25 YEARS OF EXCELLENCE
Weather: -
Friday Jul 24, 2026
01:18:45pm
Weather: -
Friday Jul 24, 2026
01:18:45pm
நடிகர் சூர்யா மற்றும் இயக்குநர் ஆர்.ஜே. பாலாஜி கூட்டணியில் உருவான "கருப்பு" திரைப்படம், பல்வேறு தயாரிப்பு மற்றும் வெளியீட்டு சவால்களை கடந்து மே 15-ம் தேதி உலகம் முழுவதும் பிரம்மாண்டமாக வெளியானது.படம் வெளியான முதல் நாளிலேயே உலகளவில் ரூ.20.66 கோடிக்கும் அதிகமாக வசூல் செய்துள்ளதாக தகவல்கள் தெரிவிக்கின்றன. நீண்ட இடைவெளிக்குப் பிறகு சூர்யாவும், த்ரிஷாவும் இணைந்து நடித்துள்ள இந்த திரைப்படத்திற்கு ரசிகர்கள் மத்தியில் சிறப்பான வரவேற்பு கிடைத்துள்ளது. இதனால் பல திரையரங்குகளில் ரசிகர்களின் கூட்டம் அலைமோதியது.
நடிகை சமந்தா நடித்து, தயாரித்துள்ள "மா இன்ட்டி பங்காரம்" (தமிழில் "எங்கள் தங்கம்") திரைப்படம் ரசிகர்களிடையே நல்ல வரவேற்பைப் பெற்று வருகிறது. படத்தை பார்த்து பல்வேறு திரைப்பிரபலங்கள் பாராட்டு தெரிவித்து வரும் நிலையில், நடிகை நயன்தாராவும் தனது வாழ்த்துகளை பகிர்ந்துள்ளார்."உனக்காக மிகவும் மகிழ்ச்சி அடைகிறேன் சாம். அன்பிற்கும் வெற்றிக்கும் நீ முழுமையாக தகுதியானவள். இந்தப் படத்தின் முழு குழுவிற்கும் எனது மனமார்ந்த வாழ்த்துகள்" என்று நயன்தாரா பதிவிட்டார். அதற்கு பதிலளித்த சமந்தா, "என் அன்பிற்குரிய நயன்" என்று நெகிழ்ச்சியுடன் குறிப்பிட்டுள்ளார்.
நடிகர் விஷ்ணு விஷால் நடித்துள்ள "கட்டா குஸ்தி 2" திரைப்படம் ஜூலை 3-ம் தேதி வெளியாக உள்ளது. இதையடுத்து இயக்குநர் ராம்குமார் இயக்கத்தில் உருவாகியுள்ள "இரண்டு வானம்" திரைப்படமும் வெளியீட்டுக்கு தயாராகி வருகிறது.படம் குறித்து பேசிய விஷ்ணு விஷால், "முழு படத்தையும் பார்த்தபோது என்னால் உணர்ச்சிகளை கட்டுப்படுத்த முடியவில்லை. மூன்று ஆண்டுகளாக இந்தப் படத்திற்காக உழைத்துள்ளேன். காதல், வலி, உறவுகள் என பல உணர்வுகளை கொண்ட இந்தப் படத்தை ரசிகர்களும் ஆழமாக உணர்வார்கள்" என்று தெரிவித்தார்.
கடந்த வாரத்துடன் இதுவரை தமிழில் வெளியான படங்கள் எண்ணிக்கை 108ஐ கடந்துவிட்டது. இந்தவாரம் ஜூன் 19ல், "டார்க் ஜெயன்ட், மக்கள் தலைவா, மனு, பதினென் கீழ்க்கணக்கு, நூறு சாமி" ஆகிய 5 படங்கள் ரிலீஸாகின்றன. இவற்றில் நூறு சாமி படத்திற்கு எதிர்பார்ப்பு உள்ளது. தவிர சமந்தாவின் மா இண்டி பங்காரம் தமிழில் எங்கள் தங்கம் என்ற பெயரில் ரிலீஸாகிறது.
