விருதுநகர் மாவட்ட ஆட்சியர் அலுவலக வளர்ச்சி மன்றக் கூட்டரங்கில் மக்கள் குறைதீர்க்கும் நாள் கூட்டம் மாவட்ட ஆட்சித்தலைவர் முனைவர் வீ.ப.ஜெயசீலன், I A S,அவர்கள் தலைமையில் (30.09.2024) நடைபெற்றது.இக்கூட்டத்தில், இலவச வீட்டுமனைப்பட்டா மற்றும் பட்டா மாறுதல், குடும்ப அட்டை, வேலை வாய்ப்பு, விபத்து நிவாரணம், மாற்றுத்திறனாளிகள், நலிந்தோர் நலத்திட்டம் மற்றும் விதவை உதவித்தொகை, திருமண உதவித்தொகை, முதியோர் உதவித்தொகை உள்ளிட்ட பல்வேறு கோரிக்கைகள் தொடர்பாக மனுக்கள் பெறப்பட்டது. மேலும், மாற்றுத்திறனாளிகள் மற்றும் மூத்தகுடி மக்களுக்காக அமைக்கப்பட்டுள்ள சிறப்பு அமருமிடத்திற்குச் சென்று, மாவட்ட ஆட்சித்தலைவர் அவர்கள் கோரிக்கை மனுக்களை பெற்றுக் கொண்டார்.இம்மனுக்களை மாவட்ட ஆட்சித்தலைவர் அவர்கள் சம்மந்தப்பட்ட துறை அலுவலர்களிடம் ஒப்படைத்து உரிய நடவடிக்கை எடுக்குமாறு உத்தரவிட்டார்கள். மேலும் முதலமைச்சர் தனிப்பிரிவு மனுக்கள் மீது தனிக்கவனம் செலுத்தி நடவடிக்கை எடுக்குமாறு மாவட்ட ஆட்சித்தலைவர் அவர்கள் தொடர்புடைய அலுவலர்களை அறிவுறுத்தினார்கள். இக்கூட்டத்தில் தையல் இயந்திரம் வேண்டி விண்ணப்பம் செய்த 3 மனுதாரருக்கு உடனடியாக மனுவை பரிசீலனை செய்து மாவட்ட பிற்படுத்தப்பட்டோர் நல அலுவலகம் சார்பில் தையல் இயந்திரங்களை மாவட்ட ஆட்சித்தலைவர் அவர்கள் வழங்கினார்.மேலும், தமிழ்நாடு நாட்டுப்புறக் கலைஞர் நல வாரியம் மூலம் மாவட்டத்தில் உள்ள 1 பயனாளிக்கு ரூ.1500 மதிப்பில் மூக்குக் கண்ணாடி நிதியுதவியும், 8 பயனாளிகளுக்கு தலா ரூ.5000/- மதிப்பில் திருமண நிதியுதவிகளையும், 41 பயனாளிகளுக்கு மொத்தம் ரூ.69,700/- மதிப்பில் கல்வி நிதியுதவிகளையும், 4 பயனாளிகளுக்கு தலா ரூ.25,000/- மதிப்பில் ஈமச்சடங்குஃஇயற்கை மரண நிதியுதவிகளையும் என மொத்தம் 54 பயனாளிகளுக்கு ரூ.2.05 இலட்சம் மதிப்பிலான நலத்திட்ட உதவிகளை மாவட்ட ஆட்சித்தலைவர் அவர்கள் வழங்கினார்.இக்கூட்டத்தில், மாவட்ட வருவாய் அலுவலர் திரு.இரா.ராஜேந்திரன், தனித்துணை ஆட்சியர் (சமூக பாதுகாப்பு திட்டம்) திரு.காளிமுத்து, மாவட்ட வழங்கல் அலுவலர் திருமதி அனிதா, மாவட்ட பிற்படுத்தப்பட்டோர் மற்றும் சிறுபான்மையினர் நலத்துறை அலுவலர் திருமதி இ.கார்த்திகேயனி, உதவி ஆணையர் (கலால்) திரு.கணேசன், அரசு அலுவலர்கள் மற்றும் பொதுமக்கள் உட்பட பலர் கலந்து கொண்டனர்.
விருதுநகரில் மாவட்ட நிர்வாகம், பொது நூலக இயக்ககம் மற்றும் தென்னிந்திய புத்தக விற்பனையாளர் மற்றும் பதிப்பாளர்கள் சங்கம் இணைந்து, விருதுநகர்-மதுரை சாலையில் அமைந்துள்ள கே.வி.எஸ் மேல்நிலைப்பள்ளி வளாகத்தில் உள்ள பொருட்காட்சி மைதானத்தில் 27.09.2024 முதல் 07.10.2024 வரை நடைபெறும் மூன்றாவது விருதுநகர் புத்தகத் திருவிழா நடைபெற்று வருகிறது., மூன்றாம் நாளான 29.09.2024 அன்று துணை இயக்குநர் (திருவில்லிபுத்தூர் மேகமலை புலிகள் காப்பகம்) திரு.ப.தேவராஜ்.,இ.வ.ப. அவர்கள் தலைமையில், வத்திராயிருப்பு திரு.தெ.சு.கவுதமன் அவர்கள் எழுதிய “அப்பாவின் வாசம்“ என்ற நூல் வெளியீட்டு நிகழ்ச்சியும், பேச்சாளர் திரு.சி.அன்னக்கொடி அவர்கள் “கி.ராவும் நானும்” என்ற தலைப்பிலும், திரைப்படக் கலைஞர் மற்றும் இயக்குநர் திரு.தம்பி ராமையா அவர்கள் “உறவுகள்”; என்ற தலைப்பிலும், சிறப்புரை ஆற்றினார்கள்.பின்னர், நடைபெற்ற சுழலரங்கம் நிகழ்ச்சியில், இலக்கியத்தில் மரபு குழுவில், திரு.கா.காளியப்பன் அவர்கள் பழந்தமிழ் இலக்கியத்தில் மரபு என்ற தலைப்பிலும், இலக்கிய விமர்சகர் திரு.ம.மணிமாறன் அவர்கள் கரிசல் இலக்கியத்தில் மரபு என்ற தலைப்பிலும், கவிஞர் திரு.அ.இலட்சுமி காந்தன் அவர்கள் நவீன இலக்கியத்தில் மரபு என்ற தலைப்பிலும்,இலக்கியத்தில் இயற்கை குழுவில், கவிஞர் திரு.எல்.கே.சுபாஷ் சந்திரபோஸ் அவர்கள் பழந்தமிழ் இலக்கியத்தில் இயற்கை என்ற தலைப்பிலும், திரு.முத்து பாரதி அவர்கள் கரிசல் இலக்கியத்தில் இயற்கை என்ற தலைப்பிலும், இயற்கை ஆர்வலர் ஆர்.ஆனந்தி அவர்கள் நவீன இலக்கியத்தில் இயற்கை என்ற தலைப்பிலும் உரையாற்றினார்கள்.இந்நிகழ்ச்சியில், மாவட்டத் தீயணைப்பு அலுவலர் திரு.க.ஜே.விவேகானந்தன் அவர்கள் வரவேற்புரையும், கோட்ட வன அலுவலர் திரு.நவநீதகிருஷ்ணன் அவர்கள் நன்றியுரையும் வழங்கினார்கள்.
