தேவையான பொருட்கள் - வடை செய்வதற்கு உளுந்தம் பருப்பு 100 மில்லி லிட்டர், பச்சைமிளகாய் 2, கொத்த மல்லி விதை 1 தேக்கரண்டி, பட்டை சோம்பு சிறியது. தேவையான உப்பு, சுடுவதற்கு எண்ணெய்.தேவையான பொருட்கள் - குழம்பு செய்வதற்கு உருளைக்கிழங்கு 2, வெங்காயம் 5, தேஙகாய் அரை மூடி, வற்றல் 5, சீரகம் 1 தேக்கரண்டி, கடலைப்பருப்பு 2 தேக்கரண்டி, உளுந்தம்பருப்பு அரை தேக்கரண்டி, தாளிப்பதற்க எண்ணெய்.செய்முறைபருப்பு - அரை மணிநேரம் நனைய வைத்து வடை செய்வதற்கு தேவையான சாமான்களைச் சேர்து வடைக்கு மாதிரி பொங்க ஆட்டி உப்பைக் கடைசியில் சேர்த்து எடுத்து வைத்துக்கொள்வும். வாணலியில் எண்ணெய் ஊற்றி காய்ந்ததும் நெல்லிக்காய் அளவு சிறு உருண்டைகளோ உருட்டிப் போட்டு சுட்டு எடுக்கவும். உருளைக்கிழங்கை தகடாக நறுக்கி வைத்துக் கொள்ளவும், வற்றல், சீரகம், அரைத்து வைக்கவும். தேங்காயைப் பால் எடுத்து வைத்துக் கொள்ளவும். வாணலியில் 2 கரண்டி, எண்ணெய் ஊற்றிக் கடலைப்பருப்பு ப்பருப்பு உளுந்தம்பருப்பு, கடுகு போட்டுச் சிவந்ததும், வெங்காயம் உருளைக்கிழங்கு கருவேப்பிலை போட்டு வதக்கவும். நன்றாகக் கொதிக்க விடவும். பாதி வதங்கியபின் தேங்காய்ப்பாலில் அரைத்த விழுதைக் கரைத்து ஊற்றி உப்பு, மஞ்சள் சேர்த்து நன்றாகக் கொதிக்க விடவும். கிழங்கு வெந்ததும் தயார் செய்து வைத்திருக்கும்தேவையான வடைகளைப் போட்டு இறக்கி மல்லியிலை தூவி வைக்கவும். குறிப்பு வடைகளைப் போடும்போது குழம்பு கெட்டியாக இருக்கக் கூடாது. வடைகளைப் போட்டதும் குழம்பை குடித்து குழம்பு கெட்டியாகிவிடும், ஆகையால் அதற்க ஏற்றார்போல்குழம்பு தயார் செய்து வடையும், குழம்புமாக பரிமாறவும்.
தேவையான பொருட்கள் - தேங்காய் 1, பீர்க்கங்காய் 1, மிளகாய் 4, கத்தரிக்காய் 4, உருளைக்கிழஞ்கு 300 கிராம், பூண்டு 1, மல்லி, சீரகம் 2 தேக்கரண்டி அரைக்கவும்.செய்முறை - தேங்காயைத் துருவி முதல் பால் கெட்டியாக எடுக்க வேண்டும். இரண்டாவது பாலில் அரைத்த மிளகாய், மல்லி, சீரகம் கலக்கவும். காய்கறிகளை வெட்டி மசால் கலந்து தேங்காய்ப் பாலில் உப்பு சேர்த்து வேக வைக்கவும். வெந்தவுடன் கெட்டிபாலையும் சேர்த்து ஊற்றி மஞ்சள் போடவும். வாணலியில் இரண்டு கரண்டி எண்ணெய் ஊற்றி பட்டை, கிராம்பு, ஏலம்போட்டு தாளித்துக் கொட்டவும். எலுமிச்சம் பழம் பாதி மட்டும் பிழிந்து இறக்கவும்.
