25 YEARS OF EXCELLENCE
Weather: -
Wednesday Oct 21, 2026
04:53:34pm
Weather: -
Wednesday Oct 21, 2026
04:53:34pm
மூளையில் ஏற்படும்மின் அலைமாற்றங்களால், கை, கால்களில் வலிப்பு வருவதை வலிப்பு வியாதி என்பர். உணர்வு இழந்து, இரு கைகளிலும், கால்களிலும் வலிப்பு வருவதைப் பொதுவான வலிப்பு என்பர். ஒரு பக்கம் மட்டும் வரும் வலிப்பை ஒரு பகுதி மட்டுமான வலிப்பு என்று சொல்லப்படும்.சில வலிப்பு நோய்களில் உணர்வு தடைபடும். இல்லாத வாசனை உணரப்படும், உதட்டையோ, கைகளையோ பிசைந்து கொள்வார்கள். இது சிக்கலான பகுதி வலிப்பு என்று சொல்லப்படும். சில வலிப்பு வியாதியில் கண்களைச் சிமிட்டுவார்கள், உணர்வு இழக்கப்படும். இதை இலகு வலிப்பு என்று சொல்வர். அரிதாகச் சிலருக்கு இசைச் சத்தம், கணக்குப் போடும்போது, சாப்பிடும்போது, தூங்கும்போது வலிப்பு ஏற்படும்.இந்த வலிப்பு ஏதாவது ஒருவகையில் வரலாம். சில சமயம் இது சிறுவயதிலிருந்தே இருக்கும்.அலை மாற்றங்கள் இல்லாமல், மூளையில்:ரத்தக்கட்டி,பக்கவாதம்,புற்றுநோய்க் கட்டி,ரத்தத்தில் சோடியம், கால்சியம் குறைதல்,மூளையை நோய்க்கிருமி தாக்குதல்,ஆகிய காரணங்களாலும் வலிப்பு நோய் வரலாம்.முதியோர்கள் வலிப்பு நோய் வந்தால் கீழே விழுந்து தலையிலோ, எலும்பிலோ அடிபட வாய்ப்புகள் அதிகம்.சிகிச்சை முறை1. வலிப்பு நோய் வந்தால், முதியோர்கள் நரம்பியல் மருத்துவரை அணுகித் தங்கள் பிரச்னை பற்றி விளக்க வேண்டும்.2. அதன் பிறகு மருத்துவர்:ரத்தப் பரிசோதனைசி.டி. ஸ்கேன் அல்லது எம்.ஆர்.ஐ. ஸ்கேன்,ஈ.ஈ.ஜி. மூளையின் மின் அலை வரைபடம்,ஆகியவற்றை எடுத்து வலிப்பிற்கான காரணத்தை அறிந்து அதற்கேற்றவாறு வைத்திய முறையை ஆரம்பிப்பார்கள்.3.வயதிற்கேற்றவாறு, காரணத்துக்கு ஏற்றவாறு, எடுத்துக்கொள்ளும் மாத்திரைக்கு ஏற்றவாறு வலிப்பைத் தடுக்கும் மருந்தை மருத்துவர் எழுதிக் கொடுப்பார். நோயாளிகளுக்கான அறிவுரைகள்மாத்திரைகளைத் தவறாமல் எடுக்க வேண்டும்.மருத்துவர் வரச் சொல்லும்போது சென்று பார்க்க வேண்டும்.நேரத்துக்குத் தூங்க வேண்டும்.நேரத்துக்குச் சாப்பிட வேண்டும்.வலிப்பு நோய் குழந்தைகளைப் போல முதியோர்களையும் பாதிக்கிறது. சரியான சிகிச்சை மூலம் வலிப்பு வராமல் தடுக்கலாம். மற்ற காரணங்களால் வரும் வலிப்புக்கு மருத்துவர் தகுந்த ஆலோசனை கொடுத்துச் சிகிச்சை வழங்குவார். மூளை நலம் காப்போம், ஆரோக்கியமாக வாழ்வோம்.
