வாழைக்காயை வட்ட வட்டமாக நறுக்கிய பிறகு கடாயில் எண்ணெய் ஊற்றி வாழைக்காய் உப்பு சேர்த்து நன்றாக கலந்து விட்டு அந்த எண்ணெயில் முக்கால் பதம் வாழைக்காய் வெந்த பிறகு மிளகாய் தூள் சோம்பு பூண்டு சேர்த்து கலந்து விட்டு வறுத்து எடுத்தால் நன்றாக இருக்கும்.வேண்டும் என்றால் லேசாக தண்ணீர் தெளித்து எடுத்தாலும் மெதுவாக நன்றாக இருக்கும்வாழைக்காய் வறுவல், ரசம்,தக்காளி சாதம் பொருத்தமாக இருக்கும்.
தேவையான பொருட்கள்: தினை 250 கிராம், பாசிப்பருப்பு -50 கிராம். மிளகு - அரை டீஸ்பூன், சீரகம் - 1 டீஸ்பூன், நெய் - 1 டேபிள்ஸ்பூன், முந்திரி - 10, இஞ்சி - சிறு துண்டு, கறிவேப்பிலை - 1 கொத்து, உப்பு - தேவைக்குசெய்முறை:தினையை அரை மணி நேரம் தண்ணீரில் ஊறவைத்துக் கழுவவும். பாசிப்பருப்பை எண்ணெய் விடாமல் வறுத்துக் கழு விக் கொள்ளவும். குக்கரில்5 கப் தண்ணீர் விட்டுக் கொதிக்கவிடவும். பாசிப்பருப்பை அதில் போட்டு அரை வேக்காடு வேகவைக்கவும். அதனுடன் கழுவி வைத்துள்ள தினை அரிசியைப் போட்டு உப்பு சேர்த்து வேகவிடவும்.2 விசில் வந்ததும் அடுப்பை அணைத்துவிடவும். ஒரு பாத்திரத்தில் நெய் விட்டு உடைத்த முந்திரிப் பருப்பைப் போட்டு வறுக்கவும். குக்கரில் ஆவி அடங்கியதும் வறுத்த முந்திரியை அதில் சேர்க்கவும். அதனுடன் சிறிது நெய்யில் மிளகு, சீரகம், கறிவேப்பிலை, துருவிய இஞ்சி ஆகியவற்றைத் தாளித்துச் சேர்க்கவும். தினை வெண்பொங்கல் தயார்.
தேவையானவை - சுத்தம் செய்த வெந்தயக்கீரை - 2 கப், கோதுமை மாவு - 2 கப், உப்பு, எண்ணெய் தேவைக்கு, மிளகாய்த்தூள், சீரகத்தூள் - தலா 1/2 டீஸ்பூன், மஞ்சள் தூள் - 1/4 டீஸ்பூன்.செய்முறை: -வாயகன்றபாத்திரத்தில் கோதுமை மாவு, வெந்தயக்கீரை, மிளகாயத்தூள், சீரகத்தூள், மஞ்சள் தூள், உப்பு சேர்த்துச் சிறிது சிறிதாகத் தண்ணீவிட்டு சப்பாத்தி மாவு பதத்துக்குப் பிசைந்து 10 நிமிடங்கள் ஊறவிடவும்.பிறகு அந்தமாவிலிருந்து எலுமிச்சம்பழ அளவு உருண்டையாக எடுத்துச் சப்பாத்தியாகத் திரட்டி, தோசைக்கல்லில் போட்டு இருபுறமும் எண்ணெய்விட்டு எண்ணெய்விட்டு வேகவைக்கவும். சுவையான, சத்தான வெந்தயக்கீரை பராத்தா ரெடி. கெட்டித் தயிர் அல்லது தயிர்ப்பச்சடியைத் தொட்டுக் கொண்டு சாப்பிட்டால்,சுவை அள்ளும்.
