உத்தரகாண்ட்டில் இந்தியாவின் 38வது தேசிய விளையாட்டு போட்டிகள்.
யோகாசனம்
முதலில் காட்சி போட்டியாக சேர்க்கப்பட்டு இருந்த யோகாசனம், மல்லாகம்பிற்கு, பதக்கம் வழங்குவதாக அறிவிக்கப்பட்டன.
இதையடுத்து ஆண்களுக்கான யோகாசன போட்டி நடந்தன. இரட்டையர் பிரிவில் சிறப்பாக செயல்பட்ட தமிழக அணியின் தர்ம தேஜா, அபினேஷ் குமார் ஜோடி இரண்டாவது இடம் பிடித்து, வெள்ளிப்பதக்கம் கைப்பற்றியது.
பெண்கள் தனிநபர் பிரிவில் தமிழகத்தின் வைஷ்ணவி, மூன்றாவது இடம் பிடிக்க, வெண்கலப் பதக்கம் கிடைத்தது.
படகுபோட்டி
தமிழகத்தின் பகவதி, மதுமிதா, அகிலாண்டேஷ்வரி, ரோஸ்மஸ்டிகா படகு வலித்தல் போட்டியில் இடம் பெற்ற அணி, 2 கி.மீ., தூரத்தை 7 நிமிடம், 46.37 வினாடி நேரத்தில் கடந்து, வெண்கலப் பதக்கம் கைப்பற்றியது.
வில்வித்தை
ஹரியானாவின் தீபாக்சிகா பெண்களுக்கான காம்பவுண்டு தனிநபர் வில்வித்தையில் தங்கம் கைப்பற்றினார். பஞ்சாப்பின் பர்னீத் கவுர், அவ்னீத் கவுருக்கு வெள்ளி, வெண்கலம் கிடைத்தன. ஆண்கள் பிரிவில் ராஜஸ்தானின் ரஜத் சவுகான் (தங் கம்), காஷ்மீரின் ஹிருதிக் சர்மா (வெள்ளி), ஆந்திரா வின் மணி ரத்னம் (வெண் கலம்) முதல் மூன்று இடம் பிடித்தனர்.
பீச் வாலிபால்,
பீச் வாலிபால் ஆண்களுக்கான போட்டியில் தமிழக அணி 2-1 என கோவாவை பைனலுக்கு வீழ்த்தி, முன்னேறியது. தமிழக பெண்கள் அணி 2-0 என புதுச்சேரியை வென்று, பைனலுக்கு நுழைந்தது.
சைக்கிள்
தேசிய விளையாட்டு சைக்கிளில் அந்தமான், நிக்கோபார் தீவுகள் வீரர் டேவிட் பெக்காம் (10.691 வினாடி) தங்கப்பதக்கம் வென்றார். மணிப்பூர் வீரர் ரொனால்டோ (10.724), அந்தமான் வீரர் எசோ ஆல்பென் (10.826) அடுத்த இரு இடம் பெற்று, வெள்ளி, வெண்கலம் பெற்றனர்.டைம் டிரையர் தனிநபர் பிரிவில் தமிழக வீராங்கனை ஸ்ரீமதி, வெள்ளிப்பதக்கம் கைப்பற்றினார்.
0
Leave a Reply