ஆதார் சேவைக்காக நிரந்தர சேர்க்கை, மையங்கள் மாநகராட்சி, நகராட்சி, தாலுகா, அலுவலகங்களில் எல்காட் மூலம் சேவை வழங்கி வருகிறது. 10 ஆண்டுகளுக்கு ஒருமுறை ஆதாரை புதுப்பிக்க வேண்டும் என மத்திய அரசு அறிவிப்பு வெளியிட்டது. அத்துடன் ஆதார் உடன் பான்கார்டு இணைப்பு உள்ளிட்டவற்றிற்கு கெடு விதிக்கப்பட்டது.இந்நிலையில் பான்கார்டு பெயர் ஒற்றுமைக்காக ,ஆதாரில் திருத்தம் உள்ளிட்ட பணிகள் அவசியமாகிறது. இது தவிர பள்ளி மாணவர்கள், மத்திய மாநில அரசுகளின் சலுகை திட்டங்களை பெறுவோர், அனைவருக்கும் கட்டாயமாக்கப்பட்டுள்ளதால் ,இராஜபாளையத்தில் செயல்படும் நிரந்தர ஆதார் சேவை மையங்களில் தினமும் கூட்டம் காத்திருக்கும் நிலை ஏற்பட்டுள்ளது.இராஜபாளையம் தாலுகா அலுவலகத்தில் பல்வேறு கிராமப்பகுதியில் இருந்து திருத்தத்திற்காக வந்து செல்வோர் எண்ணிக்கை அதிகரித்த நிலையில் வருவோருக்கு முறையாக டோக்கன் வழங்கி சேவைகள் வழங்குவது இல்லை. இதனால் தள்ளு முள்ளு ஏற்பட்டு வருகிறது. சேவை மையம் திறப்பு அடைக்கப்படும் நேரம் குறித்த குறிப்பு ,பொதுமக்களின் பார்வையில் படும்படியும். விடுமுறை காலங்களை முறையாக அறிவிப்பு எழுதி வைக்க வேண்டும். மாணவர்களுக்கும் குடியிருப்பு வாசிகளுக்கும் அந்தந்த பகுதியில் சிறப்பு ஆதார் முகாம்கள் ஏற்படுத்தி கூட்டத்தை குறைக்க வேண்டும் என மக்கள் எதிர்பார்க்கின்றனர்.விவசாயிகள் போர்வையில் மண் கடத்தல்--விவசாயிகள்,மண்பாண்ட தொழிலாளர்கள் பயன்பாட்டிற்காக என்ற பெயரில், மாவட்ட நிர்வாகம் கண்மாய் வண்டல் மண் அள்ளுவதற்கு அனுமதி அளித்ததை, ரியல் எஸ்டேட் துறையினரும், செங்கல் சூளை அதிபர்கள் மும்முரமாக பயன்படுத்தி வருகின்றனர். சுற்று வட்டார கண்மாய்களில் மண் அள்ளுவதற்கான விதிமுறைகளை மீறி கண்மாய் கரைகளை உடைத்து பாதை ஏற்படுத்தி கரைகளை ஒட்டியும், மடைகளில் தண்ணீர் வெளியேற வழி இன்றியும் அதிக ஆழத்திற்கு மண் அள்ளுகின்றனர். இயந்திரம் மூலம் நூற்றுக்கும் மேற்பட்ட டிராக்டர்களில் தொடர் மணல் கொள்ளை நடந்து வருகிறது.விவசாயத்திற்கு ஆதாரமான கண்மாயின் உள்பகுதியில் சிறு சிறு தெப்பங்களாக மாற்றும், இவர்களின் செயல் எல்லை மீறி போவது குறித்து யார் நடவடிக்கை எடுப்பது? என்ற விரக்தியில் விவசாய சங்கங்களும் தவித்து வருகின்றனர்.