வயிறு என்பது இரைப்பை, சிறுகுடல், பெருங்குடல், குடல் வால், கல்லீரல், பித்தப்பை, மண்ணீரல், கணையம், சிறுநீரகங்கள், சிறுநீர்ப்பை, புராஸ்டேட் சுரப்பி (ஆண்களுக்கு), கர்ப்பப்பை ஓவரிகள் (பெண்களுக்கு) ஆகிய பல உறுப்புகள் அடங்கிய ஒரு பகுதியாகும்.வயிற்று வலி வரக் காரணங்கள்இரைப்பைப் புண், புற்றுநோய் கட்டிசிறுகுடலில் ஏற்படும் புண், நோய்த்தொற்று,வயிற்றுப்போக்கு, மலச்சிக்கல்கல்லீரல் பாதிப்பு, உதாரணம்: காமாலை,பித்தப்பையில் கற்கள்,கணையத்தில் ஏற்படும் அழற்சி.சிறுநீரகத்தில் உள்ளகற்கள், கட்டி, நோய்த்தொற்றுசிறுநீர்ப்பையில் ஏற்படும் கட்டி, நோய்த்தொற்று.புராஸ்டேட் சுரப்பியில் ஏற்படும் நோய்த்தொற்று.கர்ப்பப்பையில் எற்படும் புண், கட்டி.மருந்துகளின் விளைவு / வலி நிவாரணிஉறுப்புகள் பாதிக்கப்பட்டதைப் பொறுத்து நோயின் தொல்லைகளும் மாறுபடும். உதாரணம்:இரைப்பைப் புண் உள்ளவர்களுக்கு உணவு உண்டபின் வலி அதிகமாகும்.குடற்புண் உள்ளவர்களுக்குப் பசி எடுக்கும் போதெல்லாம் வயிற்றுவலி ஏற்படும்.சிறுகுடலில் நோய்த்தொற்று - (உதாரணம்: காசநோய்) ஏற்பட்டால் பசி குறையும். எடையும் குறையும். லேசாக காய்ச்சல் இருக்கும், வயிறு சற்று வீங்கினாற்போல இருக்கும்பித்தப்பையில் உள்ள கற்களின் விளைவாக வயிற்றின் வலது பக்கத்தில்(மேல் பகுதி) வலி இருக்கும். அது, வலது முதுகு வரையிலும் பரவலாம்,வலி விட்டு விட்டும் வரலாம் சிறுநீரகத்தில் உள்ள கற்களினால் ஏற்படும் வலி. வலது அல்லது இடதுபுறம் வலி ஏற்படும், அது விட்டு விட்டும் வரும், வலி வயிற்றின் அடிப்பாகம் வரை இறங்கும்.வலி ஏற்பட்டால் சுயசிகிச்சை ஏதும் செய்யாமல், காலம் தாழ்த்தாமல் மருத்துவரை நாடி, தக்க சிகிச்சை பெற்று வயிற்று வலியின்றி நலமாக வாழ்வோம்.
