25 YEARS OF EXCELLENCE
Weather: -
Saturday Oct 17, 2026
11:16:30am
Weather: -
Saturday Oct 17, 2026
11:16:30am
பிரிஞ்சி இலைகளை குடிநீராகக் காய்ச்சிதினமும் காலை சிறிதளவு குடித்துவந்தால், அதிகப்படியான கொழுப்புகள் குறைய வாய்ப்பு அதிகம். சிறிது பிரிஞ்சி இலைப் பொடியுடன், இரண்டு சிட்டிகைஜாதிக்காய்ப்பொடி சேர்த்து பாலில் கலந்து கொதிக்கவைத்து வடிகட்டிக் குடித்தால் நிம்மதியான உறக்கம் வரும்.வெப்ப வீரியத்துடன் கார்ப்புச் சுவையைத் தாங்கியிருக்கும் பிரிஞ்சி இலைகளுக்கு வாய்வுஅகற்றி, பசித்தூண்டி, வியர்வைபெருக்கி ஆகிய செய்கைகள் இருக்கின்றன.வாந்தி, வாய்ப்புண், நீர்வேட்கை, ஜூர நோய்கள், சுவாசகாசம், இரைப்பு நோய் போன்றவற்றுக்கு பிரிஞ்சி இலை எதிரி.
பேரீச்சம்பழம், சியா விதைகள், பாதாம் போன்றவற்றை அளவோடு உணவில் சேர்க்கலாம். இவை நார்ச்சத்து, நல்ல கொழுப்பு, சில தாதுக்கள் உள்ளிட்ட ஊட்டச்சத்துகளை வழங்குகின்றன.ஆனால் 5–10 பாதாம் சாப்பிட்டால் உடலுக்குத் தேவையான அனைத்து ஊட்டச்சத்துகளும் கிடைத்துவிடும் என்று கூற முடியாது. பல்வேறு உணவுகளை உள்ளடக்கிய சமச்சீர் உணவே சிறந்தது.
சுண்டைக்காயில் பல்வேறு ஊட்டச்சத்துகள் உள்ளன. சுண்டைக்காய் வற்றலை அளவோடு உணவில் சேர்த்துக்கொள்ளலாம். ஆனால் சர்க்கரைநோயைக் கட்டுப்படுத்தும் மருந்துக்கு மாற்றாக இதைப் பயன்படுத்தக் கூடாது.
‘Non-Segmental Vitiligo’ (வெண்புள்ளி) நோய்க்கான RINVOQ (upadacitinib) என்ற மாத்திரைக்கு அமீரகம் ஒப்புதல் அளித்துள்ளது.மருத்துவர் பரிந்துரையுடன், 12 வயது மற்றும் அதற்கு மேற்பட்டவர்கள்இதை தினமும் ஒருமுறை எடுத்துக்கொள்ளலாம் என தெரிவிக்கப்பட்டுள்ளது.மருந்தை மருத்துவரின் ஆலோசனை இல்லாமல் பயன்படுத்தக் கூடாது.
தொப்புளில் விளக்கெண்ணெய் விடுவதால் கண் பார்வை மேம்படும் அல்லது கண்களைச் சுற்றி எண்ணெய் தடவுவதால் கருவளையம் மறையும் என்பதற்கு மருத்துவ ஆதாரம் இல்லை.கண் ஆரோக்கியத்துக்கு வைட்டமின் ஏ உள்ளிட்ட ஊட்டச்சத்துகள் நிறைந்த சமச்சீர் உணவு, போதுமான தூக்கம், திரை நேரத்தை கட்டுப்படுத்துதல் மற்றும் தேவையானபோது கண் பரிசோதனை செய்வது முக்கியம்.
கொய்யா இலைத் தேநீர் குறித்து ரத்தச் சர்க்கரை தொடர்பான சில ஆய்வுகள் இருந்தாலும், அதை 12 வாரங்கள் குடித்தால் நீரிழிவு நோய் குணமாகும் அல்லது வாழ்நாள் முழுவதும் மீண்டும் வராது என்று கூற முடியாது.நீரிழிவு உள்ளவர்கள் மருத்துவர் பரிந்துரைத்த மருந்துகளை நிறுத்திவிட்டு வீட்டு வைத்தியத்தை மட்டும் பயன்படுத்தக் கூடாது. ரத்தச் சர்க்கரையை முறையாக கண்காணிப்பதும் அவசியம்.
