• 5
• Oct 31, 2026

மில்க் பேடா (Milk Peda).

தேவையான பொருட்கள் - 

1 கப் மில்க் பவுடர்,1/4 கப் சர்க்கரை,1/4 கப் பால்,1/4 கப் கோவா,

1 டீஸ்பூன் ஏலக்காய் தூள்,டேபிள் ஸ்பூன் நெய்,அலங்கரிக்க பிஸ்தா அல்லது பாதாம்.

செய்முறை  - 

பேடா செய்ய தேவையான பொருட்களை எடுத்து தயாராக வைக்கவும்.

பாத்திரத்தை ஸ்டவ்வில் வைத்து சூடானதும் நெய் சேர்த்து அதில் மில்க் பவுடர் சேர்த்து நன்கு கலந்து விடவும்.

பின்னர் சர்க்கரை சேர்த்து ஐந்து நிமிடங்கள் மிதமான சூட்டில் வைத்து கலந்து விடவும்.

அதன் பின் நன்கு பொடித்த கோவா,பால் சேர்த்து ஐந்து நிமிடங்கள் கலந்தால் ஓரம் ஒட்டாமல் பிரிந்து வரும். அப்போது இறக்கி கலந்து ஆறவிடவும்.

சூடு ஆறியதும், கொஞ்சம் கெட்டியானதும், கையால் நன்கு பிசைந்து, உருண்டைகளாக உருட்டவும்.

அதன்பின் உருண்டைகளை கையால் அழுத்தி,நடுவில் விரல் வைத்து அழுத்தி பேடாவை தயார் செய்யவும்.

கடைசியாக பாதாம் பருப்பு அல்லது பிஸ்தா வைத்து அழுத்தி அலங்கரிக்கவும். தயாரான பேடாக்களை எடுத்து ஒரு தட்டில் வைக்கவும். இப்போது மிகவும் சுவையான,மிருதுவான மில்க் பேடா சுவைக்கத்தயார்.