ஒலிம்பிக் போட்டியில் பதக்கம் வென்றவர்கள்
பெண்களுக்கான ஜிம்னாஸ்டிக்ஸ் தனிநபர் ஆல்ரவுண்டு பிரிவு தகுதிச் சுற்றில் அமெரிக்காவின் சிமோன் பைனல்ஸ், 59.566 புள்ளிகளுடன் தங்கப் பதக்கத்தை தட்டிச் சென்றார்.
பெண்களுக்கான நீச்சல் போட்டி 4 × 200 மீட்டர் பிரீஸ் டைல் பிரிவு பைனலில் இலக்கை 7 நிமிடம் 38.08 வினாடியில் அடைந்த ஆஸ்திரேலிய அணி ஒலிம்பிக் சாதனையுடன் தங்கம் வென்றது. கேட்டி லெடிக்கி இடம் பெற்ற அமெரிக்க அணி (7 நிமிடம் 40.86 வினாடி) வெள்ளிப் பதக்கத்தை கைப்பற்றியது. சீனாவுக்கு (7 நிமிடம் 42.34 வினாடி) வெண்கலம் கிடைத்தது. பாரிஸ் ஒலிம்பிக்கில் லெடிக்கி, தனது 3வது பதக்கம் வென்றார்.
டென்னிஸ் பெண்கள் ஒற்றையர் பிரிவு 3-4 இடத்துக்கான போட்டியில் போலந்தின் இகா ஸ்வியாடெக், சுலோவாகியாவின் அனா கரோலினா மோதினர். அபாரமாக ஆடிய ஸ்வியாடெக் 6-2, 6-1, என்ற நேர் சேட் கணக்கில் வெற்றி பெற்று வெண்கலம் வென்றார். இது, ஒலிம்பிக் வரலாற்றில் இவரது முதல் பதக்கம்.
0
Leave a Reply