25 YEARS OF EXCELLENCE
Weather: -
Friday Oct 23, 2026
07:54:38am
Weather: -
Friday Oct 23, 2026
07:54:38am
இசையமைப்பாளர் இளையராஜா தற்போது ஆஸ்திரேலியாவில் இசைச் சுற்றுப்பயணம் மேற்கொண்டுள்ளார்.அவரது 50 ஆண்டு இசைப் பயணத்தைப் பாராட்டி கவுரவிக்கும் வகையில், ஆஸ்திரேலியாவில் இளையராஜாவை சிறப்பிக்கும் வகையில் தபால் தலை வெளியிடப்பட்டுள்ளது.ஆஸ்திரேலிய நாடாளுமன்றத்தில் அந்நாட்டு அமைச்சர் இந்த தபால் தலையை வெளியிட, அதனை இளையராஜா பெற்றுக்கொண்டார்.
மதிமாறன் புகழேந்தி இயக்கத்தில் சூரி, மகிமா நம்பியார், சுகாஸ் உள்ளிட்டோர் நடித்த ‘மண்டாடி’ திரைப்படம் சமீபத்தில் வெளியானது. இப்படம் ரசிகர்கள் மத்தியில் வரவேற்பைப் பெற்றுள்ளது.வசூலில் ரூ.100 கோடியைத் தாண்டியுள்ள இப்படம், சூரியின் திரைப்பயணத்தில் முதல் ரூ.100 கோடி வசூல் படமாக அமைந்துள்ளது.படத்தின் வெற்றியைத் தொடர்ந்து, தனது சொந்த ஊரான மதுரை ராஜாக்கூரில் உள்ள வீட்டில் படக்குழுவினரை அழைத்து குடும்பத்தினருடன் கேக் வெட்டி சூரி கொண்டாடினார்.
மதிமாறன் புகழேந்தி இயக்கத்தில், டி.எம். பிரகாஷ் இசையமைப்பில், சூரி, சுஹாஸ், மகிமா நம்பியார் உள்ளிட்டோர் நடித்துள்ள ‘மண்டாடி’ திரைப்படத்துக்கு தமிழ், தெலுங்கு மொழிகளில் நல்ல வரவேற்பு கிடைத்துள்ளது. மூன்று நாட்கள் தொடர் விடுமுறை உள்ளிட்ட காரணங்களால் படத்தின் வசூலும் அதிகரித்து, ரூ.50 கோடியை கடந்துள்ளதாகக் கூறப்படுகிறது. இதே காலகட்டத்தில் வெளியான கார்த்தியின் ‘சர்தார் 2’ திரைப்படம் எதிர்மறையான விமர்சனங்களால் வசூலில் தடுமாறி வருகிறது.
தமிழ், தெலுங்கு உள்ளிட்ட தென்னிந்திய மொழித் திரைப்படங்களுக்கு ஆண்டுதோறும் ‘சைமா’ எனப்படும் தென்னிந்திய சர்வதேச திரைப்பட விருதுகள் வழங்கப்பட்டு வருகின்றன. இந்த ஆண்டுக்கான 14-வது சைமா விருது வழங்கும் விழா பெங்களூருவில் நடைபெற்றது.இதில் தமிழ் திரைப்படப் பிரிவில் ‘டூரிஸ்ட் பேமிலி’ அதிகபட்சமாக 6 விருதுகளை வென்றது. சிறந்த நடிகருக்கான விருதை ‘பைசன்’ திரைப்படத்துக்காக துருவ் விக்ரம் பெற்றார். சிறந்த திரைப்படத்துக்கான விருது ‘டிராகன்’ படத்துக்கு வழங்கப்பட்டது.
