25 YEARS OF EXCELLENCE
Weather: -
Wednesday Sep 16, 2026
11:32:36am
Weather: -
Wednesday Sep 16, 2026
11:32:36am
திருச்சிராப்பள்ளி சர்வதேச விமான நிலையம் அருகே, மொரைஸ் குரூப் நிறுவனம் 'மொரைஸ் அல்டூரா' என்ற புதிய அடுக்குமாடி குடியிருப்பு திட்டத்தை அறிமுகப்படுத்தியுள்ளது.14 மாடிகளும், 104 குடியிருப்புகளும் கொண்ட இந்தத் திட்டத்தில் 2 BHK வீடுகள் இடம்பெறுகின்றன. நவீன வசதிகளுடன் உருவாகும் இந்தக் கட்டிடம், திருச்சி நகரின் வளர்ந்து வரும் ரியல் எஸ்டேட் துறையில் குறிப்பிடத்தக்க திட்டங்களில் ஒன்றாகக் கருதப்படுகிறது.
ஒப்பந்தம்: இந்தியாவின் 'JAI' (கூட்டுத்தன்மை, தற்சார்பு, புத்தாக்கம்) இயக்கத்தின் கீழ், இந்திய ராணுவம் தனது டிஜிட்டல் மாற்றத்திற்காக முன்னணி ஐடி நிறுவனமான 'ஜோஹோ கார்ப்பரேஷன்' உடன் புரிந்துணர்வு ஒப்பந்தம் செய்துள்ளது.முக்கியப் புள்ளிகள்: ராணுவத் தளபதி ஜெனரல் உபேந்திர திவேதி மற்றும் ஜோஹோ நிறுவனர் ஸ்ரீதர் வேம்பு முன்னிலையில் இந்த ஒப்பந்தம் கையெழுத்தானது.நோக்கம்: ராணுவத்தின் பயன்பாடு சார்ந்த ஆராய்ச்சி, பாதுகாப்பான டிஜிட்டல் தீர்வுகள் மற்றும் ராணுவப் பணியாளர்களின் தொழில்நுட்பத் திறன்களை மேம்படுத்தி, எதிர்காலத்திற்குத் தயாரான டிஜிட்டல் படையாக ராணுவத்தை மாற்றுவதே இதன் நோக்கமாகும்.ஆய்வு: இதற்கிடையே, ராணுவத் தளபதி திவேதி 'டிரினிட்டி' பகுதிக்குச் சென்று பாதுகாப்புப் படைகளின் செயல்பாட்டுத் தயார்நிலையை ஆய்வு செய்தார். அங்குப் பாதுகாப்புப் படைகளுக்கு இடையே உள்ள ஒருங்கிணைப்பைப் பாராட்டிய அவர், கூட்டுச் செயல்பாட்டின் முக்கியத்துவத்தை வலியுறுத்தினார்.
பூமியில் இருந்து நாம் மற்ற கிரகங்களை வானில் ஜொலிக்கும் நட்சத்திரங்களாகப் பார்ப்பது போலவே, செவ்வாய் அல்லது பிற கோள்களில் இருந்து ஒருவன் பார்த்தால், நமது பூமியும் அவர்களின் வானில் மின்னும் ஒரு நட்சத்திரமாகவே காட்சியளிக்கும். மனிதர்களாகிய நாம் உருவாக்கிய எல்லைகள், போராட்டங்கள் மற்றும் சாதனைகள் அனைத்தும் அந்த ஒரே ஒரு புள்ளியில் தான் அடங்கியிருக்கின்றன. நமது அன்றாடப் பிரச்சனைகளில் மூழ்கிப் போயிருக்கும் நாம், உண்மையில் ஒரு விண்மீனைப் போல வேறொரு கிரகத்தின் வானத்தை அலங்கரித்துக் கொண்டிருக்கிறோம் என்ற உண்மையை உணரும்போது, இந்தப் பூமியின் மதிப்பும் அதன் அமைதியும் எவ்வளவு முக்கியம் என்பது புரியும்.
