜினி, பிரிவினைக்குப் பிறகு தில்லிக்கு குடிபெயர்ந்தார். பதினேழு வயதில், அவர் திருமணமாகி லூதியானாவுக்கு குடிபுகுந்தார். அங்கு அவரது கணவர் குடும்ப வணிகத்தை நிர்வகித்தார். ரஜினி இதற்கு முன் உணவுத் துறையில் வேலை பார்த்ததில்லை. ஆனால் அவர் தனது லூதியானா வீட்டில் இருந்து ஐஸ்கிரீம் தயாரித்து விற்கத் தொடங்கினார். பின்னர் அவர் பிஸ்கட் மற்றும் பிற உணவுப் பொருட்களை விற்பனை செய்வதில் ஈடுபட்டார். அவர் இங்கிலீஷ் ஓவன் மற்றும் க்ரீமிகாவை நிறுவியபோது அவரது விடாமுயற்சி பலனளித்தது. ஊக்கத்தை விட பணம் முக்கியம் என்று நினைக்கும் ஆர்வமுள்ள தொழில்முனைவோருக்கு அவரது வாழ்க்கை பெரும் உந்துதலாக விளங்குகிறது. 1989 ஆம் ஆண்டில், ரஜினி பெக்டரின் ஐஸ்கிரீம் வணிகமானது சந்தையில் மற்ற வணிகங்களிடமிருந்து கடுமையான போட்டியை எதிர்கொண்ட போதிலும், ஒரே நாளில் 50,000 ஐஸ்கிரீம்களை விற்று ஒரு குறிப்பிடத்தக்க எழுச்சியை அடைந்தது. ரஜினி பெக்டரின் கணவரான தரம்வீர் பெக்டருக்குச் சொந்தமான குடும்ப வணிகமும் அவரது பேக்கரி விரிவடைந்தபோதும் சிறப்பாகச் செயல்பட்டு வந்தது. ஆனால் அது 1984, மற்றும் இந்தியாவின் பிரதமர் இந்திரா காந்தியின் படுகொலையைத் தொடர்ந்து சீக்கியர்களுக்கு எதிரான கலவரத்தின் போது, பெக்டர் குடும்பத்துக்கு மரண அச்சுறுத்தல் வந்தது. அவரது மூன்று மகன்கள் உறைவிடப் பள்ளியில் நுழைந்த பிறகு, இல்லத்தரசியான ரஜினி பெக்டர் பேக்கிங்கில் தனது ஆர்வத்தைத் தொடர்ந்தார். அவர் பஞ்சாப் வேளாண் பல்கலைக்கழகத்தில் பேக்கிங் படிப்பை படித்தார். தொழில் தொடங்கும் ஆர்வத்தில் பல்வேறு உணவுகளை பரிசோதிக்கத் தொடங்கினார். 1996 ஆம் ஆண்டில், மெக்டொனால்டு தனது நிறுவனமான மிஸஸ் பெக்டர்ஸ் ஃபுட் ஸ்பெஷலிட்டிஸ் லிமிடெட் நிறுவனத்தை நிரந்தர ரொட்டி சப்ளையராகத் தேர்ந்தெடுத்தது. இந்த தேவையை பூர்த்தி செய்வதற்காக, ரஜினி பெக்டர் கிரேட்டர் நொய்டாவில் ஒரு உற்பத்தி வசதியைத் திறந்து, நாடு முழுவதும் மேலும் பல கிளைகளை நிறுவினார். 2020 இல், அவரது நிறுவனம் ஒரு ஐபிஓவை அறிமுகப்படுத்தியது.
