25 YEARS OF EXCELLENCE
Weather: -
Saturday Oct 31, 2026
10:43:54am
Weather: -
Saturday Oct 31, 2026
10:43:54am
பசிபிக் பெருங்கடலின் மேற்பரப்பு நீர் வெப்பநிலை அதிகரிப்பால் உருவாகும் 'எல் நினோ' காலநிலை நிகழ்வு, ஜூன் முதல் ஆகஸ்ட் வரையிலான காலத்தில் உருவாக 80% வாய்ப்பு உள்ளது என உலக வானிலை அமைப்பு (WMO) தெரிவித்துள்ளது. இந்த தாக்கம் காரணமாக இந்தியாவில் பருவமழை இயல்பை விட குறையக்கூடும் என்றும், கோடைக்கால வெப்ப அலைகள் மேலும் தீவிரமடையக்கூடும் என்றும் எச்சரிக்கப்பட்டுள்ளது. இதன் விளைவாக, நாட்டின் பல பகுதிகளில் நீர்ப்பற்றாக்குறை மற்றும் வறட்சி நிலை உருவாகும் அபாயம் அதிகரித்துள்ளதாக காலநிலை நிபுணர்கள் தெரிவித்துள்ளனர்.
தாய் மண்ணுக்காகஉயிரையே தந்த கேப்டன் சௌரப் காலியா.கண்களைப் பிடுங்கி, காதுகளைக் துண்டித்தும் ஒரு வார்த்தை கூட எதிரியிடம் மண்டியிடாத இரும்பு மனிதன்! 22 நாட்கள் பாகிஸ்தானின் சித்திரவதையைத் தாங்கியும்,நம் இந்திய ரகசியத்தை காக்க உயிரையே தந்த கேப்டன் சௌரப் காலியா!,இந்த மாவீரரின் தியாகத்திற்கு வணக்கங்கள்..
🔋 லித்தியம்-அயன் பேட்டரி மறுசுழற்சி ஆலைபயன்படுத்தப்பட்ட லித்தியம்-அயன் பேட்டரிகளை மறுசுழற்சி செய்து, அவற்றில் உள்ள முக்கிய கனிமங்களை மீட்டெடுக்கும் தமிழகத்தின் முதல் பிரத்யேக ஆலையை ‘பிரிட்ஜ் கிரீன் அப்சைகிள்’ நிறுவனம் தொடங்கியுள்ளது. தூய்மையான தொழில்நுட்பத் துறையில் (Clean-tech) ஈடுபட்டு வரும் இந்த சர்வதேச நிறுவனம், அடுத்த ஐந்து ஆண்டுகளில் இத்துறையில் ₹1,000 கோடி வரை முதலீடு செய்யத் திட்டமிட்டுள்ளது.🔍 'நகர்ப்புறச் சுரங்கம்' (Urban Mining) என்றால் என்ன?பூமிக்கு அடியில் தோண்டி கனிமங்களை எடுப்பதற்குப் பதிலாக, பயன்பாடு முடிந்த மின்னணு கழிவுகளில் இருந்து கனிமங்களை மீட்டெடுப்பதே 'நகர்ப்புறச் சுரங்கம்' எனப்படுகிறது.ஆலையின் செயல்முறை: ஆயுட்காலம் முடிந்த பேட்டரிகள் மற்றும் உற்பத்தி கழிவுகளைப் பதப்படுத்தி, பேட்டரி தயாரிப்புக்கு அவசியமான லித்தியம், கோபால்ட், நிக்கல், மாங்கனீசு, தாமிரம் மற்றும் கிராஃபைட்ஆகிய முக்கிய கனிமங்களை இந்த ஆலை பிரித்தெடுக்கும்.உள்நாட்டுத் தேவை: இதன் மூலம் வெளிநாட்டு இறக்குமதி மற்றும் முதன்மைச் சுரங்கங்களைச் சார்ந்திருப்பது பெருமளவு குறையும்.📈 2030-க்குள் 8 லட்சம் டன் கழிவுகள்!இந்தியாவில் மின்சார வாகனங்கள் (EV), ஆற்றல் சேமிப்பு அமைப்புகள் மற்றும் நுகர்வோர் மின்னணு சாதனங்களின் பயன்பாடு அதிவேகமாக அதிகரித்து வருகிறது. இதனால், வரும் 2030-ஆம் ஆண்டுக்குள் இந்தியாவின் லித்தியம்-அயன் பேட்டரி கழிவுகள்8,00,000 டன்களைத் தாண்டும் என கணிக்கப்பட்டுள்ளது. இந்த சவாலை எதிர்கொள்ள இத்தகைய ஆலைகள் மிக அவசியமானவை ஆகும்.💡 தொழில்நுட்பமும் பாதுகாப்பும்அமெரிக்கா மற்றும் இந்தியாவைத் தலைமையிடமாகக் கொண்டு செயல்படும் பிரிட்ஜ் கிரீன் நிறுவனம், பேட்டரிகளின் ஆயுளை நீட்டிக்கவும், கனிமங்களைச் சூழலியல் பாதிப்பின்றி பிரித்தெடுக்கவும் செயற்கை நுண்ணறிவு (AI) சார்ந்த பிரத்யேக டிஜிட்டல் தொழில்நுட்பத்தைப் பயன்படுத்துகிறது."முக்கிய கனிமங்களை உள்நாட்டிலேயே கிடைக்கச் செய்ய வேண்டும் என்ற தெளிவான நோக்கத்துடன், மிக உயர்ந்த பாதுகாப்புத் தரங்களுடன் இந்த ஆலையைத் தமிழகத்தில் அமைத்துள்ளோம்." — பால்கி ஐயர் (நிறுவனர் மற்றும் சி.இ.ஓ, பிரிட்ஜ் கிரீன்).
