25 YEARS OF EXCELLENCE
Weather: -
Friday Jul 17, 2026
08:39:44am
Weather: -
Friday Jul 17, 2026
08:39:44am
ஜெர்மனியில் நடைபெறும் உலக ஜூனியர் துப்பாக்கி சுடுதல் சாம்பியன்ஷிப்பில், 16 வயதான இந்திய வீரர் பிரிதம் கேந்த்ரே ஆண்களுக்கான 10 மீ. ஏர் ரைபிள் பிரிவில் தங்கப்பதக்கம் வென்றார். பெண்களுக்கான 25 மீ. பிஸ்டல் அணி பிரிவில் இந்தியா வெண்கலப் பதக்கத்தையும் கைப்பற்றியது. இதுவரை இந்தியா 5 தங்கம், 1 வெள்ளி, 6 வெண்கலம் என மொத்தம் 12 பதக்கங்களுடன் முதலிடத்தில் உள்ளது.
ரீ-என்ட்ரி: லண்டனில் நடக்கவுள்ள விம்பிள்டன் டென்னிஸ் தொடரில், அமெரிக்காவின் செரினா வில்லியம்ஸ் (44) 'வைல்டு கார்டு' முறையில் ஒற்றையர் பிரிவிலும், தன் அக்கா வீனஸுடன் (46) இணைந்து இரட்டையர் பிரிவிலும் பங்கேற்கிறார்.சாதனைகள்: விம்பிள்டனில் செரினா ஒற்றையரில் 7 பட்டங்களும், இரட்டையரில் 6 பட்டங்களும் வென்றுள்ளார். 2012 ஒலிம்பிக்கிலும் இதே களத்தில் இரு பிரிவுகளிலும் தங்கம் வென்றார்.சவால்: நீண்ட இடைவெளிக்குப் பின் விளையாடுவதால் 'ரேங்கிங்' இல்லாத செரினா, முதல் சுற்றிலேயே ஸ்வியாடெக் அல்லது சபலென்கா போன்ற முன்னணி வீராங்கனைகளை எதிர்கொள்ள நேரிடலாம்.செரினாவின் இந்த 'ரீ-என்ட்ரியை' பெண்கள் டென்னிஸ் கூட்டமைப்பு (WTA) வரவேற்றுள்ளது.
நியூசிலாந்தின் ஆக்லாந்து நகரில், பெண்களுக்கான நேஷன்ஸ் கோப்பை ஹாக்கியின் 4-வது சீசன் நடைபெற்றது. நேற்று நடந்த விறுவிறுப்பான இறுதிப்போட்டியில் இந்தியா மற்றும் நியூசிலாந்து அணிகள் மோதின.இதில் அபாரமாக விளையாடிய இந்திய அணி 2-0 என்ற கோல் கணக்கில் வெற்றி பெற்று, 2-வது முறையாக சாம்பியன் பட்டத்தை தட்டிச் சென்றது.வரலாற்று வெற்றி: இதற்கு முன், கடந்த 2022-ல் நடந்த இறுதிப்போட்டியில் ஸ்பெயினை வீழ்த்தி இந்திய அணி முதன்முறையாக சாம்பியன் பட்டம் வென்றிருந்தது குறிப்பிடத்தக்கது.புரோ லீக் தகுதி: இத்தொடரில் சாம்பியன் பட்டம் வென்றதன் மூலம், இந்திய பெண்கள் அணி புரோ லீக் தொடரில் (2026-27) விளையாட அதிகாரப்பூர்வமாக தகுதி பெற்றுள்ளது.கோப்பை வென்று சாதனை படைத்த இந்திய அணியினருக்கு, ஹாக்கி இந்தியா சார்பில் பரிசுத்தொகை அறிவிக்கப்பட்டுள்ளது:வீராங்கனைகளுக்கு: தலா ₹3 லட்சம்பயிற்சியாளர் குழுவினருக்கு: தலா ₹1.5 லட்சம்
இலங்கையில் நடைபெற்ற முத்தரப்பு ஒருநாள் கிரிக்கெட் தொடரின் ,இறுதிப்போட்டியில் இந்தியா 'ஏ' அணி அபார வெற்றி பெற்று கோப்பையை கைப்பற்றியது.தம்புலா மைதானத்தில் நேற்று நடைபெற்ற பைனலில், இந்தியா 'ஏ' மற்றும் இலங்கை 'ஏ' அணிகள் மோதின. டாஸ் வென்ற இலங்கை 'ஏ' அணி முதலில் பந்துவீச்சை தேர்வு செய்தது.முதலில் பேட்டிங் செய்த இந்தியா 'ஏ' அணி, 50 ஓவர்களில் 9 விக்கெட் இழப்பிற்கு 377 ரன்கள் குவித்து வலுவான இலக்கை நிர்ணயித்தது. இளம் வீரர் வைபவ் சூர்யவன்ஷி வெறும் 11 பந்துகளில் அரைசதம் விளாசி உலக சாதனை படைத்து அனைவரின் கவனத்தையும் ஈர்த்தார்.378 ரன்கள் என்ற கடின இலக்கை நோக்கி களமிறங்கிய இலங்கை 'ஏ' அணி, இந்திய பந்துவீச்சை சமாளிக்க முடியாமல் 47.1 ஓவர்களில் 311 ரன்களுக்கு அனைத்து விக்கெட்டுகளையும் இழந்தது.இதன்மூலம் 66 ரன்கள் வித்தியாசத்தில் வெற்றி பெற்ற இந்தியா 'ஏ' அணி, முத்தரப்பு தொடரின் சாம்பியன் பட்டத்தை வென்றது. அதிரடி ஆட்டத்தை வெளிப்படுத்திய வைபவ் சூர்யவன்ஷி ஆட்டநாயகன் விருதை தட்டிச் சென்றார்.