ரத்தத்தில் ஹீமோகுளோபின் அளவு ஆண்களுக்கு 13 g/dL, பெண்களுக்கு 12 g/dL இருக்க வேண்டும். 10 கிராமிற்கு குறைவாக இருந்தால் ரத்தச்சோகை எனப்படும்.ரத்தச்சோகை வரக் காரணங்கள்-சத்துணவு குறைவு.உதாரணம்: இரும்புச்சத்து, ஃபோலிக் அமிலம், வைட்டமின் பி12.உடலிலிருந்து ரத்தம் வெளியேறுதல்.உதாரணம்:வயிற்றுப் புண்,மூலம்,வயிறு, பெருங்குடலில் உள்ள கட்டி.மாதவிடாய் அதிகமாக இருந்தால்.சிறுநீரகம் மற்றும் சிறுநீரகப் பையில் புற்றுநோய்.குடலில் உள்ள பூச்சிகள் உதாரணம்: கொக்கிப் புழு.சிவப்பு அணுக்கள் உற்பத்தியாவது குறைதல் உதாரணம்:தொற்றுநோய், முடக்குவாதம், புற்றுநோய்,தைராய்டு தொல்லை,சிறுநீரகச் செயலிழப்புஅறிகுறிகள்..சோர்வுபசியின்மைமூச்சு வாங்குதல்படபடப்புநாடித்துடிப்புகால்களில் வீக்கம்சிகிச்சை முறைகள்…ரத்தச்சோகை ஏற்படுவதற்குப் பல காரணயங்கள் உள்ளன. முழு உடல் மற்றும் ரத்தப் பரிசோதனைகளைச் செய்த பின்னர், ரத்தச்சோகைக்கான காரணத்தைக் கண்டறிந்து அதற்குத் தக்க சிகிச்சை அளித்தால் பூரணகுணம் அடையலாம்.வயிற்றுப் புண் - ஆண்டாசிட் மாத்திரை.மூலம் - அறுவை சிகிச்சை.தைராய்டு தொல்லை-தைராய்டு தொல்லைக்கு மாத்திரை.புற்றுநோய் - அந்நோய்க்கான சிகிச்சை.மாத்திரை - இரும்புச்சத்து, ஃபோலிக் அமிலம் மற்றும் வைட்டமின் பி12 கலந்த மாத்திரை.இரும்புச்சத்து மாத்திரையைச் சாப்பிடும் பொழுது, காபி, டீ போன்றவற்றைத் தவிர்க்கலாம். காலையில் காபி, டீ அருந்துவதால் இரவில் இரும்புச்சத்து மாத்திரையை உணவிற்குப் பின்னர் எடுத்துக்கொள்ளலாம்.
முதுமையில் ஒருவருக்கு இரவில் தூக்கம் குறைந்தாலும், தூக்கத்தின் அவசியம் குறைவதில்லை.தூக்கம் என்பதுஒவ்வொருவருடைய உடல்நலம் மற்றும் மனநிலையைப் பொறுத்ததே. ஆனால், முதுமையில் தூக்கம் சற்றுக் குறைவது உண்மையே. தூக்கத்தின் அளவு ஒவ்வொரு மனிதனுக்கும் மாறுபட்டு இருக்கும். முதுமையில் சுமார்5-8 மணி நேரத் தூக்கம் போதுமானதே.புதிய ஆய்வின்படி, முதுமைக் காலத்தில் குறைந்த தூக்கம் போதுமென்ற கருத்தை மருத்துவ விஞ்ஞானிகள் மறுத்திருக்கிறார்கள். அதாவது, முதுமைக் காலத்தில் ஒருவர் பகலில் செய்யும் வேலையைப் பொறுத்தே அவருடைய தூக்கம் அமைகிறது. பகலில் சுறுசுறுப்பாக இருப்பவர்களுக்கு அதிக நேரம் ஆழ்ந்த தூக்கம் தேவைப்படுகிறது. மாறாக, பகல் முழுவதும் படுத்துக்கொண்டு இருப்பவர்களுக்கு இரவில் குறைவான தூக்கமே போதுமானது. தூக்கம் குறைவதால் ஏற்படும் விளைவுகள்:உடல் சோர்வு,பசி குறைதல்,எடை குறைதல்,தலைவலி, தலை பாரம்,பகலில் எரிச்சல். நல்ல தூக்கத்துக்கான வழிமுறைகள் 1. பகலில் தூக்கம் 30-40 நிமிடங்கள் மட்டுமே,2. மாலையில் உடற்பயிற்சி செய்தல்,3. தூக்கத்தைக் கெடுக்கும் மருந்துகளைத் " தவிர்த்தல் அல்லது மாலையிலேயே எடுத்துக்கொள்ளுதல்.4. இரவு 8.00 மணிக்கு மேல் காபி, மது, *புகைப்பிடித்தலைத் தவிர்த்தல்.5. படுப்பதற்கு முன்பு வெந்நீரில் குளித்தல்.6. வெதுவெதுப்பான பால் அருந்துதல்.7. தினமும் குறிப்பிட்ட நேரத்தில் படுக்கைக்குச் செல்லுதல்.8.