16 வயதான இந்திய மாணவர்கள் அவ்யானா மேத்தா, அரியானா அகர்வால் மற்றும் விவான் சாவ்ச்சாரியா ஆகியோர், கழிவுப் புளிய விதைகளில் இருந்து தயாரித்த ‘பிளாஸ் ஸ்டிக்’ என்ற தூள் மூலம் குடிநீரில் உள்ள நுண்பிளாஸ்டிக் துகள்களை எளிதில் அகற்றும் புதுமையான தீர்வை உருவாக்கியுள்ளனர்.மின்சாரம் அல்லது விலையுயர்ந்த கருவிகள் தேவையில்லாத இந்த கண்டுபிடிப்புக்காக, அவர்கள் 2026-ம் ஆண்டு உலகின் முக்கிய சுற்றுச்சூழல் விருதுகளில் ஒன்றான ‘தி எர்த் பிரைஸ்’ விருதை வென்ற முதல் இந்தியக் குழுவாக சாதனை படைத்தனர். மேலும், நாடு முழுவதும் 8,000-க்கும் மேற்பட்டோருக்கு விழிப்புணர்வு பயிலரங்குகளையும் நடத்தியுள்ளனர்.
சென்னையின் முக்கிய நீர்வழிகளான கூவம், அடையாறு மற்றும் பக்கிங்ஹாம் கால்வாயை சீரமைத்து மேம்படுத்துவதற்காக ரூ.7,500 கோடி நிதியுதவிக்கு மத்திய அரசு கொள்கை ரீதியாக ஒப்புதல் அளித்துள்ளது. இந்த நிதி, தமிழ்நாடு அரசின் ஒருங்கிணைந்த நகர்ப்புற மாற்றத் திட்டத்தின் முதல் கட்ட ஆதரவாக அமைகிறது.'நகர்ப்புற சவால் நிதியம்' (Urban Challenge Fund) மூலம் மொத்தம் ரூ.30,000 கோடி வரை நிதி பெற தமிழ்நாடு தகுதி பெற்றுள்ளதாக அதிகாரிகள் தெரிவித்துள்ளனர். இதற்கான விரிவான திட்ட அறிக்கைகள் (DPR) படிப்படியாக மத்திய அரசிடம் சமர்ப்பிக்கப்பட உள்ளன.நீண்டகாலமாக மாசுபாடு மற்றும் ஆக்கிரமிப்பால் பாதிக்கப்பட்டுள்ள இந்த மூன்று நீர்வழிகளையும் முழுமையாகப் புதுப்பிக்கும் பணிகளை அடுத்த ஐந்து ஆண்டுகளில் கண்கூடாக நிறைவேற்ற மாநில அரசு நடவடிக்கைகளை தீவிரப்படுத்தியுள்ளது.
ரயில் பயணிகளுக்கு உணவு வழங்கும் சேவையை ஐ.ஆர்.சி.டி.சி. மட்டுமின்றி, அதனால் அங்கீகரிக்கப்பட்ட பிற இ-கேட்டரிங் நிறுவனங்களும் வழங்கி வருகின்றன.இந்நிலையில், இந்திய உணவு பாதுகாப்பு மற்றும் தர நிர்ணய ஆணையத்தின் (FSSAI) சான்றிதழ் பெறாமல், சுகாதார விதிமுறைகளை பின்பற்றாமல் சில அங்கீகாரமற்ற நிறுவனங்கள் இ-கேட்டரிங் சேவையின் பெயரில் உணவு விற்பனை செய்து வருவதாக பயணிகளிடமிருந்து புகார்கள் எழுந்தன.இதையடுத்து மேற்கொள்ளப்பட்ட ஆய்வில், அங்கீகாரம் பெறாத 14 இ-கேட்டரிங் இணையதளங்கள் கண்டறியப்பட்டு அவற்றின் செயல்பாடுகள் முடக்கப்பட்டுள்ளதாக ரயில்வே அதிகாரிகள் தெரிவித்தனர்.மேலும், ரயில் பயணத்தின் போது உணவு ஆர்டர் செய்ய விரும்பும் பயணிகள், ஐ.ஆர்.சி.டி.சி.யின் அதிகாரப்பூர்வ ‘புட் ஆன் ட்ராக்’ (Food on Track) மொபைல் செயலி அல்லது ஐ.ஆர்.சி.டி.சி. அங்கீகரித்த உணவு வழங்குநர்கள் மற்றும் விற்பனையாளர்கள் மூலமாக மட்டுமே முன்பதிவு செய்ய வேண்டும் என அறிவுறுத்தப்பட்டுள்ளது.