ஜெர்மனி 2-1 ஐவரிகோஸ்ட்டொராண்டோவில் நடந்த 'இ' பிரிவு லீக் ஆட்டத்தில் ஜெர்மனி அணி, ஐவரிகோஸ்டை 2-1 என்ற கோல் கணக்கில் வீழ்த்தியது. கடைசி நிமிடத்தில் உன்டாவ் அடித்த கோல் ஜெர்மனிக்கு திரில் வெற்றியை தேடித்தந்தது. இதன் மூலம் ஜெர்மனி தொடர்ச்சியாக 2-வது வெற்றியை பதிவு செய்தது.ஜப்பான் 4-0 துனிசியாமெக்சிகோவின் மாண்டெரேவில் நடந்த 'எப்' பிரிவு ஆட்டத்தில் ஜப்பான் அணி, துனிசியாவை 4-0 என்ற கோல் கணக்கில் எளிதாக தோற்கடித்தது. இந்த உலகக் கோப்பை வரலாற்றில் ஜப்பானின் மிகப்பெரிய வெற்றி இதுவாகும்.நெதர்லாந்து 5-1 சுவீடன்ஹூஸ்டனில் நடைபெற்ற 'எப்' பிரிவு ஆட்டத்தில் நெதர்லாந்து அணி, சுவீடனை 5-1 என்ற கோல் கணக்கில் வீழ்த்தி முதல் வெற்றியை பெற்றது. காக்போ 2 கோல்கள் அடித்து வெற்றியில் முக்கிய பங்காற்றினார்.
ஜெர்மனியில் நடைபெற்று வரும் ஜூனியர் உலக துப்பாக்கிச் சுடுதல் சாம்பியன்ஷிப் தொடரில் இந்திய வீராங்கனைகள் அசத்தலான ஆட்டத்தை வெளிப்படுத்தி வருகின்றனர். பெண்களுக்கான 10 மீட்டர் ஏர் பிஸ்டல் பிரிவின் தகுதிச்சுற்றில் இந்தியாவின் ஹிமான்சி (574), சேஜல் (573), வன்ஷிகா (572) ஆகியோர் முறையே 3, 4, 5-வது இடங்களைப் பெற்று இறுதிப்போட்டிக்கு முன்னேறினர்.இறுதிச்சுற்றில் சிறப்பாக செயல்பட்ட 18 வயதான சேஜல், 240.2 புள்ளிகள் குவித்து முதலிடத்தைப் பிடித்து தங்கப்பதக்கத்தை வென்றார். மேலும், பெண்களுக்கான 50 மீட்டர் ரைபிள் 3 பொசிஷன்ஸ் பிரிவில் இந்தியாவின் பிராச்சி வெள்ளிப்பதக்கத்தை கைப்பற்றினார்.இந்தப் போட்டித் தொடரில் இதுவரை இந்தியா 2 தங்கம், 1 வெள்ளி மற்றும் 3 வெண்கலப் பதக்கங்கள் என மொத்தம் 6 பதக்கங்களை வென்று பதக்கப் பட்டியலில் முதலிடத்தில் நீடிக்கிறது. தலா ஒரு தங்கம் மற்றும் ஒரு வெள்ளிப் பதக்கத்துடன் ரஷ்யா இரண்டாவது இடத்திலும், ஒரு தங்கம் மற்றும் ஒரு வெண்கலப் பதக்கத்துடன் சுவிட்சர்லாந்து மூன்றாவது இடத்திலும் உள்ளன.