மாவட்ட நிர்வாகம், பொது நூலக இயக்ககம் மற்றும் தென்னிந்திய புத்தக விற்பனையாளர் மற்றும் பதிப்பாளர்கள் சங்கம் இணைந்து, விருதுநகரில் அமைந்துள்ள கே.வி.எஸ் மேல்நிலைப்பள்ளி வளாகத்தில் உள்ள பொருட்காட்சி மைதானத்தில் 27.09.2024 முதல் 07.10.2024 வரை 11 நாட்களுக்கு காலை 10.00 மணி முதல் இரவு 09.00 மணி வரை நடைபெறவுள்ள விருதுநகர் மூன்றாவது புத்தகத் திருவிழா நடைபெற்று வருகிறது.இப்புத்தகத் திருவிழாவில் நூற்றுக்கும் மேற்பட்ட புத்தக அரங்குகள் அமைக்கப்பட்டுள்ளன. இப்புத்தக அரங்கில், கலை, இலக்கியம், வரலாறு, சரித்திரம், சமூகம், தன்னம்பிக்கை, சுய முன்னேற்றம், உலக தலைவர்களினுடைய வரலாற்று பதிவுகள், குழந்தைகளுக்கு அறிவை வளர்ப்பதற்கு தேவையான புத்தகங்கள் தமிழ் மற்றும் ஆங்கிலம், தகவல் களஞ்சியம் (Encyclopedia), தமிழக அரசினுடைய வேலைவாய்ப்புக்கான தமிழ்நாடு அரசுப் பணியாளர் தேர்வாணையத்தின் மூலம் நடத்தப்படும் போட்டித் தேர்வுக்கான (TNPSC Guide) வழிகாட்டி புத்தகங்கள், IAS, IPS, IFS-படிப்பிற்கான வழிகாட்டி புத்தகங்கள், தமிழ்நாடு பாடநூல் கழகத்தின் பள்ளி புத்தகங்கள், சிறுவர்கள் முதல் பெரியவர்கள் வரை அனைத்து வயதினருக்கும் ஏற்ற வகையில் ரூ.10/- முதல் ரூ.1000/- வரையிலான புத்தகங்கள் ஆயிரக்கணக்கான தலைப்பில் இலட்சக்கணக்கான புத்தகங்கள் ஒரே கூரையின் கீழ் குவிக்கப்பட்டுள்ளது. தொல்லியல் துறை மூலம் வெம்பக்கோட்டை அகழாய்வில் கண்டெடுக்கப்பட்ட பொருட்களின் கண்காட்சி, தமிழ்நாடு வனத்துறையின் சார்பில் திருவில்லிபுத்தூர் மேகமலை புலிகள் காப்பகம் மூலம் மாவட்டத்தில் உள்ள ஆறுகள், மேற்கு தொடர்ச்சி மலை, அதில் வாழும் உயிரினங்கள் குறித்த கண்காட்சி அரங்கம், பழங்காலம் முதல் தற்போது வரை உள்ள நாணயங்கள் குறித்த கண்காட்சி மற்றும் சிறுவர்கள் விளையாடுவதற்கு பொழுதுபோக்கு அம்சங்களுடன் கூடிய காப்பிய பூங்கா உள்ளிட்ட விளையாட்டு பகுதிகள் மற்றும் பல்வேறு வகையான உணவு விற்பனை நிலையங்கள் உள்ளிட்ட பல்வேறு சிறப்பு அம்சங்களுடன் அனைத்துத் தரப்பு மக்களும் மாணவ, மாணவியர்களும் கலந்து கொண்டு பயன்பெறும் வகையில் அமைக்கப்பட்டுள்ளது.மேலும், மூன்றாவது விருதுநகர் புத்தக திருவிழாவில் மேடைப் பேச்சாளர்கள், எழுத்தாளர்கள், திரைப்பட இயக்குநர்கள் மற்றும் நடிகர்கள், கவிஞர்கள், முனைவர்கள், கலைஞர்கள் உள்ளிட்ட பிரபலங்கள் சிறப்பு விருந்தினர்களாக கலந்து கொண்டு, ஒவ்வொரு நாளும் பல்வேறு தலைப்புகளில் இலக்கிய அரங்கு, கருத்தரங்கு மற்றும் பட்டிமன்ற நிகழ்ச்சிகள் நடைபெற்று வருகின்றன. 01.10.2024 அன்று திரு.பி.கே.பெரியமகாலிங்கம் அவர்கள் எழுதிய ரகசியம் என்ற நூல் வெளியீட்டு நிகழ்ச்சியும், நாவலாசிரியர் திருமதி அ.வெண்ணிலா அவர்கள் “மரமும் மாதரும்” என்ற தலைப்பிலும், முதுநிலை உதவி ஆசிரியர் இந்து தமிழ் திசை நாளிதழ் கவிஞர் மு.முருகேஷ் அவர்கள் “குழந்தை இலக்கியத் தடத்தில்” என்ற தலைப்பிலும், கவிஞர் திருமதி கவிதா ஜவஹர் அவர்கள் “மண் பயனுறவேண்டும்” என்ற தலைப்பிலும் சிறப்புரை ஆற்ற உள்ளனர். 02.10.2024 அன்று திரு.கா.சி.தமிழ்க்குமரன் அவர்கள் எழுதிய “மந்தைப் பிஞ்சை” என்ற நூல் வெளியீட்டு நிகழ்ச்சியும், எழுத்தாளர் திரு.சோ.தர்மன் அவர்கள் “மனிதர்களும் மரங்களும்” என்ற தலைப்பிலும், பேச்சாளர் திரு.பாரதிகிருஷ்ணகுமார் அவர்கள் தாயினும் சாலப்பரிந்து என்ற தலைப்பிலும் சிறப்புரை ஆற்ற உள்ளனர். மேலும் படைப்புலகில் பெண்கள் என்ற தலைப்பில் நடைபெறும் நேர்காணல் நிகழ்ச்சியில் எழுத்தாளர் சூ.பாமா, திருமதி ர.ரமாதேவி, திருமதி பிருந்தா ஜ.ராகவன் அவர்கள் ஆகியோர்கள் சிறப்புரை ஆற்ற உள்ளனர். எனவே, இப்புத்தகத் திருவிழாவில் பொதுமக்கள், இளைஞர்கள், மாணவ, மாணவியர்கள் உள்ளிட்ட பல்வேறு தரப்பினரும் கலந்து கொண்டு பயன்பெற வேண்டுமென மாவட்ட ஆட்சித்தலைவர் முனைவர் வீ.ப.ஜெயசீலன்.,I A S, அவர்கள் கேட்டுக்கொண்டுள்ளார்
