விருதுநகர் மாவட்டம், சிவகாசி வட்டம், வேண்டுராயபுத்தில், (05.10.2024) சிவகாசி பசுமை மன்றம் சார்பில், அரசு மேய்ச்சல் புறம்போக்கு நிலத்தில், “பழவம் குறுங்காடு” எனும் சுமார் 40,000 மரக்கன்றுகள் நடும் நிகழ்ச்சியினை சிவகாசி சட்டமன்ற உறுப்பினர் திரு.ஜி.அசோகன் அவர்கள், சிவகாசி சார் ஆட்சியர் திருமதி ந.ப்ரியா,I AS., அவர்கள் மற்றும் துணை இயக்குநர் (திருவில்லிபுத்தூர் மேகமலை புலிகள் காப்பகம்) திரு.ப.தேவராஜ்.,இ.வ.ப., அவர்கள் ஆகியோர் முன்னிலையில், மாவட்ட ஆட்சித்தலைவர் முனைவர் வீ.ப.ஜெயசீலன், I A S., அவர்கள் மரக்கன்றுகள் நட்டு துவக்கி வைத்தார்.இந்த பழவம் குறுங்கட்டில், 210 விதமான 40,000 பூர்வீக மரக்கன்றுகள் நடப்பட உள்ளன. இதில், 6800 அடி பாசன குழாய்கள் அமைக்கப்பட்டு, 9000 மீட்டர் சொட்டுநீர் பாசனமும், 3510 அடி வேலி அமைத்தும் பராமரிக்கப்படுகிறது.மதுரையில் நேற்று வீசிய காற்றினால் நூற்றுக்கணக்கான மரங்கள் சாய்ந்துள்ளன. நூற்றுக்கணக்கான மரங்கள் மட்டுமல்ல ஆயிரக்கணக்கான மரக்கிளைகளை அது முறித்து இருக்கிறது. அக்டோபர் மாதம் இதற்கு முன்பான வானிலை குறிப்புகளை பார்த்தால் 150 ஆண்டுகளில் இந்த காலகட்டத்தில் எவ்வளவு வேகமாக காற்று வீசியதற்கான வரலாறு இல்லை. இதெல்லாம் பருவநிலை மாற்றத்தினால் ஏற்படும் பாதிப்புகளை காட்டுகிறது. குறிப்பாக தமிழ்நாடு அதிகப்படியாக நகர்ப்புறமாக வளர்ச்சி அடையக்கூடிய மாநிலமாக இருக்கிறது. தமிழ்நாட்டில் 50 சதவீதத்திற்கும் மேலான மக்கள் நகரப்புறங்களில் தான் வசிக்கிறார்கள். 2030ல் இது 70 சதவிகிதமாக மாறி விடும் என்கிறார்கள். வரும் 2040-ல் ஏறத்தாழ 90 சதவீதமான மக்கள் நகர்ப்புற பகுதிகளில் தான் வசிப்பார்கள். அதனால் நகரத்தின் மீது அவற்றின் இயற்கை வளங்களின் மீது நாம் தரக்கூடிய அழுத்தம் என்பது மிக அதிகமாக இருக்கின்றது. இட நெருக்கடி, சுற்றுச்சூழல், தனிமனித சுகாதாரத்தை ஒட்டி வரக்கூடிய பிரச்சினைகள் அதிகமாகும். நகரமயமாகும் போது அதற்கு ஏற்ப சாலைகள் விரிவாக்கம் உள்ளிட்ட பணிகளை மேற்கொள்ளும் போது உடனடியாக இது சுற்றுச்சூழலை பாதித்து பருவநிலை மாற்றத்தை உண்டாக்கும். எனவே நாம் வாழக்கூடிய பூமியில் இந்த பூமியை வாழ்வதற்கு ஏற்ப மாற்ற வேண்டுமானால், உரிய பசுமை பரப்பை நாம் வைத்திருக்க வேண்டும். ஒரு நாட்டில் 33 சதவீதம் பசுமை பரப்பு இருக்க வேண்டும். மூன்றில் ஒரு பகுதி காடுகளாக இருக்க வேண்டும். இது விருதுநகர் மாவட்டத்தில் 10 விழுக்காடுக்கும் குறைவாகவே இருக்கிறது.