25 YEARS OF EXCELLENCE
Weather: -
Friday Oct 30, 2026
10:45:35pm
Weather: -
Friday Oct 30, 2026
10:45:35pm
தெரியாதவர்களிடம் ஆன்லைனில் பழக வேண்டாம் என தமிழ்நாடு காவல்துறை மக்களை எச்சரித்துள்ளது. காதல் வலையை வீசி உங்களை ஹனி ட்ராப்பில் சிக்க வைக்கலாம் என சுட்டிக்காட்டி, ஆன்லைனில் தெரியாதவர்களிடம் பர்சனல் போட்டோவை பகிர்வதையும், வீடியோ காலில் பேசுவதையும் கண்டிப்பாக தவிர்க்கவும் வலியுறுத்தியுள்ளது. மேலும், ஏமாற்றமடைந்தவர்கள் '1930' என்ற அவசர எண்ணில் உதவி கோரவும் தெரிவிக்கப்பட்டுள்ளது.அவசர உதவி எண் : 1930தமிழ்நாடு காவல்துறை அறிவிப்புபெண்கள் தனியாக ஆட்டோவிலோ அல்லது கார்லேயோ பயணம் செய்வதற்கு முன் அந்த வாகனத்தின் பதிவு எண்ணை 9969777888என்ற எண்ணுக்கு அனுப்புங்கள். காவல்துறை அந்த வாகனத்தை GPRS மூலம் கண்காணிக்கும். இந்த தகவலை உங்கள் அனைத்து குடும்பங்களிலும் பகிரவும்.
உலகெங்கிலும் உள்ள ஆறுகளில்1985ம் ஆண்டு முதல் ஆக்சிஜன் அளவு சராசரியாக2.1% குறைந்துள்ளதாக சீன அறிவியல் அகாடமி நடத்திய புதிய ஆய்வில் அதிர்ச்சித் தகவல்!காலநிலை மாற்றமே இதற்கு முதன்மை காரணம் என்றும், இதே நிலை\நீடித்தால்,2100ம் ஆண்டுக்குள் வெப்பமண்டல ஆறுகளில் மீன்கள்)சுவாசிக்க முடியாத அளவுக்கு Dead zones உருவாகும் எனவும் எச்சரிக்கை.
சைபீரியாவின் அலாசியா நதிக்கரை அருகே, உறைந்த நிலையில் கண்டெடுக்கப்பட்ட 24,000 ஆண்டுகளுக்கு முந்தைய Zombie Worm என்ற நுண்ணுயிர்ரஷ்யாவை சேர்ந்த விஞ்ஞானிகள் இதனை கண்டெடுத்த நிலையில், ஆய்வகத்தில் உயிர்பெற்று உணவு உண்ணவும், நகரவும் தொடங்கிய Zombie Worm, பாலில்லா இனப்பெருக்கம் செய்யத் தொடங்கியதால் விஞ்ஞானிகள் வியப்பு.
ஒன்றிய அமைச்சர் நிதின் கட்கரி இந்தியாவின் முதல் 'ஃபிளெக்ஸ் ஃபியூவல்' (Ethanol) பைக்குகளை அறிமுகம் செய்துள்ளார்.HF Deluxe Flex Fuel: ₹72,792 (Ex-showroom)Splendor+ Flex Fuel: ₹82,710 (Ex-showroom)
ஆப்பிள் நிறுவனம் 2026 செப்டம்பரில் புதிய மாடல்களை அறிமுகம் செய்யவுள்ளது:ஐபோன் 18 ப்ரோ: 6.9 இன்ச் டிஸ்ப்ளே, A20 ப்ரோ சிப், 5100-5200 mAh பேட்டரி மற்றும் மாறக்கூடிய துளை அமைப்புடன் கூடிய 48MP முதன்மை கேமரா இடம்பெறும்.iPhone Ultra (மடிக்கக்கூடிய ஐபோன்): மடிப்புக் கோடே தெரியாத வடிவமைப்பு, 7.8 இன்ச் உள் திரை, 5.5 இன்ச் வெளித்திரை, 2nm A20 Pro சிப் மற்றும் வெப்பத்தைக் கட்டுப்படுத்தும் 'Vapour Chamber' தொழில்நுட்பம் கொண்டது.