மாவட்ட நிர்வாகம், பொது நூலக இயக்ககம் மற்றும் தென்னிந்திய புத்தக விற்பனையாளர் மற்றும் பதிப்பாளர்கள் சங்கம் இணைந்து, விருதுநகர்- மதுரை சாலையில் அமைந்துள்ள கே.வி.எஸ் மேல்நிலைப்பள்ளி வளாகத்தில் உள்ள பொருட்காட்சி மைதானத்தில் (27.09.2024) அன்று "மரமும், மரபும்"- என்ற பொருண்மையின் கீழ், நடைபெற்ற விருதுநகர் மூன்றாவது புத்தக திருவிழா- 2024- னை மாவட்ட ஆட்சித்தலைவர் முனைவர் வீ.ப.ஜெயசீலன்,I A S, அவர்கள் தலைமையில், விருதுநகர் சட்டமன்ற உறுப்பினர் திரு.ஏ.ஆர்.ஆர்.சீனிவாசன் அவர்கள், சாத்தூர் சட்டமன்ற உறுப்பினர் திரு.ஏ.ஆர்.ஆர்.ரகுராமன் அவர்கள், சிவகாசி மாநகராட்சி மேயர் திருமதி சங்கீதா இன்பம் அவர்கள், மாவட்ட காவல் கண்காணிப்பாளர் திரு.தெ.கண்ணன்,த.கா.ப., மற்றும் துணை இயக்குனர் (திருவில்லிபுத்தூர் மேகமலை புலிகள் காப்பகம்) திரு.ப.தேவராஜ்,இ.வ.ப., அவர்கள் ஆகியோர் முன்னிலையில், வருவாய் மற்றும் பேரிடர் மேலாண்மைத்துறை அமைச்சர் திரு.கே.கே.எஸ்.எஸ்.ஆர்.ராமச்சந்திரன் அவர்கள் மற்றும் நிதி மற்றும் மனிதவள மேலாண்மைத்துறை அமைச்சர் திரு.தங்கம் தென்னரசு அவர்கள் ஆகியோர் திறந்து வைத்தார்கள். தமிழ்நாடு முதலமைச்சர் அவர்கள் சமுதாயத்தை அறிவார்ந்த நிலைக்கு உயர்த்துவதில், புத்தகவாசிப்பு முக்கிய பங்கு வகுக்கிறது. எனவே, பொதுமக்கள் மற்றும் மாணவர்களிடையே புத்தக வாசிப்புப் பழக்கத்தினை ஊக்கப்படுத்த வேண்டும். புத்தகவாசிப்பினை ஒரு மக்கள் இயக்கமாக எடுத்துச் செல்ல தமிழ்நாட்டின் அனைத்து மாவட்டங்களிலும், புத்தகக் காட்சிகள் மற்றும் இலக்கியத் திருவிழாக்கள் நடத்தப்படும் என அறிவித்தார்கள்.அதனடிப்படையில், விருதுநகர் மாவட்டத்தில் மூன்றாவது முறையாக விருதுநகரில் அமைந்துள்ள கே.வி.எஸ்.மேல்நிலைப்பள்ளி வளாகத்திலுள்ள பொருட்காட்சி மைதானத்தில் 27.09.2024 முதல் 07.10.2024 வரை 11 நாட்களுக்கு புத்தகத் திருவிழா நடைபெறுகிறது. இப்புத்தகத் திருவிழாவில் நூற்றுக்கும் மேற்பட்ட புத்தக அரங்குகள் அமைக்கப்பட்டுள்ளன.நீங்கள் அனைவரும் புத்தகங்களை படிக்க வேண்டும். உங்களுடைய வாழ்க்கை ஆரம்பிப்பதே புத்தகங்களில் இருந்து தான். அறிவு வளர வேண்டும் என்றால் நீங்கள் அனைவரும் புத்தகங்களை படிக்க வேண்டும். புத்தகங்களில் தான் ஒவ்வொரு தனிமனிதனுடைய ஆராய்ச்சிக்கு ஏற்றாற்போல புத்தகங்களை வடிவமைத்து இருப்பார்கள். அதனை பார்க்கும் நேரத்தில் நமக்கு புதிய சிந்தனைகள் கிடைக்கும். நமக்கு நல்ல அறிவு வளரும். நாம் பிறரிடம் பேசும் பொழுது நாம் அறிவாளியாக, திறமையானவனாக காட்ட வேண்டும் என்றால் புத்தகத்தை வாசித்தால் மட்டும் தான் அது நடக்கும். எனவே, அனைவரும் இந்த புத்தக திருவிழாவில் கலந்து கொண்டு, புத்தகங்களை வாங்கி பயன்பெற வேண்டும் என தெரிவித்தார்.புத்தகத் திருவிழாவானது இன்றைக்கு மாபெரும் இயக்கமாக மாறி தமிழ்நாட்டில் இருக்கக்கூடிய அனைத்து மாவட்டங்களிலும் பெரும் முயற்சியோடு மிக சிறப்பாக நடைபெற்றுக் கொண்டிருக்கிறது.அதிலும் குறிப்பாக நம்முடைய தமிழ்நாடு முதலமைச்சர் அவர்கள் பொறுப்பேற்ற இந்த மூன்றாண்டு காலத்தில் தமிழ்நாட்டில் படைப்பாளிகளுக்கான பெரும் மரியாதை இன்று கிடைத்திருக்கிறது. கரிசல் இலக்கியத்தினுடைய வேறாக இருக்கக்கூடிய கி.ரா. அவர்கள் மறைந்த பொழுது, யாரும் கேட்காத வகையில் கூட அவருக்கு முழு அரசு மரியாதையோடு அவரது இறுதிப் பயணத்தை செய்தவர் நம்முடைய மாண்புமிகு தமிழ்நாடு முதல்வர் அவர்கள். மாண்புமிகு முதலமைச்சர் அவர்கள் எழுத்தாளர்களுக்காக அறித்திருக்கக்கூடிய கனவு இல்லம் திட்டம், பல்வேறு எழுத்தாளர்களை கௌரவிக்கக்கூடிய திட்டங்கள், இவை எல்லாம் தமிழ்நாட்டினுடைய இலக்கிய மரபில் புதிதாக வரக்கூடிய எழுத்தாளர்களுக்கும், இந்த எழுத்துக்களின் ஜாம்பவான்களுக்கும், ஒளி விளக்கை அவர் மீது பாய்ச்சக் கூடிய நடவடிக்கையாக இருக்கிறது."மரமும், மரபும்"; என்ற தலைப்பில் அதை எடுத்துக் கொண்டு, சூழலிலும் தொன்மையும் ஒருங்கிணைந்திருக்கக் கூடிய அந்த பொருண்மையின் அடிப்படையில் இந்த புத்தகத் திருவிழாவை கட்டமைத்திருக்கிறார்கள்.நம்முடைய விருதுநகர் மாவட்டத்தில் இந்த இரண்டு விஷயங்களில் மிகப்பெரிய செல்வத்தை நாம் பெற்று இருக்கிறோம். திருவில்லிபுத்தூர் மேகமலை புலிகள் காப்பகம், அது ஒரு காலத்தில் காப்புக்காடுகளாக இருந்த பகுதிகள் கூட சாம்பல் நிற உயிர்கள் சரணாலயமாக மாற்றப்பட்டு இன்று புலிகள் காப்பகமாக தரம் உயர்த்தப்பட்டுள்ளது.நம்முடைய மேற்கு மலை தொடர்ச்சி மலைகளில் மட்டுமே இருக்கக்கூடிய தாவரங்கள், வன உயிரினங்கள், ஊர்வன வகைகள் குறித்து இந்த புத்தக திருவிழாவில் காட்சிப்படுத்தப்பட்டுள்ளது.