மரக்கன்றுகளை நடுதலை தினந்தோறும் மேற்கொள்ள வேண்டும். ஒவ்வொருவரும் அவர்கள் எந்த துறையில் பணிபுரிபவராக இருந்தாலும், அதை ஒட்டி நம்மால் முயன்ற அளவிற்கு சுற்றுச்சூழலை பாதுகாப்பதற்கு மரம் நடுதலை அதிகப்படியான எண்ணிக்கையில் மேற்கொள்ள வேண்டும். மரம் நடுவதோடு மட்டுமல்லாமல் அதை ஓராண்டுக்காவது பராமரிக்க வேண்டும்.ஒவ்வொரு நிறுவனங்களும் இது போன்ற இடங்களில் பசுமை பரப்பை உருவாக்குவதற்கு நடவடிக்கை மேற்கொள்ள வேண்டும். நமது மாவட்டத்தில் பட்டாசு தொழிற்சாலைகள் மட்டும் 1100 தொழிற்சாலைகள் இருக்கின்றன. பெரிய அளவிலான அச்சு தொழிற்சாலைகள் 400-க்கும் மேற்பட்ட தொழிற்சாலைகள் இருக்கின்றன. இந்த தொழிற்சாலைகள் எல்லாம் இணைந்து மரக்கன்றுகளை நட வேண்டும். அரசினுடைய நூற்றுக்கணக்கான ஏக்கர் நிலங்கள் காலியாக இருக்கிறது என்ற பட்டியலை எடுத்து வைத்திருக்கின்றோம். எனவே இது போன்ற நிறுவனங்கள் முன்வந்து ஓர் ஆண்டுக்கு குறைந்தபட்சம் ஒரு கோடி மரங்களை நடுவதற்கு நமது மாவட்டத்தில் அதற்கான வாய்ப்புகள் இருக்கின்றன.ஒரு கோடி மரங்கள் நடுவதற்கான இடங்கள் ஒவ்வொரு கிராமத்திலும் எங்கு இருக்கின்ற தொடர்பான ஒரு பட்டியலை கூட விரைவில் வெளியிடுவதற்கு நடவடிக்கை எடுத்து வருகிறோம். நமது மாவட்டத்தில் உள்ள அனைத்து 450 ஊராட்சிகளிலும் மரக்கன்றுகளை வளர்ப்பதற்கு மகாத்மா காந்தி தேசிய ஊரக வேலை உறுதித் திட்டத்தின் கீழ் ஒரு பணியாக எடுத்துக்கொண்டு நடவடிக்கை எடுத்து அனைத்து ஊர்களிலும் நர்சரி ஆரம்பிக்கப்பட்டுள்ளது. எனவே இந்த நிகழ்ச்சி என்பது ஒரு அடையாளமான நிகழ்ச்சி. இதுபோன்று நிறைய நிறுவனங்கள் பெருமளவு மரக்கன்றுகள் நடுவற்கு முயற்சிகள் மேற்கொள்ள வேண்டும் என தெரிவித்தார்.இந்நிகழ்ச்சியில், சிவகாசி ஊராட்சி ஒன்றியக்குழுத் துணைத்தலைவர் திரு.விவேகன்ராஜ், வனத்துறை அலுவலர்கள், தன்னார்வ தொண்டு நிறுவனங்கள், தனியார் தொழிற்சாலை அலுவலர்கள், பணியாளர்கள், மற்றும் அரசு அலுவலர்கள் உட்பட பலர் கலந்து கொண்டனர்.