வர்த்தக சந்தையானது ஒரே மாதிரியான தயாரிப்புகளை வழங்கும் நிறுவனங்களால் நிரம்பியிருந்தாலும், சில பிராண்டுகள் நுகர்வோரின் இதயங்களில் ஒரு தனித்துவமான இடத்தை உருவாக்குகின்றன. இது வெறும் லாபத்தை தாண்டி மக்கள் மனதில் நீடித்த தாக்கத்தை ஏற்படுத்துகிறது.ஏழுபது ஆண்டுகளுக்கு முன்னர் ஒரு சாதாரண சமையலறையில் இருந்து எளிமையாக தொடங்கிய ஒரு பிராண்டின் வசீகரிக்கும் VICCO கதையை பற்றி இங்கு அறிந்து கொள்ளலாம்.அதன் தொடக்கத்திலிருந்தே, இந்த பிராண்ட் பல பில்லியன் ரூபாய் மதிப்புடைய நிறுவனமாக வளர்ந்துள்ளது, அதன் நீடித்த இருப்பைக் கொண்டு நுகர்வோரின் கற்பனையைக் கவர்ந்துள்ளது. "Vicco Turmeric, Nahi Cosmetic, Vicco Turmeric Ayurvedic Cream" மற்றும் "வஜ்ரதந்தி, வஜ்ரதந்தி வீக்கோ வஜ்ரதந்தி" போன்ற அதன் பிரபலமான விளம்பரங்களை யாராலும் மறக்க முடியாது, இந்த புகழ்பெற்ற பிராண்டின் முழுப் பெயர், பெரும்பாலும் கவனிக்கப்படாமல் உள்ளது, விஷ்ணு இண்டஸ்ட்ரியல் கெமிக்கல் கம்பெனி, அதன் தொலைநோக்கு நிறுவனரான கேசவ் விஷ்ணு பெந்தார்கர் பெயரில் செயல்படுகிறது. கேசவின் தொழில் முனைவோர் பயணம் நாக்பூரில் உள்ள ஒரு வினோதமான மாவட்டத்தில் உள்ள ஒரு எளிய மளிகைக் கடையில் இருந்து தொடங்கியது. தீராத ஆர்வம் மற்றும் புதிய எல்லைகளை ஆராயும் விருப்பத்தால் உந்தப்பட்ட கேசவ் மும்பைக்கு இடம் பெயர்ந்தார், அங்கு அவர் பாந்த்ரா மற்றும் அதன் அண்டை புறநகர்ப் பகுதிகளில் எண்ணற்ற சிறிய வேலைகளுக்குச் சென்றார். அலோபதி மருந்துகள் மற்றும் இறக்குமதி செய்யப்பட்ட அழகுசாதனப் பொருட்களுக்கான பெருகிவரும் தேவையால் தூண்டப்பட்ட கேசவின் தொழில் முனைவோர் உணர்வு உண்மையிலேயே பரேலின் பரபரப்பான தெருக்களை பற்ற வைத்தது. ஆயுர்வேத தயாரிப்புகளின் உலகில் இறங்கிய கேசவ் தனது தயாரிப்புகளை தொடர்ந்து மெருகேற்றினார். அவரது முதல் ஆயுர்வேத தயாரிப்பான பல் பொடியை தனது சொந்த சமையலறையில் உருவாக்கினார். இருப்பினும், வெற்றிக்கான பாதை சவால்கள் நிறைந்ததாக இருந்தது. விற்பனை மற்றும் விநியோகத் துறையில்.பின்னடைவுகளால் துவண்டு போகாமல், தளராத உறுதியுடன் தொழிலை மேற்கொண்ட கேசவ், தன் மகனுடன் சேர்ந்து, வீடு வீடாகச் சென்று விற்பனையில் இறங்கினார். அவர்களின் உறுதியான விடாமுயற்சி இறுதியில் பலனைத் தந்தது, அவர்களின் பல் பொடியை பிரபலமான பாராட்டுக்களை பெற்றது. 1952 ஆம் ஆண்டில், கேசவ் தனது படைப்புக்கு அதிகாரப்பூர்வமாக விக்கோ என்று பெயரிட்டார். இது அதிவேக வளர்ச்சி மற்றும் அசைக்க முடியாத பிராண்ட் மதிப்பை பெறுவதற்கான பயணத்தின் தொடக்கத்தைக் குறிக்கிறது. நான்கு ஆண்டுகளுக்குள், விக்கோ சந்தையில் ஒரு வலிமையான நிறுவனமாக உருவெடுத்து, பரவலான அங்கீகாரத்தையும் பாராட்டையும் பெற்றது. வருடங்கள் செல்லச் செல்ல, விக்கோ அதன் உயர்வைத் தொடர்ந்தது. ரூ. 700 கோடி மதிப்பைக் குவித்து, தொழில்துறையில் தன்னை உறுதியாக நிலைநிறுத்திக் கொண்டது.இன்று, பெந்தார்கர் குடும்பத்தின் தலைமையின் கீழ், விக்கோ 40 க்கும் மேற்பட்ட பொருட்களை உள்ளடக்கிய ஒரு விரிவான தயாரிப்பு போர்ட்ஃபோலியோவைக் கொண்டுள்ளது, இதில் பற்பசை, அழகு கிரீம்கள், பேஷ் வாஷ், இரவு கிரீம்கள் ஆகியவை அடங்கும். இது உள்நாட்டு சந்தையில் ஆதிக்கம் செலுத்துவது மட்டுமல்லாமல் சர்வதேச அளவிலும் குறிப்பிடத்தக்க அளவில் ஊடுருவியுள்ளது.