தமிழகத்தில் ₹18,600 கோடி முதலீட்டில் மூன்று முக்கிய திட்டங்களைச் செயல்படுத்தி, 8,200 பேருக்கு வேலைவாய்ப்பை உருவாக்கும் வகையில் தமிழக அரசுக்கும், லார்சன் & டூப்ரோ (L&T) நிறுவனத்திற்கும் இடையே முதலமைச்சர் சி. ஜோசப் விஜய் முன்னிலையில் புரிந்துணர்வு ஒப்பந்தம் கையெழுத்தானது. திரு. விஜய் தலைமையிலான புதிய அரசு பதவியேற்ற பிறகு தொழில்துறையில் கையெழுத்தாகும் முதல் ஒப்பந்தம் இதுவாகும்.திட்டங்களின் விவரம்:காஞ்சிபுரம்: ₹15,000 கோடி முதலீட்டில் 'ஹைப்பர்ஸ்கேல் மற்றும் எட்ஜ் ஏஐ தரவு மையம்' (500 பேருக்கு வேலைவாய்ப்பு).கோயம்புத்தூர்: ₹2,500 கோடி முதலீட்டில் 'மின்னணு உற்பத்தி மையம்' (2,000 பேருக்கு வேலைவாய்ப்பு).திருவள்ளூர் (காட்டுப்பள்ளி): ₹1,100 கோடி முதலீட்டில் 'கடல் காற்றாலை உள்கட்டமைப்பு' (5,700 பேருக்கு வேலைவாய்ப்பு).மாநிலத்தின் பொருளாதார வளர்ச்சிக்கும் இளைஞர்களின் வேலைவாய்ப்புக்கும் இத்திட்டங்கள் உதவும் என அரசு தெரிவித்துள்ளது. இந்த நிகழ்வில் தொழில்துறை அமைச்சர் எஸ். கீர்த்தனா, எல்&டி நிறுவனத் தலைவர் எஸ். என். சுப்ரமணியன் உள்ளிட்ட உயர் அதிகாரிகள் பங்கேற்றனர்.
தைபே நகரில் நடைபெற்ற உலகின் முன்னணி தொழில்நுட்ப வர்த்தகக் கண்காட்சியான ‘COMPUTEX 2026’-ல், 33 நாடுகளைச் சேர்ந்த 1,500 நிறுவனங்கள் பங்கேற்றன. இதில் இந்திய நிறுவனங்களான ஜோஹோ (Zoho) மற்றும் சஹஸ்ரா (Sahasra) ஆகியவை புதிய வெளிநாட்டு வாடிக்கையாளர்கள் மற்றும் கூட்டாண்மைகளை ஈர்க்கும் நோக்கில் தங்களது தயாரிப்புகளைக் காட்சிப்படுத்தின.சஹஸ்ரா குழுமம்: தனது மைக்ரோ எஸ்டி (microSD) கார்டுகளைக் காட்சிப்படுத்தி சீனா, அமெரிக்கா, ஐரோப்பிய வாடிக்கையாளர்களிடம் நல்ல வரவேற்பைப் பெற்றுள்ளது. கூட்டு முயற்சிகள் மூலம் இத்தொழில்நுட்பங்களை இந்தியாவிலும் செயல்படுத்த முயல்கிறது.ஜோஹோ கார்ப்பரேஷன்: தைவானை ஒரு வளர்ந்து வரும் முக்கிய சந்தையாகக் கருதி, அங்குள்ள நிறுவனங்களுக்குத் தன் கிளவுட் மற்றும் சாஸ் (SaaS) செயலிகளை வழங்கி வருகிறது. மென்பொருள் துறையில் இந்தியாவின் நற்பெயர் தைவான் வாடிக்கையாளர்களிடம் நம்பிக்கையை ஏற்படுத்தியுள்ளதாக இந்நிறுவனம் குறிப்பிட்டுள்ளது.அரைக்கடத்தி (Semiconductor) மற்றும் AI உள்கட்டமைப்பில் இந்தியா-தைவான் இடையிலான உறவு பலப்பட்டு வரும் சூழலில், இந்திய அரசின் புதிய உற்பத்தி முன்னெடுப்புகளால் வருங்காலங்களில் இத்தகைய உலகளாவிய நிகழ்வுகளில் இந்தியாவின் பங்கேற்பு மேலும் அதிகரிக்கும் எனத் துறை வல்லுநர்கள் தெரிவித்துள்ளனர்.