இராஜபாளையம் காந்திசிலை ரவுண்டானா அருகே அரசு மகப்பேறு மற்றும் குழந்தைகள் மருத்துவமனை செயல்படுகிறது. நகர் பகுதி நடுவே தேசிய நெடுஞ்சாலை ஒட்டி உள்ள மருத்துவ மனையை மறைத்து அரசியல் கட்சியினர் பிளக்ஸ் விளம்பர போர்டு வைக்க தொடங்கினர். தனியார் அமைப்பு மூலம் இதற்கு எதிர்ப்பு தெரிவிக்கும் வகையில் உயர் நீதிமன்ற மதுரை கிளையில் தடை உத்தரவு பெற்ற இது குறித்து எச்சரிக்கை போடு நுழைவாயில் அருகே வைக்கப்பட்டது.உயர்நீதிமன்ற உத்தரவை மீறி வைக்கப்படும் பிளக்ஸ் போர்டுகளினால் விபத்துக்கள் ஏற்படவாய்ப்புள்ளது. போலீஸ் நகராட்சி அதிகாரிகள் நீதிமன்ற உத்தவை மதித்து மக்களுக்கு ஆபத்தை விளைவிக்கும் பிளக்ஸ் பேனர்களை அகற்ற நடவடிக்கை எடுக்க வேண்டும். என மக்கள் எதிர்பார்க்கின்றனர்.
ராஜபாளையம் சங்கரன்கோவில் ரோட்டில் புது பஸ் ஸ்டாண்ட்டில் தினமும் 1000க்கும் அதிகமான பஸ்கள் வந்து செல்லும். இப்பகுதியில் சங்கரன்கோவில் ரோட்டில் இருந்து புது பஸ் ஸ்டாண்டுக்கும், மெயின் ரோட்டில் இருந்து இணைப்பு பகுதி பள்ளமாக உள்ளது.வாகனங்கள் திரும்பும் போது ஏற்படும் அழுத்தம் காரணமாக உருவாகியுள்ள இப்பள்ளத்தை தவிர்க்க நுழையும் வாகனங்கள் வளைந்து சுற்றித் திரும்புவதால் எதிர் வரும் வாகனங்களும் தடுமாற்றத்திற்கு உள்ளாகிறது. பஸ்களில் பயணிக்கும் முதியோர், குழந்தைகள் வேகமாக இறங்கி ஏறும் போது உடல் பாதிப்பை சந்திக்கின்றனர். இவற்றை போக்குவரத்து அதிகாரிகள், நகராட்சி நிர்வாகம் சமப்படுத்த வேண்டும் என வாகன ஓட்டிகள், பயணிகள் எதிர்பார்க்கின்றனர்.
இராஜபாளையம்,ஸ்ரீவில்லிபுத்தூர்,வத்திராயிருப்பு,, சேத்தூர் ,தேவதானம், மேற்குதொடர்ச்சிமலைவனப்பகுதிகளில் யானை, காட்டுப்பன்றி, மிளா, காட்டு எருமை, கரடி உள்ளிட்ட வனவிலங்குகள் விவசாய விலை நிலங்களுக்குள் புகுந்து சேதம் ஏற்படுத்துகின்றன.வனத்தை ஒட்டி உள்ள நிலங்களில் தென்னை, மா, பலா, வாழை உள்ளிட்டவைகளை சமீப காலமாக காட்டு யானைகள் கூட்டமாக நுழைந்து 50 ஆண்டுகள் பலன் தந்த பலா மரங்கள் முதல் தென்னை மரங்களை உடைத்தும் குருத்துகளை பிடுங்கியும் சேதப்படுத்தி வருகின்றன. இது குறித்து அரசுக்கு இழப்பீடு வழங்க விண்ணப்பித்தால் அதிகாரிகள் காலதாமதம் செய்கின்றனர்..கூட்டமாக சேதப்படுத்தும் யானைகளை வனப் பகுதிக்குள் விரட்டவும் காட்டுப்பன்றிகள், மான்களை கட்டுப்படுத்தி விளை நிலங்களை பாதுகாக்க ஒவ்வொரு குறைதீர் கூட்டத்திலும் விவசாயிகள் கலெக்டரிடம் முறையிடுகின்றனர். இவற்றுக்கு தீர்வாக வேளாண் துறை மூலம் ,மானிய விலையில் வேலி அமைக்க ஒதுக்கீடு செய்வதுடன், வனவிலங்குகள் சேதப்படுத்தும் பயிர்களுக்கு விரைந்து நிவாரணம் வழங்கி வேலி அமைக்க ஒப்புதல் வழங்கவும் மாவட்ட நிர்வாகம் நடவடிக்கை எடுக்க வேண்டும் என்று விவசாயிகள் ஆதங்கப்படுகின்றனர்.