சென்னையின் இரண்டாவது பசுமை விமான நிலையம், காஞ்சிபுரம் அடுத்த பரந்தூரில் சுற்றிலும் உள்ள 5746.18 ஏக்கர்(விவசாய நிலம்) நிலப்பரப்பில் சுமார்20 ஆயிரம் கோடி முதலீட்டில் அமைக்கப்பட திட்டமிடப்பட்டுள்ளது. இந்த விமான நிலையத்தை வரும்2028ம் ஆண்டில் கட்டி முடிக்க முடிவு செய்துள்ளனர். இந்த விமான நிலையத்துக்கான பணிகளில் மத்திய மற்றும் மாநில அரசுகள் இணைந்து களமிறங்கியுள்ளது.பரந்தூரில் பசுமை வெளி விமான நிலையம் அமைப்பதால் நெல்வாய், தண்டலம், மடப்புரம், நாகப்பட்டு, ஏகனாபுரம், மேலேறி ஆகிய கிராமங்களில் விவசாய நிலங்கள் மட்டுமின்றி, மக்களின் குடியிருப்புகளும் அகற்றப்பட உள்ளது.அக்கிராம மக்களின் வாழ்வாதாரத்திற்கு முதுகெலும்பாக இருக்கும் விளைநிலங்களும் பறிபோக காத்திருகின்றன. எனவே, அந்தப் பகுதியைச் சேர்ந்த மக்கள் அனைவரும் ஒன்றாக திரண்டு தங்களின் இருப்பிடமும், விளைநிலங்களும் பறிபோக அனுமதிக்க மாட்டோம் எனக் கூறி தொடர்ந்து 600 நாட்களாக போராட்டத்தில் ஈடுபட்டு வருகின்றனர். அதன்படி கிராம மக்கள் அனைவரும் விமான நிலையம் அமைக்க, எதிர்ப்பு தெரிவிக்கும் வகையில், நாள்தோறும் இரவு நேரங்களில் ஊர் மைதானத்தில் ஒன்று கூடி அமர்ந்து தொடர் போராட்டம் நடத்தி வருகின்றனர்.விமான நிலையம் அமைப்பதற்கான நிலங்களை கையகப்படுத்தும் பணியில் தமிழக தொழில் துறை ஈடுபட்டு அதற்கான அறிவிப்பினை வெளியிட்டுள்ளது. அந்த அறிவிப்பில் நிலம் கையகப்படுத்தும் பணிகளில் யாருக்கேனும் ஆட்சேபனை இருந்தால் ஏப்ரல் நான்காம் தேதிக்குள் நில எடுப்பு அலுவலகத்தில் தெரிவிக்கலாம் என அறிவிக்கப்பட்டுள்ளது. மேலும், குறிப்பிட்ட தேதிக்குள் கருத்துக்கள் தெரிவிக்கப்படவில்லை என்றால், அவை ஏற்றுக் கொள்ள மாட்டாது எனவும் அந்த அறிவிப்பில் தெரிவிக்கப்பட்டுள்ளது. இந்த செய்தி விவசாயிகளுக்கு பெரும் அச்சத்தை ஏற்படுத்தி இருக்கிறது.இந்நிலையில் இன்று600வது நாளை ஒட்டி ஏகனாபுரத்திலிருந்து200க்கும் மேற்பட்ட கிராம மக்கள் அவர்கள் தங்களின் வயல்நிலங்கள் வழியாகவே ஊர்வலமாக நடந்து வந்து அறுவடைக்கு தயாராக உள்ள விவசாய நிலங்களில் இறங்கி ஆர்ப்பாட்டத்தில் ஈடுபட்டனர். கிராம மக்கள் அவர்களுக்கு சொந்தமான விவசாய நிலத்தில் பெண்கள் கீழே விழுந்து, வாயில் அடித்தபடி அழுது கதறும் காட்சி தற்போது சமூக வலைதளங்களில் பரவி வருகிறது. மேலும், கிராம மக்கள் வயல்வெளியில் நின்று கொண்டு மத்திய மாநில அரசுக்கு எதிராக கண்டன கோஷங்களை எழுப்பியவாறு போராட்டத்தில் ஈடுபட்டனர்.
