25 YEARS OF EXCELLENCE
Weather: -
Friday Oct 23, 2026
01:44:43am
Weather: -
Friday Oct 23, 2026
01:44:43am
சஜீவ் பாழூர் இயக்கத்தில் கருணாஸ், நிமிஷா சஜயன் நடிப்பில் வெளியாகி வரவேற்பைப் பெற்ற படம் ‘என்ன விலை’. ராமேஸ்வரம் பின்னணியில், ஒரு மீனவரின் வாழ்க்கையை மையமாகக் கொண்டு இப்படத்தின் கதை உருவாக்கப்பட்டுள்ளது.இந்தப் படம் அட்லாண்டா இந்திய திரைப்பட விழாவில் சிறந்த ஒளிப்பதிவுக்கான விருதை வென்றுள்ளது. இதுகுறித்து ஒளிப்பதிவாளர் ஆல்பி ஆண்டனி கூறுகையில், “இது பெருமையான தருணம். இந்தப் படத்தில் பணியாற்றும் வாய்ப்பு கிடைத்தது பாக்கியம்” என்றார்.
சரஸ்வதி பூஜை, ஆயுத பூஜை விடுமுறையை முன்னிட்டு இந்த வாரம் திரையரங்குகளில் புதிய படங்கள் வெளியாக உள்ளன. அக்டோபர் 15-ஆம் தேதி ‘ஜெயிலர் 2’ வெளியாகும் எனத் தெரிவிக்கப்பட்டுள்ளது. இதனுடன் பெரிய படங்கள் வெளியாகாத நிலையில், அக்டோபர் 16-ஆம் தேதி ‘டிரோன்ஸ்’, ‘டைட்டானிக் காதலும் கவுந்து போகும்’ மற்றும் தெலுங்கு டப்பிங் படமான ‘ரணபாலி’ ஆகிய படங்கள் திரைக்கு வருகின்றன.
நடிகர் அப்புக்குட்டி அவ்வப்போது கதையின் நாயகனாக நடித்து வருகிறார். இதுகுறித்து அவர் கூறியதாவது:“காமெடியனாக நடிப்பதா அல்லது ஹீரோவாக நடிப்பதா என்ற குழப்பம் இருந்தது. அதனால் கிடைக்கும் வாய்ப்புகளைப் பயன்படுத்திக் கொள்வதுதான் சரி என்று நடித்து வந்தேன். எனக்கு தேசிய விருது கிடைத்ததால், விருதுகளை மையமாகக் கொண்ட கதைகளே அதிகம் தேடி வருகின்றன. விருது வாங்குவது மகிழ்ச்சிதான் என்றாலும், காமெடி ஹீரோவாகப் பெயர் வாங்கவே விரும்புகிறேன்” என்றார்.
ஒவ்வோர் ஆண்டும் தீபாவளியை முன்னிட்டு பெரிய படங்கள் வெளியாகி ரசிகர்களிடையே எதிர்பார்ப்பை ஏற்படுத்துவது வழக்கம். அந்த வகையில், இந்த ஆண்டு தீபாவளியை முன்னிட்டு நவம்பர் 6-ம் தேதி நான்கு படங்கள் வெளியாகும் எனத் தெரிவிக்கப்பட்டுள்ளது.சுந்தர் சி இயக்கத்தில் நயன்தாரா நடிக்கும் ‘மூக்குத்தி அம்மன் 2’, சூர்யா மற்றும் நஸ்ரியா நடித்துள்ள ‘சீன்’, விஜய் ஆண்டனியின் ‘அப்பா குட்டி’, பிரபுதேவாவின் ‘மூன் வாக்’ ஆகிய படங்கள் தீபாவளி வெளியீட்டுக்குத் தயாராக உள்ளன.இந்தப் பட்டியலில் மேலும் படங்கள் சேருமா அல்லது அறிவிக்கப்பட்ட படங்களில் ஓரிரு படங்கள் வெளியீட்டிலிருந்து பின்வாங்குமா என்பது இனிமேல்தான் தெரியவரும்.