ராஜபாளையம் நகர் பகுதி நடுவே செல்லும் தேசிய நெடுஞ்சாலைக்கு மாற்றாக டி.பி மில்ஸ் ரோடு இருந்து வந்தது. இதன் மூலம் நகரின் நடுவே செல்லும் வாகனங்களை காந்தி கலை மன்றம் வரை கடந்து செல்ல மாற்றாக இருந்து வந்தது.இந்நிலையில் மாற்றுப் பாதையின் இரண்டு இடங் களில் வலுவிழந்திருந்த தரைபாலப் பணிகளை பள்ளி விடுமுறை அறி வித்த நேரத்தில் தொடங்காமல் ஒரு மாதம் கடந்து ஆரம்பித்து தற்போது நான்கு மாதங்களாக முடிக்காமல் வைத்துள்ளனர்.இதனால் போக்குவரத்தில் தேசிய நெடுஞ் சாலையில் சிக்கல் ஏற்பட்டு வருகிறது. எதிரெதிரே வரும் வாகனங்களை கடக்க முடியாமல் வாகன ஓட்டிகள் அவதிக்கு உள் ளாகி வருகின்றனர்.மாற்று ஏற்பாடாக ஏற்க னவே இருந்த டி.பி மில்ஸ் ரோட்டில் தொடங்கப் பட்ட தரைப்பால பணி களை விரைந்து செயல்பாட்டிற்குகொண்டு வருவதுடன் பணிகள் முடியும் வரை வாகன ஓட் டிகள் கடந்து செல்லும் சந்து பகுதிக,ளில் ஏற்பட் டுள்ள சிறு தடைகளை அகற்றி போக்குவரத்து சீர் செய்ய வேண்டும் என்பதே வாகன ஓட்டிகளின் எதிர்பார்ப்பு.
மாநிலம் முழுவதும் நீர்வள ஆதாரத்துறை கட்டுப்பாட்டில் உள்ள பெரிய கண்மாயிகளில் மண் அள்ளுவதற்கு தாசில்தார் அளவில் அனுமதி அளிக்கப்படுவதாக மாவட்ட நிர்வாகம் தகல் தெரிவித்தது. இதை அடுத்து அரசியல் வாதிகளின் மேற்பார்வையின் கீழ் சம்பந்தப்பட்ட கண்மாயிகளில் விவசாயிகளை தவிர செங்கல் சூளை வியாபாரிகள், ரியல்எஸ்டேட் அதிபர்கள் இந்த வாய்ப்பை பயன்படுத்தி வருகின்றனர்.இதன்படி அனுமதிக்கப்பட்ட கடவுச் சீட்டுகளை படி எடுத்து வைத்து 3 அடிக்கு பதில் அதிக ஆழம் கண்மாய்களில் மண் தோண்டப்பட்டு கடத்தப்பட்டு வருகிறது. விவசாயிகளின் பெயரில் சூளைகளுக்கும், பல்வேறு வணிக பயன்பாட்டிற்கும் மண் அள்ளி கடத்தப்படுவது தொடர்ந்து நடைபெறுகிறது. புகார் அளித்தால் சம்பந்தப்பட்ட அதிகாரிகளுக்கு அதிக வருவாய் என்பதுடன் நடவடிக்கை என்பது கானல் நீர் ஆகி வருகிறது.அதிகாரிகள் நடவடிக்கை எடுப்பார்களா ? என விவசாய மக்கள் எதிர்பார்க்கின்றனர்.