வண்டுகள்தானிய பருக்கைகளைத் தாக்கி, தானியத்தில் துளைகளை உருவாக்கிவிடும். மேலும் தானியங்களின் நீர்ச்சத்தை உறிஞ்சி, உலர்த்தி விடும். இவ்வாறு பூச்சிப்பிடித்த அரிசியை சுத்தம் செய்வது கொஞ்சம் கடினம். வண்டு அல்லது புழுக்களின் பாதிப்பு அதிகம் உள்ள அரிசியை சுத்தம் செய்து சாப்பிட்டால், செரிமான நோய்கள் வரும் என்று மருத்துவர்கள் தெரிவிக்கின்றனர்.பிற தானியங்களுடன் ஒப்பிடும்போது, அரிசி மற்றும் கோதுமையில் நார்ச்சத்து குறைவாக உள்ளது. இதன் காரணமாகவே அரிசி மற்றும் கோதுமையை சேமித்து வைக்கும் போது மட்டும் அதிகபடியான பூச்சிகள் தாக்குகிறது என பத்மஸ்ரீ படம்பெற்ற மருத்துவர் காதர் வாலி பிபிசியிடம் தெரிவித்தார்."பட்டைத் தீட்டப் படாத நெல்லில் உமியில் உள்ள நார்ச்சத்து, கவசமாகச் செயல்படுவதால்,30 ஆண்டுகளுக்குப் பிறகும் பூச்சிகள் வராது. ஆனால் அரிசி மற்றும் கோதுமைக்கு, இந்த நார்ச்சத்து உறை மிகவும் மெல்லியதாக இருப்பதால், அவை பூச்சிகளால் எளிதில் தாக்கப்படுகின்றன," என்று டாக்டர் காதர் வாலி விளக்கினார். அரிசியில்பூச்சிவிழும்பிரச்னையைத்தடுக்கவல்லுநர்கள்சில நடைமுறைகளை பரிந்துரைக்கின்றனர். "முதலில், அரிசி சேமிக்கப்படும் கலனிலும் அதனை சுற்றியும் ஈரப்பதம் இல்லை என்பதை உறுதிப்படுத்திக் கொள்ளுங்கள்," மேலும் சில நிபுணர்கள் கூறுகையில், அரிசி சேமிப்பு கலன்களில் வேப்பிலை, பிரியாணி இலைகள், கிராம்பு, பெருங்காயம், கற்பூரம், பூண்டு, காய்ந்த மிளகாய் மற்றும் கல் உப்பு உதவியுடன் அரிசியில் பூச்சிகள் வராமல் தடுக்கலாம்."வேப்பிலை, கிராம்பு, கற்பூரவள்ளி ஆகியவற்றை உலர்த்தி ஒரு மெல்லியத் துணியில் கட்டி அரிசி சேமிக்கும் கலனில் போட்டாலும் அதன் வாசனை பூச்சிகள் வராமல் தடுக்கும்," வேம்பு மற்றும் கிராம்பு பூச்சிகளைத் தடுக்கும் அதீத ஆற்றல் கொண்டவை. அவற்றின் கடுமையான வாசனைக்கு பூச்சி புழுக்கள் அண்டாது. சிலர் போரிக் பவுடரை துணியில் கட்டி அரிசி சேமிப்பு கலன்களில் போட்டு வைப்பார்கள். மேலும், அரிசியில் பூச்சிகள் வராமல் தடுக்க சில ரசாயனங்களும் சந்தையில் கிடைக்கின்றன, "பிரவுன் அரிசி மற்றும் கருப்பு அரிசி ஆகியவை தீட்டப்படாத (பாலிஷ் செய்யப்படாத) அரிசி ரகங்கள் ஆகும். எனவே இவை பட்டை தீட்டப்பட்ட அரிசியை விட பத்து மடங்கு சிறந்தது. எந்த அரிசி வகைகளாக இருந்தாலும், பூச்சிப் பிடிப்பதை தடுக்கும் ஆற்றல் அவற்றிற்கு இல்லை,"
தமிழ்நாட்டில் புதிதாக 4 புதிய மாநகராட்சிகள் உருவாக்கப்படுவதாக முதல்வர் மு.க.ஸ்டாலின் அறிவித்துள்ளார். இது தொடர்பாக தமிழ்நாடு அரசு வெளியிட்டுள்ள அறிக்கையில், தமிழ்நாடு, நாட்டிலேயே அதிக நகரமயமாக்கப்பட்ட மாநிலங்களில் ஒன்றாக திகழ்கிறது. 2011 ஆம் ஆண்டு மக்கள் தொகைக் கணக்கெடுப்பின்படி, மாநிலத்தில் நகர்ப்புர மக்கள்தொகையின் சதவீதம் 48,45 ஆகும். தற்போது, மொத்த மக்கள்தொகையில் நகர்ப்புரங்களில் வசிக்கும்மக்கள்தொகைசதவீதம்53சதவீதத்திற்குமேல்அதிகரித்துள்ளதாகமதிப்பிடப்பட்டுள்ளது.