295 ரன் வித்தியாசத்தில் ஆஸ்திரேலியாவை வென்றது இந்தியா
ஆஸ்திரேலியா சென்று உள்ள இந்திய அணி ஐந்து, போட்டிகள் கொண்ட பார் டர் கவாஸ்கர் டிராபி தொடரில் பங்கேற்கிறது. முதல் டெஸ்ட் பெர்த்தில் உள்ள ஆப்டஸ் மைதானத்தில் நடந்தது. முதல் இன்னிங்சில் இந்தியா 150 ஆஸ்திரேலியா 104, ரன் எடுத்தன். இரண்டாவது இன்னிங்சில் இந்தியா 487/6 ரன் எடுத்து டிக்ளேர் செய்தது. 534 ரன் எடுத்தால் வெற்றி என களமிறங்கிய ஆஸ்திரேலிய அணி, மூன்றாவது நாள் ஆட்ட முடிவில், இரண்டாவது இன்னிங்சில் 12/3 ரன் எடுத்து திணறியது.
நேற்று நான்காவது நாள் ஆட்டம் நடந்தது. வேகத்தில் மிரட்டிய சிராஜ், முதலில் கவாஜாவை வெளியேற்றினார். அடுத்து ஸ்டீவ் ஸ்மித்தை 17 ரன்னில் அவுட்டாக்கினார். பின் டிராவிஸ் ஹெட், மிட்சல் மார்ஷ் இணைந்தனர். இருவரும் வேகமாக ரன் சேர்த்தனர். டெஸ்டில் 17வது அரைசதம் கடந்தார். ஹெட் ஆறாவது விக்கெட்டுக்கு இந்த ஜோடி 82 ரன் சேர்த்த போது, பும்ரா பந்தில் ஹெட் 89 ல் அவுட்டானார். மிட்சல் மார்ஷ் 47 ரன் எடுத்தார்.
ஆஸ்திரேலிய அணி இரண்டாவது இன்னிங்சில் 238 ரன்னுக்கு ஆல் அவுட்டானது. இந்தியா இமாலய வெற்றி பெற்றது. இரண்டாவது டெஸ்ட், பகலிரவு ஆட்டமாக டிசம்பர் 6-10ல் அடிலெய்டில் நடக்க உள்ளது.பெர்த் வெற்றியை தொடர்ந்து உலக டெஸ்ட் சாம்பியன் ஷிப் 2023-2025 பட்டியலில் இந்திய அணி 61.11 சதவீத புள்ளியுடன் மீண்டும் முதலிடத்துக்கு முன்னேறியது. ஆஸ்திரேலியா 57.69, இலங்கை 55.56, நியூசிலாந்து 54.44 அணிகள் அடுத்த 3 இடத்தில் உள்ளன.
0
Leave a Reply