நீட் தேர்வில் மாவட்ட அரசு உதவி பெறும் பள்ளிகள் அளவில் முதலிடம் பிடித்த இராஜபாளையம் பி.ஏ.சி.எம் மேல்நிலைப்பள்ளியைச் சேர்ந்த மாணவர்கள் மாவட்ட ஆட்சித்தலைவர் அவர்களை சந்தித்து வாழ்த்து பெற்றனர்.
விருதுநகர் மாவட்ட ஆட்சியர் அலுவலகத்தில் (13.06.2024) இராஜபாளையம் பி.ஏ.சி.எம் மேல்நிலைப்பள்ளியில் பயின்று நீட் தேர்வில் அரசு உதவி பெறும் பள்ளிகளில் மாவட்ட அளவில் முதல் மதிப்பெண்கள் பெற்ற மாணவர்கள் மாவட்ட ஆட்சித்தலைவர் முனைவர் வீ.ப.ஜெயசீலன், I A S., அவர்களை சந்தித்து வாழ்த்து பெற்றனர்.
அதன்படி, நீட் தேர்வில் அரசு உதவி பெறும் பள்ளிகள் அளவில் இராஜபாளையம் பி.ஏ.சி.எம் மேல்நிலைப்பள்ளியில் பயின்று தனது முதல் முயற்சியிலேயே முதல் இடம் பிடித்த எஸ்.சஞ்சய் ராஜ் என்ற மாணவரும், இரண்டாவது முயற்சியில் முதலிடம் பிடித்த எஸ்.சிவபிரியேசன் என்ற மாணவரும் மாவட்ட ஆட்சித்தலைவர் அவர்களை சந்தித்து வாழ்த்துக்களைப் பெற்றனர்.இந்நிகழ்வில், விருதுநகர் மாவட்ட முதன்மை கல்வி அலுவலர் திருமதி வளர்மதி,சிவகாசி மாவட்ட கல்வி அலுவலர் திரு.சிதம்பரநாதன், பி.ஏ.சி.எம் பள்ளி மேல்நிலைப்பள்ளி தலைமையாசிரியர் திரு.மாரிமுத்து உட்பட அரசு அலுவலர்கள் பலர் கலந்து கொண்டனர்.
0
Leave a Reply