25 YEARS OF EXCELLENCE
Weather: -
Friday Jul 17, 2026
08:38:25am
Weather: -
Friday Jul 17, 2026
08:38:25am
உலகக் கோப்பை கால்பந்து காலிறுதியில், நார்வே அணியை 2-1 என்ற கோல் கணக்கில் வீழ்த்தி இங்கிலாந்து அரையிறுதிக்குள் நுழைந்தது.அமெரிக்காவின் மயாமியில் நடந்த போட்டியில் ஆட்டநேர முடிவில் இரு அணிகளும் 1-1 என சமநிலையில் இருந்தன. கூடுதல் நேரத்தில் இங்கிலாந்து வெற்றிக்கான கோலை அடித்து 2-1 என்ற கணக்கில் வெற்றி பெற்று அரையிறுதியை உறுதி செய்தது.அர்ஜென்டினா அபாரம்... அரையிறுதிக்கு முன்னேற்றம்.உலகக் கோப்பை கால்பந்து தொடரின் காலிறுதியில் சுவிட்சர்லாந்தை 3-1 என்ற கோல் கணக்கில் வீழ்த்தி நடப்பு சாம்பியன் அர்ஜென்டினா அரையிறுதிக்கு முன்னேறியது.அமெரிக்காவின் கன்சாஸ் சிட்டியில் நடைபெற்ற தொடரின் 100வது போட்டியில், 10வது நிமிடத்தில் மெஸ்ஸியின் கார்னரை அலெக்சிஸ் மேக் அலிஸ்டர் தலையால் முட்டி கோலாக மாற்றினார். தொடர்ந்து சிறப்பாக விளையாடிய அர்ஜென்டினா 3-1 என்ற கணக்கில் வெற்றி பெற்று அரையிறுதி வாய்ப்பை கைப்பற்றியது.
இங்கிலாந்தின் லண்டனில் நடைபெற்று வரும் விம்பிள்டன் கிராண்ட்ஸ்லாம் டென்னிஸ் தொடரில், ஆண்கள் ஒற்றையர் பிரிவு அரையிறுதியில் ஜெர்மனியின் அலெக்சாண்டர் ஸ்வெரேவ் அபார ஆட்டத்தை வெளிப்படுத்தி இறுதிப்போட்டிக்குள் முன்னேறினார்.பிரிட்டனின் ஆர்தர் பெரியை எதிர்கொண்ட ஸ்வெரேவ், முதல் செட்டை டைபிரேக்கரில் 7-6 என கைப்பற்றினார். அதன்பின் ஆதிக்கம் செலுத்திய அவர், அடுத்த இரண்டு செட்களையும் 6-2, 6-4 என வென்று போட்டியை நேர் செட்களில் முடித்தார்.2 மணி 14 நிமிடங்கள் நீடித்த இந்த ஆட்டத்தில் 7-6, 6-2, 6-4 என்ற கணக்கில் வெற்றி பெற்ற ஸ்வெரேவ், தனது விம்பிள்டன் வரலாற்றில் முதல் முறையாக ஒற்றையர் பிரிவு பைனலுக்கு தகுதி பெற்றார்.
சீனாவில் நடைபெற்று வரும் 23 வயதுக்குட்பட்டோருக்கான ஆசிய தடகள சாம்பியன்ஷிப்பில் இந்திய வீரர், வீராங்கனைகள் தொடர்ந்து பதக்கங்களை குவித்து வருகின்றனர். நேற்று மட்டும் இந்தியா மூன்று வெண்கலப் பதக்கங்களை கைப்பற்றியது.பெண்கள் 800 மீட்டர் ஓட்டத்தில் இந்தியாவின் புமேஷ்வொரி தேவி 2:10.20 நிமிடங்களில் பந்தயத்தை முடித்து வெண்கலப் பதக்கம் வென்றார். இந்தப் பிரிவில் உஸ்பெகிஸ்தானின் ஜோன் பிபி தங்கமும், ஜப்பானின் குருமி வெள்ளியும் கைப்பற்றினர். இந்தியாவின் வைஷ்ணவி ஐந்தாவது இடத்தில் நிறைவு செய்தார்.ஆண்கள் 800 மீட்டர் ஓட்டத்தில் ஷகீல் 1:48.78 நிமிடங்களில் இலக்கை எட்டி வெண்கலப் பதக்கம் பெற்றார். மேலும், ஆண்கள் 200 மீட்டர் ஓட்டத்தில் அபே சிங் 20.96 வினாடிகளில் பந்தயத்தை முடித்து இந்தியாவுக்கு மேலும் ஒரு வெண்கலத்தை சேர்த்தார்.இந்த தொடரில் இதுவரை இந்தியா 1 தங்கம், 2 வெள்ளி, 6 வெண்கலம் என மொத்தம் 9 பதக்கங்களை வென்று அசத்தியுள்ளது.