விருதுநகர் மாவட்டம், விருதுநகர் - மதுரை தேசிய நெடுஞ்சாலையில் அமைந்துள்ள வி.வி.வன்னியப்பெருமாள் பெண்கள் கல்லூரியில், (05.10.2024) மாவட்ட வேலைவாய்ப்பு மற்றும் தொழில்நெறி வழிகாட்டுதல் மையம் மற்றும் தமிழ்நாடு மாநில ஊரக/நகர்ப்புற வாழ்வாதார இயக்கம் இணைந்து நடத்தும், மாபெரும் தனியார்துறை வேலைவாய்ப்பு முகாமில் மாவட்ட ஆட்சித்தலைவர் முனைவர் வீ.ப.ஜெயசீலன்.,I A S, அவர்கள் தலைமையில், சாத்தூர் சட்டமன்ற உறுப்பினர் திரு.ஏ.ஆர்.ஆர்.ரகுராமன் அவர்கள் முன்னிலையில், விருதுநகர் பாராளுமன்ற உறுப்பினர் திரு.ப.மாணிக்கம் தாகூர்; அவர்கள் தேர்வு செய்யப்பட்ட 20 நபர்களுக்கு பணி நியமன ஆணைகளை வழங்கினார்.பின்னர், மாவட்ட வேலைவாய்ப்பு அலுவலகம் மூலம் தன்னார்வ பயிற்சி மையத்தில் பயின்று, அரசு போட்டி தேர்வில் வெற்றி பெற்று அரசு பணியினை பெற்ற 12 மாணவர்களுக்கு பாராட்டு சான்றிதழ்கள் மற்றும் கேடயத்தினை விருதுநகர் பாராளுமன்ற உறுப்பினர் அவர்கள் வழங்கினார். தமிழ்நாடு முதலமைச்சர் அவர்கள் தலைமையிலான அரசு, வேலை வாய்ப்புகளை உருவாக்குவது, அந்த வேலைக்குத் தகுதியான இளைஞர்களை உருவாக்குவது, படித்த இளைஞர்களுக்கு தகுதியான வேலைவாய்ப்பினை ஏற்படுத்தித் தருவது போன்றவற்றை முக்கியக் குறிக்கோளாகக் கொண்டு செயல்பட்டு வருகிறது. அதனடிப்படையில் இன்று இந்த மாபெரும் தனியார்துறை வேலைவாய்ப்பு முகாம் நடைபெற்றுள்ளது.இந்த தனியார் துறை வேலைவாய்ப்பு முகாம்கள், வேலையளிப்போர் மற்றும் வேலை தேடுவோர் ஆகிய இரண்டு தரப்பையும் நேரடியாக இணைத்து அவர்களின் தேவைகளைப் பூர்த்தி செய்து கொள்ள ஒரு பாலமாக அமைந்திருக்கின்றன.மேலும், பெண்கள் அதிகமாக பணிக்கு செல்கின்ற மாநிலமாக தமிழ்நாடு தான் திகழ்கிறது. ஒரு காலத்தில் அடுப்படியில் இருந்த பெண்கள் தற்பொழுது எல்லாத் துறைகளிலும் சென்று சாதித்து வருகின்றனர்.நீங்கள் கல்லூரி படிப்பை முடித்து விட்டு திரும்பும் போது, அனைவரும் தங்களது திறன்களை வளர்த்து கொள்ள வேண்டும். இந்த வயதில் கற்றல் என்பது மிக மிக முக்கியமானதாகும். உங்களது ஆர்வத்தை அதிகப்படுத்தி அதன் மூலம் உங்கள் திறமைகளை வளர்த்து கொள்ள வேண்டும்.மேலும், இளைஞர்கள் கல்வி கற்றலை கைவிடாது தங்களுடைய திறன்களை வளர்த்துக் கொண்டால் எதிர்காலம் சிறப்பாக அமையும் என்றும் விருதுநகர் பாராளுமன்ற உறுப்பினர் அவர்கள் தெரிவித்தார்.இன்று உலக அளவில் இருக்கக்கூடிய மிக முக்கியமான பிரச்சனை வேலைவாய்ப்பின்மை ஆகும். அதே நேரத்தில் உலகத்தினுடைய மிக முக்கியமான வேலை வாய்ப்புகளை ஆய்வு செய்யும் அமைப்பான இன்டர்நேஷனல் லேபர் ஆர்கனேஷன் என்ற அமைப்பு பல மில்லியன் கணக்கான வேலைகளுக்கு ஆட்கள் சரியாக கிடைக்கவில்லை என்று தெரிவிக்கிறது. வேலை வாய்ப்பு என்பது எவ்வளவு பெரிய பிரச்சனையோ அதற்கு இணையான பிரச்சனையாக வேலைக்கான தகுதியின்மை இல்லை எனப்படுகிறது.