• 52
• Aug 21, 2024

வங்கிப் பணியாளர் தேர்வாணையத்தால் வெளியிடப்பட்டுள்ள Probationary Officers (PO) பணியிடங்களுக்கு விண்ணப்பித்துள்ள தேர்வர்களுக்கான அடிப்படை பயிற்சி வகுப்புகள் 27.08.2024 அன்று நடைபெற உள்ளது

வங்கிப் பணியாளர் தேர்வாணையத்தால் வெளியிடப்பட்டுள்ள  4455 Probationary Officers (PO) பணிக்காலியிடங்களுக்கான தேர்வுக்கு 01.08.2024 ஆம் தேதியிலிருந்து 21.08.2024 ஆம் தேதி வரை விண்ணப்பிக்கலாம். இத்தேர்வுக்கு விண்ணப்பித்துள்ள தேர்வர்கள் பயன்பெறும் பொருட்டு விருதுநகர் மாவட்ட நிர்வாகத்தால் அடிப்படை பயிற்சி வகுப்பு  27.08.2024 அன்று காலை 10 மணியளவில் மாவட்ட ஆட்சியர் அலுவலகத்தில் உள்ள மாவட்ட வளர்ச்சி மன்றக் கூட்டரங்கில் நடத்தப்படவுள்ளது.
இவ்வகுப்பு திறன் வாய்ந்த பயிற்றுநர்களைக் கொண்டு நடத்தப்படவுள்ளது. இப்பயிற்சி வகுப்பில் கலந்துகொள்ள விருப்பம் உடையவர்கள்  https://forms.gle/AEWhBaLz1C4gvCB16  என்ற கூகுள் பார்ம் (Google Form)  மூலமாக விண்ணப்பிக்கலாம். மேலும் விவரங்களுக்கு மாவட்ட வேலைவாய்ப்பு மற்றும் தொழில்நெறி வழிகாட்டும் மையத்தினை 93601-71161 என்ற தொலைபேசி எண் வாயிலாக தொடர்பு கொள்ளலாம்.
எனவே, இத்தேர்வுக்கு தயாராகும் தேர்வர்கள் இப்பயிற்சி வகுப்பில் கலந்துகொண்டு பயன்பெறுமாறு மாவட்ட ஆட்சித்தலைவர் முனைவர் வீ.ப.ஜெயசீலன்,I A S., அவர்கள் தெரிவித்துள்ளார்.