இந்த வாரம் தமிழ் சினிமாவில் மட்டும் ‘பீப்’, ‘டார்க் ஹெவன்’, ‘E1’, ‘என்ன விலை’, ‘கோல்டு கால்’, ‘நல்ல படம்’, ‘பாரீஸ் கபே’, ‘ரவாளி’, ‘லட்சியவாதி’, ‘வள்ளி மலை வேலன்’, ‘சண்டக்காரி’ என 11 திரைப்படங்கள் வெளியாகின்றன.இவற்றில் கருணாஸ், நிமிஷா நடித்துள்ள ‘என்ன விலை’ திரைப்படம் செப்டம்பர் 17-ம் தேதியும், மற்ற திரைப்படங்கள் செப்டம்பர் 18-ம் தேதியும் வெளியாகின்றன. இந்த ஆண்டில் இதுவரை ஒரே வாரத்தில் இத்தனை தமிழ் திரைப்படங்கள் வெளியாவது இதுவே முதல் முறையாகும்.
இந்த ஆண்டு தீபாவளிக்கு ரஜினி, கமல், அஜித், விக்ரம், தனுஷ், சிம்பு, சிவகார்த்திகேயன், கார்த்தி உள்ளிட்ட முன்னணி நடிகர்களின் படங்கள் எதுவும் வெளியாகவில்லை.இதனால் மற்ற நடிகர்களின் படங்கள் தீபாவளி ரிலீசுக்கு தயாராகி வருகின்றன. பிரபுதேவா, யோகிபாபு நடித்துள்ள ‘மூன்வாக்’, சுந்தர்.சி இயக்கத்தில் நயன்தாரா நடித்துள்ள ‘மூக்குத்தி அம்மன் 2’ உள்ளிட்ட படங்கள் வெளியாக உள்ளன.மேலும், சூர்யாவின் 47-வது படம் மற்றும் இந்தியில் உருவாகியுள்ள ‘ராமாயணா’ முதல் பாகம் ஆகியவையும் ரிலீசுக்கு தயாராகி வருகின்றன. இதனுடன் ரஜினியின் ‘அண்ணாமலை’ திரைப்படமும் ரீ-ரிலீஸ் செய்யப்பட உள்ளது.
ராகவ் மிர்தாத் இயக்கத்தில் உருவாகி வரும் பேண்டஸி திரைப்படம் ‘ட்ரோன்ஸ்’. இதில் சித்தி இத்னானி, அஞ்சலி நாயர், தேவதர்ஷினி உள்ளிட்டோர் முக்கிய கதாபாத்திரங்களில் நடித்துள்ளனர்.கனவுகளில் மட்டுமே நிகழக்கூடிய விசித்திரமான சம்பவங்கள் நிஜ உலகில் நடந்தால் எப்படி இருக்கும் என்ற வித்தியாசமான கற்பனையை மையமாக கொண்டு இப்படம் உருவாகி வருகிறது. ஹாரர் மற்றும் பேண்டஸி அம்சங்களுடன் உருவாகும் இப்படத்தின் படப்பிடிப்பு நிறைவடைந்து, இறுதிக்கட்ட பணிகள் நடைபெற்று வருகின்றன.
