25 YEARS OF EXCELLENCE
Weather: -
Monday Oct 26, 2026
05:00:46pm
Weather: -
Monday Oct 26, 2026
05:00:46pm
இந்தியா வந்துள்ள இங்கிலாந்து அணி மூன்று போட்டி கொண்ட ஒருநாள் தொடரில் பங்கேற்கிறது. முதல் போட்டி நேற்று மகாராஷ்டிராவில் உள்ள நாக்பூரில் நடந்தது. 'டாஸ்' வென்ற இங்கிலாந்து அணி கேப்டன் பட்லர், பேட்டிங் தேர்வு செய்தார். இந்திய அணியில் ஜெய்ஸ்வால், ஹர்ஷித் ராணா என இருவர் அறிமுகம் ஆகினர்..இங்கிலாந்து அணி 47.4 ஓவரில் 248 ரன்னுக்கு ஆல் அவுட்டானது. இந்திய அணி 38.4 ஓவரில் 251/6 ரன் எடுத்து 4 விக்கெட்டில் வெற்றி பெற்றது. இந்திய அணி வேகப்பந்து வீச்சாளர் ஹர்ஷித் ராணா 23. ஆஸ்திரேலியாவுக்கு எதிரான பெர்த் டெஸ்டில் அறிமுகம் ஆன இவர், முதல் இன்னிங்சில் 3 விக்கெட் சாய்த்தார்.சமீபத்தில் புனே 'டி-20'ல் (எதிர்-இங்கிலாந்து) அறிமுகம் ஆன ஹர்ஷித், 3 விக்கெட் வீழ்த்தினார்.நேற்று நாக்பூர் ஒருநாள் போட்டியில் (இங்கிலாந்து) அறிமுகம் ஆனார். இதில் 3 விக்கெட் கைப்பற்றினார். இதையடுத்து மூன்று வித அறிமுக போட்டியிலும் தலா 3 விக்கெட் சாய்த்த முதல் இந்திய பவுலர் ஆனார் ஹர்ஷித்.
யோகாசனம் முதலில் காட்சி போட்டியாக சேர்க்கப்பட்டு இருந்த யோகாசனம், மல்லாகம்பிற்கு, பதக்கம் வழங்குவதாக அறிவிக்கப்பட்டன.இதையடுத்து ஆண்களுக்கான யோகாசன போட்டி நடந்தன. இரட்டையர் பிரிவில் சிறப்பாக செயல்பட்ட தமிழக அணியின் தர்ம தேஜா, அபினேஷ் குமார் ஜோடி இரண்டாவது இடம் பிடித்து, வெள்ளிப்பதக்கம் கைப்பற்றியது.பெண்கள் தனிநபர் பிரிவில் தமிழகத்தின் வைஷ்ணவி, மூன்றாவது இடம் பிடிக்க, வெண்கலப் பதக்கம் கிடைத்தது. படகுபோட்டி தமிழகத்தின் பகவதி, மதுமிதா, அகிலாண்டேஷ்வரி, ரோஸ்மஸ்டிகா படகு வலித்தல் போட்டியில் இடம் பெற்ற அணி, 2 கி.மீ., தூரத்தை 7 நிமிடம், 46.37 வினாடி நேரத்தில் கடந்து, வெண்கலப் பதக்கம் கைப்பற்றியது. வில்வித்தை ஹரியானாவின் தீபாக்சிகா பெண்களுக்கான காம்பவுண்டு தனிநபர் வில்வித்தையில் தங்கம் கைப்பற்றினார். பஞ்சாப்பின் பர்னீத் கவுர், அவ்னீத் கவுருக்கு வெள்ளி, வெண்கலம் கிடைத்தன. ஆண்கள் பிரிவில் ராஜஸ்தானின் ரஜத் சவுகான் (தங் கம்), காஷ்மீரின் ஹிருதிக் சர்மா (வெள்ளி), ஆந்திரா வின் மணி ரத்னம் (வெண் கலம்) முதல் மூன்று இடம் பிடித்தனர்.பீச் வாலிபால், பீச் வாலிபால் ஆண்களுக்கான போட்டியில் தமிழக அணி 2-1 என கோவாவை பைனலுக்கு வீழ்த்தி, முன்னேறியது. தமிழக பெண்கள் அணி 2-0 என புதுச்சேரியை வென்று, பைனலுக்கு நுழைந்தது. சைக்கிள்தேசிய விளையாட்டு சைக்கிளில் அந்தமான், நிக்கோபார் தீவுகள் வீரர் டேவிட் பெக்காம் (10.691 வினாடி) தங்கப்பதக்கம் வென்றார். மணிப்பூர் வீரர் ரொனால்டோ (10.724), அந்தமான் வீரர் எசோ ஆல்பென் (10.826) அடுத்த இரு இடம் பெற்று, வெள்ளி, வெண்கலம் பெற்றனர்.டைம் டிரையர் தனிநபர் பிரிவில் தமிழக வீராங்கனை ஸ்ரீமதி, வெள்ளிப்பதக்கம் கைப்பற்றினார்.
