தேங்காய் ரவா பர்ஃபி (Rava Coconut Burfi).
தேவையான பொருட்கள் -
ரவை - 1 கப் (1/2 கப் அல்லது 1 கப் உங்களது அளவுக்கு ஏற்ப),
தேங்காய் -1 கப்,
சர்க்கரை - 3/4 கப்,
நெய் - 1/4 முதல் 1/2 கப்,
பால் - 1/2 கப் (அல்லது தண்ணீர் 3/4 கப்),
ஏலக்காய் தூள் - 1 தேக்கரண்டி,
முந்திரி, பாதாம் - தேவையான அளவு (பொடியாக நறுக்கியது).
செய்முறை -
கடாயில் 1 ஸ்பூன் நெய் ஊற்றி, நறுக்கிய முந்திரி மற்றும் பாதாம் பருப்புகளை வறுத்து தனியாக எடுத்து வைத்துக் கொள்ளவும்.
அதே கடாயில் ரவையைப் போட்டு, வாசனை வரும் வரை மிதமான தீயில் லேசாக வறுத்து எடுத்துக் கொள்ளவும்.
வறுத்த ரவையுடன் துருவிய தேங்காயைச் சேர்த்து 2 நிமிடங்கள் மிதமான தீயில் வதக்கவும்.
மற்றொரு பாத்திரத்தில் சர்க்கரையுடன் கால் கப் தண்ணீர் அல்லது பால் சேர்த்து மிதமான சூட்டில் சர்க்கரை கரையும் வரை கொதிக்க வைக்கவும். (கம்பிப் பாகு பதம் தேவையில்லை, சர்க்கரை கரைந்து லேசான பிசுபிசுப்புத் தன்மை வந்தால் போதும்).
கொதிக்கும் சர்க்கரை பாகில் வறுத்து வைத்துள்ள ரவை மற்றும் தேங்காய் கலவையைக் கொஞ்சம் கொஞ்சமாகக் கட்டியில்லாமல் சேர்த்துக் கிளறவும்.
இதனுடன் ஏலக்காய் தூள் மற்றும் மீதமுள்ள நெய்யைச் சேர்த்து நன்றாகக் கிளறிவிடவும். கலவை கடாயில் ஒட்டாமல் திரண்டு வரும் பதம் வர வேண்டும்.
நெய் தடவிய ஒரு தட்டில் அல்லது ட்ரேயில் இந்தச் சூடான கலவையைப் கொட்டி சமமாகப் பரப்பி விடவும்.
மேலே வறுத்த முந்திரி, பாதாம் தூவி லேசாக அழுத்தி விடவும்.
10 நிமிடங்கள் ஆறவிட்டு, உங்களுக்கு விருப்பமான வடிவத்தில் துண்டுகளாக (Burfi) வெட்டிப் பரிமாறவும்.
0
Leave a Reply