இதனடிப்படையில், அரசு. பெருநகரங்களுக்கு அருகாமையில் அமைந்துள்ள நகர்ப்புரத் தன்மை கொண்ட விரைந்து நகரமயமாகி வரும் பகுதிகளிலும் நகரங்களுக்கு இணையான தரமான சாலைகள், பாதுகாக்கப்பட்ட குடிநீர், ஆற்றல்மிகு மின்விளக்குகள், பாதாள சாக்கடை போன்ற அடிப்படை வசதிகளை ஏற்படுத்திதரும் நோக்கோடு, விரைவாக நகரமயமாகி வரும் பகுதிகளை அவற்றின் அருகாமையில் அமைந்துள்ள நகரங்களோடு இணைத்து விரிவாக்கம் செய்யப்பட்ட நகராட்சி அல்லது மாநகராட்சிகளாக அமைத்துருவாக்கி வருகிறது. காரைக்குடி, நாமக்கல், புதுக்கோட்டை, திருவண்ணாமலை நகராட்சிகள் மாநகராட்சிகளாக தரம் உயர்த்தப்பட்டுள்ளன. இந்த மாநகராட்சிகள் எப்படி விரிவாக்கம் செய்யப்படும் என்ற அறிவிப்பும் வெளியிடப்பட்டுள்ளதுகடந்த 3 ஆண்டுகளில், 28 புதிய நகராட்சிகள் மற்றும் தாம்பரம், காஞ்சிபுரம், கடலூர், கும்பகோணம், கரூர், சிவகாசி ஆகிய 6 மாநகராட்சிகள் உருவாக்கப்பட்டுள்ளன. தரம் உயர்த்தப்பட்ட இந்நகர்ப்புர உள்ளாட்சி அமைப்புகளுக்கு பல்வேறு திட்டங்களின் கீழ் போதுமான நிதியை ஒதுக்கீடு செய்து, மக்களுக்கு தேவையான அனைத்து அடிப்படை வசதிகளையும் ஏற்படுத்துவதற்கான பணிகளை தொடர்ந்து மேற்கொண்டு வருகிறது.இந்நிலையில், வரலாற்றுத் தலைநகரமாக விளங்கிய புதுக்கோட்டை, கோயில் நகரமான திருவண்ணாமலை, தொழில் நகரமான நாமக்கல்,கல்வி நகரமான காரைக்குடி போன்ற நகராட்சிகளை மாநகராட்சிகளாக தரம் உயர்த்த வேண்டுமென பெறப்பட்ட கோரிக்கைகளை ஏற்று அந்த நகரங்களையும், அவற்றின் அருகாமையில் அமைந்துள்ள விரைந்து நகரமயமாகி வரும் பேரூராட்சிகள், ஊராட்சிகள் போன்ற உள்ளாட்சி அமைப்புகளையும் ஒன்றிணைத்து புதிய மாநகராட்சிகள் உருவாக்கப்படும் என நகராட்சி நிருவாகத் துறை அமைச்சர் கே.என்.நேரு சட்டப்பேரவையில் 30.03.2023 அன்று அறிவித்தார்..இதன்படி, புதுக்கோட்டை நகராட்சி மற்றும் 11 ஊராட்சிகளை ஒன்றிணைத்து புதுக்கோட்டை மாநகராட்சி; திருவண்ணாமலை நகராட்சி மற்றும் 18 ஊராட்சிகள், அடி அண்ணாமலையிலுள்ள பகுதிகள் ஆகிவற்றை ஒன்றிணைத்து திருவண்ணாமலை மாநகராட்சி; நாமக்கல் நகராட்சி மற்றும் 12 ஊராட்சிகளை ஒன்றிணைத்து நாமக்கல் மாநகராட்சி உருவாக்கப்படுகிறது. அதேபோல, காரைக்குடி நகராட்சி மற்றும் இரண்டு பேரூராட்சிகள், ஐந்து ஊராட்சிகளை ஒன்றிணைத்து காரைக்குடி மாநகராட்சி, என மொத்தம் 4 புதிய மாநகராட்சிகளை உருவாக்குவது தொடர்பான அரசின் உத்தேச முடிவினை அறிவித்து (15.3.2024) ஆணைகள் வெளியிடப்பட்டுள்ளன. 1998 ஆம் ஆண்டு நகர்ப்புர உள்ளாட்சி அமைப்புகள் சட்டத்தின்படியான உரிய நடைமுறைகள் பின்பற்றப்பட்டு புதிய மாநகராட்சிகள் அமைத்துருவாக்கப்படும். இதன்மூலம், புதுக்கோட்டை, நாமக்கல், திருவண்ணாமலை, காரைக்குடி ஆகிய நகராட்சிகள் மற்றும் அதன் அருகாமையில் அமைந்துள்ள உள்ளாட்சி பகுதிகளில் சாலைகள், பாதாள சாக்கடை, மழைநீர் வடிகால் உள்ளிட்ட அடிப்படை கட்டமைப்பு வசதிகளை மேலும் சிறப்பாக ஏற்படுத்தவும் இப்பகுதிகளுக்கு வந்து செல்வோர், சுற்றுலாப் பயணிகள், வணிக நிறுவனங்கள், தொழில் துறையினர் உள்ளிட்ட அனைத்துத் தரப்பினரும் பயன்பெறும் வகையில் வாழ்க்கைத்தரம் மற்றும் பொருளாதார வளர்ச்சி ஏற்படவும், வாய்ப்பாகவும் அமையும் என்றுதெரிவிக்கப்பட்டுள்ளது.