மும்பையில் நடைபெற்ற குளோபல் செஸ் தொடரின் 9வது சீசனில் இந்திய கிராண்ட் மாஸ்டர் இனியன் சாம்பியன் பட்டத்தை வென்றார். 16 நாடுகளைச் சேர்ந்த 56 வீரர்கள் பங்கேற்ற இந்த தொடரில், 13 கிராண்ட் மாஸ்டர்கள் மற்றும் 33 சர்வதேச மாஸ்டர்கள் களமிறங்கினர்.உலகின் முன்னணி வீரர்களான பெலாரஸின் அலெக்சி பெடெரோவ் மற்றும் ரஷ்யாவின் போரிஸ் செவ்சென்கோ ஆகியோரை வீழ்த்திய இனியன், 9 சுற்றுகள் முடிவில் 7.5 புள்ளிகள் (6 வெற்றி, 3 டிரா) பெற்று முதலிடம் பிடித்தார். ரஷ்யாவின் போரிஸ் செவ்சென்கோ இரண்டாவது இடத்தையும், இந்தியாவின் அஜய் சந்தோஷ் மூன்றாவது இடத்தையும் பெற்றனர்.
மெக்சிகோ, கனடா மற்றும் அமெரிக்காவில் நடைபெற்று வரும் 2026 உலகக் கோப்பை கால்பந்து தொடரில் லீக் போட்டிகள் விறுவிறுப்பாக நடைபெற்று வருகின்றன.கனடா - கத்தார்:வான்கூவரில் நடைபெற்ற ‘பி’ பிரிவு ஆட்டத்தில் கனடா அணி, கத்தாரை 3-0 என்ற கோல் கணக்கில் வீழ்த்தியது. கனடா அணிக்காக சைல் லாரின் மற்றும் ஜோனாதன் டேவிட் உள்ளிட்டோர் கோல்கள் அடித்து வெற்றிக்கு வழிவகுத்தனர்.சுவிட்சர்லாந்து - போஸ்னியா:லாஸ் ஏஞ்சல்ஸில் நடந்த ‘பி’ பிரிவு போட்டியில் சுவிட்சர்லாந்து அணி 4-1 என்ற கோல் கணக்கில் போஸ்னியாவை எளிதாக தோற்கடித்தது. ஜோஹன் மன்ஜாம்பி இரண்டு கோல்களும், ரூபன் வர்காஸ் ஒரு கோலும் அடித்தனர். இதன் மூலம் சுவிட்சர்லாந்து தொடரில் தனது முதல் வெற்றியை பதிவு செய்தது.மெக்சிகோ - தென் கொரியா:குவாடலஜாராவில் நடைபெற்ற ‘ஏ’ பிரிவு ஆட்டத்தில் மெக்சிகோ அணி 1-0 என்ற கோல் கணக்கில் தென் கொரியாவை வென்றது. லூயிஸ் ரோமோ அடித்த கோலே ஆட்டத்தின் வெற்றிக் கோலாக அமைந்தது. சொந்த மண்ணில் மெக்சிகோ சிட்டியைத் தவிர மற்ற நகரங்களில் நடைபெற்ற உலகக் கோப்பை போட்டிகளில் மெக்சிகோ பெற்ற முதல் வெற்றியாக இது பதிவானது.
ஒலிம்பிக்கில் தொடர்ச்சியாக இரு பதக்கங்களை வென்று, சாதனை படைத்த இந்திய ஈட்டி எறிதல் வீரர் நீரஜ் சோப்ரா, முதுகுப்பகுதி காயத்திலிருந்து முழுமையாக மீண்டுள்ளார். இன்று நடக்கும் கத்தார் டைமண்ட் லீக் தொடரில் அவர் களமிறங்குகிறார். கடந்த ஆண்டு இதே தொடரில் இவர் 90.23 மீ. தூரம் எறிந்து சாதனை படைத்திருந்தது குறிப்பிடத்தக்கது.
சீனாவில் நடைபெறும் மக்காவ் ஓபன் பாட்மிண்டன் தொடரின் பெண்கள் ஒற்றையர் பிரிவில், இந்தியாவின் அஷ்மிதா அமெரிக்க வீராங்கனையை வீழ்த்தி காலிறுதிக்கு முன்னேறினார். மற்றொரு போட்டியில் மலேசிய வீராங்கனை காயத்தால் பாதியில் விலகியதால், இந்தியாவின் அன்மோல் கார்ப் காலிறுதிக்கு தகுதி பெற்றார்.