படுக்கை அறையை அமைதியான, மங்கலான சூழலில் வைத்திருத்தல்'.9. படுக்கை அறையில், தொலைக்காட்சி பார்த்தல், படித்தல், வானொலி கேட்டல் போன்றவற்றைத் தவிர்த்தல்.10. தூக்கம் வராவிட்டால், படுக்கையிலிருந்து எழுந்து சிறிது நேரம் நடத்தல் அல்லது வேறு அமைதியான செயல்களில் ஈடுபடுதல்.11. மன அமைதிக்காக தியானம் செய்தல். தூக்க மாத்திரை பற்றிய எச்சரிக்கை - தூக்க மாத்திரை ஒரு நிரந்தரத் தீர்வல்ல. அதன் தீமைகள்உடலுக்குக் கேடு விளைவித்தல்.மருந்தின் வீரியம் குறைதல் மற்றும் அளவு அதிகரித்தல்.திடீரென நிறுத்துவதால் தூக்கம் பாதிக்கப்படுதல்.ஞாபக சக்தி குறைதல்.உடல் தடுமாற்றம் மற்றும் விழும் அபாயம் பகலில் மயக்க நிலை.மருத்துவரின் ஆலோசனையின்படி மட்டுமே எடுத்துக்கொள்ள வேண்டும்.'மகிழ்ச்சியான வாழ்வுக்கு நல்ல தூக்கம் அவசியம்.
முதுமையில் பசி குறைதல், எடை குறைதல், காரணமின்றி உடல் வலிமையிழத்தல், மிகுதியாக வியர்த்துக் கொட்டல், தொடர்ந்து இருமல் வரல், சளி வெளிப்படல் முதலானவை இருப்பின்,'இவை காசநோயின் அறிகுறியாக இருக்கலாம்' என்று எண்ணி உடனே மருத்துவர் உதவியை நாட வேண்டும். உடல் பரிசோதனைக்குப் பின்பு, மருத்துவர் எக்ஸ்ரே எடுத்துப் பார்ப்பதோடு சளி உள்ளிட்ட சில பரிசோதனைகளையும் ரத்தப் பரிசோதனைகளையும் செய்வார். நோய் இருப்பது உறுதியாகிவிட்டால் தக்க சிகிச்சை அளிப்பார்.மாண்டோ பரிசோதனை :.ஒருவருக்குக்'காசநோய் இருப்பதை உறுதிசெய்ய இப்பரிசோதனை செய்யப்படும். கையில் ஒருசில சொட்டுகள் திரவத்தை ஊசி மூலம் செலுத்தி, அதன் விளைவானது சுமார்48 மணி கழித்துப் பார்க்கப்படும். இது மாண்டோ பரிசோதனை எனப்படும். ஊசி செலுத்திய இடத்தில்48 மணி நேரத்துக்குப் பின்பு நன்றாக வீங்கி இருந்தால், பரிசோதனை பாசிட்டிவ் என்றும், அதில் வீக்கம் ஏதுமில்லை என்றால் பரிசோதனை நெகட்டிவ் என்றும் வரும். ஆனால் முதுமையில் நோய் எதிர்ப்பு சக்தி குறைவாக இருப்பதால் காசநோய் இருந்தாலும் இப்பரிசோதனை நெகட்டிவ் என்று வரலாம். தோளில் செய்யும் மாண்டோ பரிசோதனை சாதகமாக இருப்பின் காசநோய் இருப்பதை ஓரளவுக்கு உறுதி செய்துகொள்ள முடியும். அதேசமயத்தில் மாண்டோ பரிசோதனை சாதகமாகஇல்லாமல் இருப்பின் நோயாளிக்குக் காசநோய் இல்லை என்று சொல்லிவிடவும் முடியாது. ஏனெனில் இந்தப் பரிசோதனை வேறுசில காரணங்களாலும் சாதகமாக இல்லாமல் இருக்கலாம். உதாரணம்: ஸ்டீராய்டு மாத்திரை, புற்றுநோய், சத்துணவுக் குறைவு, மிகவும் மூப்படைந்த நிலை.