உலக கோப்பை ஹாக்கி தகுதிச் சுற்றின் அரையிறுதிக்கு முன்னேறியது இந்திய பெண்கள் அணி
இந்திய பெண்கள் அணி ,உலக கோப்பை ஹாக்கி தகுதிச் சுற்றின், அரையிறுதிக்கு முன்னேறியது. கடைசி லீக் போட்டியில் 4-1 என்ற கோல் கணக்கில் வேல்சை வீழ்த்தியது.
வரும் ஆக. 14-30ல் பெண்களுக்கான உலக கோப்பை ஹாக்கி 16வது சீசன் பெல்ஜியம், நெதர்லாந்தில், நடக்கவுள்ளது. ஐதராபாத்தில் நடக்கும் இதற்கான தகுதிச்சுற்று, மொத்தம் 8 அணிகள் இரு பிரிவுகளாக லீக் சுற்றில் பங்கேற்றன. உலக கோப்பை தொடருக்கு 'டாப்-3' இடம் பிடிக்கும் அணிகள் தகுதி பெறும்.
இந்திய அணி ''பி" பிரிவில் மூன்றுபோட்டியில், 2 வெற்றி, ஒரு 'டிரா' என, 7 புள்ளிகளுடன் முதலிடம் பிடித்தது. 2வது இடத்தை ஸ்காட்லாந்து (7 புள்ளி) கைப்பற்றியது. இவ்விரு அணிகளும் அரையிறுதிக்குள் நுழைந்தன. 'ஏ' பிரிவில் இங்கிலாந்து (9 புள்ளி), இத்தாலி (4) அணிகள் அரையிறுதிக்கு முன்னேறின.இங்கிலாந்து - ஸ்காட்லாந்து, இந்தியா-இத்தாலி அணிகள் நாளை நடக்கவுள்ள அரையிறுதியில் மோதுகின்றன.
0
Leave a Reply