தெற்காசிய ஜீனியர் தடகள சாம்பியன்ஷிப் 4வது சீசன் சென்னை நேரு விளையாட்டு அரங்கில் நடக்கிறது. தெற்காசிய ஜீனியர் தடகளத்தில் இதுவரை இந்தியா 12 தங்கம் 13 வெள்ளி 3 வெண்கலம் என மொத்தம் 28 பதக்கம் கைப்பற்றியது. நேற்று ஒரே நாளில் இந்தியா 9 தங்கம் உட்பட 19 பதக்கம் கைப்பற்றியது.இந்தியாவின் அம்னத் காம்போஜ் 48.38 மீட்டர் வட்டு எறிதலில் வெள்ளி வென்றார். ஆண்களுக்கான வட்டு எறிதலில் இந்திய வீரர் ரித்திக் 55.64 மீட்டர் புதிய சாதனையுடன் தங்கம் வென்றார். ராம்ன் 51.22 மீட்டர் வெள்ளி வசப்படுத்தினார். பெண்களுக்கான 119 மீட்டர் தடை ஒட்டத்தில் இந்தியாவின் உன்னதி 13.93 வினாடி தங்கப் பதக்கம் கைப்பற்றினார். 0.03 வினாடி பின் தங்கிய மற்றொரு இந்திய வீராங்கனை சபிதா 13.96 மீட்டரில் வெள்ளி கைப்பற்றினார். இந்த இரண்டும் புதிய சாதனையாக அமைந்தது.ஆண்களுக்கான 110 மீட்டர் தடை ஓட்டத்தில் இந்தியாவின் நயன் பிரதீப் 14.14 வினாடி வெள்ளிப்பதக்கம் கைப்பற்றினார்.நீளம் தாண்டுதலில் இந்திய விரர் ஜித்தின் அர்ஜீனன் 7.61 மீட்டர் தூரம் தாண்டி, தங்கப்பதக்கம் வசப்படுத்தினார். மற்றொரு இந்திய வீரர் முகமது அடா சாஜித் 7.43 மீட்டர் வெள்ளி கைப்பற்றினார். பெண்களுக்கான நீளம் தாண்டுதலில் இந்தியாவின் பிரதிக் ஷா யமுனா 5.79 மீட்டர் லக்சன்யா 5.75 மீட்டர் முறையே தங்கம், வெள்ளி வென்றனர்.நேற்று 10 பிரிவில் இந்தியா 9ம் பிரிவில் தங்கம் வென்றது . 9 வெள்ளி 1 வெண்கலம் என நேற்று மட்டும் இந்திய 19 பதக்கம் வசப்படுத்தியது.
ஆசிய சாம்பியன்ஸ் ஹாக்கி தொடரில் முதல் மூன்று போட்டியில் வெற்றி பெற்ற இந்திய அணி அரையிறுதிக்கு முன்னேறியது. ற்று தனது நான்காவது போட்டியில் தென் கொரியாவை எதிர்கொண்டது.முதல் பாதியில் இந்திய 2-1 என முன்னிலை பெற்றது. இரண்டாவது பாதியில் 43-வது நிமிடம் கேப்டன் ஹர்மன்பிரீத் சிங். பெனால்டி கார்னர் வாய்ப்பில் ஒரு கோல் அடித்தார். முடிவில் இந்திய அணி 3-1 என்ற கணக்கில் வெற்றி பெற்றது. இந்திய அணி 12 புள்ளியுடன் பட்டியலில் முதலிடத்தில் உள்ளது.