பூண்டு, மஞ்சள், சீரகம் ஆகியவற்றை தண்ணீரில் கொதிக்க வைத்து குடிப்பது சிலரால் பாரம்பரிய வீட்டு முறையாகப் பயன்படுத்தப்படுகிறது.இந்தப் பானம் உடலுக்கு நன்மை தரும் என்று சமூக வலைதளங்களில் பல்வேறு தகவல்கள் பகிரப்பட்டாலும், உடல் எடையைக் குறைப்பது, இதய அடைப்பைத் தடுப்பது அல்லது நோய் எதிர்ப்பு சக்தியை அதிகரிப்பது போன்ற குறிப்பிட்ட மருத்துவ பலன்களுக்கு இதை உறுதியான சிகிச்சையாகக் கருதக் கூடாது.ஆரோக்கியமான உணவு, உடற்பயிற்சி மற்றும் தேவையான மருத்துவ ஆலோசனைகளே உடல் நலத்தைப் பாதுகாப்பதில் முக்கியமானவை.
அரைக்கீரை, இஞ்சி, நெல்லிக்காய், கறிவேப்பிலை போன்ற உணவுப் பொருட்கள் ஆரோக்கியமான உணவின் ஒரு பகுதியாக இருக்கலாம். ஆனால், இவற்றை மட்டும் சாப்பிடுவதால் சர்க்கரை நோய் குணமாகிவிடும் என்று கூறுவதற்கு போதுமான மருத்துவ ஆதாரம் இல்லை.சர்க்கரை நோயை கட்டுப்படுத்த சீரான உணவு, உடற்பயிற்சி, உடல் எடை கட்டுப்பாடு, போதுமான தூக்கம் மற்றும் மருத்துவர் பரிந்துரைக்கும் சிகிச்சை ஆகியவை முக்கியம்.மருந்து எடுத்துக் கொண்டிருப்பவர்கள், மருத்துவரின் ஆலோசனை இல்லாமல் அதை நிறுத்தக்கூடாது.
உளுந்தை வேகவைத்து அரைத்து, பால் அல்லது தேங்காய்ப்பால் சேர்த்து தயாரிக்கப்படும் பானம் சுவையானதும் ஊட்டச்சத்து கொண்டதுமாக இருக்கலாம்.உளுந்தில் புரதம், நார்ச்சத்து உள்ளிட்ட சத்துகள் உள்ளன. ஆனால் இது உடல் சூடு, மாதவிடாய் பிரச்சினை, நரம்புத் தளர்ச்சி, மலச்சிக்கல் அல்லது வயிற்றுப்புசத்தை கட்டாயமாக நீக்கும் மருந்து என்று கூற முடியாது.முக்கியம்: உணவுகள் ஆரோக்கியத்தை ஆதரிக்கலாம்; ஆனால் ஒரு குறிப்பிட்ட உணவு மட்டும் நோயை குணப்படுத்தும் என்று நம்புவது சரியல்ல. குறிப்பாக நீரிழிவு, இதய நோய், புற்றுநோய், நீடித்த தலைவலி அல்லது செரிமானப் பிரச்சினைகள் போன்றவற்றுக்கு மருத்துவரின் ஆலோசனையைப் பெறுவது பாதுகாப்பானது.
சிவப்பு இறைச்சியை அதிகமாக உட்கொள்வது குடல் அழற்சி நோயின் தீவிரத்தை அதிகரிக்கக்கூடும் என்று சீனாவின் கேபிடல் மருத்துவப் பல்கலைக்கழக ஆய்வு தெரிவிக்கிறது.எலிகள் மீது நடத்தப்பட்ட ஆய்வில், தொடர்ந்து சிவப்பு இறைச்சி உணவாக வழங்கப்பட்ட குழுவில் குடல் அழற்சி அதிகமாக இருந்தது. இதற்கு, நன்மை செய்யும் குடல் பாக்டீரியாக்கள் குறைவதும், தீங்கு விளைவிக்கும் பாக்டீரியாக்கள் அதிகரிப்பதும் காரணம் என ஆராய்ச்சியாளர்கள் கூறுகின்றனர்.ஏற்கனவே குடல் அழற்சி பிரச்சினை உள்ளவர்கள் சிவப்பு இறைச்சியை அளவோடு மட்டுமே உட்கொள்வது நல்லது எனவும் அவர்கள் பரிந்துரைக்கின்றனர்
