ஸ்ரீவில்லிபுத்துார் ஆண்டாள் கோயிலில் நாளை கொடியேற்றம் ஆடிப்பூரத் திருவிழா
கொடியேற்றத்துடன் ஸ்ரீவில்லிபுத்துார் ஆண்டாள் கோயிலில் ஆடிப்பூரத் திருவிழா நாளை(ஜூலை 30) துவங்குகிறது.கோயில் நிர்வாகத்தின் சார்பில் தேர் அழகுப் படுத்தப்பட்டு தயார் நிலையில் வைக்கப்பட்டுள்ளது. நாளை (ஜூலை 30) முதல் ஆக. 10 வரை ஆண்டாள் திரு ட்டி ஆடிப்பூரத் திருவிழா நடக்க உள்ளது .புதிய வடங்கள் பொருத்தப்பட உள்ளது. கோயில் முன்பகுதி ஆடிப்பூர பந்தல் அழகுடன் அமைக்கப்பட்டுள்ளது.
தினமும் காலை 10:00 மணிக்கு ஆண்டாள், ரெங்கமன்னார் மண்டபம் எழுந்தருளலும், இரவு வாகன புறப்பாடும் நடக்கிறது.தினமும் காலை 11:30 மணி முதல் இரவு 10:00 மணி வரை ஆடிப்பூர பந்தலில் ஆன்மீக சொற்பொழிவு, கலை நிகழ்ச்சிகள் நடக்கிறது. விழா ஏற்பாடுகளை அறங்காவலர் குழு தலைவர் வெங்கட் ராமராஜா தலைமையில் செய்துள்ளனர்
மாநில நெடுஞ்சாலைத் துறை சார்பில் தேரோடும் நான்கு ரத வீதிகளிலும் தேர் சக்கரம் செல்ல வேண்டிய பாதையை அடையாளம் காண்பிக்கும் வகையில் வெள்ளை வண்ணம் அடிக்கப்பட்டுள்ளது.
0
Leave a Reply