மார்பு எக்ஸ்ரே-காசநோய்களைப் பற்றிச் சற்று விவரமாகத் தெரிந்துகொள்ள இப்பரிசோதனை மிகவும் முக்கியமானது.சிகிச்சை முறைகாசநோயைச் சுமார்6-9 மாதங்களில் பூரணமாகக் குணப்படுத்த முடியும். மருந்தை விடாமல் தொடர்ந்து மருத்துவரின் அறிவுரைப்படி எடுத்துக்கொள்ள வேண்டும். சிலருக்கு மட்டிலும் மருந்து எதிர்ப்பாற்றல்(DrugResistant) தோன்றலாம். அவர்களுக்கு மட்டிலும் புதிய மருத்துவச் சிகிச்சை சமீபத்தில் அறிமுகப்படுத்தப்பட்டுள்ளது என்பது ஒரு நல்ல செய்தியாகும்.24 பழைய சிகிச்சை முறைக்கு 18 மாதங்களாக இருப்பதை, புது சிகிச்சை மூலம் 6 மாதங்களாகக் குறைக்க முடியும்.மருந்து மிக விரைவாகவும் தீவிரமாகவும் செயல்படும்.பக்கவிளைவுகள் அதிகம் கிடையாது.மருந்தின் விலையும் குறைவு.நம் நாட்டில் உள்ள காசநோய் மருந்து எதிர்ப்பாற்றல் உள்ள சுமார் 75,000 பேர் பலனடைவார்கள்.
முதியோர்கள் அடிக்கடி மருத்துவமனையில் சிகிச்சை பெறுவதற்கும், சில நேரங்களில் உயிரிழப்பதற்கும் தொற்று நோய்கள் முக்கிய காரணமாக உள்ளன. இத்தகைய நோய்களைத் தடுப்பதில் தடுப்பூசிகள் முக்கியப் பங்கு வகிக்கின்றன.முதியோர்களுக்கு தொற்று நோய்கள் ஏற்படுவதற்கான காரணங்கள்வயது அதிகரிக்கும்போது நோய்களை எதிர்த்துப் போராடும் உடலின் நோய் எதிர்ப்பு சக்தி படிப்படியாகக் குறைகிறது. சத்துணவுக் குறைபாடும் இதற்கு காரணமாக இருக்கலாம். மேலும், முதுமையில் உடலில் ஏற்படும் பல்வேறு மாற்றங்களாலும் தொற்று நோய்கள் ஏற்படும் வாய்ப்பு அதிகரிக்கிறது.தோல் மென்மையாகி, எளிதில் சிராய்ப்பு மற்றும் புண்கள் ஏற்படலாம்.ஆண்களுக்கு புராஸ்டேட் சுரப்பி வீக்கம் காரணமாக சிறுநீர் தேங்குவதால் தொற்று ஏற்படும் வாய்ப்பு அதிகரிக்கலாம்.பெண்களுக்கு ஹார்மோன் அளவு குறைவதால் பிறப்புறுப்புகளில் வறட்சி ஏற்பட்டு தொற்று நோய்கள் உருவாகலாம்.நீரிழிவு நோய், தைராய்டு பிரச்சினைகள், சிறுநீரகச் செயலிழப்பு போன்ற உடல்நலப் பிரச்சினைகளும் நோய் எதிர்ப்பு சக்தியைக் குறைக்கக்கூடும்.முதுமையில் ஏற்படக்கூடிய தொற்று நோய்கள்நெஞ்சகத் தொற்றுகள்:ஃப்ளூ, நிமோனியா, காசநோய் போன்ற நோய்கள் முதியோர்களை அதிகம் பாதிக்கக்கூடும்.சிறுநீரகப் பாதைத் தொற்றுகள்:ஆண்களுக்கு புராஸ்டேட் சுரப்பி வீக்கம், பெண்களுக்கு மாதவிடாய் நிறைவுக்குப் பிறகு ஏற்படும் உடல் மாற்றங்கள், நீரிழிவு நோய் போன்ற காரணங்களால் சிறுநீர்ப் பாதைத் தொற்றுகள் ஏற்படலாம்.