துபாயில் சர்வதேச 'டி-20' போட்டியில் சிறந்து விளங்கும் வீரர்களுக்கான தரவரிசை பட்டியலை சர்வதேச கிரிக்கெட் கவுன்சில் (ஐ.சி.சி.,) வெளியிட்டது. பேட்டர்களுக்கான தரவரிசையில் இந்திய துவக்க வீரர் அபிஷேக் சர்மா, 829 புள்ளிகளுடன் 40வது இடத்தில் இருந்து முதன் முறையாக 'நம்பர்-2' இடத்துக்கு முன்னேறினார். சமீபத்தில் மும்பையில் நடந்த இங்கிலாந்துக்கு எதிரான 5வது 'டி-20' போட்டியில் 54 பந்தில் சதம் (135 ரன், 13 சிக்சர்) விளாசிய இவர், 'டி-20' போட்டியில் ஒரு இன்னிங்சில் அதிக ரன் குவித்த இந்திய வீரரானார். ஆல்-ரவுண்டர்' தரவரிசையில் - இந்தியாவின் ஹர்திக் பாண்ட்யா - (251) முதலிடத்தில் நீடிக்கிறார்.இந்தியா வந்துள்ள இங்கிலாந்து அணி, சாம்பியன்ஸ் டிராபி தொடருக்கு தயாராகும் வகையில் மூன்று போட்டி கொண்ட ஒருநாள் தொடரில் பங்கேற்கிறது. முதல் போட்டி இன்று நாக்பூரில் பகலிரவு ஆட்டமாக நடக்கிறது.
டென்னிஸ் ஏ.டி.பி., சேலஞ்சர் டென்னிஸ் தொடர் சென்னையில் நடக்கிறது. இதன் இரட்டையர் பிரிவு 'ரவுண்ட்-16' போட்டியில் இந்தியாவின் ராம்குமார் ராமநாதன், சாகேத் மைனேனி ஜோடி, பெல்ஜியத்தின் கிம்மர் கோப்ஜான்ஸ், துருக்கியின் எர்கி கிர்கின் ஜோடியை சந்தித்தது. அபாரமாக ஆடிய ராம்குமார், மைனேனி ஜோடி 6-3, 6-1 என்ற நேர் செட் கணக்கில் வெற்றி பெற்று, காலிறுதிக்கு முன்னேறியது. மும்பையில், பெண்களுக்கான டபிள்யு.டி.ஏ., ஓபன் டென்னிஸ் தொடர் நடக்கிறது. இதன் இரட்டையர் பிரிவு 'ரவுண்ட்-16' போட்டியில் இந்தியாவின் ஸ்ரீவள்ளி ராஷ்மிகா, ரியா பாட்யா ஜோடி, ஜப்பானின் ஹோண்டமா, ஒகமுரா ஜோடியை எதிர் கொண்டது.