இந்தியாவில் பன்னிரெண்டாம் வகுப்பு முடித்துவிட்டு உயர்கல்விக்கு செல்லக்கூடிய மாணவர்களின் எண்ணிக்கையில் சுமார் 33 விழுக்காடு இருக்கிறது. இந்தியாவிலேயே தமிழ்நாட்டில் உயர்கல்விக்கு செல்லக்கூடிய மாணவர்களின் எண்ணிக்கை சுமார் 60 விழுக்காடு உள்ளது. விருதுநகர் மாவட்டத்தில் கடந்தாண்டு 97 விழுக்காடு மாணவர்கள் உயர்கல்விக்கு சென்று இந்தியாவிலேயே முதன்மை மாவட்டமாக உள்ளது.மேலும், தாங்கள் பெற்ற அறிவு, கற்ற அறிவு ஆகியவற்றை வைத்து தங்கள் திறன்களை வளர்த்து கொள்வது மிக மிக முக்கியம் ஆகும். தற்பொழுது உள்ள காலத்தில் நவீன தொழில்நுட்பங்கள் உதவியுடன் நமது திறன்களை வளர்ப்பது என்பது மிக எளிதான ஒன்றாக உள்ளது.மேலும், தாங்கள் அனைவரும் தொழில் தொடங்குவதற்கு, பல்வேறு திட்டங்கள் உள்ளன. மாவட்ட தொழில் மையத்தின் மூலம் என்னென்ன திட்டங்கள் உள்ளன, என்னென்ன கடன் உதவிகள் வழங்கப்படுகின்றன மற்றும் குறைந்த வட்டி வீதத்தில் கடன்கள் வழங்கப்படுகின்றனவா என்பது குறித்தும், அரசானது பல்வேறு பயிற்சி வகுப்புகளை தொடர்ச்சியாக நடத்தி வருகிறது. அது குறித்து அனைவரும் இணையத்திலும், நாளிதழ்களிலும் நன்கு கவனித்து பயன்பெற வேண்டும் எனவும் தெரிவித்தார்.மேலும், இன்றைக்கு வேலை வாய்ப்புகள் இல்லை என்பது எவ்வளவு முக்கியமோ, அதை விட முக்கியம் வேலைக்கு தகுதியான நபர்கள் இல்லை என்பது தான். எனவே, ஒவ்வொருவரும் தங்களுடைய அறிவை திறன்களாக மாற்றி கொள்ள வேண்டும்.நீங்கள் அனைவரும் அறிவை திறன்களாக மாற்ற வேண்டும். உலகளவில் உள்ள வாய்ப்புகள், இந்திய அளவில் உள்ள வாய்ப்புகள், பயிற்சி வாய்ப்புகள், கடன் வாய்ப்புகள் என எல்லாவற்றையும் தெரிந்து கொண்டு, தங்களுடைய திறன்களை வளர்த்து முன்னேற வேண்டும்.இந்தியாவில் ஏறத்தாழ இரண்டு இலட்சம் வேலைவாய்ப்புகளை ஒவ்வொரு ஆண்டும் ஒன்றிய அரசின் கீழ், பல்வேறு நிறுவனங்கள் வாயிலாக உருவாக்கி தருகின்றது. அதே போன்று, தமிழக அரசும் 20,000 முதல் 30,000 வரை வேலைவாய்ப்புகளை ஒவ்வொரு ஆண்டும் வழங்கி வருகிறது. அதனை அனைவரும் பயன்படுத்தி கொள்ள வேண்டும்.மேலும், தனியார் வேலைவாய்ப்பு என்பது எதிர்காலத்தில் அதிகப்படியான வேலைவாய்ப்பையும், அதிகப்படியான சம்பளத்தையும் வழங்கி வருகிறது. எனவே, எதிர்காலத்தில் அரசு வேலைவாய்ப்பு, தனியார் வேலைவாய்ப்பு மற்றும் சுய தொழில் வேலை வாய்ப்பு என அனைத்தும் அதிமாக இருக்கிறது. இதில் எல்லாவற்றிலும் நமது மாணவர்கள் சோம்பலை விடுவித்து, திறன்களை வளர்த்து கொண்டால் தான் வாழ்வில் வெற்றி பெற முடியும் என மாவட்ட ஆட்சித்தலைவர் அவர்கள் தெரிவித்தார்.இந்த முகாமில் 150-க்கும் மேற்பட்ட பல்வேறு தனியார் நிறுவனங்கள் கலந்து கொண்டனர். மேலும், சுமார் 1000-த்திற்கு மேற்பட்டவர்கள் பதிவு செய்து கலந்து கொண்டனர்.