🌐 திட்டத்தின் பின்னணி மற்றும் முக்கியத்துவம்மேற்கு ஆசியாவில் நிலவும் புவிசார் அரசியல் பதற்றங்கள் மற்றும் ஹோர்முஸ் ஜலசந்தியில் ஏற்படும் விநியோக இடையூறுகளுக்குத் தீர்வாக, அரபிக்கடல் வழியாக ஓமன் மற்றும் குஜராத்தை இணைக்கும் 2,000 கி.மீ நீள ஆழ்கடல் எரிவாயு குழாய் திட்டம் மீண்டும் விவாதத்திற்கு வந்துள்ளது. ₹40,000 கோடி மதிப்பீட்டிலான இத்திட்டம், வளைகுடா பிராந்தியத்திற்கும் இந்தியாவிற்கும் இடையே நேரடி எரிசக்தி வழித்தடத்தை உருவாக்கி, இந்தியாவின் விநியோகப் பாதுகாப்பை உறுதி செய்யும்.⚓ மாற்று வழியின் அவசியம்: LNG vs குழாய்வழித் திட்டம். இந்தியா தனது கச்சா எண்ணெய் மற்றும் இயற்கை எரிவாயு (LNG) தேவைகளுக்கு வளைகுடா நாடுகளையே பெரிதும் நம்பியுள்ளது.தற்போதுள்ள கடல்சார் கப்பல் வழித்தடங்களை விட, இக்குழாய்வழித் திட்டம் மூலத்திலிருந்து நேரடியாக எரிவாயுவை வழங்கும் என்பதால் நம்பகத்தன்மை அதிகம்; போக்குவரத்துச் செலவும் குறையும்.🏗️ தொழில்நுட்ப சவால்களும் தற்போதைய நிலையும்.: கடல் மட்டத்திற்குக் கீழே 3,000 மீட்டருக்கும் அதிகமான ஆழத்தில் அமையவுள்ளதால், இது உலகின் மிக ஆழமான குழாய்வழித் திட்டங்களில் ஒன்றாக இருக்கும். இதற்கு அதிநவீன பொறியியல் தீர்வுகள் தேவை. கடந்த 30 ஆண்டுகளாக அதிக செலவு மற்றும் தொழில்நுட்பக் காரணங்களால் முடங்கியிருந்த இத்திட்டத்தை SAGE (South Asia Gas Enterprise) நிறுவனம் கடல் தரைத்தள ஆய்வுகள் மூலம் மீண்டும் புதுப்பித்துள்ளது. பெட்ரோலிய அமைச்சகம் இத்திட்டத்தின் விரிவான சாத்தியக்கூறு அறிக்கையைத் தயாரிக்கும் பணியை GAIL, IOCL மற்றும் Engineers India Ltdஆகிய பொதுத்துறை நிறுவனங்களிடம் ஒப்படைத்துள்ளது.⚠️ எதிர்கொள்ளும் முக்கிய சவால்கள். கடலடியின் அதீத அழுத்தம் காரணமாக உள்கட்டமைப்பை நிறுவுவதும், கசிவு போன்ற கோளாறுகளைப் பராமரிப்பதும் கடினமானது.ஆரம்பக்கட்ட மதிப்பிடலான ₹40,000 கோடி, திட்ட தாமதங்களால் அதிகரிக்கக்கூடும். நீண்டகால எரிவாயு விலை மற்றும் சந்தை தேவையைப் பொறுத்தே இதன் வணிக ரீதியான வெற்றி அமையும். ஓமன்-குஜராத் திட்டத்தின் முந்தைய பதிப்புகள் போதிய வருவாய் இல்லாததால் தோல்வியடைந்தன. தற்போதைய சந்தை நிலவரம் சாதகமாக இருந்தாலும், முதலீட்டாளர்களை ஈர்க்க நிலையான வருமானத்திற்கான நீண்ட கால விநியோக ஒப்பந்தங்கள் மற்றும் தெளிவான நிதிப் பகிர்வுத் திட்டங்கள் அவசியமாகும். இது வெறும் எரிவாயு இறக்குமதித் திட்டம் மட்டுமல்ல; இந்தியாவின் எரிசக்திப் பாதுகாப்பை பலப்படுத்தி, வளைகுடா நாடுகளுடனான பொருளாதார உறவை ஆழமாக்கும் ஒரு பரந்த முயற்சியாகும். ஒரே ஒரு கடல் வழித்தடத்தைச் சார்ந்திருக்கும் இந்தியாவின் பலவீனத்திற்கு இது சிறந்த தீர்வாக அமையும். வருங்காலத்தில் உலகளாவிய எரிசக்தி மாற்றத்திற்கு ஏற்ப, இதே உள்கட்டமைப்பை ஹைட்ரஜன் போன்ற மாற்று எரிபொருட்களைக் கடத்தவும் பயன்படுத்த முடியும் என வல்லுநர்கள் கருதுகின்றனர். இத்திட்டத்தின் பின்னணியில் உள்ள காரணம் வலுவாக இருந்தாலும், 30 ஆண்டு கால விவாதங்களுக்குப் பிறகு, இதன் தொழில்நுட்ப மற்றும் நிதிச் சவால்களை ஒன்றிணைத்து எவ்வாறு செயல்படுத்தப் போகிறார்கள் என்பதே தற்போதைய கேள்வியாக உள்ளது.
