25 YEARS OF EXCELLENCE
Weather: -
Friday Oct 30, 2026
05:33:36am
Weather: -
Friday Oct 30, 2026
05:33:36am
பயன்பாட்டின் காரணமாக காகித ரூபாய் நோட்டுகள் விரைவில் அழுக்கடைந்து, கிழிந்து விடுகின்றன. இதற்கு மாற்றாக, தற்போது பல்வேறு நாடுகளில் நீண்ட ஆயுள் கொண்ட பாலிமர் (பிளாஸ்டிக்) நோட்டுகள் புழக்கத்தில் உள்ளன. இவை 'பைஆக்சலி ஒரியண்டட் பாலிபுரோபலீன்' (BOPP) என்ற சிறப்பு வகை பிளாஸ்டிக்கால் தயாரிக்கப்படுபவை ஆகும்.தயாரிப்பு முறைபாலிமர் மூலப்பொருள் சரியான வெப்பத்தில் உருக்கப்பட்டு, மெல்லிய தாளாக மாற்றப்படுகிறது.அதன் மேல் அச்சிடுவதற்கு ஏற்றவாறு சிறப்பு பூச்சு பூசப்பட்டு, பாதுகாப்பு அம்சங்கள் சேர்க்கப்படுகின்றன.பல நிறங்களில் உயர் பாதுகாப்புடன் அச்சிடப்பட்டு, தரச் சோதனைக்குப் பின் நோட்டுகள் வெட்டப்பட்டு வெளியிடப்படுகின்றன.முக்கிய நன்மைகள்.நீண்ட ஆயுள்: காகித நோட்டுகளை விட அதிக காலம் உழைக்கக்கூடியவை.பாதிப்பற்றவை: நீரில் நனைந்தாலும் எளிதில் சேதமடையாது; அழுக்கடைவதும் குறைவு.உயர் பாதுகாப்பு: காகித நோட்டுகளை விடப் பல மடங்கு பாதுகாப்பு அம்சங்கள் நிறைந்தவை.கள்ள நோட்டுகளைத் தடுக்கும் தொழில்நுட்பங்கள்வெளிப்படையான பகுதி: நோட்டின் ஒரு பகுதியில் வெளிப்படையான (Transparent) ஜன்னல் போன்ற அமைப்பு இருக்கும். இதை போலி நோட்டுகளில் உருவாக்குவது மிகவும் கடினம்.வண்ணம் மாறும் படங்கள்: ஹோலோகிராம் மற்றும் ஒளி மாறும் படங்கள் இருப்பதால், நோட்டைச் சாய்த்துப் பார்க்கும்போது நிறம் மாறும்.நுண்ணிய அச்சிடுதல் (Micro-printing): சாதாரண அச்சுப்பொறியால் நகலெடுக்க முடியாதபடி, மிகச் சிறிய எழுத்துக்கள் மற்றும் வடிவங்கள் அச்சிடப்பட்டிருக்கும்.புற ஊதா கதிர் குறியீடுகள் (UV Features): சாதாரணக் கண்களுக்குத் தெரியாத, அல்ட்ரா வயலட் ஒளியில் மட்டுமே தெரியக்கூடிய பாதுகாப்பு குறியீடுகள் இதில் இடம்பெற்றிருக்கும்.இத்தகைய நீடித்த உழைப்பு மற்றும் அதிநவீன பாதுகாப்பு அம்சங்களால், பாலிமர் நோட்டுகள் உலகின் மிக மேம்பட்ட பணத்தாள்களாகக் கருதப்படுகின்றன.
தாய்லாந்து செல்லத் திட்டமிட்டுள்ள பயணிகளுக்கு ஒரு முக்கிய அறிவிப்பு! இதுவரை இந்தியர்களுக்கு வழங்கப்பட்டு வந்த 60 நாள் விசா-இல்லா (Visa-Free) அனுமதி ரத்து செய்யப்பட்டுள்ளது. தேசிய பாதுகாப்பு மற்றும் முறையான குடியேற்றக் கட்டுப்பாடுகளைக் கருத்தில் கொண்டு, தாய்லாந்து அமைச்சரவை இந்த அதிரடி முடிவை எடுத்துள்ளது. இனி இந்தியப் பயணிகள் தாய்லாந்து செல்ல விரும்பினால், 'விசா ஆன் அரைவல்' (Visa On Arrival - VOA) முறை அல்லது முன்கூட்டியே இ-விசா (e-Visa) பெற வேண்டியது கட்டாயமாகும். இந்த புதிய நடைமுறையின் கீழ், விசா ஆன் அரைவல் மூலம் செல்லும் பயணிகள் அதிகபட்சம் 15 நாட்கள் மட்டுமே தங்கியிருக்க முடியும். தாய்லாந்து செல்லும் முன் உங்கள் பயணத் திட்டங்களை அதற்கேற்ப மாற்றிக்கொள்ளுங்கள்!