இமயமலைக்கு முன்பாகவே உருவாகி இருக்கக்கூடிய மேற்கு தொடர்ச்சி மலை என்ற பெருமையை நாம் பெற்றிருக்கிறோம். அங்கு வேறெங்கும் காணப்படாத உயிர்கள் இருக்கின்றன. ஒரு நாட்டின் நிலப்பரப்பு எத்தனையோ கோடிகள் ஆண்டுகளுக்கு முன்பாக உருவாகி இருக்கலாம். இதே விருதுநகர் மாவட்டத்தினுடைய கிழக்குப் பகுதியில் இருக்கக்கூடிய மதுரை- தூத்துக்குடி நெடுஞ்சாலையில் அமைந்திருக்க கூடிய ஆவியூர் என்கின்ற கிராமம். அங்கே தான் பழைய கற்காலம் என்று சொல்லக்கூடிய பேலியோலித்திக் அங்கே வாழ்ந்த மக்களால் உபயோகிக்கப்பட்ட ஒரு கற்கால கருவியை ராபர்ட் ப்ரூஸ் அவர்கள் கண்டுபிடிக்கப்பட்ட பகுதி நம்முடைய விருதுநகர் மாவட்டத்தின் கிழக்கு பகுதி.முன்னொரு காலத்தில் நாகரிகத்தினுடைய தொட்டில் வெம்பக்கோட்டை வைப்பாறாக இருந்திருக்கின்றது. கீழடி நாகரீகம் உருவாகுவதற்கு முன்பாகவே கூட நம்முடைய வைப்பாற்றிலே, அது உருவாகி இருக்கிறது. பெருங்ககற்காலத்தினுடைய ஈம சின்னங்கள், வரலாற்றுக் கால சின்னங்கள் இவையெல்லாம் தொடர்ச்சியாக வரலாற்றில் இடம் பெறக்கூடிய ஒரு மாவட்டம் இருக்கிறது என்று சொன்னால் அது நம்முடைய விருதுநகர் மாவட்டம். அந்த விருதுநகர் மாவட்டத்தின் உடைய தொன்மையை, அதனுடைய வரலாற்றை, நாம் குறிப்பிடக்கூடிய அந்த காலம் தொடங்கி அண்மைக்கால வரலாறு வரை நிறைந்திருக்க கூடிய இந்த விருதுநகர் மாவட்டத்தின் உடைய செழுமையை, அதனுடைய தொன்மையை, மரபை அதனுடைய சூழலியல் தொன்மையை உலகுக்கு எடுத்துக்காட்டு கூடிய வகையில் மிகச் சிறப்பாக இந்த புத்தகத் திருவிழாவை நம்முடைய மாவட்ட நிர்வாகம் வடிவமைத்து உள்ளது.இங்கு அடுக்கி வைக்கப்பட்டிருக்கக்கூடிய புத்தகங்கள் நம்முடைய அறிவு கண்களை திறப்பதாக இருக்கக் கூடியதாக அமைந்திருக்கிறது . தமிழ்நாடு எங்கும் இன்றைக்கு ஒரு மாபெரும் அறிவு புரட்சியை நம்முடைய மாண்புமிகு தமிழ்நாடு முதலமைச்சர் அவர்கள் உருவாக்கியிருக்கிறார்கள். தமிழ்நாட்டில் இருக்கக்கூடிய இந்த அறிவு புரட்சி என்பது இன்னும் குறிப்பிட்டுச் சொல்ல வேண்டும் என்று சொன்னால், நாம் கங்கை கொண்டாம், கடாரம் கொண்டோம், நம்முடைய சோழ மன்னர்களுடைய படையெடுப்பு கீழ் திசை நாடுகளில் இருந்திருக்கிறது அல்லது ரோம் நாட்டில் இருக்கக்கூடிய அரசியல் நம்முடைய கொற்கை முத்துக்களை வாங்கி ரோம் நாட்டினுடைய பொருளாதாரமே போய்விட்டது. அகஸ்டியஸ் காலத்தில் பாண்டிய தூதுவர் சென்றிருக்கிறார் என்றெல்லாம் நாம் சொல்லிக்கொள்ள முடியும். இவை எல்லாவற்றிற்கும் மேலாக நாம் பெருமைப்படக்கூடிய ஒன்று சிந்தனை மரபு, தத்துவ மரபு. இந்த தத்துவ மரபுதான் மேல்திசை நாடுகளுக்கும், கீழ் திசை நாடுகளுக்கும் இருக்கக்கூடிய மிகப்பெரிய ஒரு வேறுபாட்டை விளக்கக்கூடிய ஒன்று. சென்னையில் இருக்கக்கூடிய அண்ணா நூற்றாண்டு நூலகத்தை உருவாக்குகின்ற போது அந்த நூலகத்தினுடைய நுழைவாயிலே என்ன வாசகத்தை பொறிக்க வேண்டும் என்ற போது அன்றைய முதலமைச்சர் முத்தமிழ் அறிஞர் கலைஞர் அவர்கள் வேண்டும் என்று அன்றைய முதலமைச்சர் முத்தமிழறிஞர் கலைஞர் அவர்கள், புத்தகத்தில் உலகத்தை படிப்போம், உலகத்தையே புத்தகமாக படிப்போம் என்று அன்றைக்கு அவர்கள் எழுதியது தான் இன்றைக்கு இருக்கிறது. புத்தகங்கள் உங்கள் கையில் இருக்கக்கூடிய ஆயுதங்கள். அறிவு சுரங்கங்கள். மாணவச் செல்வங்களும் வந்திருக்கக்கூடிய புத்தக ஆர்வலர்களும் இலக்கிய நண்பர்களும் இந்த விழாவை திறன் பட பயன்படுத்திக் கொண்டு சிறந்திட வேண்டும் எனவே இந்த புத்தகத் திருவிழாவிற்கு அனைத்து பொதுமக்களும் வருகை தர வேண்டும் என மாவட்ட ஆட்சித்தலைவர் அவர்கள் தெரிவித்தார்.இந்நிகழ்ச்சியில் அமைச்சர் பெருமக்கள் அவர்களுக்கு மரம் வடிவிலான நினைவு பரிசினையும், விரு அமைப்பிலான இலட்சினையும், புத்தகங்களையும் மாவட்ட ஆட்சித்தலைவர் அவர்கள் வழங்கினார்.இந்நிகழ்ச்சியில், மாவட்ட வருவாய் அலுவலர் திரு.இரா.ராஜேந்திரன், சாத்தூர் கோட்டாட்சியர் திரு.சிவகுமார், மாவட்ட வழங்கல் அலுவலர் திருமதி அனிதா, விருதுநகர் நகர்மன்றத்தலைவர் திரு.மாதவன், திருச்சுழி ஊராட்சி ஒன்றிய குழு தலைவர் திரு.பொன்னுத்தம்பி உட்பட உள்ளாட்சி பிரதிநிதிகள், அரசு அலுவலர்கள் பலர் கலந்து கொண்டனர்.