தெற்காசிய ஜீனியர் தடகளத்தில் முதல் நாளான நேற்று இந்தியா 3 தங்கம், 4 வெள்ளி, 2 வெண்கலம் என மொத்தம் 9 பதக்கம் கைப்பற்றியது. தெற்காசிய ஜீனியர் தடகள் சாம்பியன்ஷிப் 4வது சீசன், சென்னை நேரு விளையாட்டு அரங்கில் நேற்று துவங்கியது. இந்தியாவின் 62 வீரர் வீராங்கனை உட்பட மொத்தம் 210 பேர் பங்கேற்கின்றனர். முதலில் ஆண்களுக்கான குண்டு எறிதல் போட்டி நடந்தது. இந்தியா சார்பில் சித்தார்த் சவுத்ரி அனராக் சிங் களமிறங்கினார்.நான்காவது வாய்ப்பில் அதிகபட்சம் 19.19 மீட்டர் தூரம் எறிந்த சித்தார்த் சவுத்ரி, தங்கப்பதக்கம் தட்டிச் சென்றார். தவிர தெற்காசி ஜீனியர் தடகளத்தில் இது புதிய சாதனையாக அமைந்தது.இந்திய வீரர் அனுராக் சிங், 18.91 மீட்டர் தூரம் எறிய ,வெள்ளிப்பதக்கம் கிடைத்தது. பெண்களுக்கான 100 மீட்டர் ஓட்டத்தில் இந்தியாவின் அபிநயா ராஜராஜன் தமிழகம் 11.77 வினாடி நேரத்தில் ஓடி வந்து முதலிடம் பிடித்து தங்கப்பதக்கம் கைப்பற்றினார். இது தெற்காசிய ஜீனியர் தடகளத்தில் புதிய சாதனை ஆனது. இந்தியாவின கதீக் ஷா 11.92 வெள்ளி வெண்றார். ஆண்களுக்கான 100 மீட்டர் ஓட்டத்தில் இந்தியாவின் மிருத்யம் ஜெயராம் 10.56 வினாடி வெண்கலம் வசப்படுத்தினார். பெண்களுக்கான உயரம் தாண்டுதல் போட்டியில் இந்தியாவின் பூஜா 1.80 மீட்டர் தாண்டி தங்கப்பதக்கம் கைப்பற்றினார்.
ஆசிய சாம்பியனஸ் ஹாக்கி தொடரின் அரையிறுதிக்கு முன்னேறியது இந்தியா, நேற்று நடந்த போட்டியில், மலேசியாவை வீழ்த்தி ஹாட்ரிக் வெற்றியை பதிவு செய்தது. இந்தியா. இளம் வீரர் அராய்ஜித் சிங் 39வது நிமிடம் மற்றொரு கோல் அடிக்க, இந்திய அணி 8-1 என்ற கணக்கில் இமாலய வெற்றி பெற்றது. பங்கேற்ற 3 போட்டியிலும் வெற்றி பெற்ற இந்தியா 9 புள்ளி எடுத்தது. 2 போட்டி மீதமுள்ள நிலையில், இந்திய அணி அரையிறுதிக்கு முன்னேறியது.
காமன்வெல்த் செஸ் சாம்பியன்ஷிப் தொடர் இலங்கையில் நடந்தது. இதில் இந்திய வீராங்கனை ஷீபி குப்தா தங்கம், வெண்கலம் இரு பதக்கம் வென்று சாதித்தார்.
பிரான்ஸ் தலைநகர் பாரிசில் மாற்றுத்திறனாளிகளுக்கான பாராலிம்பிக் போட்டி நடந்தது. இந்தியா சார்பில் 84 பேர் பங்கேற்றனர். பாராலிம்பிக் முடிந்த நிலையில் பாரிசில் இருந்து கிளம்பிய நமது நட்சத்திரங்கள் நேற்று டில்லி விமான நிலையம் வந்திறங்கினர். இவர்களுக்கு பாரம்பரிய மேளதாளம் முழங்க ரசிகர்கள் உற்சாக வரவேற்பு அளித்தனர்.பாராலிம்பிக்கில் சாதித்த இந்திய நட்சத்திரங்களுக்கான பரிசுத் தொகையை மத்திய விளையாட்டுத் துறை அமைச்சர் மன்சுக் மாண்டவியா அறிவித்தார். தங்கம் வென்றவருக்கு ரூ.75, லட்சம், வெள்ளி ,வெண்கலம் வென்றவருக்கு முறையே ரூ. 50, லட்சம், ரூ.30, லட்சம் வழங்கப்படும். கலப்பு பிரிவில் பதக்கம் வென்ற ஷித்தல் தேவி உட்பட ஒவ்வொருவருக்கும் தலா ரூ.22.50 லட்சம் தரப்படும்.மன்சுக் மாண்டவியா கூறுகையில் பாரிசில் 29 பதக்கம் வென்று சாதித்துள்ளோம். வரும் 2028-ல் லாஸ் ஏஞ்சல்சில் நடக்க உள்ள பாராலிம்பிக்கில் இன்னும் அதிகமான பதக்கங்களை வெல்வோம் என்றார்.