தேவையான பொருட்கள்: * மீல் மேக்கர் - 1 கப், வெங்காயம் - 3 டேபிள் ஸ்பூன் (நறுக்கியது) * பூண்டு - 2 டீஸ்பூன் (நறுக்கியது) * கொத்தமல்லி - 1/2 டேபிள் ஸ்பூன் (பொடியாக நறுக்கியது) எப்பவும் பச்சை பயறை கடையாம.. ஒருமுறை இப்படி குழம்பு செஞ்சு சாப்பிடுங்க.. ருசி அள்ளும்.. * அரிசி மாவு - 1 டேபிள் ஸ்பூன் * பொட்டுக்கடலை மாவு - 2 டேபிள் ஸ்பூன் * உப்பு - சுவைக்கேற்ப மீல் மேக்கரை வேக வைப்பதற்கு... * பால் - 2 டீஸ்பூன் * தண்ணீர் - தேவையான அளவு மீல் மேக்கருடன் அரைப்பதற்கு... * சோம்பு - 3/4 டீஸ்பூன் * பச்சை மிளகாய் - 1 * கசகசா - 3/4 டீஸ்பூன் * பட்டை - 1/4 இன்ச் * கிராம்பு - 1 செய்முறை: * முதலில் பாத்திரத்தில் பால் மற்றும் நீரை ஊற்றி அடுப்பில் வைத்து கொதிக்க ஆரம்பிக்கும் போது, அதில் மீல் மேக்கரைப் போட்டு 3-5 நிமிடம் வேக வைத்து இறக்கி, 15 நிமிடம் அப்படியே ஊற வைத்து, நீரை முற்றிலும் வடிகட்டிவிட்டு, குளிர்ந்த நீரில் இரண்டு முறை அலசிக் கொள்ளவும். * பின் மீல் மேக்கரில் உள்ள நீரை கையால் பிழிந்து கொள்ளவும். * பின்பு மிக்ஸி ஜாரில் மீல் மேக்கரைப் போட்டு, அத்துடன் சோம்பு, பச்சை மிளகாய், கசகசா, பட்டை, கிராம்பு சேர்த்து நன்கு அரைத்துக் கொள்ள வேண்டும். * பிறகு அதை ஒரு பௌலில் போட்டு, அத்துடன் பொட்டுக்கடலை மாவு, அரிசி மாவு, வெங்காயம், பூண்டு, கொத்தமல்லி மற்றும் உப்பு சேர்த்து மென்மையாக பிசைந்து கொள்ள வேண்டும். * பின் அதை சிறு சிறு உருண்டைகளாக உருட்டிக் கொள்ளவும். * இறுதியில் ஒரு வாணலியை அடுப்பில் வைத்து, அதில் பொரிப்பதற்கு தேவையான அளவு எண்ணெய் ஊற்றி நன்கு சூடானதும், தீயை குறைத்துவிட்டு, உருட்டிய உருண்டைகளை எண்ணெயில் போட்டு பொன்னிறமாக பொரித்து எடுத்தால், சுவையான சோயா கீமா கோலா உருண்டை தயார்.
தேவையான பொருட்கள் முட்டை 3, மீல்மேக்கர் 200 கிராம், வெஙகாயம் 50 கிராம், தக்காளி 100 கிராம், பச்சை மிளகாய் 5, கடுகு 1 டீஸ்பூன், உளுந்தம் பருப்பு 1 டீஸ்பூன் எண்ணெய் 2 டீஸ்பூன், உப்பு தேவையான அளவு.செய்முறை முதலில் மீல் மேக்கரை கொதிக்கும் நீரில் உப்பைச் சேர்த்து 20 நிமிடம் ஊற வைக்கவும். பின்னர் கடுகு, உளுந்தம் பருப்பு தாளித்து வெங்காயம், பச்சை மிளகாய் ஆகியன சேர்த்து வதக்க வேண்டும். பின் ஊற வைத்த மீல் மேக்கரைப் பிழிந்து பொடியாக நறுக்கி வாணலியில் போட வேண்டும். சிறிது நேரம் கழித்து முட்டையை உடைத்து ஊற்ற வேண்டும். நன்றாக வதக்கி இறக்கும் போது சிறிது சீரகம் போட்டு இறக்க வேண்டும். இதுவே மீல் மேக்கர் முட்டை பொரியல்.
தேவையான பொருட்கள் சோயா 1 கப், மஞ்சள் தூள் கால் டீஸ்பூன், சீரகப் பொடி அரை டீஸ்பூன், கரம் மசாலா 1 டீஸ்பூன், வத்தல் பொடி 1 டேபிள் ஸ்பூன், இஞ்சி, பூண்டு பேஸ்ட் 1 டேபிள் ஸ்பூன், அரிசி மாவு 2 டேபிள் ஸ்பூன், எலுமிச்சை பழம் சாறு அரை மூடி, தேவையாள அளவு உப்பு, தண்ணீர் 1 டேபிள் ஸ்பூன், பச்சை மிளகாய் 10 கறிவேப்பிலை 1 கொத்துசெய்முறை தண்ணீர் கொதிக்க வைத்து அத்துடன் உப்பு சேர்த்து சோயாவை போட்டு அடுப்பை அனைத்து 10 to 15 நிமிடங்கள் மூடி வைக்கவும். பின் நன்றாக வடித்து பிழிந்து வைக்கவும். ஒரு பாத்திரத்தில் சோயா, எல்லா பொடிகளையும் சேர்த்து உப்பு, எலுமிச்சை சாறு சேர்த்து லேசாக தண்ணீர் தெளித்து நன்றாக கலந்து விட்டு 10 நிமிடங்கள் வைக்க வேண்டும்.பின் எண்ணெயை காய வைத்து சோயாவை பொறித்து எடுக்கவும். சோயா மொறு மொறுவென்று பொரிந்ததும் எடுத்து வைக்கவும். எண்ணெயில் பச்சை மிளகாய் கறிவேப்பிலை லேசாக வறுத்து இத்துடன் சேர்த்து கிளறி வைக்கவும். சோயா 65 ரெடி.