விருதுநகரில் மாவட்ட நிர்வாகம், பொது நூலக இயக்ககம் மற்றும் தென்னிந்திய புத்தக விற்பனையாளர் மற்றும் பதிப்பாளர்கள் சங்கம் இணைந்து, விருதுநகர்-மதுரை சாலையில் அமைந்துள்ள கே.வி.எஸ் மேல்நிலைப்பள்ளி வளாகத்தில் உள்ள பொருட்காட்சி மைதானத்தில் 27.09.2024 முதல் 07.10.2024 வரை நடைபெறும் மூன்றாவது விருதுநகர் புத்தகத் திருவிழா வருவாய் மற்றும் பேரிடர் மேலாண்மைத்துறை அமைச்சர் திரு.கே.கே.எஸ்.எஸ்.ஆர்.ராமசந்திரன் அவர்கள் மற்றும் நிதி மற்றும் மனிதவள மேலாண்மைத்துறை அமைச்சர் திரு.தங்கம் தென்னரசு அவர்கள் ஆகியோர்களால் துவக்கி வைக்கப்பட்டு நடைபெற்று வருகிறது.அதன்படி, இரண்டாம் நாளான 28.09.2024 அன்று மாவட்ட கூடுதல் காவல் துணைக் கண்காணிப்பாளர் திரு.கே.அசோகன் அவர்கள் முன்னிலையில், மாவட்டக் காவல் கண்காணிப்பாளர் திரு.தெ.கண்ணன்,த.கா.ப., அவர்கள் தலைமையில், திருமதி புல்வை செல்வ மீனாள் அவர்கள் எழுதிய அறுகு என்ற நூல் வெளியீட்டு நிகழ்ச்சியும், பேச்சாளர் திரு.ஜோ.அருள் பிரகாசம் அவர்கள் “தமிழ்-மரபும் மண்ணும்” என்ற தலைப்பிலும், பேராசிரியர் சிவகாசி திரு.மு.ராமச்சந்திரன் அவர்கள் “மானுடக் காவல்” என்ற தலைப்பிலும், பட்டிமன்ற நடுவர் மற்றும் திரைப்படக் கலைஞர் திரு.மதுரை முத்து அவர்கள் “புத்தகமும் புன்சிரிப்பும்” என்ற தலைப்பிலும் சிறப்புரை ஆற்றினார்கள். இன்றைக்கு இந்த சமுதாயத்தில் புத்தகங்கள் வெளி வந்து கொண்டே இருக்கிறது. ஒவ்வொரு புத்தகமும் ஒவ்வொரு நாளும் பல்வேறு விஷயங்களை நமக்கு சொல்லிக் கொடுத்துக் கொண்டே இருக்கிறது. அப்படி சொல்லிக் கொடுத்து கொண்டே இருக்கின்ற போதுதான் மரமும் மரபும் எப்படி வந்தது என்று அறிய முடிகிறது.முல்லைக்கு தேர் கொடுத்தான் பாரி என்பது போன்ற கொடை தன்மை கொண்ட பல்வேறு விஷயங்களை நாம் கேட்டிருக்கிறோம். இதற்கு கொடை மடம் என்று சொல்வதுண்டு. ஒரு கொடை கொடுக்க வேண்டும் என்று நினைத்தால் தான் எந்த பெரிய பதவியில் இருந்தாலும் கூட அதை எல்லாம் மறந்து, அந்த குறையை போக்க வேண்டும் என்ற எண்ணம் மட்டுமே உதிக்கும். அது மட்டுமே ஒரு நோக்கமாக இருக்கும்.நம் மரபிலே வந்த சொற்கள் மாறுகிறது. நம் மரபிலே வந்த பழக்கவழக்கங்கள் மாறுகிறது. விஞ்ஞானம் தேவை என்று இல்லை நமது பண்பாட்டை நமது கலாச்சாரத்தை பாதுகாக்க வேண்டிய அவசியம் இருக்கிறது என்பதை நாம் புரிந்து கொள்ள வேண்டும். நம் மரபும் நம் மண்ணும் எல்லா காலத்திலும், எல்லா நேரத்திலும் நம்மை மனிதனாக வழிநடத்திக் கொண்டு இருக்கிறது.தற்போது இந்தியாவின் புகழ் உலகெங்கும் பரவுகிறது என்றால் அது அறிவும் படிப்பினால் தான். காற்று இருக்கிறது. அது பூவோடு சகவாசமாக வைத்தால் அது அதற்கு பெயர் வாசம். புல்லாங்குழலோடு சகவாசம் வைத்தால் அது ,சை. நம் மூக்கோடு சகவாசம் வைத்தால் அதற்கு பெயர் மூச்சு. சாக்கடையோடு சகவாசம் வைத்தால் அதற்கு பெயர் நாற்றம். நீங்கள் யாரோடு சகவாசம் வைக்கிறீர்கள் என்பதை பொறுத்து தான் உங்களுக்கான பெயர் தீர்மானிக்கப்படும் நல்ல புத்தகங்களோடு சவகாசம் வையுங்கள் நலம் பெறுவீர்கள் என தெரிவித்தார்.எந்த ஒரு பேதமும் இல்லாமல், எந்த ஒரு வேறுபாடும் இல்லாமல் காக்கின்ற இயற்கை அழகு ஒன்று இருக்கிறது. ஒரு இயற்கையின் சீதனம் ஒன்று இருக்கிறது. அதற்கு சம்பளமோ, பாராட்டிப் பேசவோ, அதை உயர்த்தி வைத்து கொண்டாட வேண்டாம். குறைந்தது வேரில் தண்ணீர் ஊற்றினால் போதும் அதற்கு பெயர் தான் மரம்.மனிதர்கள் மானுடத்தை காக்க வேண்டும் என்றால் கூட ஏதோ ஒன்றை எதிர்பார்க்கிறார்கள். எந்த துறையை சார்ந்தவர்களாக இருந்தாலும், அவர்கள் சம்பளம் கருதி வேலை பார்க்கிறார்கள். ஆனால் எதுவும் கருதாமல் இந்த மானுடத்தை காப்பது மட்டுமே நமது குறிக்கோளாக வைத்துக் கொண்ட , ஓரறிவு உயிர் மரம்.அந்த மரத்தால் மழை வருகிறது. அந்த மழையால் உலகம் இயங்குகிறது. மரம் மானுடத்தை காப்பதற்காக இறைவன் அனுப்பி வைத்த சீதனம். மரத்தை பாதுகாப்பதே தமது இலட்சியமாக உள்ளவர்கள் இருக்கிறார்கள். மரம் நடுவது என்பது நாம் பூமித்தாய்க்கு செய்கின்ற கைமாறு. ஒரு மரம் நட்டால் ஒரு இலட்சம் பேருக்கு அன்னதானம் செய்ததற்கு சமம்.