ஆசிய சாம்பியன்ஸ் டிராபி லீக் போட்டியில் நேற்று நடந்த லீக் நடப்பு சாம்பியன் இந்தியா, ஐப்பான் அணிகள் மோதின. ஆட்டத்தின் 2வது நிமிடத்திலேயே சுக்ஜீத் சிங் மின்னல் வேகத்தில் கோல் அடித்தார். அடுத்து அபிஷேக் 3வது நிமிடம் ஒரு கோல் அடித்தார். தொடர்ந்து , இந்திய அணிக்கு பெனால்டி கார்னர் மூலம் சஞ்சய் கோல் அடிக்க முதல் பாதி முடிவில் 3-0 என் முன்னிலை பெற்றது. இரண்டாவது பாதியிலும் இந்தியா ஆதிக்கம் செலுத்தியது. இந்திய அணி 5-1 என்ற கணக்கில் தொடர்ந்து இரண்டாவது வெற்றியை பதிவு செய்தது.
உலக காதுகோளாதோர் துப்பாக்கி சுடுதல் சாம்பியன்ஷிப் ஜெர்மனியில் நடந்தது. 16 நாடுகளை சேர்ந்த 70 பேர் 16 வகையான பிரிவுகளில் பங்கேற்றனர். இந்தியா சார்பில் 13 பேர் விளையாடினர். இத்தொடரில் 7 தங்கம் 7 வெள்ளி, 7 வெண்கலம் என மொத்தம் 21 பதக்கம் வென்ற இந்தியா, பதக்கப்பட்டியலில் முதலிடத்தை தட்டிச் சென்றது. இந்தியா சார்பில் அபினவ் தேஷ்வால், அதிக பட்சமாக 5 பதக்கம் ஒரு தங்கம்,- 4 வெள்ளி வென்றார், மஹித் சாந்து, 4 பதக்கம் -3 தங்கம், 1 வெள்ளி கைப்பற்றினார். தனுஷ் ஸ்ரீகாந்த் 2 தங்கம், அனுயா பிரசாத் சவுரியா சைனி தலா ஒரு தங்கம் வென்றனர்.
பாரிஸ் பாராலிம்பிக்கில் அசத்திய இந்தியா 29 பதக்கம் வென்றது நேற்றைய நிறைவு விழா அணிவகுப்பில் மூவர்ணக் கொடி ஏந்தி வந்த ஹர்விந்தர், பிரீத்தி உள்ளிட்ட இந்திய விளையாட்டு குழுவினர்.
இந்திய வீரர் நவ்தீப் சிங் ஈட்டி எறிதலில் 47.32 மீட்டர் தூரம் எறிந்த இவர் இரண்டாவது இடத்துக்கான வெள்ளி தான் வென்றார். ஆனால் முதலிடம் பிடித்த ஈரானின் பெய்ட் சாயா சதேக் 47.64 மீட்டர் தகுதி நீக்கம் செய்யப்பட, நவ்தீப் சிங்கிற்கு தங்கம் வழங்கப்பட்டது. முதலிடம் பிடித்த மகிழ்ச்சியில் சிவப்பு நிறத்தில் அரேபிய மொழியில் வாசம் எழுதப்பட்ட கொடியை எடுத்து காண்பித்தார். தங்களது நாட்டுக் கொடியை காண்பிப்பது தவறு இதன் காரணமாக தகுதி நீக்கம் செய்யப்பட்டார். பாராலிம்பிக் விதியை மீறிய சதேக். தங்கத்தை பரிதாபமாக இழந்தார்.