வயிறு மற்றும் குடல் சார்ந்த தொற்றுகள்:டைபாய்டு, வயிற்றுப்போக்கு உள்ளிட்ட குடல் சார்ந்த தொற்றுகள் கெட்டுப்போன உணவு அல்லது அசுத்தமான குடிநீரால் ஏற்படலாம்.தோல் சார்ந்த தொற்றுகள்:நீரிழிவு நோயாளிகளுக்கு தோலில் படை, சிறு கொப்புளங்கள் உள்ளிட்ட தொற்றுகள் ஏற்படலாம். அக்கி அம்மை போன்ற நோய்களும் முதுமையில் பாதிப்பை ஏற்படுத்தக்கூடும்.இதர தொற்றுகள்:சில சமயங்களில் மூளை, எலும்புகள் மற்றும் இதய வால்வுகளிலும் தொற்று ஏற்பட வாய்ப்புள்ளது.தடுப்பூசி போட்டுக்கொள்ளுங்கள்!“நோய் தடுப்பு என்பது குழந்தைகளுக்கு மட்டுமே” என்ற காலம் மாறிவிட்டது. முதியோர்களுக்கும் தடுப்பூசிகள் அவசியமானவை.சில தொற்று நோய்களுக்கு எதிராக தடுப்பூசி போட்டுக்கொள்வதன் மூலம் நோய் ஏற்படும் அபாயத்தைக் குறைத்து, ஆரோக்கியமாக வாழ முடியும். முதுமைக் காலத்தில் சீரான உணவு, போதிய உடற்பயிற்சி மற்றும் முறையான மருத்துவப் பராமரிப்பு எவ்வளவு முக்கியமோ, அதேபோல் வயதுக்கும் உடல்நிலைக்கும் ஏற்ப தேவையான தடுப்பூசிகளைப் பெற்றுக்கொள்வதும் முக்கியம்.முதியோர்களின் ஆரோக்கியத்தைப் பாதுகாப்போம்! தொற்று நோய்களைத் தடுப்போம்!மருத்துவரின் ஆலோசனையுடன் தேவையான தடுப்பூசிகளைப் போட்டுக்கொள்வோம்!
கல்லீரல் மனித உடலின் மிக முக்கியமான உறுப்புகளில் ஒன்றாகும். உடலில் நச்சுப் பொருட்களை நீக்குதல், செரிமானத்திற்கு உதவுதல் உள்ளிட்ட பல முக்கிய பணிகளை அது செய்கிறது. இந்த கல்லீரலில் அதிகப்படியான கொழுப்பு சேரும் நிலையே கல்லீரல் கொழுப்பு (Fatty Liver) எனப்படுகிறது.மதுபானம் அருந்துபவர்களுக்கு மட்டுமல்லாமல், மதுப் பழக்கம் இல்லாதவர்களுக்கும் இந்த பாதிப்பு ஏற்படலாம். உடல் பருமன், உடற்பயிற்சி இல்லாமை, அதிக கொழுப்பு மற்றும் அதிக கலோரி உணவுகள், தவறான வாழ்க்கை முறை ஆகியவை முக்கிய காரணங்களாகும்.தினமும் குறைந்தது 30 நிமிடங்கள் நடைப்பயிற்சி, நீச்சல், சைக்கிள் ஓட்டுதல் அல்லது வேறு ஏதேனும் உடற்பயிற்சி செய்வது அவசியம். உடல் எடையை உயரத்திற்கு ஏற்ற அளவில் பராமரிப்பதும் முக்கியம்.இரவு நேரங்களில் அதிக உணவு சாப்பிடும் பழக்கம் கல்லீரலுக்கு கூடுதல் சுமையை ஏற்படுத்தும். உடலில் பயன்படுத்தப்படாத அதிகப்படியான சக்தி கொழுப்பாக மாறி கல்லீரலில் சேமிக்கப்படுகிறது.கிரேடு 1 (Grade 1 Fatty Liver):ஆரம்ப நிலையில் கல்லீரலின் வெளிப்புறத்தில் கொழுப்பு படியத் தொடங்கும். பெரும்பாலும் எந்த அறிகுறியும் இருக்காது. அல்ட்ராசவுண்ட் அல்லது ரத்தப் பரிசோதனையின்போது தற்செயலாகவே கண்டறியப்படுகிறது.