மரம் மானுடக்காவல், மரத்தின் மூலம் கிடைக்கும் மழை மானுடக்காவல். மரத்தால் கிடைக்கும் காகிதம், அதனால் உருவாக்கப்படும் புத்தகம் மானுடக்காவல். இந்த புத்தகங்கள் மூலம் கிடைக்கின்ற கல்வி, அதன் மூலம் கிடைக்கின்ற அறிவு மானுடக்காவல். மானுடன் முழுமையும் காப்பது தான் மானுடக்காவல். கல்வி என்பது எனது மனதுக்குள் இருக்கக்கூடிய அத்தனை இருட்டுகளையும் போக்குவதுதான்.பள்ளிக்கூடத்தில் படித்ததெல்லாம் மறந்த பின்னாலும், எது நினைவில் நிற்கிறதோ அதுதான் உண்மையான கல்வி. அந்தக் கல்விக்கு அடிப்படை புத்தகம். எல்லாவற்றிற்கும் மேலாக உண்மையான மானுடக்கவால் என்பது, இந்த மானுட இனத்தில் இருக்கின்ற நல்ல மனிதர்கள், உத்தமர்கள், நேர்மையானவர்கள் தான் என தெரிவித்தார்.இந்நிகழ்ச்சியில் பட்டிமன்ற நடுவர் மற்றும் திரைப்பட கலைஞர் திரு.மதுரை முத்து அவர்கள் புத்தகமும் பொன் சிரிப்பும் என்ற தலைப்பில் பேசுகையில்:நூலகம் வைத்து வீடு கட்ட வேண்டும். சிரித்து மகிழ்ச்சியாக இருந்தால் மட்டும் போதும், நாம் நீண்ட நாள் வாழலாம். உயிருள்ள மனிதரை நீ நண்பராக்கிக் கொள்வதை விட உயிர் அற்ற புத்தகங்களை நண்பனாக ஆக்கிக் கொள். புத்தகத்தை விட ஒரு அழகான நண்பன் வேறு யாரும் கிடையாது.நூல் எழுதுவது என்பது நூல் மீது நடப்பதற்கு சமம் அந்த எழுத்தாளருக்கு. புத்தகங்களை படிக்கும்போது வரலாற்று சிறப்புமிக்க அந்த நபர்களோடு பேசுவதற்கு சமமானதை உணர்வீர்கள். எல்லா துறையிலும் சாதிக்க வேண்டும் என்று நினைப்பவர்களுக்கு அடிப்படையான விஷயம் என்பது புத்தக வாசிப்பு.கைப்பேசிகளில் நேரத்தை செலவழிப்பதை தவிர்த்து, புத்தகங்களுடன் நேரத்தை செலவிட வேண்டும் என பல்வேறு உதாரணங்களை கூறி நகைச்சுவை உணர்வோடு தெரிவித்தார்.இந்நிகழ்ச்சியில், மாவட்டக் கூடுதல் காவல் துணைக் கண்காணிப்பாளர் திரு.என்.சூரியமூர்த்தி அவர்கள் வரவேற்புரையும், காவல் துணைக் கண்காணிப்பாளர் திருமதி பவித்ரா அவர்கள் நன்றியுரையும் வழங்கினார்கள்.இந்நிகழ்ச்சியில் ஏராளமான பொதுமக்கள், மாணவ மாணவியர்கள் பலர் கலந்துகொண்டு பயன் பெற்றனர்.
விருதுநகர் - மதுரை சாலையில் அமைந்துள்ள கே.வி.எஸ் மேல்நிலைப்பள்ளி வளாகத்தில் உள்ள பொருட்காட்சி மைதானத்தில் மாவட்ட நிர்வாகம், பொது நூலக இயக்ககம் மற்றும் தென்னிந்திய புத்தக விற்பனையாளர் மற்றும் பதிப்பாளர்கள் சங்கம் இணைந்து, "மரமும், மரபும்"- என்ற பொருண்மையின் கீழ் நடைபெற்ற விருதுநகர் மூன்றாவது புத்தக திருவிழா இரண்டாம் நாள் (28.09.2024) நடைபெற்று வரும் நிகழ்ச்சியில், பள்ளி மாணவர்கள் புத்தக கண்காட்சியினை ஆர்வமுடன் பார்வையிட்டு புத்தகங்களை வாங்கி சென்றனர்.
மாவட்ட நிர்வாகம், பொது நூலக இயக்ககம் மற்றும் தென்னிந்திய புத்தக விற்பனையாளர் மற்றும் பதிப்பாளர்கள் சங்கம் இணைந்து, விருதுநகரில் அமைந்துள்ள கே.வி.எஸ் மேல்நிலைப்பள்ளி வளாகத்தில் உள்ள பொருட்காட்சி மைதானத்தில் 27.09.2024 முதல் 07.10.2024 வரை 11 நாட்களுக்கு காலை 10.00 மணி முதல் இரவு 09.00 மணி வரை நடைபெறவுள்ள விருதுநகர் மூன்றாவது புத்தகத் திருவிழா நடைபெற்று வருகிறது.இப்புத்தகத் திருவிழாவில் நூற்றுக்கும் மேற்பட்ட புத்தக அரங்குகள் அமைக்கப்பட்டுள்ளன. இப்புத்தக அரங்கில், கலை, இலக்கியம், வரலாறு, சரித்திரம், சமூகம், தன்னம்பிக்கை, சுய முன்னேற்றம், உலக தலைவர்களினுடைய வரலாற்று பதிவுகள், குழந்தைகளுக்கு அறிவை வளர்ப்பதற்கு தேவையான புத்தகங்கள் தமிழ் மற்றும் ஆங்கிலம், தகவல் களஞ்சியம் ((Encyclopedia), தமிழக அரசினுடைய வேலைவாய்ப்புக்கான தமிழ்நாடு அரசுப் பணியாளர் தேர்வாணையத்தின் மூலம் நடத்தப்படும் போட்டித் தேர்வுக்கான (TNPSC Guide) வழிகாட்டி புத்தகங்கள், IAS, IPS, IFS-படிப்பிற்கான வழிகாட்டி புத்தகங்கள், தமிழ்நாடு பாடநூல் கழகத்தின் பள்ளி புத்தகங்கள், சிறுவர்கள் முதல் பெரியவர்கள் வரை அனைத்து வயதினருக்கும் ஏற்ற வகையில் ரூ.10/- முதல் ரூ.1000/- வரையிலான புத்தகங்கள் ஆயிரக்கணக்கான தலைப்பில் இலட்சக்கணக்கான புத்தகங்கள் ஒரே கூரையின் கீழ் குவிக்கப்பட்டுள்ளது.