மூட்டு வலியை போக்க சிறந்த உணவுகள்.
மூட்டு வலி பலருக்கும்40 வயதை தாண்டிவிட்டாலே வந்து விடுகிறது. முட்டி தேய்ந்து விடுவதால்60 வயதை தாண்டிய பலருக்கும் மூட்டு அறுவை சிகிச்சை செய்ய வேண்டிய நிலை கூட ஏற்படுகிறது. இதற்காக பல லட்சத்தை கூட செலவு செய்ய வேண்டிய நிலை ஏற்படுகிறது. எனவே மூட்டு வலி வராமல் இருக்க ஒமேகா-3 கொழுப்பு அமிலங்கள் நிறைந்த மீன்களான சால்மன், மத்தி போன்ற உணவுகளை சாப்பிடலாம்.
இஞ்சி, மஞ்சள், பூண்டு நட்ஸ் விதைகள் மற்றும் விட்டமின் சி நிறைந்த பழங்கள் நல்லது.அதேபோல் ஆலிவ் எண்ணெய், பச்சை காய்கறிகள் மற்றும் கால்சியம் நிறைந்த பால் கலந்த உணவுகளை சேர்த்துக் கொள்ளலாம்.. இவை அனைத்தும் மூட்டு ஆரோக்கியத்தை மேம்படுத்தும்.
அதேபோல் பீன்ஸ், எலும்பு சூப் ஆகியவையும் மூட்டுக்கு நல்லது.குறிப்பாக பதப்படுத்தப்பட்ட உணவுகள், சுத்திகரிக்கப்பட்ட மாவு பொருட்கள் மற்றும் அதிகப்படியான உப்பு ஆகியவற்றை தவிர்க்க வேண்டும்.
பெர்ரிகள், கீரை, கேல் என்று அழைக்கப்படும் பரட்டைக்கீரை, குடைமிளகாய் போன்ற பழங்கள் மற்றும் காய்கறிகளில் வைட்டமின் சி மற்றும் ஆக்ஸிஜனேற்றிகள் அதிகம் உள்ளன. இவை மூட்டு திசுக்களில் ஆக்ஸிஜனேற்ற அழுத்தத்தைத் தடுக்கின்றன. எனவே, தினமும் பழங்களின் கலவை அல்லது காய்கறிகளை எடுத்துக் கொள்வது மூட்டுகளின் நெகிழ்வை பாதுகாக்க உதவும்.
போதுமான அளவு தண்ணீர் குடிப்பது, மூட்டுகளுக்கான இயற்கையான மெழுகாக செயல்படுகிறது. அதாவது, தண்ணீர் குடிப்பது மூட்டுகளை மென்மையாக்கி, இயக்கத்தைக் கடினமாக்குவதை தடுக்கிறது.
இடுப்பு, முழங்கால் போன்ற உடல் எடையை தாங்கும் மூட்டுகளில் அழுத்தம் குறைய இது அவசியமாகும். ஆரோக்கியமான உடல் எடை என்பதும், மூட்டு வலியைத் தடுக்க உதவுகிறது.
0
Leave a Reply