• 51
• Jul 23, 2024

கிறித்துவ தேவாலயங்களை பழுதுபார்த்தல் மற்றும் புனரமைத்தல் பணிகள் மேற்கொள்வதற்கு அரசு நிதி உதவி வழங்கும் திட்டத்தின் கீழ் பயன்பெற விண்ணப்பிக்கலாம்

தமிழ்நாட்டில் சொந்தக் கட்டடங்களில் இயங்கும் கிறித்துவ தேவாலயங்களை பழுதுபார்த்தல் மற்றும் சீரமைத்தல் பணிகள் மேற்கொள்வதற்கு நிதி உதவி வழங்கும் திட்டம் 2016-17 ஆம் ஆண்டு முதல் தமிழக அரசால் செயல்படுத்தப்பட்டு வருகிறது.
அரசாணை (நிலை) எண்.71, பிற்படுத்தபட்டோர், மிகப்பிற்படுத்தப்பட்டேடார் மற்றும் சிறுபான்மையினர் நலத்துறை, நாள்:20.12.2016-ன் படி கீழ்க்கண்ட தகுதிகளின்படி கிறித்துவ தேவாலயம் பழுதுபார்த்தல் மற்றும் பராமரிப்பு பணி மேற்கொள்ள கட்டடத்த்pன் வயதிற்கேற்ப நிதி ஒதுக்கீடு செய்யப்பட்டு வழங்கப்பட்டது.

1. 10-15 வருடம் வரை இருப்பின் ரூ.1.00 இலட்சம்
2. 15-20 வருடம் வரை இருப்பின் ரூ.2.00 இலட்சம்
3. 20 வருடங்களுக்கு மேலிருப்பின் ரு.3.00 இலட்சம்

தற்போது இத்திட்டத்தின் கீழ் கூடுதல் பணி மேற்கொள்ளவும், கட்டடத்தின் வயதிற்கேற்ப மானிய தொகை உயர்த்தி அரச ஆணையிட்டுள்ளது.
கூடுதலாக மேற்கொள்ள அனுமதி அளிக்க்பட்டுள்ள பணிகள் விவரம்:

1) தேவாலயங்களில் பீடம் கட்டுதல் ( Construction of Pedestal in Churches)
2) கழிவறை வசதி அமைத்தல் (Construction of Toilet facilities )
3) குடிநீர் வசதிகள் உருவாக்குதல் (Creation of Drinking Water facilities)

தேவாலய கட்டடத்தின் வயதிற்கேற்க உயர்த்தப்பட்டுள்ள மானிய தொகை விவரம்:

1. 10-15 வருடம் வரை இருப்பின் ரூ.1.00 இலட்சத்திலிருந்து 2.00 இலட்சமாக உயர்த்தப்பட்டுள்ளது.
2. 15-20 வருடம் வரை இருப்பின் ரூ.2.00 இலட்சத்திலிருந்து 4.00 இலட்சமாக உயர்த்தப்பட்டுள்ளது.
3. 20 வருடங்களுக்கு மேலிருப்பின் ரூ.3.00 இலட்சத்திலிருந்து 6.00 இலட்சமாக உயர்த்தப்பட்டுள்ளது.

 மாவட்ட ஆட்சித் தலைவர் தலைமையிலான குழு பெறப்படும் விண்ணப்பங்களை அனைத்து உரிய ஆவணங்களுடன் பரிசீலித்து, கிறித்துவ தேவாலயங்களை ஸ்தல ஆய்வு மேற்கொள்ளப்படும். கட்டடத்தின் வரைபடம் மற்றும் திட்ட மதிப்பீடு ஆகியவற்றுடன் தகுதியின் அடிப்படையில் தேர்வு செய்து உரிய முன்மொழிவுகளுடன் சிறுபான்மையினர் நல இயக்குநருக்கு நிதி உதவி வேண்டி பரிந்துரை செய்யப்படும்.
நிதி உதவி இரு தவணைகளாக தேவாலயத்தின் வங்கிக் கணக்கில் மின்னணு பரிவர்த்தனை மூலம் செலுத்தப்படும். மேலும் விவரங்களுக்கு விருதுநகர் மாவட்ட ஆட்சியர் அலுவலக வளாகத்தில் இயங்கும் விருதுநகர் மாவட்ட பிற்படுத்தப்பட்டோர் மற்றும் சிறுபான்மையினர் நல அலுவலகத்தை அணுகுமாறு மாவட்ட ஆட்சித்தலைவர் முனைவர் வீ.ப.ஜெயசீலன், I A S, அவர்கள் தெரிவித்துள்ளார்.