• 23
• Nov 15, 2024

முன்னோர்கள் வீட்டிற்கு வருபவர்களுக்கு தண்ணீர்  கொடுப்பதன் காரணம்?

நமது முன்னோர்கள் யார் வீட்டிற்கு வந்தாலும் குடிக்க தண்ணீர் கொடுக்கச் சொல்வார்கள். புதிதாக வருபவர் தெரிந்தவராக இருந்தாலும், தெரியாதவராக இருந்தாலும் குடிக்கத் தண்ணீர் கொடுத்த பின்பே மற்ற விஷயங்கள் பேசுவது மற்றும்  அவருக்கு சாப்பிட ஏதாவது கொடுப்பது போன்ற நடைமுறை இருந்தது.இவ்வாறு வருபவர்களுக்கு முதலில் தண்ணீர் கொடுப்பதற்கு மிகச் சிறந்த காரணங்கள் உள்ளது. தண்ணீருக்கு மனிதர்களின் மனநிலையை மாற்றும் அற்புதமான சக்தி இருக்கிறது. ஒரு மனிதனின் கோப தாபத்தையும், வெறுப்புணர்ச்சியையும் மாற்றும் ஆற்றல் தண்ணீருக்கு உள்ளது. ஏதாவது சண்டை சச்சரவு வரும்போது ஒருவரையொருவர் ஏச்சுப் பேச்சு நடத்தும் போது அவர்களை விலக்க வருபவர் முதல்ல தண்ணி குடிப்பா அப்புறம் பேசலாம்" என்று கூறுவார் சண்டையிடும் நபர் தண்ணீர் குடித்ததும், தனது பேச்சில் ஒரு வித சாந்தம் வெளிப்படும். இதன் அடிப்படையில்தான், வீட்டிற்கு வருபவர்களுக்கு, தண்ணீர் கொடுக்கும் பழக்கத்தை நமது முன்னோர் உருவாக்கினர் வீட்டிற்கு வருபவரின் மனநிலை எதுவாக இருந்தாலும் சரி. அவர்களின் எண்ணங்கள் எதுவாக இருந்தாலும் சரி. தண்ணீரை குடித்தால், அந்த கெட்ட தாக்கத்தின் பாதிப்பு இல்லத்தை பாதிக்காது.