ஆஸ்திரேலியா ஜூனியர் உலக கோப்பை ஹாக்கியில் ,காலிறுதி வாய்ப்பை இழந்தது.
'எப்' பிரிவு சென்னை, மேயர் ராதாகிருஷ்ணன் மைதானத்தில் நடந்த போட்டியில் ஆஸ்திரேலிய அணி 3-1 என்ற கோல் கணக்கில் தென்கொரியாவை வென்றது. வங்கதேச அணி 2-3 என, பிரான்சிடம் தோல்வியடைந்தது. 'எப்' பிரிவில் பிரான்ஸ் அணி (9 புள்ளி) காலிறுதிக்கு முன்னேறியது.
இரண்டாவது இடம் பிடித்த ஆஸ்திரேலியா (6), மீண்டும் காலிறுதி வாய்ப்பை இழந்து, 9 முதல் 16 வரையிலான இடத்துக்கான போட்டிகளில் பங்கேற்க உள்ளது. ஹாக்கி அரங்கில் வலிமையான ஆஸ்திரேலியா அணி, கடந்த 28 ஆண்டுகளாக ஒருமுறை கூட கோப்பை வென்றதில்லை.
சிலி, ஓமன் அணிகள் 'பி' பிரிவு போட்டியில் மோதின. இதில் சிலி அணி 2-0 என வெற்றி பெற்றது.
0
Leave a Reply