ராஜபாளையம் நகராட்சி பகுதியில் பாதாள சாக்கடை திட்டம், தாமிரபரணி கூட் டுக்குடிநீர் திட்ட பணிகள் பல ஆண்டுகளாக நடந்து வருகின்றன. இதில் பாதாள சாக்கடை திட்ட பணி முழுமை அடையாத நிலையில் உள்ளன. பலஇடங்களில் சோதனை ஓட்டத்தின் போது புதிதாகபோடப்பட்டதார்ச் சாலை, பேவர் பிளாக்கல் பதிக்கப்பட்ட தெருக்கள் சேதமடைந்து வருகிறது. இந்நிலையில் ஒரு சிலவார்டுகளில் குடிநீர் குழாய் சேதமடைந்து தண்ணீர் வீணாக சாலையில் செல்கிறது. தென்காசி சாலையில் உள்ள பெரிய மாரியம்மன் கோவில் பின்புறம் குடிநீர் வீணாக சாலையில் சென்றன. ராஜபாளையம் பகுதியில் குழாய் உடைந்து குடிநீர் வீணாக செல்வதை தடுக்க சம்பந்தப்பட்ட அதிகாரிகள் நடவடிக்கை எடுக்க வேண்டும்?எனபொது மக்கள்கோரிக்கைவிடுத்துள்ளனர்.அதிகாரிகள் நடவடிக்கை எடுப்பார்களா ? என மக்கள் எதிர்பார்க்கின்றனர்.
.இராஜபாளையம் சத்திரப்பட்டி புனல்வேலி, முத்துச்சாமிபுரம், தளவாய்புரம், சேத்தூர், சொக்கநாதன் புத்தூர், ஆவாரம்பட்டி உள்ளிட்ட பகுதிகளில் கைத்தறி நெசவாளர்கள் பிரதான தொழிலாக இருந்து வருகின்றது. பொங்கலுக்குரேஷன் கடைகளில் வழங்கப்படும் இலவச வேட்டி சேலை உற்பத்தி செய்யப்பட்டு வருகிறது . இதில் 5000 திற்கும் மேற்பட்ட நெசவாளர்கள் நேரடி உறுப்பினராக இருந்தும், உப தொழில்களான கண்டு தயாரித்தல், தார் சுற்றுதல், சாயம் ஏற்றுதல், பாவு, உற்பத்தி உள்ளிட்ட பணிகளில் ஈடுபடுகின்றனர்.இந்நிலையில் உற்பத்தியை அதிகரிக்கும்பொருட்டு 2012ல் 90 விழுக்காடுமானியத்துடன்மின்சாரம்இலவசமாக்கப்பட்டு கைத்தொழில் அனைத்தும் பெடல் தறியாக மாற்றப்பட்டது. உடல் உழைப்பு குறைவு, உற்பத்தி அதிகம் என்பதால் கூலி ரூ.68 ஆக குறைக்கப்பட்டது. இறுதியில் 2015-ல் கூலியை உயர்த்தக்கோரி நெசவாளர்கள் பேராட்டம் நடத்தியதால் மீட்டர் ஒன்றுக்கு ரூ.4 உயர்த்தப்பட்டது. இதில் உப தொழில்களில் ஈடுபடும் முதியோர்களின் நிலை என்பது 8 மணி நேரம் ஒரே இடத்தில் அமர்ந்து தார் சுற்றினால் நாள் ஒன்றுக்கு 40 வரை மட்டுமே கூலியாக கிடைக்கிறது . நெசவாளர் பதினைந்து மணி நேரத்திற்கு மேல் நின்று வேலை செய்தாலும் அவரால் ரூ.250 மட்டுமே தினக்கூலியாக பெறமுடியம்.நெசவாளர் குடும்பங்களை சேர்ந்த சிறுவர்கள் தங்களின் பெற்றோர் படும் துயரத்தை அறிந்து மாற்றுத் தொழிலுக்கு சென்று விட்டனர். அரசு வழங்கி வந்த முத்ரா கடன் திட்டம். இறப்புக்கு பின் வாரிசு தாரர்களுக்கு ஒய்வூதியம் உள்ளிட்ட பல சலுகைகள் நிறுத்தப்பட்டுள்ளது. அழிந்து வரும் பாரம்பரிய கைத்தறி தொழிலை காப்பாற்ற தமிழக அரசு, கைத்தறி துறை, மாவட்ட நிர்வாகம் நடவடிக்கை எடுக்க வேண்டும். என்பதே நெசவாளர்களின் கோரிக்கை.