நாடு சுதந்திரம் பெறுவதற்கு முன்பே கோத்ரெஜ் நிறுவனம் தொடங்கப்பட்டுவிட்டது. இந்தியாவில் ஒவ்வொரு வீட்டு பிரோ, அலமாரிகளிலும் பொறிக்கப்பட்டிருக்கும் இந்தப் பெயர் உலகளவிலும் பரவியுள்ளது 1921 ஆம் ஆண்டில் இந்தியாவுக்கு இங்கிலாந்து ராணி வந்திருந்தபோது கோத்ரெஜ் தயாரிப்பைப் பயன்படுத்தினார்.1897 மே 7 ஆம் தேதியன்று கோத்ரெஜ் நிறுவனத்தை ஆர்தேஷிர் கோத்ரெஜ் நிறுவனத்தைத் தொடங்கினார். 1868 ஆம் ஆண்டு பம்பாயில் கோத்ரெஜ் பிறந்தார். அவர் ஆறு குழந்தைகளில் மூத்தவர். அர்தேஷிர் மூன்று வயதாக இருந்தபோது, அவரது தந்தை புர்ஜோர்ஜி கூத்தராஜி, குடும்பப் பெயரை கோத்ரெஜ் என்று மாற்றினார், அதனால் தான் 'கோத்ரேஜ்' என்ற பெயர் வந்தது. சட்டப் பள்ளியில் புதியவரான அர்தேஷிர் 1894 இல் பம்பாய் சொலிசிட்டர்ஸ் நிறுவனத்தால் சான்சிபார் சென்று தங்கள் வாடிக்கையாளருக்காக ஒரு வழக்கை வாதாட நேர்ந்தது. இந்த வழக்கில் தான் பொய் சொல்ல வேண்டும் அல்லது உண்மையை திரித்து வாதாட வேண்டும் என்பதை அர்தேஷிர் உணர்ந்தார்.அவர் இதைச் செய்ய மறுத்துவிட்டார். வழக்கறிஞர்கள் அல்லது வாடிக்கையாளரின் எந்த வற்புறுத்தலும் தனது கொள்கை நிலைப்பாட்டை மாற்ற அவரை நம்ப வைக்க முடியாது என்று இருந்தார். இதனால் வழக்கறிஞர் வேலையை விட்டார். ஆர்தேஷிர் கோத்ரெஜ் இந்தியாவுக்கு வந்த பிறகு ஒரு கெமிக்கல் கடையில் உதவியாளராக பணியாற்றத் தொடங்கினார். அதன் விளைவாக அறுவை சிகிச்சை உபகரணங்களை உருவாக்குவதில் ஆர்வம் காட்டினார். இது வேலை செய்யாவிட்டாலும் வெற்றிபெற அவர் உந்துதல் பெற்றார். பின்னர், மெர்வாஞ்சி காமா என்ற பார்சி தொழிலதிபர் அவருக்கு ஒரு புதிய பூட்டு தயாரிக்கும் நிறுவனத்தைத் தொடங்க கடன் கொடுத்தார். ஆர்தேஷிர் கோத்ரேஜ் இந்தியாவுக்குச் சென்ற பிறகு 1894 இல் புதிய வாழ்க்கையைத் தொடங்கினார். ஒரு சிறிய ஷெட்டில் இந்த மனிதர் தயாரித்த பூட்டுகள் பிரிட்டிஷ் காலனி காலத்தின்போது இங்கிலாந்தில் இருந்து இறக்குமதி செய்யப்பட்ட பூட்டுகளை விட சிறப்பாக இருந்தது என்பதாலேயே மக்கள் மத்தியில் இந்த நிறுவனத்தின் புகழ் காட்டுத்தீ போல பரவியது.வெளிநாட்டில் தயாரிக்கப்பட்ட பூட்டுகளில் உள்ள மென்மையான ஸ்பிரிங்குகள் எல்லாம் பழுதாகி இவர் தயாரித்த பூட்டுகள் வலுவாக இருந்தது தெரிய வந்தது. இங்கிலாந்தில் இருந்து இறக்குமதி செய்யப்பட்ட பூட்டுகளை விட கோத்ரெஜ் தயாரித்த பூட்டுகள் விலை மலிவாக இருந்தன. இவரது விலை குறைந்த பூட்டுகளுக்கு மக்களிடையே பெரும் வரவேற்பு இருந்ததால் கோத்ரெஜ் நிறுவனம் விரைவிலேயே மிகப் பெரிய வளர்ச்சியைப் பெற்றது. ஆர்தேஷிர் கோத்ரெஜ், பச்சுபாயை 1890ஆம் ஆண்டில் திருமணம் செய்து கொண்டார்.