25 YEARS OF EXCELLENCE
Weather: -
Saturday Oct 31, 2026
07:11:45pm
Weather: -
Saturday Oct 31, 2026
07:11:45pm
சமீபத்திய ஆய்வின்படி, வீட்டுப் பூனைகளும் சைபீரியப் புலிகளும் தங்களின் DNA-வில் 95.6% ஒற்றுமையைக் கொண்டுள்ளன. பூனைகளின் வேகம், கூர்மையான கண்கள் மற்றும் வேட்டையாடும் குணம் ஆகியவை ஒரே முன்னோடியிடமிருந்து வந்த மரபணுப் பண்புகளாகும்.
"சவரன்"என்ற வார்த்தை, 1817-ல் வெளியான பிரிட்டிஷ் Gold Sovereign நாணயத்திலிருந்து வந்தது. அதன் எடை 7.988 கிராம். அக்காலத்தில் 7.988 கிராம் என்பதை துள்ளியமாக கணக்கிட மெட்ரிக் அமைப்பு இல்லாததால் தசம எண்களுடன் கணக்கிட சிரமப்பட்டனர்; தென்னிந்தியாவுக்கு வர்த்தகத்திற்காக இது வந்தபோது வியாபாரிகள் அதை வசதிக்காக 8 கிராம் என்று கூறினர். அதுவே இன்றுவரை "ஒரு சவரன் = 8 கிராம்" என்ற நிலையான அளவாகிவிட்டது.
கேஸ் சிலிண்டர்களிலும் காலாவதி தேதி இருப்பதை கவனிக்குமாறு அறிவுறுத்தப்பட்டுள்ளது. A, B, C, D என குறியீடுகள் மூலம் மாதங்கள் குறிப்பிடப்படுகின்றன (A-Jan/Feb/Mar, B-Apr/May/Jun, C-Jul/Aug/Sep, D-Oct/Nov/Dec). சிலிண்டர் வாங்கும் முன் அவற்றை சரிபார்க்கவும், காலாவதி சிலிண்டர் இருந்தால் 1800-2333-555 எண்ணில் புகார் அளிக்கவும் கேட்டுக் கொள்ளப்பட்டுள்ளது.
விண்ணில் பஞ்சு போல மிதக்கும் ஒரு சாதாரண மேகம் சுமார்10 லட்சம் டன் எடை கொண்டது. அதாவது100 எருமைகளின் ஒட்டுமொத்த எடைக்கு இது சமம். காற்றில் அடர்த்தி குறைவாக இருப்பதால் இந்த பிரம்மாண்ட எடையையும் தாங்கி மேகங்கள் வானில் மிதக்கின்றன.
அமெரிக்காவின் 250-வது சுதந்திர தினத்தை முன்னிட்டு, சென்னையில் உள்ள ரிப்பன் மாளிகை அமெரிக்க கொடியின் வண்ண விளக்குகளால் ஒளிரவிடப்பட்டது. அமெரிக்க தூதர் செர்ஜியோ கோர், துணைத்தூதர் மரியானா மற்றும் அமைச்சர் ஆதவ் அர்ஜுனா ஆகியோர் இந்நிகழ்வில் பங்கேற்றனர்.
வாட்ஸ்அப் நிறுவனத்தின் சர்வதேச முதன்மை செயல் அதிகாரியாக (CEO), கிரெட் (CRED) நிறுவனத்தின் தலைவர் குணால் ஷா நியமிக்கப்பட்டுள்ளதாக மெட்டா நிறுவனம் அறிவித்துள்ளது.
செய்யக்கூடாதது: கொட்டிய இடத்தில் இரும்பைத் தேய்க்கக் கூடாது. குறிப்பாக, துருப்பிடித்த இரும்பைத் தேய்ப்பதால் 'டெட்டனஸ்' (Tetanus) போன்ற தொற்று நோய்கள் வர வாய்ப்புள்ளது என மருத்துவர்கள் எச்சரிக்கின்றனர்.சரியான முதலுதவி:முதலில் தேனீயின் முள்ளை உடனே அகற்றுங்கள்.அந்த இடத்தை சோப்பு மற்றும் தண்ணீரால் நன்கு கழுவுங்கள்.வீக்கம் குறையவில்லை எனில் மருத்துவரை அணுகுங்கள்.
