கீரையில் உள்ள பலன்கள்
கீரை வகைகள் ஒவ்வொன்றும் நமது உடல் நலனுக்கு ஒவ்வொரு வகையில் உதவுகின்றன. புதினா கீரை: இரும்புச் சத்துள்ளதால், இரத்த சோகையைப் போக்கும்.
மணத்தக்காளி கீரை: இதில்வாய்ப்புண், குடல்புண் ஆகியவற்றை குணப்படுத்தும். கால்சியம், இரும்புச்சத்து, வைட்டமின் பி, சி சத்துக்கள் உள்ளது..
கொத்தமல்லி கீரை: பார்வைக் கோளாறு, இரத்த சோகை ஆகியவற்றைப் போக்கும்.வைட்டமின் ஏ, பி, சி, இரும்புச்சத்து, பாஸ்பரஸ் சத்துக்கள் உள்ளது
புளிச்சக் கீரை: இரத்த சோகையைப் போக்கும் வைட்டமின் ஏ, சி, பாஸ்பரஸ், கால்சியம் உள்ளது. இக்கீரையைச் சமைத்த நீரை வீணாக்காமல் சூப், ரசம் வைத்து சாப்பிட, சத்துக்கள் கிடைக்கும்.
வெந்தயக் கீரை: இதில் வைட்டமின் ஏ, இரும்புச்சத்து, கால்சியம் உள்ளதால் பார்வைக் கோளாறு, இரத்த சோகையைப் போக்கும். இக்கீரையை நன்கு கழுவி பயன்படுத்த வேண்டும்.
பசலைக் கீரை: வைட்டமின் ஏ, இரும்பு, பொட்டாசியம், கால்சியம் மற்றும் பாஸ்பரஸ் சத்துக்கள் இதில் உள்ளன. ஆதலால் பார்வைத் திறனை இது மேம்படுத்தி உடல் சோர்வைத் தடுக்கும்.
பொன்னாங்கண்ணிக் கீரை: இதில் வைட்டமின் ஏ, பி, சி மற்றும் பாஸ்பரஸ் சிறிதளவு உள்ளது. மேலும், இரும்பு, கால்சியம் சத்துக்களும் உள்ளன. இக்கீரை சருமத்தை தகதகவென தங்கம் போல் மிளிர வைக்கும்.
முருங்கைக் கீரை: வைட்டமின் ஏ, கால்சியம், இரும்புச்சத்து, பாஸ்பரஸ் ஆகியவை இந்தக் கீரையில் உள்ளன. வைட்டமின் ஏ சத்து இதில் மிகுந்துள்ளதால் கண் பார்வைக்கு மிகவும் சிறந்தது.
முளைக்கீரை: வைட்டமின்கள் ஏ, பி, சி, பாஸ்பரஸ், இரும்புச் சத்து, கால்சியம் ஆகியவை இக்கீரையில் உள்ளன. இது இரத்த சோகையைப் போக்கும். இந்தக் கீரையை சிறிது நேரம் வேக வைக்க வேண்டும்.
அகத்திக்கீரை: இக்கீரையில் வைட்டமின் ஏ, டி, சி, கால்சியம் ஆகியவை சிறிதளவு உள்ளன. வைட்டமின் ஏ 5400 மைக்ரோ கிராம் உள்ளது. ஆதலால் இது இரத்த சோகை, எலும்பு பலவீனமாதல் ஆகியவை வராமல் காக்கும். இந்தக் கீரையை மூடிய பாத்திரத்தில் சமைத்தால் சத்துக்கள் வீணாகாது.
கருவேப்பிலை: இதில் வைட்டமின் ஏ,7500 மைக்ரோ கிராம் உள்ளது. போலிக் அமிலம், கால்சியம், வைட்டமின் பி, சி ஆகியவை சிறிதளவு உள்ளன. வைட்டமின் ஏ சத்து மிகுந்துள்ளதால் கண் பார்வைக்கு இது மிகவும் சிறந்ததாகக் கருதப்படுகிறது
0
Leave a Reply