லண்டனில் நடைபெற்ற கார் ரேஸ் போட்டியில் பங்கேற்ற அஜித் அணியை, போட்டிக்கு முன்பாக தமிழக முதல்வர் விஜய் சந்தித்தார். அப்போது அஜித்தின் ரேஸ் காரின் மினியேச்சர் மாடலை அவருக்கு விஜய் பரிசாக வழங்கினார். அதில், ‘என் அன்பான சகோதரர் அஜித்துக்கு’ எனக் குறிப்பிட்டு, ‘பிரியமுடன் விஜய்’ என ஆட்டோகிராப் செய்திருந்தார். பதிலுக்கு அஜித்தும் தனது ஹெல்மெட்டை விஜய்க்கு பரிசாக வழங்கினார். இருவரும் சந்தித்துக் கொண்ட புகைப்படங்கள் சமூக வலைதளங்களில் வைரலாகி வருகின்றன.இதனிடையே, அஜித்தின் கார் ரேஸ் தொடர்பான ஆவணப்படமான ‘கிளாடியேட்டர்ஸ்’ படத்தில் விஜய் நடிக்கிறாரா என்ற எதிர்பார்ப்பு எழுந்துள்ளது. ஏ.எல். விஜய் இயக்கும் இப்படத்துக்கு ஜி.வி. பிரகாஷ் இசையமைக்கிறார். லண்டன் ரேஸ் போட்டி முடிந்த பிறகு, அஜித் மற்றும் விஜய் இணைந்து எடுத்த புகைப்படத்தைப் பகிர்ந்த ஜி.வி. பிரகாஷ், ‘இரு பெரும் ஆளுமைகளுடன் பணியாற்றியது மகிழ்ச்சி’ எனப் பதிவிட்டிருந்தார். மேலும், ‘கிளாடியேட்டர்ஸ்’ என்ற ஹேஷ்டேக்கையும் பயன்படுத்தியிருந்தார்.அவர் இருவரது படங்களுக்கும் இசையமைத்ததை குறிப்பிட்டாரா அல்லது ‘கிளாடியேட்டர்ஸ்’ படத்தில் இருவரும் இணைந்து பணியாற்றுவதை சுட்டிக்காட்டினாரா என்பது விரைவில் தெரியவரும்.
மாரி செல்வராஜ் இயக்கத்தில் உருவாகி வரும் ‘மஞ்சணத்தி’ திரைப்படத்திற்கு இசையமைக்கிறார் இளையராஜா. தேனியில் நடைபெற்ற படப்பிடிப்பு தொடக்க நிகழ்ச்சியில் கலந்து கொண்டு பேசிய அவர், தனது இசை தொடர்பான அனுபவம் ஒன்றை பகிர்ந்துகொண்டார்.அவர் கூறுகையில், “ஜெர்மனியில் தமிழ் கர்ப்பிணி ஒருவருக்கு வயிற்றில் குழந்தையின் அசைவுகள் நின்றதால், அறுவை சிகிச்சை செய்ய டாக்டர்கள் அறிவுறுத்தியுள்ளனர். அப்போது என் இசையை கேட்கச் செய்துள்ளனர். இரண்டு நாட்கள் கண்காணிப்புக்குப் பிறகு பரிசோதித்தபோது, குழந்தைக்கு உயிர் வந்திருப்பது தெரியவந்தது. இது உண்மை சம்பவம்.இசையமைப்பது என் வேலை. அதைத்தான் சரஸ்வதி எனக்கு கொடுத்திருக்கிறார்” என்றார்.
இந்தியாவின் புகழ்பெற்ற கர்நாடக இசைப் பாடகி மற்றும் பாரத ரத்னா விருது பெற்ற எம்.எஸ். சுப்புலட்சுமியின் வாழ்க்கை திரைப்படமாக உருவாக உள்ளது.இப்படத்தை இயக்குநர் கவுதம் தின்னனூரி இயக்க உள்ளதாக கூறப்படுகிறது.முதலில் எம்.எஸ். சுப்புலட்சுமியின் கதாபாத்திரத்தில் நடிக்க சாய் பல்லவி மற்றும் ருக்மணி வசந்த் ஆகியோரிடம் பேச்சுவார்த்தை நடைபெற்றதாகவும், சில காரணங்களால் அந்த வாய்ப்பு அவர்களுக்கு அமையவில்லை என்றும் தகவல் வெளியாகியுள்ளது.தற்போது இந்த முக்கிய கதாபாத்திரத்தில் ராஷ்மிகா மந்தனா நடிக்க இருப்பதாக சினிமா வட்டாரங்களில் தகவல் பரவி வருகிறது.எம்.எஸ். சுப்புலட்சுமியின் பிறந்தநாள் செப்டம்பர் 16 என்பதால், அதே நாளில் இப்படம் குறித்த அதிகாரப்பூர்வ அறிவிப்பு வெளியாகலாம் என எதிர்பார்க்கப்படுகிறது.
