'விக்ரம்' 50வது நாள் வசூல் சாதனை
கமல்ஹாசன் திரையுலகத்தில் அறிமுகமாகி 60 ஆண்டுகளுக்கு மேலாகிவிட்டது. இருப்பினும் அவருடைய படங்கள் இந்த அளவில் வசூல் சாதனை பெற்றதில்லை. ., 'விக்ரம்' படம் மற்ற நடிகர்கள் புரியாத சாதனயைப் படைத்துவிட்டது.லோகேஷ் கனகராஜ் இயக்கத்தில், அனிருத் இசையமைப்பில், கமல்ஹாசன், விஜய் சேதுபதி, பகத் பாசில் மற்றும் பலர் நடித்து ஜுன் 3ம் தேதி வெளிவந்த படம் 'விக்ரம்'. இப்படம் வெளிவந்து இன்றுடன் 50 நாட்கள் ஆகிறது. 2022 ஆண்டின் மிகப் பெரிய வெற்றிப் படமாக , தமிழ் சினிமாவில் இதுவரை வெளிவந்த படங்களில் மிக அதிகமான லாபத்தை தமிழகத்தில் கொடுத்த படம் என்ற சாதனையையும் படைத்துள்ளது.
ஓடிடி தளத்தில் இப்படம் ஜுலை 8ம் தேதி வெளியாகி அதிலும் மிகப் பெரிய வரவேற்பைப் பெற்றது. ஓடிடியில் வெளியாகி இரண்டு வாரங்கள் ஆன பிறகும் இன்னமும் தமிழகத்தில் சில தியேட்டர்களில் இப்படம் ஓடிக் கொண்டிருப்பது பெரிய ஆச்சரியம். அதிக லாபத்தைக் கொடுத்த படங்களில் ஒன்றாக 'விக்ரம்' படம் உருவாகக் காரணமானவர் கமல்ஹாசன். அவரே தயாரித்து, தான் மட்டும் நாயகனாக நடிக்காமல் விஜய் சேதுபதி, பகத் பாசில் ஆகியோருக்கும் படத்தில் இடமளித்து வெற்றி பெற்றவர்.
0
Leave a Reply