தொல்லியல் துறை மூலம் வெம்பக்கோட்டை அகழாய்வில் கண்டெடுக்கப்பட்ட பொருட்களின் கண்காட்சி, தமிழ்நாடு வனத்துறையின் சார்பில் திருவில்லிபுத்தூர் மேகமலை புலிகள் காப்பகம் மூலம் மாவட்டத்தில் உள்ள ஆறுகள், மேற்கு தொடர்ச்சி மலை, அதில் வாழும் உயிரினங்கள் குறித்த கண்காட்சி அரங்கம், பழங்காலம் முதல் தற்போது வரை உள்ள நாணயங்கள் குறித்த கண்காட்சி மற்றும் சிறுவர்கள் விளையாடுவதற்கு பொழுதுபோக்கு அம்சங்களுடன் கூடிய காப்பிய பூங்கா உள்ளிட்ட விளையாட்டு பகுதிகள் மற்றும் பல்வேறு வகையான உணவு விற்பனை நிலையங்கள் உள்ளிட்ட பல்வேறு சிறப்பு அம்சங்களுடன் அனைத்துத் தரப்பு மக்களும் மாணவ, மாணவியர்களும் கலந்து கொண்டு பயன்பெறும் வகையில் அமைக்கப்பட்டுள்ளது.மேலும், மூன்றாவது விருதுநகர் புத்தக திருவிழாவில் மேடைப் பேச்சாளர்கள், எழுத்தாளர்கள், திரைப்பட இயக்குநர்கள் மற்றும் நடிகர்கள், கவிஞர்கள், முனைவர்கள், கலைஞர்கள் உள்ளிட்ட பிரபலங்கள் சிறப்பு விருந்தினர்களாக கலந்து கொண்டு, ஒவ்வொரு நாளும் பல்வேறு தலைப்புகளில் இலக்கிய அரங்கு, கருத்தரங்கு மற்றும் பட்டிமன்ற நிகழ்ச்சிகள் நடைபெற்று வருகின்றன.அதன்படி, (30.09.2024) அன்று ஆணையர், ஊரக வளர்ச்சி மற்றும் ஊராட்சித்துறை (பயிற்சி/ மாவட்டக் கண்காணிப்பு அலுவலர்) மேலாண்மை இயக்குனர் மரு.இரா.ஆனந்தகுமார்,I A S., அவர்கள் எழுதிய “ நிழலும் நெகிழும்”;, ஒரு நிமிசம் ஒரு விசயம்”என்ற நூல் வெளியீட்டு நிகழ்ச்சியும், மேலாண்மை இயக்குநர் தமிழ்நாடு நகர்ப்புற நிதி மற்றும் உள்கட்டமைப்பு மேம்பாட்டுக் கழகம் திரு.கே.விவேகானந்தன்,இ.ஆ.ப., அவர்கள் “நிழலும் நெகிழும்” என்ற தலைப்பிலும், காவல்துறை துணைத் தலைவர் முனைவர் இரா.திருநாவுக்கரசு,இ.கா.ப., அவர்கள் “திருக்குறள்” என்ற தலைப்பிலும், பொதுச்செயலாளர், தமிழ்நாடு கலை இலக்கியப் பெருமன்றம் மரு.த.அறம் அவர்கள் “ஒரே ஒரு பூமி” என்ற தலைப்பிலும் சிறப்புரை ஆற்ற உள்ளனர். மேலும், பேச்சாளர் திரு.எஸ்.ராஜா அவர்களின் பாரம்பரியத்தை பெரிதும் போற்றுபவர் ஆண்களே, பெண்களே என்ற தலைப்பில் பட்டிமன்றமும் நடைபெற உள்ளது.நாளை மறுநாள் 01.10.2024 அன்று திரு.பி.கே.பெரியமகாலிங்கம் அவர்கள் எழுதிய ரகசியம் என்ற நூல வெளியீட்டு நிகழ்ச்சியும், நாவலாசிரியர் திருமதி அ.வெண்ணிலா அவர்கள் “மரமும் மாதரும்” என்ற தலைப்பிலும், இந்து தமிழ் திசை நாளிதழ் முதுநிலை உதவி ஆசிரியர் கவிஞர் மு.முருகேஷ் அவர்கள் “குழந்தை இலக்கியத் தடத்தில்” என்ற தலைப்பிலும், கவிஞர் திருமதி கவிதா ஜவஹர் அவர்கள் “மண் பயனுற வேண்டும்” என்ற தலைப்பிலும் சிறப்புரை ஆற்ற உள்ளனர்.எனவே, இப்புத்தகத் திருவிழாவில் பொதுமக்கள், இளைஞர்கள், மாணவ, மாணவியர்கள் உள்ளிட்ட பல்வேறு தரப்பினரும் கலந்து கொண்டு பயன்பெற வேண்டுமென மாவட்ட ஆட்சித்தலைவர் முனைவர் வீ.ப.ஜெயசீலன்.I A S., அவர்கள் கேட்டுக்கொண்டுள்ளார்.
விருதுநகர் மாவட்ட ஊரக வளர்ச்சி முகமை அலுவலக கூட்டரங்கில், (27.09.2024) தமிழ்நாடு மாநில ஊரக வாழ்வாதார இயக்கம் சார்பில் “இரத்த சோகை இல்லாத கிராமம்” என்ற தலைப்பில் நடைபெற்ற சிறுதானியங்கள் மற்றும் பாரம்பரிய உணவுத் திருவிழானை மாவட்ட ஆட்சித்தலைவர் முனைவர் வீ.ப.ஜெயசீலன், I A S., அவர்கள் தொடங்கி வைத்தார்.கிராமப்புறங்களில் வாழும் குழந்தைகள், வளரிளம் பருவத்தினர், கர்ப்பிணிப்பெண்கள், பாலூட்டும் தாய்மார்கள் மற்றும் முதியோர்கள் ஆகியோர் போதிய ஊட்டச்சத்து விழிப்புணர்வு இல்லாமல் பலவித நோய்களுக்கு ஆளாக்கப்படுகின்றனர். இது குறித்து விழிப்புணர்வை ஏற்படுத்தும் 2024-25-ம் நிதி ஆண்டிற்கு “இரத்த சோகை இல்லாத கிராமம்” குறித்த சிறப்பு பிரச்சாரம் மற்றும் சிறுதானியங்கள் மற்றும் பாரம்பரிய உணவுத் திருவிழாவாக விருதுநகர் மாவட்டத்தில் மகளிர் சுய உதவிக்குழு உறுப்பினர்களைக் கொண்டு ஊராட்சி அளவிலும், வட்டார அளவிலும், பாரம்பரிய உணவுத் திருவிழா நடத்தப்பட்டு, அதில் வெற்றி பெற்றவர்களைக் கொண்டு மாவட்ட அளவில் சிறப்பு பிரச்சாரம் மற்றும் சிறுதானியங்கள் மற்றும் பாரம்பரிய உணவுத் திருவிழா இன்று நடத்தப்பட்டது. இந்நிகழ்ச்சியில், வெற்றி பெற்றவர்களுக்கு பாராட்டுச் சான்றிதழ்களை மாவட்ட ஆட்சித்தலைவர் அவர்கள் வழங்கினார்.இந்நிகழ்ச்சியில், திட்ட இயக்குநர்(தமிழ்நாடு மாநில ஊரக வாழ்வாதார இயக்கம்) திரு. திரு.ஜார்ஜ் ஆண்டனி மைக்கேல், அரசு அலுவலர்கள், மகளிர் சுய உதவிக்குழுக்களைச் சேர்ந்த பெண்கள் உட்பட பலர் கலந்து கொண்டனர்.