தேவையான பொருட்கள் - தயிர் 1 கப், சோயா 1 கப், வெங்காயம் 1 பொடியாக வெட்டியது, மல்லித்தூள் 1 ஸ்பூன், மிளகாய் தூள் ஒன்றரை ஸ்பூன், கடலை மாவு 2 டீஸ்பூன், இஞ்சி, பூண்டு, மஞ்சள் தூள் அரை சிட்டிகை, கரம் மசாலா தூள் அரை ஸ்பூன், பேஸ்ட் 1 ஸ்பூன், உப்பு தேவையான அளவு. பட்டை, கிராம்பு, ஏலக்காய் 1, சீரகம் சிறிதளவு, வெண்ணெய் 1 டீஸ்பூன், தேங்காய் எண்ணெய் 1 டீஸ்பூன், மல்லி தழை சிறிதளவு. செய்முறை -ஒரு மிக்ஸிஜாரில் தயிர், வெங்காயம், மல்லித்தூள், மிளகாய்தூள், கரம் மசாலா, உப்பு சேர்த்து வழுவழுவென்று அரைத்துக் கொள்ளவும். அடுப்பில் வாணலியில் தேங்காய் எண்ணெய், வெண்ணெய் விட்டு பட்டை, கிராம்பு, ஏலக்காய், சீரகம், பெருஞ்சீரகம், சேர்த்து நன்றாக வதக்கவும். பின் அரைத்த மசாலாவைச் சேர்த்து வதக்கி, கடலை மாவு, இஞ்சி பூண்டு பேஸ்ட் சேர்த்து கட்டி இல்லாமல் கரைத்து விட்டு இதை 5 முதல் 7 நிமிடம் மூடி வைக்கவும். எண்ணெய் பிரிந்து வந்ததும், வெண்ணீரில் ஊற வைத்த சோயாவை பிழிந்து சேர்த்து சிறிது நேரம் கொதிக்க விட்டு, மல்லி இலை சேர்த்து இறக்கி வைக்கவும். சோயா தயிர் கிரேவி தயார்.
தேவையான பொருட்கள் - சோயா 1 கப்,சோம்பு, சீரகம் தலா அரை ஸ்பூன், கரம் மசாலா கால் ஸ்பூன், மல்லித்தூள் 1 ஸ்பூன், மிளகாய்த்தூள் 1 ஸ்பூன், கடலை மாவு கால் டீஸ்பூன், சின்ன வெங்காயம் 10, பூண்டு 10 பல், தக்காளி 2, தேங்காய் சிறிதளவு, எண்ணெய் 2 டேபிள்ஸ்பூன், உப்பு தேவையான அளவு, தாளிக்க / பட்டை, கிராம்பு ஏலக்காய், கறிவேப்பிலை.செய்முறை - சோயாவை அரை மணி நேரம் வெந்நீரில் ஊறவைத்து, நன்றாகப் பிழிந்து எடுத்து, சோம்பு சீரகம், சேர்த்து மிக்ஸியில் கொர, கொரப்பாக அரைத்து அத்துடன் கரம் மசாலா, மல்லித்தூள், கடலை மாவு, உப்பு சேர்த்து தேவையான அளவு எடுத்து நன்றாகக் கலந்து உருண்டை பிடித்து 1 உருண்டை அளவு எடுத்து வைத்து விட்டு மீதி உருண்டைகளை ஆலியில் வேக வைக்க வேண்டும்.பின் ஒரு வாணலியில் எண்ணெய் ஊற்றி ஆவியில் வெந்த சோயா உருண்டைகளை லேசாக பொரித்து எடுக்கவும். வாணலியில் எண்ணெய் விட்டு வெங்காயம், பூண்டு, தக்காளி, தேங்காய் சேர்த்து நன்றாக வதக்கி மிளகாய் தூள், மல்லித்தூள் சேர்த்து மிக்ஸியில் பேஸ்ட் ஆக அரைக்கவும். வாணலியில் எண்ணெய் விட்டு, பட்டை, கிராம்பு, ஏலக்காய், கறிவேப்பிலை தாளித்து அரைத்த விழுதைச் சேர்த்து தேவையான உப்பு கலந்து நன்றாக கொதிக்க விடவும். இத்துடன் எடுத்து வைத்த சோயா உருண்டையை தண்ணீரில் கரைத்து ஊற்றி கொதிக்க விடவும். பச்சை வாசைன போனவுடன் பொரித்த சோயா உருண்டைகளைச் சேர்த்து சிறிது நேரம் கொதிக்க விட்டு மல்லித்தழை சேர்த்து இறக்கவும்.