52-வது G7 உச்சிமாநாட்டில் பங்கேற்க பிரதமர் நரேந்திர மோடி பிரான்ஸ் சென்றுள்ளார். 'குளோபல் சவுத்' நாடுகளின் குரலாக இந்தியாவின் நிலைப்பாட்டை வலியுறுத்தி, பொருளாதார வளர்ச்சி, சர்வதேச ஒற்றுமை, செயற்கை நுண்ணறிவு உள்ளிட்ட விவகாரங்களில் உலகத் தலைவர்களுடன் ஆலோசனை நடத்துகிறார். மேலும் பல நாடுகளின் தலைவர்களுடன் இருதரப்பு பேச்சுவார்த்தைகளிலும் ஈடுபடுகிறார்.மேற்காசிய போர் காரணமாக எரிபொருள், உர விநியோக பாதிப்புகள் வளரும் நாடுகளை தொடர்ந்து பாதிக்கும் என மோடி கவலை தெரிவித்தார். இதன் தாக்கத்தை குறைக்க சர்வதேச ஒற்றுமையை வலுப்படுத்த வேண்டும் என்று G7 மாநாட்டில் வலியுறுத்தினார்.
‘சென்னை ஒன்' செயலி மூலம் வெறும் 1 ரூபாய் கட்டணத்தில் மாநகரப் பேருந்துகள், மெட்ரோ ரயில் மற்றும் புறநகர் மின்சார ரயில்களில் ஒருமுறை பயணம் செய்யும் சிறப்பு சலுகை அறிவிப்பு!இந்தச் சலுகை ஜூன் 30 ஆம் தேதி வரை மட்டுமே நடைமுறையில் இருக்கும்.
வாகை சந்திரசேகருக்கு சங்கீத நாடக அகாடமி விருது2024-ம் ஆண்டிற்கான சங்கீத நாடக அகாடமியின் நாடகத் துறையில் சிறந்த நடிப்பிற்கான விருது,வாகை சந்திரசேகருக்கு விருது!
பொதுமக்களின் நீண்ட நாள் காத்திருப்புக்கு முற்றுப்புள்ளி வைக்கும் வகையில், சாதிச் சான்றிதழ், வருமானச் சான்றிதழ் மற்றும் ஸ்மார்ட் ரேஷன் கார்டு போன்ற முக்கிய ஆவணங்களை இனி வெறும் 5 நாட்களுக்குள் வழங்க தமிழக அரசு அதிரடி நடவடிக்கை எடுத்துள்ளது. புதிய நடைமுறை என்ன?துரித சேவை: தாலுகா அலுவலகங்களில் உள்ள துணை வட்டாட்சியர்களுக்கு (Deputy Tahsildars) சான்றிதழ்களை உடனடியாக வழங்க கூடுதல் அதிகாரம் அளிக்கப்பட உள்ளது.அமலுக்கு வரும் காலம்: இந்த புதிய எளிய நடைமுறை அடுத்த மாதம் முதல் அமலுக்கு வரவுள்ளதாகத் தகவல்கள் வெளியாகியுள்ளன. யாருக்கெல்லாம் பெரும் பயன்?🎓 மாணவர்கள்: கல்லூரி சேர்க்கைக்காக (College Admission) சாதிச் சான்றிதழ் தேவைப்படும் மாணவர்களுக்கு இது மிகப்பெரிய நிவாரணமாக இருக்கும்.💳 பொதுமக்கள்: ரேஷன் கார்டுக்கு விண்ணப்பித்துவிட்டு பல மாதங்களாகக் காத்திருக்கும் குடும்பங்களுக்கு இனி வேலை சீக்கிரம் முடியும்.முக்கியத் தகவல்: சான்றிதழ் வாங்கும் நடைமுறையை எளிதாக்கியுள்ள இந்த பயனுள்ள செய்தியை உங்கள் குடும்பத்தினருக்கும், நண்பர்களுக்கும் உடனே பகிர்ந்து தெரியப்படுத்துங்கள்!