இளம் வயதிலேயே அறிவியல் மற்றும் விண்வெளி ஆராய்ச்சியில் ஆர்வம் காட்டி, சர்வதேச மேடையில் தமிழர்களுக்கும் இந்தியாவிற்கும் பெருமை சேர்க்கும் மாணவர் ஹரி துவரகனுக்கு RAJAPALAYAM TIMES சார்பில் பாராட்டுக்கள்.
தலைமைச் செயலகத்தில்உள்ள மனிதவள மேலாண்மைத் துறை அரசு ஊழியர்களுக்கு வரும் ஜூன் 1ஆம்தேதி முதல் ஃபேஸ் ஐடி எனப்படும் முக அடையாள வருகைப் பதிவேடு கட்டாயம் - தமிழக அரசு உத்தரவு
தமிழ்நாடு முதலமைச்சர் திரு. ச. ஜோசப் விஜய் அவர்களின் தொடர் முயற்சியால், பருத்தி மீதான 11% இறக்குமதி வரியை ஒன்றிய அரசு அதிகாரப்பூர்வமாக ரத்து செய்துள்ளது.பின்னணி மற்றும் நடவடிக்கை:முதலமைச்சரின் கடிதம் (14.05.2026): தமிழ்நாட்டின் நெசவு மற்றும் ஜவுளித் தொழில்துறையினரின் நலனைக் கருத்தில் கொண்டு, பருத்திக்கான 11% இறக்குமதி வரியை முழுமையாக ரத்து செய்ய வேண்டும் என்று வலியுறுத்தி ஒன்றிய அரசுக்கு முதல்வர் விஜய் கடிதம் எழுதியிருந்தார்.ஒன்றிய அரசின் உத்தரவு (30.05.2026): தமிழக முதலமைச்சரின் இந்த நியாயமான கோரிக்கையை ஏற்று, பருத்தி மீதான 11% இறக்குமதி வரியை ரத்து செய்வதாக ஒன்றிய அரசு தற்போது உத்தரவிட்டுள்ளது.முந்தைய அரசுகளால் சாதிக்க முடியாத இந்த முக்கியத்துவம் வாய்ந்த வரிவிலக்கை, முதல்வர் விஜய் தனது விரைவான மற்றும் துரிதமான நடவடிக்கையின் மூலம் சாத்தியமாக்கிக் காட்டியுள்ளார் என அரசியல் வட்டாரங்கள் தெரிவிக்கின்றன.
இந்தியாவின் இறையாண்மை தொழில்நுட்ப வளர்ச்சியை ஆதரிக்கும் நோக்கில், முன்னணி சாப்ட்வேர் நிறுவனமான ஸோஹோ (Zoho), அரசாங்க ஆதரவு பெற்ற ONDC மின்வணிகத் தளத்தில் ₹70 கோடி முதலீடு செய்துள்ளது.📌 முக்கிய புள்ளிகள்:MSME-களுக்கு அதிகாரமளித்தல்: சந்தை அணுகல் மற்றும் கட்டமைப்புத் தடைகளை எதிர்கொள்ளும் குறு, சிறு மற்றும் நடுத்தர நிறுவனங்கள் (MSMEs) தங்களின் வாடிக்கையாளர் வட்டத்தை விரிவுபடுத்தவும், நிலையான வளர்ச்சியை அடையவும் இந்த முதலீடு உதவும்.செயலிகளின் பங்களிப்பு: விக்ரா (Vikra) விற்பனையாளர் செயலி மற்றும் Zoho ERP, Zoho Books, Zoho Inventory போன்ற நிதிச் செயலிகள் மூலம் சிறு வணிகர்கள் ONDC நெட்வொர்க் வழியாக இந்தியச் சந்தையுடன் நேரடியாக இணைக்கப்படுவார்கள்.ONDC-யின் பிரம்மாண்ட வளர்ச்சி: இந்திய வர்த்தகத்தை ஜனநாயகப்படுத்தும் ONDC தளம், கடந்த 2026 நிதியாண்டில் மட்டும் 218 மில்லியன் பரிவர்த்தனைகளை சாத்தியமாக்கி சாதனை படைத்துள்ளது."நாட்டைக் கட்டமைப்பதில் தனியார் துறையும் பங்களிக்க வேண்டும்; ONDC உடனான இந்த இணைப்பு அனைத்து வணிகங்களுக்கும் டிஜிட்டல் தொழில்நுட்பத்தை எளிமையாக்கும்." – சிவராமகிருஷ்ணன் ஈஸ்வரன் (தலைவர், ஸோஹோ நிதி மற்றும் செயல்பாடுகள் பிரிவு).மத்திய வர்த்தகம் மற்றும் தொழில்துறை அமைச்சகத்தின் (DPIIT) கீழ் 2021-ல் ONDC தொடங்கப்பட்டது என்பது குறிப்பிடத்தக்கது.