சீனா தனது பொறியியல் திறனுக்கு மற்றுமொரு சான்றாக, மலைப்பகுதியில் 1.22 மில்லியன் சதுர மீட்டர் பரப்பளவில் பிரம்மாண்டமான "சோங்கிங் கிழக்கு" (Chongqing East) ரயில் நிலையத்தை உருவாக்கியுள்ளது. சுமார் 7.8 பில்லியன் டாலர் செலவில், வெறும் 38 மாதங்களில் கட்டி முடிக்கப்பட்ட இந்த ரயில் நிலையம், உலகின் மிகப்பெரிய மற்றும் மிக வேகமாகக் கட்டப்பட்ட ரயில் நிலையங்களில் ஒன்றாகக் கருதப்படுகிறது. 700 மீட்டர் உயரத்தில் அமைந்துள்ள இந்த நிலையம், அதிவேக ரயில், மெட்ரோ, பேருந்து மற்றும் வணிக வளாகங்களை உள்ளடக்கிய ஒரு "ஸ்மார்ட் ஹப்" ஆகச் செயல்படுகிறது. நிலநடுக்கத்தைத் தாங்கும் வகையில் வடிவமைக்கப்பட்டுள்ள இதன் பிரம்மாண்டமான கூரை மற்றும் அதிநவீன கட்டுமான முறைகள், உலக பொறியியல் வரலாற்றில் ஒரு முக்கிய மைல்கல்லாகப் பார்க்கப்படுகிறது.
சமீபத்திய ஆய்வின்படி, வீட்டுப் பூனைகளும் சைபீரியப் புலிகளும் தங்களின் DNA-வில் 95.6% ஒற்றுமையைக் கொண்டுள்ளன. பூனைகளின் வேகம், கூர்மையான கண்கள் மற்றும் வேட்டையாடும் குணம் ஆகியவை ஒரே முன்னோடியிடமிருந்து வந்த மரபணுப் பண்புகளாகும்.
"சவரன்"என்ற வார்த்தை, 1817-ல் வெளியான பிரிட்டிஷ் Gold Sovereign நாணயத்திலிருந்து வந்தது. அதன் எடை 7.988 கிராம். அக்காலத்தில் 7.988 கிராம் என்பதை துள்ளியமாக கணக்கிட மெட்ரிக் அமைப்பு இல்லாததால் தசம எண்களுடன் கணக்கிட சிரமப்பட்டனர்; தென்னிந்தியாவுக்கு வர்த்தகத்திற்காக இது வந்தபோது வியாபாரிகள் அதை வசதிக்காக 8 கிராம் என்று கூறினர். அதுவே இன்றுவரை "ஒரு சவரன் = 8 கிராம்" என்ற நிலையான அளவாகிவிட்டது.
கேஸ் சிலிண்டர்களிலும் காலாவதி தேதி இருப்பதை கவனிக்குமாறு அறிவுறுத்தப்பட்டுள்ளது. A, B, C, D என குறியீடுகள் மூலம் மாதங்கள் குறிப்பிடப்படுகின்றன (A-Jan/Feb/Mar, B-Apr/May/Jun, C-Jul/Aug/Sep, D-Oct/Nov/Dec). சிலிண்டர் வாங்கும் முன் அவற்றை சரிபார்க்கவும், காலாவதி சிலிண்டர் இருந்தால் 1800-2333-555 எண்ணில் புகார் அளிக்கவும் கேட்டுக் கொள்ளப்பட்டுள்ளது.
விண்ணில் பஞ்சு போல மிதக்கும் ஒரு சாதாரண மேகம் சுமார்10 லட்சம் டன் எடை கொண்டது. அதாவது100 எருமைகளின் ஒட்டுமொத்த எடைக்கு இது சமம். காற்றில் அடர்த்தி குறைவாக இருப்பதால் இந்த பிரம்மாண்ட எடையையும் தாங்கி மேகங்கள் வானில் மிதக்கின்றன.
அமெரிக்காவின் 250-வது சுதந்திர தினத்தை முன்னிட்டு, சென்னையில் உள்ள ரிப்பன் மாளிகை அமெரிக்க கொடியின் வண்ண விளக்குகளால் ஒளிரவிடப்பட்டது. அமெரிக்க தூதர் செர்ஜியோ கோர், துணைத்தூதர் மரியானா மற்றும் அமைச்சர் ஆதவ் அர்ஜுனா ஆகியோர் இந்நிகழ்வில் பங்கேற்றனர்.
வாட்ஸ்அப் நிறுவனத்தின் சர்வதேச முதன்மை செயல் அதிகாரியாக (CEO), கிரெட் (CRED) நிறுவனத்தின் தலைவர் குணால் ஷா நியமிக்கப்பட்டுள்ளதாக மெட்டா நிறுவனம் அறிவித்துள்ளது.