கிரேடு 2 (Grade 2 Fatty Liver):கொழுப்பு அதிகரித்து கல்லீரலில் அழற்சி ஏற்படத் தொடங்கும். செரிமானக் கோளாறு, பசியின்மை, வலது பக்க வயிற்றில் வலி, குமட்டல், வாந்தி மற்றும் அதிக சோர்வு போன்ற அறிகுறிகள் தோன்றலாம். இந்த நிலையில் சரியான சிகிச்சை மற்றும் வாழ்க்கை முறை மாற்றங்களால் குணப்படுத்த முடியும்.கிரேடு 3 (Cirrhosis):இது மிகவும் தீவிரமான நிலை. கல்லீரலில் தழும்புகள் உருவாகி அதன் செயல்பாடு குறையத் தொடங்கும். வயிற்றில் நீர் தேங்குதல், கால்கள் மற்றும் முகத்தில் வீக்கம் போன்ற அறிகுறிகள் காணப்படலாம். சிகிச்சை தாமதமானால் கல்லீரல் புற்றுநோய் ஏற்படும் அபாயமும் உள்ளது. சிலருக்கு கல்லீரல் மாற்று அறுவை சிகிச்சை தேவைப்படலாம்.சரியான உடல் எடையைப் பராமரித்தல், சத்தான உணவுகளைத் தேர்வு செய்தல், தினசரி உடற்பயிற்சி செய்தல், மதுபானத்தைத் தவிர்த்தல் மற்றும் காலம்தோறும் உடல்நலப் பரிசோதனை மேற்கொள்வது கல்லீரலை ஆரோக்கியமாக வைத்திருக்க உதவும். ஆரம்ப நிலையிலேயே கண்டறிந்தால், கல்லீரல் கொழுப்பை முழுமையாகக் கட்டுப்படுத்த முடியும்.
உயர் ரத்த அழுத்தம் போலவே, குறைந்த ரத்த அழுத்தமும் (Low Blood Pressure) அலட்சியப்படுத்தக் கூடாத உடல்நலப் பிரச்னையாகும். குறிப்பாக முதியவர்களுக்கு வயது காரணமாக இதயத்தில் ஏற்படும் மாற்றங்கள், சில நோய்கள் அல்லது மருந்துகளின் தாக்கம் காரணமாக Low BP ஏற்படலாம்.Low BP இருந்தால் என்ன செய்ய வேண்டும்?சில மருந்துகள் அல்லது மாத்திரைகளின் பக்கவிளைவாக ரத்த அழுத்தம் குறையக்கூடும். எனவே, மருந்து காரணமாக Low BP ஏற்பட்டிருக்கலாம் என்று சந்தேகம் இருந்தால் மருத்துவரிடம் ஆலோசனை பெற வேண்டும். மருத்துவரின் அறிவுரையின்றி எந்த மருந்தின் அளவையும் குறைக்கவோ, நிறுத்தவோ கூடாது.உயர் ரத்த அழுத்தம் உள்ளவர்கள் உப்பைக் கட்டுப்படுத்த வேண்டிய நிலையில், Low BP உள்ளவர்களுக்கு மருத்துவரின் ஆலோசனைப்படி உணவில் சிறிதளவு கூடுதல் உப்பு சேர்க்க பரிந்துரைக்கப்படலாம்.நீண்ட நேரம் படுக்கையில் இருப்பவர்களுக்கு குறைந்த ரத்த அழுத்தம் ஏற்படும் வாய்ப்பு அதிகம். அதனால், கை, கால்களை அடிக்கடி அசைப்பது, லேசான உடற்பயிற்சி செய்வது மற்றும் தேவையெனில் பிசியோதெரபி பெறுவது நல்லது.படுக்கையிலிருந்து திடீரென எழுந்து நிற்பதைத் தவிர்க்க வேண்டும். முதலில் மெதுவாக உட்கார்ந்து, சில நிமிடங்கள் கழித்து எழுந்து நிற்பது பாதுகாப்பானது.உடலில் நீர்ச்சத்து குறைந்தாலும் Low BP ஏற்படலாம். எனவே, போதுமான அளவு தண்ணீர் அருந்துவது அவசியம். ரத்த அழுத்தம் மிகவும் குறைந்து அவசரநிலை ஏற்பட்டால், மருத்துவமனையில் குளுக்கோஸ் அல்லது சலைன் போன்ற திரவங்களை நரம்பு வழியாக செலுத்தி சிகிச்சை அளிக்கப்படலாம்.