இராஜபாளையம் தெற்குவெங்காநல்லூர் ஊராட்சி சஞ்சீவி மலை பின்புறம் இந்திரா நகர் வீடுகள் அமைந்து 25 ஆண்டுகள் கடந்தும் இதுவரை அடிப்படை வசதி என எந்த பணியும் நடைபெறவில்லை, ரைஸ் மில் பின்புறம் உள்ள பகுதியில் கழிவு நீர் வெளியேற்ற வசதி இன்றி வீட்டின் முன் தொட்டிகள் அமைத்து நிறைந்த பின் வாளியில் வெளியேற்றி வருகின்றனர். இதனால் கொசு தொல்லை, துர்நாற்றம் சுகாதார கேடு ஏற்படுகிது. மழையின்போது கழிவுகள் தேங்கி பாதிப்பு அதிகரிக்கிறது.மக்கள் எதிர்ப்பை மீறி குடியிருப்பு அருகே டாஸ்மாக் கடை அமைந்ததால், குடிமகன்கள் தொல்லை அதிகரித்துள்ளது. டாஸ்மாக் அருகே 9.5 லட்சம் செலவில் மகளிர் சுகாதார வளாகம் அமைத்ததால் பெண்கள் அப்பகுதி செல்ல அச்சப்பட்டு திறந்த வெளியை பயன்படுததும் கொடுமை உள்ளது.குடியிருப்பின் பல்வேறு பகுதிகளுக்கு முறையான ரோடு, சாக்கடை வசதி இதுவரை அமைத்து தரவில்லை. இதை யார் கவனிப்பார்கள் என்று இந்திரா நகர் மக்கள் எதிர்பார்க்கின்றனர்.
இராஜபாளையம் விவசாய தேவைகளின் முக்கிய ஆதாரமாக உள்ள கண்மாய், குளங்களுக்கு நீரை தேக்கி வைக்கவும் அவசியமான போது திறந்துவிடவும். ஷட்டர்கள் முறையாக இயங்குவது அவசியம். 750-க்கும் அதிகமான கண்மாய்களில் நீர்வளத்துறை, ஊராட்சி ஒன்றியங்கள் கட்டுப் பாட்டில் உள்ள பெரும்பாலானவற்றில் இதே நிலை இருந்தும் மழைக்காலத்தின் போது அவற்றை முறையாக இயக்க முடியாமல் தண்ணீர் வெளியேறிய நிலை காணப்படுகின்றன. நீர்வள ஆதாரத்துறையினர் அதிகாரிகள் கண்மாய்களை, மாரமத்து பணிகளில் கரையை உயர்த்துவது, ஆழப்படுத்துவது என நடைபெறும் பெரும்பாலான பணியில், ஷட்டர்களை முறையாக செயல்பாட்டின் கீழ் கொண்டு வருவது இல்லை. இராஜபாளையம் கருங்குளம், அயன்கொல்லங்கொண்டான் பெரியகண்மாய், வெங்காநல்லூர் கண்மாய், முகவூர் கண்மாய், சமுசிகாபுரம் கீழ இழுப்பிலாங்குளம் உள்ளிட்ட கண்மாயிகளில் இந்த நிலை உள்ளது.கிணறு வசதியின்றி கண்மாய் நீர் இருப்பையே நம்பி உள்ள நெல் சாகுபடியில் ஈடுபடும் கண்மாய் ஒட்டிய விவசாயிகளுக்கு இதனால் தொடர்ச்சிக்கல் ஏற்படுகிறது. வரும் காலங்களில் மழைக்கு முன்பாக இதற்கென தனித்துவம் வாய்ந்த பொறியாளர்கள் துணையுடன் வரத்து கால்வாய்களை சீரமைத்து நவீன முறையில் ஷட்டர் பராமரிப்பு பணிகளைகண்காணிக்கவேண்டும்,எனஇராஜபாளையத்தைச் சேர்ந்த விவசாயிகள் எதிர்பார்க்கின்றனர்.