அர்தேஷிர் கோத்ரேஜ் மற்றும் பிரோஜ்ஷா புர்ஜோர்ஜி கோத்ரேஜ் ஆகியோர் இந்தியா சுதந்திரம் பெறுவதற்கு முன்பு 1897 ஆம் ஆண்டு வணிகத்தை நிறுவினர். இன்று, சுமார் 1.1 பில்லியன் நபர்கள் கோத்ரெஜின் செயல்பாடுகளில் பல்வேறு தொழில்களில் பணிபுரிகின்றனர். கோத்ரேஜ் நிறுவனம் தற்போது பல துறையில் இயங்குவது மட்டும் அல்லாமல் விண்வெளி பயணத்திற்கு தேவையான சில முக்கிய பொருட்களையும் இந்நிறுவனம் தயாரிக்கிறது. வெறும் பூட்டில் துவங்கிய கோத்ரேஜ் சாம்ராஜ்ஜியம் பல தலைமுறைகளை தாண்டி இன்றும் வலிமையுடன் நிற்கிறது.
தமிழ் நடிகர்களின் சம்பளம் ஒரு படத்திற்கு 5 கோடி முதல் 50 கோடி வரை. சராசரியாக 10 கோடி...மாதம் 70ஆயிரம் ருபாய் சம்பளம் வாங்கும் ஒரு IT ஊழியர் 10 கோடி சம்பாதிக்க 125 வருடங்கள் பணியாற்ற வேண்டும்.மாதம் 30 ஆயிரம் ரூபாய் சம்பளம் வாங்கும் ஒரு தனியார் நிறுவன ஊழியர் 10 கோடி சம்பாதிக்க 250 வருடங்கள் பணியாற்ற வேண்டும்.மாதம் 25 ஆயிரம் சம்பளம் வாங்கும் ஒரு அரசு ஊழியர் 10 கோடி சம்பாதிக்க 333 வருடங்கள் பணியாற்ற வேண்டும்.நம் அனைவருக்கும் உணவளிக்கும் விவசாயி 10 கோடி சம்பாதிக்க 760 வருடம் உழைக்க வேண்டும். ஒரு நாளைக்கு 300 ரூபாய் வருமானம் பெறும் கூலி தொழிலாளி 10 கோடி சம்பாதிக்க 1000 ஆண்டுகள் உழைக்க வேண்டும்.திரைப்பட நடிகர்/ நடிகைகள் பயன்படுத்துபயன்படுத்தும் கார்களின் விலை 50 லட்சத்திலிருந்து 5 கோடி வரை.படப்பிடிப்பு தளங்களில் இவர்களது சொகுசு வாழ்க்கை என்பது நமது கேளிக்கை கடவுள் இந்திரன் கூட அனுபவிக்காது. வெளிநாட்டு மது, நட்சத்திர ஹோட்டல் உணவு, இரவு நேர கேளிக்கை, ஒப்பனைக்கு இருவர், உடை அணிவிக்க இருவர், குடைபிடிக்க ஒருவர், கொஞ்சம் வியர்த்தால் கேரவேனில் ஓய்வு.இவர்கள் ஒரு நேரம் நட்சத்திர ஓட்டலில் உணவு உண்ணும் தொகை நம் விவசாயிகளின் ஒரு மாத உணவுச்செலவு.ஒரு ஆண்டில் 3 படங்களில் நடித்து 50 கோடி ரூபாய் சம்பாதித்து 10 கோடி வரி ஏய்ப்பு செய்து 5000 ரூபாய்க்கு ஏழை குழந்தைகளுக்கு நோட்டு புத்தகங்கள் வாங்கி கொடுத்து விளம்பரம் தேடுபவர்கள்.பல முன்னணி கட்டுமான நிறுவனங்கள் பல கோடிகளில் கட்டிடங்கள் கட்டுவது இவர்களிடம் விற்பதற்காக தான்.நாம் திரைப்படம் பார்க்க செலுத்தும் பணம் தான் இவர்களுக்கு சம்பளமாக செல்கிறது.இந்த ஏழைகளின் நடிகர் சங்கம் 22 கோடி ரூபாய் கடனில் தவிக்கிறதாம். அதை அடைக்க இவர்கள் நட்சத்திர கிரிக்கெட் போட்டி நடத்தி ஒரு டிக்கெட் 1000 ரூபாய்க்கு நம்மிடம் விற்று கடனை அடைத்த வரலாறு உண்டு.புயல் வெள்ளத்தில் நம் மக்கள் அனைத்தையும் இழந்து நிர்வாணமாய் நின்ற போது நடிகர் சங்கம் உதவி செய்யாது என்று வெளிப்படையாக சொன்னது..இவ்வளவு சம்பளம் பெறும் நடிகர்களின் ரசிகர்கள் யார் தெரியுமா....இலவச அரிசிக்கு ரேஷனில் சண்டை போடும் அப்பாவி ஏழை மக்களின் பிள்ளைகள் தான்.