கால்களில் வீக்கம் ஏற்பட்டால் அதற்கான காரணத்தை அலட்சியப்படுத்தக் கூடாது. பொதுவாகக் காணப்படும் காரணங்கள்:ரத்தச்சோகை (ஹீமோகுளோபின் குறைவு) ,உடலில் புரதச்சத்து குறைபாடு ,சிறுநீரக செயலிழப்பு அல்லது நெஃப்ரோடிக் சிண்ட்ரோம், இதய செயலிழப்பு ,கல்லீரல் பாதிப்பு ,உயர் ரத்த அழுத்த மருந்துகள் மற்றும் ஸ்டீராய்டு மருந்துகள், தைராய்டு ஹார்மோன் குறைபாடு ,ரத்த நாளங்கள் விரிவடைதல் (Varicose Veins),அரிதாக லிம்ப் திரவம் தேங்குவதால் ஏற்படும் வீக்கம், கால்களில் தொடர்ந்து வீக்கம் இருந்தால் தாமதிக்காமல் மருத்துவரை அணுக வேண்டும். தேவையான பரிசோதனைகள் மூலம் காரணத்தை கண்டறிந்து சிகிச்சை பெற்றால் பிரச்னையை எளிதில் கட்டுப்படுத்த முடியும்.
சிலருக்கு அடிக்கடி அதிக பசி எடுப்பது இயல்பாக இருக்கலாம். ஆனால் சில உடல்நலக் காரணங்களும் இதற்கு பின்னணியாக இருக்கலாம்.மகிழ்ச்சியான மனநிலையில் இருக்கும் போது உணவை அதிகமாக உட்கொள்ளும் பழக்கம் ஏற்படலாம். தைராய்டு ஹார்மோன் அதிகமாகச் சுரந்தால் அதிக பசி இருந்தாலும் உடல் எடை குறையக்கூடும்.அலர்ஜி மருந்துகள், ஸ்டீராய்டு போன்ற சில மருந்துகளும் பசியை அதிகரிக்கலாம்.நீரிழிவு நோயாளிகளுக்கு ரத்தச் சர்க்கரை திடீரெனக் குறைந்தால் கடுமையான பசி, வியர்வை, இதயத் துடிப்பு அதிகரித்தல் போன்ற அறிகுறிகள் தோன்றும். உடனடியாக இனிப்பு எடுத்துக்கொண்டால் நிவாரணம் கிடைக்கும்.குடல்புண், மது அருந்தும் பழக்கம், மன அழுத்தம் மற்றும் முதுமையில் ஏற்படும் டிமென்ஷியா போன்ற காரணங்களாலும் அதிக பசி தோன்றலாம்.அதிக பசி நீண்ட நாட்களாகத் தொடருமானால் மருத்துவரை அணுகி காரணத்தை கண்டறிவது நல்லது. எந்த நோயும் இல்லாமல் அதிக பசி இருந்தால் அது நல்ல உடல்நலத்தின் அறிகுறியாகவும் இருக்கலாம்.