விருதுநகர் மாவட்ட ஆட்சியர் அலுவலக கூட்டரங்கில் (27.09.2024) ஸ்ரீவித்யா கல்வியியல் கல்லூரியில் முதலாமாண்டு பயின்று வரும் 30 கல்லூரி மாணவிகளுடனான "‘Coffee With Collector” என்ற 105- வது கலந்துரையாடல் நிகழ்ச்சியில் மாவட்ட ஆட்சித்தலைவர் முனைவர் வீ.ப.ஜெயசீலன்,I A S., அவர்கள் மாணவிகளுடன் கலந்துரையாடி, கல்லூரிகள் தேர்வு, உயர்கல்வி மற்றும் வேலைவாய்ப்பு குறித்த உரிய வழிகாட்டுதல் வழங்கினார்.விருதுநகர் மாவட்டத்தில் பள்ளி மற்றும் கல்லூரியில் பயிலும் மாணவ / மாணவியர்களுடன் கல்வி, பொது அறிவு, விளையாட்டு, ஓவியம், இசை உள்ளிட்ட பல்வேறு திறன் அடிப்படையில் மாணாக்கர்களின் திறன்களை கண்டறிந்து, மாணவ, மாணவியர்கள் தேர்ந்தெடுக்கப்பட்டு பிரதி வாரம் ஒருமுறை அவர்களை மாவட்ட ஆட்சித்தலைவர் அவர்கள் நேரில் அழைத்து கலந்துரையாடும் நிகழ்ச்சி தொடங்கப்பட்டு, இன்று 105 -வது முறையாக கலந்துரையாடல் நிகழ்ச்சி நடைபெற்றது.இந்த நிகழ்ச்சியின் முக்கிய நோக்கம், பள்ளி மற்றும் கல்லூரியில் பயிலும் மாணவர்களுடைய உயர்ந்த இலட்சியம், அவர்களுடைய உயர்கல்வி பயில்வதற்கு வழிகாட்டுதல், போட்டி தேர்வுகளை எதிர்கொள்ளுதல், தோல்வியை எவ்வாறு எதிர்கொள்வது, அவர்களுக்கு கல்வி, வேலைவாய்ப்பு உள்ளிட்ட பல்வேறு பிரிவுகளில் அவர்களுடைய சந்தேகங்களை அகற்றி, அவர்கள் வாழ்க்கையில் எங்கு பிறந்தோம், நாம் அரசு பள்ளியில் பயின்றோம், நமக்கு வசதி இல்லை, நமக்கு பின்புலம் இல்லை என்பதெல்லாம், வாழ்க்கையில் ஒரு உயர்ந்த இடத்தை அடைவதற்கு ஒரு தடை இல்லை என்பதை புரிய வைத்து, தன்னம்பிக்கை, விடாமுயற்சி, கடின உழைப்புடன் தொடர்ந்து உழைத்தால் நாம் எதையும் சாதிக்க முடியும் என்பதை உணர்த்தும் வகையில் சரியான வழிகாட்டுதல் வழங்குவதே இந்த நிகழ்ச்சியின் முக்கிய நோக்கமாகும்.இந்த கலந்துரையாடல் நிகழ்ச்சியில் கலந்து கொண்ட கல்லூரி மாணவிகளிடம், அவர்களுடைய இலட்சியம், அவர்களுக்கு எந்த துறையில் ஆர்வம் உள்ளது என்பது குறித்து கேட்டறிந்தார்.பள்ளி, கல்லூரி படிப்பு என்பது ஒருவரின் வாழ்க்கையில் ஒருமுறை மட்டுமே கிடைக்கும். எனவே பள்ளி மற்றும் கல்லூரி படிப்பின் மூலம் வாழ்க்கைக்கான பல அனுபவங்களை கற்றுக் கொள்ளலாம். அனுபவங்களில் இருந்து கிடைக்கும் கல்விதான் சிறந்த கல்வியாகும்.தமிழ் ஆர்வத்தை வளர்த்தல், சிறுகதை படைத்தல், படைப்பிலங்கியங்கள், தமிழ் அறிஞர்கள் குறித்தும் கல்லூரி மாணவிகளிடம் மாவட்ட ஆட்சித்தலைவர் அவர்கள் கலந்துரையாடினார்.கல்லூரி படிப்பில் சேர்வதற்கு விருப்பத்தின் அடிப்படையில் மட்டும் முடிவு எடுத்தல் கூடாது. அனைவருக்கும் இலட்சியம் உண்டு. இலட்சியத்தை அடைவதற்கு தொடர்ந்து விடா முயற்சி செய்ய வேண்டும். நிலையான தொடர்ச்சியான சிறிய முயற்சிகள் பெரிய மாற்றங்களை ஏற்படுத்துகிறது.மேலும், ஒவ்வொருவருக்கும் என்று தனித்திறமைகள் உள்ளன. அத்திறமைகளை அனைவரும் வளர்த்து கொண்டு வாழ்வில் முன்னேற வேண்டும் என மாவட்ட ஆட்சித்தலைவர்அவர்கள் தெரிவித்தார்.இந்த சந்திப்பில் கல்லூரியில் பயிலும் மாணவியர்கள் உற்சாகத்துடன் கலந்து கொண்டு, இந்த நிகழ்ச்சி மூலம் எங்களுக்கு ஒரு புத்துணர்வு, ஊக்கம் அளிப்பதாகவும், மாவட்ட ஆட்சியர் போன்று தாங்களும் சாதிக்க வேண்டும் என்ற எண்ணம் உருவாகி உள்ளதாகவும், எங்களுடைய கேள்விகள் மற்றும் சந்தேகங்களுக்கு மாவட்ட ஆட்சியர் தெளிவான விடை கொடுத்ததாகவும், நாங்களும் மாவட்ட ஆட்சியர் போன்று சாதித்து காட்டுவோம் என்றும், இந்த நிகழ்ச்சி ஏற்பாடு செய்ததற்கு மாவட்ட ஆட்சித்தலைவர் அவர்களுக்கு மாணவர்கள் தங்களது நன்றிகளை தெரிவித்துக்கொண்டனர்.
விருதுநகர் மாவட்ட ஆட்சியர் அலுவலகத்தில், உலக சுற்றுலா தினம் - 2024- னை முன்னிட்டு, “சுற்றுலாவும் அமைதியும்” (Tourism And Peace) என்ற கருத்துருவின் அடிப்படையில் கல்லூரி மாணவர்களிடையே நடைபெற்ற கட்டுரை, ஓவியம் மற்றும் வினாடிவினா போட்டிகளில் வெற்றி பெற்ற மாணவர்களுக்கு பரிசுகள் மற்றும் சான்றிதழ்களை மாவட்ட ஆட்சித்தலைவர் முனைவர் வீ.ப.ஜெயசீலன்,I A S, அவர்கள் (27.09.2024) வழங்கினார்.ஆண்டுதோறும் உலகம் முழுவதும் செப்டம்பர் 27 ஆம் நாள் உலக சுற்றுலா தினம் சிறப்பாக கொண்டாடப்பட்டு வருகிறது. தமிழ்நாடு அரசு சுற்றுலாத்துறை சார்பில் தமிழகம் முழுவதும் உலக சுற்றுலா தினத்தை முன்னிட்டு இவ்வாண்டில் “சுற்றுலாவும் அமைதியும்” என்ற கருப்பொருளோடு பல்வேறு நிகழ்ச்சிகள் நடத்தப்படுகின்றன.அதன்படி, விருதுநகர் மாவட்டத்தில் சுற்றுலாத்துறையின் சார்பாக விருதுநகர் அரசு அருங்காட்சியகத்துடன் இணைந்து கடந்த 24.09.2024 மற்றும் 25.09.2024 ஆகிய நாட்களில் கல்லூரி மாணவர்களிடையே நடைபெற்ற கட்டுரைப்போட்டி, ஓவியப்போட்டி மற்றும் வினாடிவினாப் போட்டிகளில் வெற்றி பெற்ற மாணவர்களுக்கு பரிசுகள் மற்றும் சான்றிதழ்களை மாவட்ட ஆட்சித்தலைவர் அவர்கள் வழங்கினார்.இந்நிகழ்வின்போது, மாவட்ட சுற்றுலா அலுவலர், அரசு அலுவலர்கள், மாணவர்கள் உட்பட பலர் கலந்து கொண்டனர்.