ஆஸ்திரேலியாவின் பிரபல உள்ளூர் டி20 கிரிக்கெட் தொடரான 'பிக் பாஷ் லீக்' 2011 முதல் ஆண்டுதோறும் நடைபெற்று வருகிறது. இதுவரை 15 சீசன்கள் நிறைவடைந்துள்ள நிலையில், பெர்த் ஸ்கார்ச்சர்ஸ் அணி அதிகபட்சமாக 6 முறை சாம்பியன் பட்டத்தை வென்றுள்ளது. 16வது சீசன் வரும் டிசம்பர் 12-ம் தேதி தொடங்குகிறது. இதில் மொத்தம் 8 அணிகள் பங்கேற்கின்றன.ஆஸ்திரேலியாவில் அரசுமுறை பயணம் மேற்கொண்டிருந்த பிரதமர் நரேந்திர மோடி, அந்நாட்டு பிரதமர் அந்தோணி அல்பனீசுடன் மெல்போர்ன் கிரிக்கெட் மைதானத்தை பார்வையிட்டார். அப்போது முன்னாள் ஆஸ்திரேலிய கேப்டன் ஸ்டீவ் வாக்கையும் சந்தித்தார்.அந்த நிகழ்வில் பேசிய பிரதமர் மோடி, 'பிக் பாஷ் லீக்' 16வது சீசனின் தொடக்கப் போட்டி டிசம்பர் 12-ம் தேதி சென்னை சேப்பாக்கம் மைதானத்தில் நடைபெறும் என்று அறிவித்தார்.இதன் மூலம், வெளிநாட்டு பிரான்சைஸ் டி20 லீக் தொடரின் அதிகாரப்பூர்வ போட்டி ஒன்று இந்தியாவில், அதுவும் சென்னை சேப்பாக்கம் மைதானத்தில், முதல் முறையாக நடைபெற உள்ளது.
இங்கிலாந்தில் சுற்றுப்பயணம் மேற்கொண்டுள்ள ஹர்மன்பிரீத் கவுர் தலைமையிலான இந்திய மகளிர் அணி, ஒரே ஒரு டெஸ்ட் போட்டியில் விளையாடுகிறது.லண்டனின் புகழ்பெற்ற லார்ட்ஸ் மைதானத்தில் நேற்று தொடங்கிய இந்த ஆட்டம், அங்கு நடைபெறும் முதல் மகளிர் டெஸ்ட் போட்டி என்ற வரலாற்றுச் சிறப்பை பெற்றுள்ளது.'டாஸ்' வென்ற இங்கிலாந்து கேப்டன் நாட் சிவர்-பிரண்ட் முதலில் பந்துவீச்சை தேர்வு செய்தார். அதன்படி களமிறங்கிய இந்திய அணி, முதல் இன்னிங்சில் 285 ரன்களுக்கு அனைத்து விக்கெட்டுகளையும் இழந்தது.