1.அதிகாரப்பூர்வ NHA இணையதளத்திற்கு செல்லவும். 2.Beneficiary என்பதை தேர்வு செய்யவும். 3. மொபைல் எண்ணை உள்ளிட்டு OTP மூலம் Login செய்யவும். 4.மாநிலம் - Tamil Nadu தேர்வு செய்யவும். 5. மாவட்டம் மற்றும் PMJAY திட்டத்தை தேர்வு செய்யவும். 6.ஆதார் எண் அல்லது குடும்ப அட்டை எண்ணை உள்ளிடவும். 7.உங்கள் பெயர் பட்டியலில் உள்ளதா என சரிபார்க்கவும். 8.e-KYC என்பதை கிளிக் செய்யவும். 9. ஆதார் OTP மூலம் சரிபார்ப்பை முடிக்கவும். 10.ஆயுஷ்மான் அட்டையை Download செய்து கொள்ளலாம்.
முழுமையான தொழில்நுட்ப அடுக்கை உருவாக்கும் நோக்கில், ஜோஹோ நிறுவனம் உள்நாட்டிலேயே வடிவமைக்கப்பட்ட தனது முதல் சர்வர் தளமான 'நாது லா'-வை அறிமுகப்படுத்தியுள்ளது. இதன் மூலம் இந்தியாவில் முழுமையான அறிவுசார் சொத்துரிமையுடன் உள்நாட்டு சர்வர் தளத்தை வடிவமைத்த மிகச்சில நிறுவனங்களில் ஒன்றாக ஜோஹோ இணைந்துள்ளது.முக்கிய அம்சங்கள் & தயாரிப்பு விவரங்கள்:ஆராய்ச்சி & மேம்பாடு: ஜோஹோவின் நாக்பூர் மையத்தில், உள்ளூர் திறமையாளர்களைக் கொண்டு கடந்த 5 ஆண்டுகளுக்கும் மேலாக இந்த ஆராய்ச்சி மேற்கொள்ளப்பட்டது.செயல்திறன்: 'Intel Xeon 6' செயலிகளை அடிப்படையாகக் கொண்ட இச்சரவர், வழக்கமான சர்வர்களை விட 12-18% குறைவான மின் நுகர்வு மற்றும் 20-30% குறைவான மொத்த பராமரிப்புச் செலவைக் (TCO)கொண்டது. இது AI மற்றும் தரவு சேமிப்புப் பயன்பாடுகளுக்கு ஏற்றது.மேக் இன் இந்தியா: இதன் சேஸிஸ் மற்றும் உலோகப் பாகங்கள் புனே, நாக்பூரிலும், PCB அசெம்பிளி சென்னையிலும் செய்யப்பட்டுள்ளன. நாக்பூர் குழுவில் 90% பேர் புதியவர்கள் (Freshers) என்பது குறிப்பிடத்தக்கது.எதிர்காலத் திட்டம்: உலகெங்கும் 20 தரவு மையங்களைக் கொண்டுள்ள ஜோஹோ, தனது இந்திய தரவு மையங்களில் முதற்கட்டமாக 1,000 'நாது லா' சர்வர்களைச் செயல்பாட்டிற்குக் கொண்டுவந்துள்ளது. இந்த ஆண்டின் இறுதிக்குள் Zoho Mail, Zoho Meeting போன்ற பயன்பாடுகளுக்காக இதன் எண்ணிக்கையை 2,000 ஆக உயர்த்தத் திட்டமிட்டுள்ளது. தற்போதைக்கு இச்சர்வடர்களை வணிகரீதியாக விற்கும் எண்ணம் நிறுவனத்திற்கு இல்லை என ஜோஹோ தெரிவித்துள்ளது.