டிஜிட்டல் வேகத்தில் நாம் பேனா, பென்சிலை மறந்து கீபோர்டுகளுக்கு மாறிவிட்டோம். ஆனால், இதனால் நம் மூளை சோம்பேறியாக மாறுகிறது என்று எச்சரிக்கிறார் நரம்பியல் விஞ்ஞானி ஆட்ரி வான் டெர் மீர் (Audrey van der Meer).மூளை சுறுசுறுப்பாகும்: நாம் கையால் எழுதும்போது மூளையின் நினைவாற்றல் மற்றும் கற்றல் மையங்கள் (Memory and Learning centers) ஒன்றாக இணைந்து செயல்படுகின்றன.ஆழமான புரிதல்: லேப்டாப்பில் டைப் செய்யும் மாணவர்களை விட, பேனாவால் குறிப்பெடுக்கும் மாணவர்களே, பாடங்களை மிக ஆழமாகப் புரிந்துகொள்கிறார்கள் என ஆய்வுகள் கூறுகின்றன.ஆட்டோபைலட் ஆபத்து: கீபோர்டில் டைப் செய்வது மூளையை 'ஆட்டோபைலட்' பயன்முறைக்கு மாற்றி, அதைச் சிந்திப்பதில் இருந்து சோம்பேறியாக்குகிறது.உங்கள் மனதைக் கூர்மையாக்க, தற்காலிக டிஜிட்டல் வேகத்தைக் குறைத்துவிட்டு, தினமும் சிறிது நேரமாவது பேனாவை எடுப்பதே சிறந்த தீர்வு!
நமது பால்வெளி மண்டலத்தில் (Milky Way) இதுவரை மனிதன் கால்பதிக்காத, ஆராயாத மர்மப் பகுதிகளில் சுமார் ஒரு லட்சம் புதிய கிரகங்களைக் கண்டறியும் மாபெரும் இலக்குடன் நாசா களம் இறங்கியுள்ளது.இந்த பிரம்மாண்ட தேடலுக்காக நாசாவின் அதிநவீன 'நான்சி கிரேஸ் ரோமன்' விண்வெளி தொலைநோக்கி தயாராகியுள்ளது.தற்போதைய நிலை: உலகளவில் இன்றுவரை மனிதர்களால் வெறும் 6,300 கிரகங்கள் மட்டுமே கண்டறியப்பட்டுள்ளன.புதிய மைல்கல்: இந்த நிலையில், ஒரே திட்டத்தில் 1,00,000 கிரகங்களைத் தேடும் நாசாவின் இந்த முயற்சி விண்வெளி ஆராய்ச்சியில் ஒரு மாபெரும் புரட்சியை ஏற்படுத்தும்.இந்த அதிநவீன தொலைநோக்கி, வரும் செப்டம்பர் மாதம் விண்ணில் ஏவப்பட உள்ளது. பிரபஞ்சத்தின் ரகசியங்களை உடைக்கப்போகும் அந்த வரலாற்றுத் தருணத்திற்காகக் காத்திருப்போம்!
சமையல் எரிவாயு (LPG) மானியம் பெற்று வரும் நுகர்வோருக்கு ஒரு முக்கிய செய்தி வெளியாகியுள்ளது. ஆண்டு வருமானம் ரூ. 10 லட்சத்திற்கும் அதிகமாக உள்ள நபர்களின் சிலிண்டர் மானியத்தை ரத்து செய்ய அரசு முடிவு செய்துள்ளதாகத் தகவல்கள் தெரிவிக்கின்றன.இதன் முதற்கட்டமாக, ஆண்டுக்கு ரூ. 10 லட்சத்திற்கும் மேல் வருமானம் ஈட்டுவோர் யார் யார் என்ற விவரங்களை வழங்குமாறு வருமான வரித்துறையிடம் (Income Tax Department) பொதுத்துறை எண்ணெய் நிறுவனங்கள் கோரிக்கை விடுத்துள்ளன. இந்தத் தகவல் உறுதியாகும் பட்சத்தில், அதிக வருவாய் பிரிவில் உள்ளவர்களுக்கான மானியம் நிறுத்தப்பட்டு, அது பொருளாதாரத்தில் பின்தங்கிய மக்களுக்குச் சென்றடைய வழிவகை செய்யப்படும் என எதிர்பார்க்கப்படுகிறது.