முதல் செட்டை 5-7 என போராடி இழந்த இந்திய ஜோடி, பின் எழுச்சி கண்டு 2வது செட்டை 6-2 எனக் கைப்பற்றி பதிலடி கொடுத்தது. வெற்றியாளரை நிர்ணயிக்கும் 'சூப்பர் டை பிரேக்கரில்' மீண்டும் அசத்திய இந்திய ஜோடி 10-7 என வென்றது. முடிவில் ஸ்ரீவள்ளி ராஷ்மிகா, ரியா ஜோடி 5-7, 6-2, 10-7, என்ற, கணக்கில் வெற்றி பெற்று கால் இறுதிக்குள் நுழைந்தது. டேபிள் டென்னிஸ் சிங்கப்பூர் ஸ்மாஷ்' சர்வதேச டேபிள் டென்னிஸ் தொடர் சிங்கப்பூரில்,ஆண்கள் இரட்டையர் இரண்டாவது சுற்றில், இத்தொடரின் 'நம்பர்-6', இந்தியாவின் மனுஷ் ஷா, மானவ் தக்கார் ஜோடி, ஹாங்காங்கின் வாங் சுன் டிங், இயு குவான் ஜோடியை எதிர் கொண்டது. இதன் முதல் செட்டை 11-5 என வசப்படுத்திய இந்திய ஜோடி, அடுத்த செட்டை 11-8 என வென்றது.தொடர்ந்து ,இந்திய ஜோடி, மூன்றாவது செட்டை 11-6 என கைப்பற்றியது. முடிவில் இந்திய ஜோடி 3-0 என்ற கணக்கில் வெற்றி பெற்று, காலிறுதிக்குள் நுழைந்தது.
பாகிஸ்தானில் ஐ.சி. சி., சாம்பியன்ஸ் டிராபி தொடர் (பிப்.19-மார்ச் 9) நடக்க உள்ளது. கடந்த 2023 உலக கோப்பை தொடரில் 'டாப்-8' இடம் பிடித்த இந்தியா, ஆஸ்திரேலியா, தென் ஆப்ரிக்கா உள்ளிட்ட அணிகள் பங்கேற்க உள்ளன. பாதுகாப்பு காரணங்களால் பாகிஸ்தான் செல்ல இந்தியா மறுத்தது. இந்திய அணி பங்கேற்கும் போட்டிகள் மட்டும் துபாயில் நடக்க உள்ளன. இதில் வங்கதேசம் (பிப். 20), பாகிஸ்தான் (பிப். 23), நியூசிலாந்து (மார்ச் 2) அணிகளை சந்திக்க உள்ளது. இதற்கான டிக்கெட் விற்பனை ஆன்லைன் வழியாக நடந்தது. இந்தியா - பாக்., மோதலுக்கு மவுசு. இதில்இந்தியா, பாகிஸ்தான்மோதலுக்கானடிக்கெட்விற்பனைதுவங்கியசிலநிமிடத்தில்விற்றுத்தீர்ந்தன. 25,000 ஆயிரம் டிக்கெட்டுகளை வாங்க, 1,50,000 க்கும் மேற்பட்ட ரசிகர்கள் ஆன்லைனில் காத்திருந்தனர். இதனால் ஒரு மணி நேரம் தாமதம் ஆனது. பிளாட்டினம் டிக்கெட் ரூ. 48,000, கிராண்ட் பிரிவு டிக்கெட் ஒன்று ரூ.1.8 லட்சம் என விற்பனை ஆனது. தவிர, இந்தியா-வங்க தேசம், இந்தியா-நியூசிலாந்து போட்டிக்கான டிக்கெட்டுகளும் விற்றுத் தீர்ந்தன.
