உலக தடகள சாம்பியன்ஷிப்தொடரில் அமெரிக்க அணி தங்கம் வென்றது.
உலக தடகள சாம்பியன்ஷிப் ஜப்பான் தலைநகர் டோக்கியோவில் நேற்று நடந்தபெண்களுக்கான 4x100 மீ., தொடர் ஓட்டத்தின் பைனலில் ஷா'காரி ரிச்சர்ட்சன்மெலிஸ்சா உள்ளிட்டோர் அடங்கிய அமெரிக்க அணி, இலக்கை 41.75 வினாடியில்கடந்து தங்கப்பதக்கத்தை தட்டிச் சென்றது. வெள்ளி, வெண்கலத்தை, முறையே ஜமைக்கா (41.79 வினாடி), ஜெர்மனி (41.87) கைப்பற்றின.
ஆண்களுக்கான 4x100 மீ., தொடர் ஓட்டத்தின் பைனலில் நோவா லைஸ், கிறிஸ்டியன் கோல்மன், கென்னெத் அடங்கிய அமெரிக்க அணி, இலக்கை 37.29 வினாடியில் கடந்து தங்கம் வென்றது.இது நோவா லைஸ் வென்ற 2வது தங்கம். ஏற்கனவே 200 மீ., ஓட்டத்தில் தங்கம் வென்றிருந்தார்.
பெண்களுக்கான 4x400 மீ.,தொடர் ஓட்டத்தின் பைனலில் இசபெல்லா, லின்னா, ஆலியா பட்லர், சிட்னி மெக்லாக்லின் அடங்கிய அமெரிக்க அணி (3 நிமிடம், 16.61 வினாடி) தங்கத்தை தட்டிச் சென்றது. வெள்ளி, வெண்கலத்தை முறையே ஜமைக்கா, நெதர்லாந்து வென்றன.
ஆண்களுக்கான 4x400 மீ.,தொடர் ஓட்டத்தின் பைனலில் ,அமெரிக்க அணி (2 நிமிடம், 57.83 வினாடி) வெள்ளி வென்றது. போட்ஸ்வானா அணி (2 நிமிடம், 57.76 வினாடி) தங்கத்தை கைப்பற்றியது.இம்முறை 16 தங்கம், 5 வெள்ளி, 5 வெண்கலம் என, 26 பதக்கம் வென்ற அமெரிக்கா முதலிடத்தை கைப்பற்றியது.
0
Leave a Reply