நடிகர் விஜய்யின் பிறந்தநாளை முன்னிட்டு, அவரது ரசிகர்கள் மத்தியில் பெரும் வரவேற்பைப் பெற்ற 'ஜில்லா'மற்றும் 'மெர்சல்' திரைப்படங்கள் ஜூன் 19ஆம் தேதி மீண்டும் திரையரங்குகளில் வெளியாக உள்ளன. இந்த அறிவிப்பு ரசிகர்கள் மத்தியில் உற்சாகத்தை ஏற்படுத்தியுள்ளது.
நடிகை கங்கனா ரணாவத், மருத்துவத் துறையில் செவிலியர்களின் பங்கு மிகவும் முக்கியமானது என்று தெரிவித்துள்ளார். மேலும், தற்போது பயன்படுத்தப்படும் செவிலியர் சீருடை ஆங்கிலேயர் காலத்தின் தாக்கத்தை கொண்டதாகவும், இந்தியாவின் காலநிலைக்கு ஏற்ற வகையில் அவர்களின் வசதியை கருத்தில் கொண்டு சீருடையில் மாற்றம் செய்ய வேண்டும் என்றும் கருத்து தெரிவித்துள்ளார்.
தெலுங்கில் சமந்தா தயாரித்து கதை யின் நாயகியாகவும் நடித்துள்ள படம் 'மா இண்டி பங்காரம்'. நந்தினி ரெட்டி இயக்கி உள்ளார். இந்த படம் தமிழில் 'எங்கள் தங்கம்' என்ற பெயரில் ரிலீஸாகிறது. இது எம்ஜிஆர் நடித்த படத்தின் தலைப்பாகும். மாமியார் வீட்டை பெரும் ஆபத்தில் இருந்து காப்பாற்றும் ஆக்ஷன் மருமகளாக சமந்தா நடித்துள்ளார்.
‘சொல்லாமலே’ படத்தின் மூலம் இயக்குனராக அறிமுகமான சசி, விஜய் ஆண்டனி நடிப்பில் உருவாகியுள்ள ‘நூறு சாமி’ திரைப்படம் ஜூன் 19ல் வெளியாக உள்ளது. இதுவரை அவர் இயக்கிய 8 படங்களில் 6 புதிய இசையமைப்பாளர்களை அறிமுகப்படுத்தியுள்ளார். அவை: ‘சொல்லாமலே’ – பாபி, ‘டிஷ்யூம்’ – விஜய் ஆண்டனி, ‘பூ’ – எஸ்.எஸ். குமரன், ‘555’ – சைமன் கே. கிங், ‘சிவப்பு மஞ்சள் பச்சை’ – சித்து குமார், மற்றும் தற்போது ‘நூறு சாமி’ – பாலாஜி ஸ்ரீராம்.
ஜீத்து ஜோசப் இயக்கத்தில், மோகன்லால் நடித்த ‘திரிஷ்யம் 3’ திரைப்படம் உலகளவில் சுமார் ரூ.330 கோடி வசூலித்து மலையாள சினிமாவில் புதிய நம்பர் 1 சாதனையை பதிவு செய்துள்ளது. இதற்கு முன் கல்யாணி பிரியதர்ஷன் நடித்த ‘லோகா’ ரூ.303 கோடி வசூலித்திருந்த நிலையில், அதனை ஓராண்டிற்குள் ‘திரிஷ்யம் 3’ முறியடித்துள்ளது
ஜியென் கிருஷ்ணமூர்த்தி இயக்கத்தில் ஆர்யா, ரெஜினா, நிகிலா விமல் உள்ளிட்டோர் நடித்துள்ள படம் 'அனந்தன் காடு'. மலையாளம், தமிழ் என இரு மொழிகளில் தயாராகியுள்ள இப்படம் காடுகளின் பின்னணியில் எடுக்கப்பட்டுள்ளது. இப்படத்தின் பணிகள் அனைத்தும் முடிந்து சில மாதங்கள் ஆகியும், வெளியீட்டில் தொடர்ந்து தாமதம் ஏற்பட்டு வந்தது. தற்போது அனைத்து சிக்கல்களும் தீர்க்கப்பட்டு, வரும் ஜூன் 25ஆம் தேதி படம் ரிலீஸாகும் என அறிவிக்கப்பட்டுள்ளது.
