ஹாக்கி போட்டியில் மலேசியாவை இந்தியா வென்றது.
மலேசியாவில் 21 வயதுக்குட்ட்டோருக்கான சுல்தான் ஆப் ஜோகர் கோப்பை ஹாக்கி 12வது சீசன் நடக்கிறது. நேற்று நடந்த லீக் போட்டியில் இந்தியா, மலேசிய அணிகள் மோதின. போட்டி துவங்கிய 8, 9 வது நிமிடத்தில் மலேசியாவின் முகமது தானிஷ், ஆஸ்மன் தலா ஒரு கோல் அடிக்க, இந்தியா 0-2 என பின்தங்கியது. பின் இந்திய வீரர்கள் சுதாரித்துக் கொண்டனர். 11-வது நிமிடம் ஷர்தானந்த். 13 வது நிமிடம் அர்ஷ்தீப் தலா ஒரு கோல் அடித்தனர். முதல் பாதி 2-2 என சமனில் முடிந்தது.
இரண்டாவது பாதியில் இந்திய வீரர்கள் பிரியோபத்ரா (39வது) ரோகித் (40 வது) கோல் அடித்து உதவினர். முடிவில் இந்திய அணி 4-2 என்ற கணக்கில் வெற்றி பெற்றது. ஏற்கனவே ஐப்பான் பிரிட்டனை சாய்த்த இந்தியா வெற்றி பெற்றது. 9 புள்ளிகளுடன் பட்டியலில் தொடர்ந்து முதலிடத்தில் உள்ளது. இன்று ஆஸ்திரேலியாவை சந்திக்கிறது.
0
Leave a Reply