தேவையானவை :பச்சரிசி - 1 கப்உளுந்து பருப்பு -1/2 கப்சமையல் சோடா- ஒரு சிட்டிகைஉப்பு -ஒரு சிட்டிகைசர்க்கரை - 2 கப்தண்ணீர் - 3/4 கப்எலுமிச்சை சாறு - 3 துளிஎண்ணெய்- பொரிப்பதற்குசிவப்பு கலர் -ஒரு சிட்டிகைசெய்முறை :அரிசி மற்றும் உளுந்து பருப்பை 4 மணிநேரம் ஊறவைக்கவும்.ஊறவைத்த அரிசி , பருப்பை தண்ணீர் சேர்க்காமல் மைய அரைத்துக்கொள்ளவும். அரைத்த மாவுடன், உப்பு, சோடா, கலர் நன்றாக கலக்கவும். ஒரு பாத்திரத்தில் தண்ணீர், சர்க்கரை சேர்த்து, சர்க்கரை கலங்கும் வரை அதிக சூட்டில் கொதிக்கவிடவும். நெருப்பை குறைந்த சூட்டில் வைத்து ஒரு கம்பி பதம் வரும்வரை கொதிக்கவிடவும். அடுப்பை அணைத்துவிட்டு , எலுமிச்சை சாறு சேர்த்து கலக்கிவிடுங்கள்.வாணலியில் எண்ணெய் சூடாக்கி , மாவு கலவையை சிறு உருண்டைகளாக எண்ணையில் பொன்னிறமாக பொரித்தெடுக்கவும். எண்ணெய் வடித்துவிட்டு சர்க்கரை பாகில் ஊறவைக்கவும்.ஒரு நாள் ஊறிய பின்பு ,வேறு பாத்திரத்தில் மாற்றி , ஒரு வாரம் வரை சுவைக்கலாம்
தேவையானவை : வெங்காயம் – 1 .தக்காளி – 2 .இஞ்சி பூண்டு விழுது – 1 தேக்கரண்டி.கருவேப்பில்லை – ஒரு கொத்து.மஞ்சள் பொடி – 1 /4 தேக்கரண்டி.சிக்கன் மசாலா அல்லது கரம் மசாலா – 1 தேக்கரண்டி.காய்கறிகள் – 1 கப் ( நான் உருளைக்கிழங்கு மட்டுமே சேர்த்தேன் , நீங்கள் தங்கள் விருப்பம்போல் சேர்க்கலாம்).தேங்காய் – 1 / 4 கப்.கொத்துமல்லி – ஒரு கை.எண்ணெய் – 1 தேக்கரண்டி .கடுகு -1 / 4 தேக்கரண்டி.வறுத்து அரைப்பதற்கு :நிலக்கடலை – 1 தேக்கரண்டி.வர மல்லி – 1 தேக்கரண்டி.வரமிளகாய் – 5 .கசகசா – 1 / 2 தேக்கரண்டி .பட்டை – 2 ( 1 ” அளவு ).கிராம்பு – 3 .செய்முறை : வெங்காயம்மற்றும்தக்காளியை பொடியாக நறுக்கிக்கொள்ளவும்.வாணலியில்மிதமானசூட்டில்நிலக்கடலை , வரமல்லி , மிளகாய் , பட்டை , கிராம்பு சேர்த்து நன்றாக நிறம் மாறி , நறுமணம் வரும் வரை வறுக்கவும்.பின்பு வறுத்த பொருட்களை பொடியாக அரைத்து கொள்ளவும். வாணலில் எண்ணெய் சூடாக்கி , கடுகு சேர்த்து பொரியும் வரை வதக்கி , வெங்காயம் சேர்த்து பொன்னிறமாக வதக்கவும். பின்பு தக்காளி சேர்த்து நன்றாக வதக்கி , இஞ்சி பூண்டு விழுது , கருவேப்பில்லை சேர்த்து ஒரு நிமிடம் வதக்கவும் . மசாலா பொடிகளை சேர்த்து , மஞ்சள் பொடி, சிக்கன் மசாலா , வறுத்து அரைத்த மசாலா பொடி ஆகியவற்றை சேர்த்து நன்றாக கிளறி , நறுக்கிய காய்கறிகளை சேர்த்து , உப்பு ,3 கப் தண்ணீர் சேர்த்து வேகவிடவும்.தேங்காயை சிறிது தண்ணீர் சேர்த்து அரைத்துவைத்து கொள்ளவும். சால்னாவில் காய்கறிகள் நன்றாக வெந்த பிறகு , அரைத்த தேங்காய் விழுதை சேர்த்து 2 நிமிடம் கொதிக்கவிடவும். இறுதியாக மல்லி தழை தூவி இறக்கி , பரோட்டாவுடன் பரிமாறவும்.இந்தசால்னாசப்பாத்தி ,தோசையுடன் சுவைக்கவும் நன்றாக இருக்கும்.மசாலா வறுக்கும் பொழுது , சிறிது கரு நிறமாக வறுத்தால் நமக்கு ஹோட்டலில் வாங்கும் சால்னா போன்ற நிறம் கிடைக்கும் (ஆனால் கருகிவிடக்கூடாது).விருப்பம்போல்சிக்கன் , கேரட் , பீட்ரூட் ,கோஸ் , பட்டாணி ,முட்டைஎதுவேண்டுமானால் சேர்க்கலாம்.காய்களை மசிய வேகவைக்க வேண்டாம்.வேகும் பதம் இருந்தால்தான் நன்றாக இருக்கும்..தண்ணீர் உங்களுக்கு வேண்டுமான அளவு சேர்க்கவும்.