விவேக் ஆத்ரேயா இயக்கத்தில் ரவி தேஜா நடிக்கும் ‘துலாபாரம்’ திரைப்படத்தில் பிரியங்கா மோகன், அனஸ்வரா ராஜன் ஆகியோர் கதாநாயகிகளாக ஒப்பந்தமாகியுள்ளனர். கிரைம் கலந்த ஆக்ஷன் படமாக உருவாகும் இதில் தருண் பாஸ்கர், ஜே.டி. சக்கரவர்த்தி ஆகியோர் முக்கிய வேடங்களில் நடிக்கின்றனர். விவேக் சாகர் இசையமைக்கும் இப்படத்தின் படப்பிடிப்பு அக்டோபர் 17-ஆம் தேதி தொடங்குகிறது.
மறைந்த முன்னாள் முதல்வர் எம்.ஜி.ஆரின் வாழ்க்கை வரலாறு 'புரட்சித்தலைவர் எம்.ஜி.ஆர்'என்ற பெயரில் திரைப்படமாக உருவாகிறது.ஏற்கனவே 'தேசிய தலைவர்' படத்தில் முத்துராமலிங்கத் தேவராக நடித்த ஜெ.எம். பராஷீர், இதில் எம்.ஜி.ஆர் ஆக நடிக்கிறார்.எம்.ஜி.ஆர் அவர்கள் அ.தி.மு.க.வைத் தொடங்கிய நாளான அக்டோபர் 17 அன்று இப்படத்தின் படப்பிடிப்பு தொடங்குகிறது.
விஷால் சதுர்வேதி இயக்கத்தில் இந்தியில் ஆகஸ்ட் 7-ம் தேதி வெளியான ‘ஹனுமான் அன்ஸ்’ திரைப்படம் தொடர்ந்து வசூலைக் குவித்து வருகிறது.உள்நாட்டு பாக்ஸ் ஆபீஸில் மட்டும் ரூ.329.61 கோடி வசூலித்துள்ளது. இதன் மூலம் இந்த ஆண்டின் உள்நாட்டு வசூலில் சன்னி தியோலின் ‘பார்டர் 2’ படத்தை முந்தி இரண்டாவது இடத்தைப் பிடித்துள்ளது. ‘துரந்தர்: தி ரிவெஞ்ச்’ திரைப்படம் முதலிடத்தில் உள்ளது.
தேசிய விருது வென்ற ஒளிப்பதிவாளரும் இயக்குனருமான செழியன் (57) சமீபத்தில் காலமானார்.அவர் இறப்பதற்கு முன் இயக்கி, ஒளிப்பதிவு செய்த 'காகிதமலர்' திரைப்படம், 39-வது டோக்கியோ சர்வதேச திரைப்பட விழாவின் 'ஆசியன் பியூச்சர்' பிரிவிலும், போட்டிப் பிரிவிலும் அதிகாரப்பூர்வமாகத் தேர்வு செய்யப்பட்டுள்ளது.
சென்னை ஐஐடி வளாகத்தில் அமைக்கப்பட்டுள்ள 'இசைஞானி இளையராஜா இசை ஆராய்ச்சி மையத்தை' பிரதமர் மோடி அக்டோபர் 11 அன்று திறந்து வைக்கிறார்.சென்னையில் பூந்தமல்லி - வடபழனி இடையிலான மெட்ரோ ரயில் சேவையைத் தொடக்கி வைப்பதோடு, இம்மையத்தையும் அவர் திறந்து வைக்க உள்ளார். இந்த ஆராய்ச்சி மையம், இளையராஜாவின் இசை நிறுவனத்துடன் புரிந்துணர்வு ஒப்பந்தம் மேற்கொண்டுள்ளது குறிப்பிடத்தக்கது.
நடிகை சாய் பல்லவி தமிழில் கடந்த 8 ஆண்டுகளில் 5 படங்களில் மட்டுமே நடித்துள்ள நிலையில், தற்போது பல பெரிய படங்களில் நடித்து வருகிறார்:'ஓம்':ராஜ்குமார் பெரியசாமி இயக்கத்தில் தனுஷ், மம்முட்டி நடிப்பில் நவம்பர் 20-ல் வெளியாகிறது.'ராமாயணா':ரன்பீர் கபூர் ஜோடியாக ஹிந்தியில் நவம்பர் 6-ல் வெளியாகிறது.மணிரத்னம் இயக்கத்தில் 'இஞ்சி வெல்லம்' படத்திலும் நடித்து வருகிறார்.இந்த பான் இந்தியா படங்கள் மூலம் தமிழில் தனது மார்க்கெட்டை மீண்டும் தீவிரமாகப் பிடிக்க அவர் எதிர்பார்த்துள்ளார்.