பெங்களூருவைச் சேர்ந்த வீட்டுச் சேவை ஸ்டார்ட்அப் நிறுவனமான 'பிரான்டோ' (Pranto), ரோபோடிக்ஸ் மற்றும் AI பயிற்சிக்காக வாடிக்கையாளர்களின் வீடுகளுக்குள் நடக்கும் வேலைகளைப் பதிவு செய்ததை ஒப்புக்கொண்டுள்ளது. முதலீட்டாளர் ஆவணங்கள் மூலம் இது வெளிச்சத்திற்கு வந்ததைத் தொடர்ந்து, வாடிக்கையாளர்களின் தனியுரிமை (Privacy) குறித்து பெரும் சர்ச்சை எழுந்துள்ளது.மத்திய அரசு விசாரணை: இந்த விவகாரத்தை மின்னணு மற்றும் தகவல் தொழில்நுட்ப அமைச்சகம் (MeitY) கவனத்தில் கொண்டு தீவிர விசாரணை நடத்தி வருகிறது.பிரான்டோவின் விளக்கம்: இது வெறும் 0.1% வாடிக்கையாளர்களை மட்டுமே உள்ளடக்கிய ஒரு சோதனைத் திட்டம். வாடிக்கையாளர்களின் முழு அனுமதியுடன் (Opt-in) மட்டுமே பாத்திரங்களைக் கழுவுதல், சுத்தம் செய்தல் போன்ற வேலைகள் பதிவு செய்யப்படுகின்றன; இயல்பாக (By default) கேமராக்கள் பயன்படுத்தப்படுவதில்லை.போட்டி நிறுவனங்கள் மறுப்பு: இந்தத் துறையில் தாங்கள் இது போன்ற செயல்களில் ஈடுபடுவதில்லை என 'அர்பன் கம்பெனி' மற்றும் 'ஸ்னாபிட்' போன்ற போட்டி நிறுவனங்கள் திட்டவட்டமாக மறுத்துள்ளன.முதலீட்டு உயர்வு: இந்தச் சர்ச்சைகளுக்கு மத்தியிலும், பிரான்டோ நிறுவனம் சமீபத்தில் 20 மில்லியன் டாலர் நிதி திரட்டி, தன் சந்தை மதிப்பை 200 மில்லியன் டாலர்களாக உயர்த்தியுள்ளது.
பசிபிக் பெருங்கடல் பகுதியில் வெப்பநிலை இயல்பை விட 2.5 டிகிரி செல்சியஸ் அதிகரிக்கக் கூடிய நிகழ்வான சூப்பர் எல்-நினோ, இந்த ஆண்டு அக்டோபர் மாதத்தில் உருவாகக்கூடும் என கணிப்புஇதன் தாக்கம் உலகம் முழுவதும் உணரப்படக்கூடும் என்றும், இதனால் 2027 ஆம் ஆண்டு உலகளாவிய வெப்பநிலை, இதுவரை பதிவாகாத அளவில் உச்சத்தை தொடக்கூடும் என்றும் கணிப்புதனியார் வானிலை ஆய்வாளர் ஹேமச்சந்திரன்.
பிளாஸ்டிக் கேன்களில் அடைத்த நீரை வெயில் படாமல் வைக்க வேண்டும் என்றே அறிவுறுத்தப்படுகிறது. ஆனால், சில கடைகளில் வெயில் படும்படி வைத்துள்ளதை காண முடியும். இதனால் அந்த நீரில் மைக்ரோ பிளாஸ்டிக் துகள்கள் கலக்க வாய்ப்புள்ளது. இந்த நீரைநாம்அருந்தும்போதுபலமோசமானவிளைவுகளை உண்டாக்கும்.எனவே,கடைஉரிமையாளர்கள்பொறுப்புடனும், பொதுமக்கள் கவனத்துடனும் இருக்க வேண்டுகின்றோம்.
செவ்வாய் கிரகத்தில் (Mars) நீர் பனி (Water ice) இருப்பதை நாசா மற்றும் ஐரோப்பிய விண்வெளி முகமை (MSA) அதிகாரப்பூர்வமாக உறுதிப்படுத்தியுள்ளன. செவ்வாயின் வடக்கே உள்ள சமவெளிப் பகுதியில் அமைந்துள்ள 82 கிலோமீட்டர் அகலமுள்ள 'கொரோலெவ்' (Korolev) பள்ளத்தில் இந்தப் பிரம்மாண்டமான பனி அடுக்கு கண்டறியப்பட்டுள்ளது. இந்தத் திகைப்பூட்டும் புகைப்படத்தை இ.எஸ்.ஏ-வின் 'மார்ஸ் எக்ஸ்பிரஸ்' (Mars Express) விண்கலம் எடுத்துள்ளது. இந்தக் கொரோலெவ் பள்ளத்தின் மையப்பகுதியில் சுமார் 1.8 கிலோமீட்டர் தடிமன் கொண்ட பனி அடுக்கு ஆண்டு முழுவதும் உறைந்த நிலையிலேயே காணப்படுகிறது