சமீபத்தில் நடந்த சர்வதேச மகளிர் தினத்தை ஒட்டி ஃபின்டெக் பிளாட்ஃபார்ம்Fibe, பெண் கடன் வாங்குபவர்களை குறித்து சில ஆச்சரியமூட்டும் தகவல்களை வெளியிட்டுள்ளது.EMIக்களை சரியான நேரத்தில் செலுத்துவதில் ஆண் கடன் வாங்குபவர்களை காட்டிலும் பெண் கடன் வாங்குபவர்கள்10% அதிகமாக இருப்பதாக இந்த ஆய்வு மூலமாக தெரியவந்துள்ளது.இதன் காரணமாக கடன் விஷயத்தில் பெண்கள் ஆண்களை காட்டிலும் பொறுப்புடன் நடந்து கொள்வது தெரிய வந்திருக்கிறது.புதிதாக கடன் வாங்கும் பெண்களின்(NewtoCreditNTC) எண்ணிக்கை கடந்த5 வருடங்களில் இரட்டிப்பாக இருப்பதையும் இந்த ஆய்வு சுட்டிக்காட்டுகிறது. 2019 ஆம் ஆண்டில் 18 சதவீதம் இருந்த இந்த எண்ணிக்கை 2023 ஆம் ஆண்டில் 40சதவீதமாக அதிகரித்திருப்பது இந்த கருத்துக்கணிப்பு மூலமாக தெரிய வந்துள்ளது.மறுபுறம் புதிதாக கடன் வாங்கும் ஆண்களின் எண்ணிக்கை 22% குறைந்து இருப்பதும் தெரிய வந்துள்ளது. அதாவது 2019 ஆம் ஆண்டில்82 சதவீதம் இருந்த இந்த எண்ணிக்கை2023 ஆம் ஆண்டில்60 சதவீதமாக குறைந்துள்ளது. அனைத்து பெண் கடன் வாங்குபவர்களை கருத்தில் கொள்ளும் பொழுது,NTC கஸ்டமர்கள்32 சதவீதம் என்ற மிகப்பெரிய பங்கு வகிக்கின்றனர்.கிரெடிட் கார்டு வைத்திருக்கக் கூடிய மற்றும் வழக்கமான முறையில் லோன்களை வாங்கக்கூடிய பெண்கள்13% ஆகவும், அதுவே கிரெடிட் கார்டு இல்லாமல் ஆனால் லோன் பெறக்கூடிய பெண்கள்18 சதவீத எண்ணிக்கையையும் வகிக்கின்றனர். பெண் கடன் வாங்குபவர்களின் இந்தவளர்ச்சி போக்கு தங்களுடைய கனவுகளை நிறைவேற்றிக் கொள்வதற்காக அவர்கள் மேற்கொள்ளும் பல்வேறு விதமான முயற்சிகளில் ஒன்றாக இருப்பதை சுட்டிக் காட்டுகிறது. கடன் விஷயத்தில் பெண்களின் பொறுப்புணர்வை பறைசாற்றும் அதே வேளையில் முதல் முறையாக கடன் வாங்கக்கூடியNTC கஸ்டமர்களின் வயது கடந்த5 வருடங்களில் அதிகரித்திருப்பதும் தெரியவந்துள்ளது. முதல்முறையாக கடன் வாங்கக்கூடிய கஸ்டமர்களின் வயது 2019 ஆம் ஆண்டில் 26 ஆக இருந்தது. இதுவே தற்போது 2023 ஆம் ஆண்டில் இது31 வயதாக அதிகரித்துள்ளது.கடன்களை திருப்பிச் செலுத்தும் திறனும், புதிய பொருளாதார சுதந்திரம் மற்றும் அவர்களின் கனவுகளை நிறைவேற்றுவதற்கான துணிச்சலைக் காட்டுகிறது."