பாகிஸ்தானில் ஐ.சி. சி., சாம்பியன்ஸ் டிராபி தொடர் (பிப்.19-மார்ச் 9) நடக்க உள்ளது. கடந்த 2023 உலக கோப்பை தொடரில் 'டாப்-8' இடம் பிடித்த இந்தியா, ஆஸ்திரேலியா, தென் ஆப்ரிக்கா உள்ளிட்ட அணிகள் பங்கேற்க உள்ளன. பாதுகாப்பு காரணங்களால் பாகிஸ்தான் செல்ல இந்தியா மறுத்தது. இந்திய அணி பங்கேற்கும் போட்டிகள் மட்டும் துபாயில் நடக்க உள்ளன. இதில் வங்கதேசம் (பிப். 20), பாகிஸ்தான் (பிப். 23), நியூசிலாந்து (மார்ச் 2) அணிகளை சந்திக்க உள்ளது. இதற்கான டிக்கெட் விற்பனை ஆன்லைன் வழியாக நடந்தது. இந்தியா - பாக்., மோதலுக்கு மவுசு. இதில் இந்தியா, பாகிஸ்தான் மோதலுக்கான டிக்கெட் விற்பனை துவங்கிய சில நிமித்தில் விற்றுத் தீர்ந்தன. 25,000 ஆயிரம் டிக்கெட்டுகளை வாங்க, 1,50,000 க்கும் மேற்பட்ட ரசிகர்கள் ஆன்லைனில் காத்திருந்தனர். இதனால் ஒரு மணி நேரம் தாமதம் ஆனது. பிளாட்டினம் டிக்கெட் ரூ. 48,000, கிராண்ட் பிரிவு டிக்கெட் ஒன்று ரூ.1.8 லட்சம் என விற்பனை ஆனது. தவிர, இந்தியா-வங்க தேசம், இந்தியா-நியூசிலாந்து போட்டிக்கான டிக்கெட்டுகளும் விற்றுத் தீர்ந்தன.
நெதர்லாந்தில், 'டாடா ஸ்டீல்' சர்வதேச செஸ் தொடர் நடந்தது. இதில், இந்தியாவின் பிரஜ்ஞானந்தா சகவீரர் குகேஷை வீழ்த்தி, சாம்பியன் பட்டம் வென்றார். நேற்று சென்னை திரும்பினார் பிரஜ்ஞானந்தா. அவருக்கு விமான நிலையத்தில், தமிழ்நாட்டு விளையாட்டு மேம்பாட்டு ஆணையம், ரசிகர்கள் சார்பில் உற்சாக வர வேற்பு அளிக்கப்பட்டது. உலக கோப்பை வென்ற தருணம் கமலினி பெருமிதம். மலேசியாவில், பெண்கள் ஐ.சி.சி., 'டி-20' உலக கோப்பை தொடர் (19 வயதுக்கு உட்பட்ட) நடந்தது. பைனலில் அசத்திய இந் திய அணி, தென் ஆப்ரிக் காவை வீழ்த்தி, மீண்டும் கோப்பை வென்றது. இத்தொடரில், 143 ரன் விளாசிய கமலினி, நேற்று சென்னை திரும்பினார். விமான நிலை யத்தில் ரசிகர்கள் உற்சாக வரவேற்பு அளித்தனர்.
சர்வதேச டேபிள் டென்னிஸ் 'சிங்கப்பூர் ஸ்மாஷ்' சர்வதேச டேபிள் டென்னிஸ் தொடர் சிங்கப்பூரில் நடக்கிறது. கலப்பு இரட்டையர் இரண்டாவது சுற்றில், இத்தொடரின் 'நம்பர்-8', இந்தியாவின் மனுஷ் ஷா, தியா சிட்டாலே ஜோடி, மெக்சிகோ வின் அரான்ட்சா, மார்கஸ் ஜோடியை எதிர்கொண்டது. இதன் முதல் இருசெட்டை 11-4, 11-5 என வசப்படுத்திய இந்திய ஜோடி, அடுத்த செட்டை 5-11 என கோட்டை விட்டது. பின் சுதாரித்த இந்திய ஜோடி நான்காவது செட்டை 11-7 என கைப்பற்றியது.முடிவில் இந்திய ஜோடி 3-1 என்ற கணக்கில் வெற்றி பெற்று, காலிறுதிக்குள் நுழைந்தது... டென்னிஸ்சென்னை சாலஞ்சர் டென்னிஸ் காலிறுதியில் இந்திய ஜோடி, சென்னையில் ஆண்களுக்கான சேலஞ்சர் டென்னிஸ் தொடர் நடக்கிறது. இரட்டையர் பிரிவு முதல் சுற்றில் இந்தியாவின் சித்தாந்த், பரிக்சித் சோமானி ஜோடி, இந்தியாவின் விஷ்ணுவர்தன், சாய் கார்தீக் ஜோடியை எதிர்கொண்டது.முதல் செட்டை சித் தாந்த்-சோமானி ஜோடி 6-3 என கைப்பற்றியது. அடுத்த செட்டை 3-6 என கோட்டை விட்டது. வெற்றியாளரை முடிவு செய்ய நடந்த 'சூப்பர்டை பிரேக்கரில்" சித்தாந்த் -சோமானி ஜோடி 10-7 என வசப்படுத்தியது. ஒரு மணி நேரம், 33 நிமிடம் நடந்த போட்டியின் முடிவில் சித்தாந்த் - சோமானி ஜோடி 6-3, 3-6, 10-7 என வெற்றி பெற்று, காலிறுதிக்கு முன்னேறியது.