செய்முறை - நன்கு திரித்த கேழ்வரகு மாவை சலித்து தேங்காய்த் தண்ணீர், சிறிது உப்பு சேர்த்து மாவை புட்டக்குப் போல் புரட்டிக் கொள்ளவும். பின் ரவைச் சல்லடையில் மாவைச் சலித்துதேங்காய்ப்பூ தூவி ஈரமில்லாத துணியில் புட்டு அவியலாக அவித்து, வெந்தவுடன் சீனி சேர்க்கவும். நெய் சேர்த்துச் சாப்பிடலாம்.
செய்முறை - மணம் வரும்படி வறுத்த கம்பை பரபரவென்று மாவாக்கி, புட்டுமாவுபோல், தேங்காய்த் தண்ணீர் உப்பு சேர்த்துப் புரட்டி, புட்டு அவியலாக தேங்காய்ப்பூ சேர்த்து அவிக்கலாம். சீனி, நெய் சேர்த்துச் சாப்பிட ருசியாக இருக்கும்.
செய்முறை - கோதுமையைத் தீட்டி, சுத்தம் செய்து நன்கு வறுக்கவும், மிஷினில் கொடுத்து மாவாகத் திரிக்கவும். இந்த மாவை உப்பு நீரில் புட்டுக்கு விரவுவது போல், விரவி, ரவைச் சல்லடையில் சலிக்கவும். குழாய்ப்புட்டு மாதிரியும் அவிக்கலாம். இல்லையெனில், இட்லிப் பாத்திரத்தில் வைத்தும் அவிக்கலாம். தேங்காய்ப்பூ,சீனி, நெய் சேர்த்துச் சாப்பிட ருசியாக இருக்கும்.
தேவையான பொருட்கள் - கோதுமை ரவை 2 கப், பச்சைப் பட்டாணி 100 கிராம், காரட் சீவியது 2, முட்டைக் கோஸ் 100 கிராம் வெட்டி வேக வைத்தது. உருளைக்கிழங்கு அவித்தது 4, எண்ணெய் அல்லது நெய் கால் கப், பச்சை மிளகாய் 3 பொடியாக வெட்டியது. புளித்த தயிர் அரை கப், கரம் மசாலா அரை தேக்கரண்டி, உப்பு தேவையான அளவு.செய்முறை- மேலே குறிப்பிட்டுள்ளவை அனைத்தையும் அரை கப் தண்ணீர் விட்ட சேர்த்து (புட்டுக்கு மாதிரி) கலவையாக்கவும். எண்ணெய் தடவிப் புட்டுக்குழலில் போட்டு ஆவியில் வேகவைத்து எடுக்கவும். தயிர் விருப்பமில்லாதவர்கள் அதற்குப் பதிலாக ஒரு கோப்பை பால் உபயோகிக்கலாம்.
செய்முறை - இடியாப்ப மாவில் சிறிது உப்புத் தண்ணீர் தெளித்து மேலே கூறியபடி புட்டு மாவு தயார் செய்து வைத்துக் கொள்ளவும். தேங்காயை துருவி கொள்ளவும். புட்டுக் குழலில் முதலில் தேங்காய்ப்பூவைப் போட்டு அடுத்து ஒரு கை மாவு போட்டு அடுத்து சீனி கொஞ்சம் தூவி அடுத்து தேங்காய்ப்பூ தூவவும், பழையபடி மாவு சீனி, தேங்காய்ப்பூ இவ்வாறு குழாயின் மேல் பாகம் வரை நிரப்பி மூடி, கலையத்தில் சிறிது தண்ணீர் ஊற்றி குழாயை அதில் பொருத்தி வேகவைக்க வேண்டும். மூடியிலுள்ள துவாரத்தின் வழியாக ஆவி வந்ததும் குழாயை எடுத்து அடிப்பக்கத்திலிருந்து ஒரு குச்சியால் புட்டை வெளியே தள்ளவும்.சுவையான புட்டு தயார் .