சீனாவில் நடைபெற்று வரும் 23 வயதுக்குட்பட்டோருக்கான முதல் ஆசிய தடகள சாம்பியன்ஷிப் தொடரில் இந்தியா முதல் நாளிலேயே சிறப்பான தொடக்கத்தை பதிவு செய்தது.4x400 மீட்டர் கலப்பு ரிலே ஓட்டத்தில் ஆசிக் பிரதான் சந்திரமோல், சேது மிஷ்ரா, ஷ்ரவானி உள்ளிட்ட இந்திய அணி 3:18.64 நிமிடங்களில் பந்தயத்தை முடித்து தங்கப் பதக்கம் வென்றது.ஆண்கள் குண்டு எறிதலில் பார்த் பிரீத் சிங் வெண்கலமும், பெண்கள் 3000 மீ. ஸ்டீபிள்சேஸ் போட்டியில் பிராச்சி தேவ்கர் வெண்கலமும் கைப்பற்றினர்.ஆண்கள் 5000 மீ. ஓட்டத்தில் ஷிவாஜி பரசுராம் வெள்ளிப் பதக்கம் வென்றார். அதே பிரிவில் வினோத் சிங் வெண்கலப் பதக்கம் பெற்றார்.முதல் நாள் முடிவில் இந்தியா 1 தங்கம், 2 வெள்ளி, 3 வெண்கலம் என மொத்தம் 6 பதக்கங்களை வென்று அசத்தியது.
புனேயில் நடைபெற்ற சர்வதேச 'ரவுண்ட் ராபின்' செஸ் தொடரில் தமிழக வீரர் அஸ்வத் சிறப்பாக விளையாடி புதிய கிராண்ட்மாஸ்டர் அந்தஸ்தைப் பெற்றார்.9 சுற்றுகளில் 6 வெற்றி, 2 டிரா பெற்று மொத்தம் 7 புள்ளிகளுடன் இரண்டாவது இடத்தைப் பிடித்த அவர், கிராண்ட்மாஸ்டர் பட்டத்திற்குத் தேவையான மூன்றாவது நார்மை நிறைவு செய்தார்.கன்னியாகுமரியைச் சேர்ந்த அஸ்வத் தற்போது 2517 ரேட்டிங் புள்ளிகளுடன் இந்தியாவின் புதிய கிராண்ட்மாஸ்டராக உயர்ந்துள்ளார்.
லண்டனில் நடைபெற்று வரும் விம்பிள்டன் டென்னிஸ் தொடரில் பெண்கள் ஒற்றையர் பிரிவு அரையிறுதியில் செக் குடியரசின் கரோலினா முசோவா, அமெரிக்காவின் கோகோ காஃப்பை போராடி வீழ்த்தினார்.6-2, 1-6, 7-6 என்ற செட் கணக்கில் வெற்றி பெற்ற முசோவா, தனது விம்பிள்டன் வாழ்க்கையில் முதல் முறையாக இறுதிப்போட்டிக்கு முன்னேறினார்.ஆண்கள் ஒற்றையர் காலிறுதியில் ஜெர்மனியின் அலெக்சாண்டர் ஸ்வெரேவ், அமெரிக்காவின் டெய்லர் பிரிட்ஸை 6-4, 6-4, 6-2 என்ற நேர் செட்களில் வீழ்த்தி அரையிறுதிக்குள் நுழைந்தார்.
தமிழ்நாடு கிரிக்கெட் சங்கம் நடத்தும் தமிழ்நாடு பிரிமியர் லீக் (டி.என்.பி.எல்.) டி-20 தொடரின் 10வது சீசன் ஆகஸ்ட் 4ஆம் தேதி தொடங்குகிறது.முதற்கட்ட போட்டிகள் ஆகஸ்ட் 4 முதல் 15 வரை திண்டுக்கல் மாவட்டம் நத்தம் என்.பி.ஆர். கல்லூரி மைதானத்தில் நடைபெறவுள்ளன. இரண்டாம் கட்ட போட்டிகள் சென்னை சேப்பாக்கம் மைதானத்தில் நடத்தப்படுகின்றன.இதுவரை நடைபெற்ற 9 சீசன்களில் சேப்பாக்கம் அணி 4 முறை சாம்பியன் பட்டம் வென்று அதிக வெற்றிகளைப் பதிவு செய்துள்ளது.
2026 உலகக் கோப்பையில் அர்ஜென்டினா வெற்றி பெற்றதைத் தொடர்ந்து, கால்பந்து நட்சத்திரம் லியோனல் மெஸ்ஸியைகௌரவிக்கும் வகையில் 85 அடி உயர பிரம்மாண்ட சிலை நிறுவப்பட்டுள்ளது. ரசிகர்களை ஈர்த்து வரும் இந்தச் சிலை, அர்ஜென்டினா விளையாட்டு வரலாற்றின் புதிய அடையாளமாகக் கருதப்படுகிறது.