இந்தியாவின் 38வது தேசிய விளையாட்டு உத்தரகாண்ட்டில் ஆண்களுக்கான ஒற்றையர் பாட்மின்டன் பைனலில் தமிழக வீரர் சதிஷ் குமார் தங்கப்பதக்கம் கைப்பற்றினார். இதன் பைனலில் தமிழக வீரர் சதிஷ் குமார் கருணாகரன், உத்தரகாண்ட்டின் சூர்யாக்ஸ் ராவத் மோதினார். இதில் சதிஷ்குமார் 21-17, 21-17 என்ற நேர் செட்டில் வெற்றி பெற்று, தங்கப்பதக்கம் கைப்பற்றினார். கலப்பு இரட்டையர் பைனலில் தமிழகத்தின் சதிஷ் குமார், ஆத்யா ஜோடி, பைனலில் மகாராஷ்டிராவின் தீப் ராம்பியா, அக்சயா ஜோடியை எதிர்கொண்டது. இதில் தமிழக ஜோடி 21-11, 20-22, 21-8 போராடி வெற்றி பெற்று, தங்கம் வசப்படுத்தியது. பெண்களுக்கான பாட்மின்டன் ஒற்றையர் பைனலில் ஹரியானாவின் அன்மோல், உத்தரகாண்ட்டின் அனுபமாவை சந்தித்தார்.இதில் அன்மோல் 21-16, 22-20 என நேர் செட்டில் வெற்றி பெற்று தங்கப்ப தக்கம் வென்றார்.பெண்கள் இரட்டையரில் கர்நாடகாவின் அஷ்வினி, ஷிகா ஜோடி 21-17, 15-21, 21-12 என காயத்ரி, மானசா ஜோடியை வென்று தங்கம் கைப்பற்றியது. தமிழ கத்தின் வர்ஷினி, அருள் பாலா ஜோடி வெண்கலம் வென்றது.
கூடைப்பந்து. ஆண்களுக்கான கூடைப்பந்தில் வெண் கலப் பதக்கத்துக்கான போட்டியில் தமிழகம், தெலுங்கானா மோதின. இதில் தமிழக அணி 21- 26 என வெற்றி பெற்று, வெண்கலம் வசப்படுத்தியது. நீச்சல் கர்நாடகாவின் 15 வயது நீச்சல் வீராங்கனை தினிதி. தேசிய விளையாட்டு நீச்சலில் நேற்று 100 மீ., பிரீஸ்டைல் பிரிவில் தங்கம் (57.34 வினாடி) கைப்பற்றினார். அடுத்து 4x100 மீ., ரிலே ஓட்டத்தில் சக கர்நாடக வீராங்கனைகளுடன் இணைந்து தங்கம் வசப்படுத்தினார். 1 வெள்ளி, 1 வெண்கலம் என 11 பதக்கம் கைப்பற்றினார்.நீச்சலில் மட்டும் கர்நாடக அணி 37 பதக்கம் (22 தங்கம், 10 வெள்ளி, 5 வெண்கலம்) குவித்தது.