தேவையான பொருட்கள் : புளி -நெல்லிக்காய் அளவு, மிளகு ஒரு டீஸ்பூன், பெருங்காயத்தூள் - ஒரு டீஸ்பூன், மஞ்சள்தூள் ஒரு சிட்டிகை, சீரகம் - ஒரு டீஸ்பூன், உப்பு - தேவைக்கேற்ப. -செய்முறை: புளியை நேரடியாக அடுப்பு தணலில் காட்டி திருப்பி, திருப்பி சுட்டு அதை வெதுவெதுப்பான நீரில் ஊறவைத்து, பிழிந்து, புளிக்கரைசல் தயார் செய்யவும். மிளகு, சீரகத்தை நெய்யில் வறுத்து பொடித்துக்கொள்ளவும். கடாயில் புளிக்கரைசல் விட்டு, உப்பு, பெருங்காயத்தூள், மஞ்சள்தூள், மிளகு - சீரகப் பொடி சேர்த்து ஒரு கொதி வந்ததும் இறக்கவும். சூடான சாதத்தில் நெய் விட்டு, இந்த ரசத்தை ஊற்றிக் கலந்து சாப்பிடலாம். இதை பிரசவித்த பெண்களுக்குத் தருவார்கள். இதற்கு தாளிக்கக் கூடாது.
தேவையான பொருட்கள் : மிளகு - 2 டீஸ்பூன், மல்லி (தனியா) - ஒரு டீஸ்பூன், ரெடிமேட் ரசப்பொடி - ஒரு டீஸ்பூன், மஞ்சள்தூள் - ஒரு சிட்டிகை, தக்காளி - ஒன்று, புளி - சிறிதளவு, வெல்லம் அல்லது சர்க்கரை - சிறிதளவு, நெய் - ஒரு டீஸ்பூன், பூண்டுப் பல் - 2, கடுகு, பெருங்காயத்தூள், கறிவேப்பிலை, கொத்தமல்லித் தழை - சிறிதளவு, எண்ணெய் - ஒரு டீஸ்பூன், உப்பு - தேவைக்கேற்ப.செய்முறை: நெய்யில் மிளகு, தனியாவை வறுத்து பொடி செய்து வைத்துக் கொள்ளவும். புளியில் 2 கப் நீர்விட்டு புளிக்கரைசல் தயார் செய்யவும். கடாயில் புளிக்கரைசலை விட்டு உப்பு, பெருங்காயத்தூள், நசுக்கிய பூண்டுப் பல், நறுக் கிய தக்காளி சேர்த்து கொதிக்கவிடவும். இப்போது மிளகு-தனியா பொடி, ரசப்பொடி, மஞ்சள்தூள் சேர்த்து கொதிவந்தவுடன் இறக்கி, வெல்லம் அல்லது சர்க்கரை சேர்க்கவும். எண்ணெயில் கடுகு, கறிவேப்பிலை தாளித்து ரசத்தில் சேர்க்கவும். கொத்த மல்லித்தழை தூவி, ரசப் பாத்திரத்தை மூடவும். ரசத்தை அடுப்பிலிருந்து இறக்கிய உடனேயே மூடிவிட்டால், ரசத்தின் மணம், சுவை அப்படியே கிடைக்கும்.
தேவையான பொருட்கள் : புளித்த தயிரை கடைந்த மோர் - 2 கப், மஞ்சள்தூள் - ஒரு சிட்டிகை, உப்பு - தேவைக்கேற்ப.தாளிக்க: கடுகு, உளுத்தம் பருப்பு, வெந்தயம் - தலா ஒரு டீஸ்பூன், கறிவேப்பிலை - சிறிதளவு, காய்ந்த மிளகாய் - 2, எண்ணெய் - ஒரு டீஸ்பூன்.செய்முறை: மோருடன் உப்பு, மஞ்சள்தூள் சேர்த்து 3 நிமிடங்கள் கொதிவிட்டு நிறுத்தவும். தாளிக்கக் கொடுத்துள்ளவற்றை தாளித்து மோரில் சேர்க்கவும். (விருப்பப்பட்டால் பெருங்காயத் தூளும் சேர்த்துக்கொள்ளலாம்).