விருதுநகர் மாவட்டம் இராஜபாளையம் நகராட்சி அலுவலகத்தில் (04.10.2024) நகராட்சி நிர்வாகப் பணிகளின் முன்னேற்றம், நகராட்சி பகுதிகளில் மேற்கொள்ளப்பட்டு வரும் பணிகள் அதனுடைய தற்போதைய நிலை உள்ளிட்டவை குறித்து தொடர்புடைய அரசு அலுவலர்களுடன் மாவட்ட ஆட்சித் தலைவர் முனைவர் வீ.ப.ஜெயசீலன் , I A S, அவர்கள் ஆய்வு செய்து, அறிவுரை மற்றும் ஆலோசனைகளை வழங்கினார்.
விருதுநகர் மூன்றாவது புத்தகத் திருவிழா- 2024 ஏழாம் நாளான 03.10.2024 அன்று இணைப்பதிவாளர்(கூட்டுறவு சங்கங்கள்) திரு.பா.செந்தில்குமார் அவர்கள் தலைமையில்,தென்சென்னை நாடாளுமன்ற உறுப்பினர் கவிஞர் முனைவர் தமிழச்சி தங்கப்பாண்டியன் அவர்கள் “புத்தகம் - காகிதமல்ல கனவுகள்” என்ற தலைப்பிலும்,எழுத்தாளர் சு.இலட்சுமணப் பெருமாள் அவர்கள்“புத்தகங்கள் - அட்சயப் பாத்திரங்கள்” என்ற தலைப்பிலும் எழுத்தாளர் புலவர் மா.இராமலிங்கம் அவர்கள் “மரம் நமக்கு வரம்” என்ற தலைப்பில் சிறப்புரையாற்றினார்கள்.இந்நிகழ்ச்சியில், மாவட்ட வழங்கல் அலுவலர் திருமதி அனிதா அவர்கள் வரவேற்புரையும், மாவட்டப் பதிவாளர்(பதிவுத்துறை) திருமதி சி.சசிகலா அவர்கள் நன்றியுரையும் வழங்கினார்கள்.இந்நிகழ்ச்சியில் ஏராளமான பொதுமக்கள், மாணவ மாணவியர்கள் பலர் கலந்துகொண்டு பயன் பெற்றனர்.
விருதுநகர் தங்கச்சி அம்மன் திருமண மண்டபத்தில், மத்திய அரசின் நிதி ஆயோக் அமைப்பின் வாயிலாக தேர்வு செய்யப்பட்ட முன்னேற விழையும் மாவட்டமான விருதுநகர் மாவட்டத்திற்கு நிர்ணயிக்கப்பட்ட 6 இலக்குகளை முழுமையாக அடைவதற்கான முழு நிறைவுத் திட்டம் குறித்த ஆலோசனை மற்றும் விழிப்புணர்வு முகாம் மாவட்ட ஆட்சித்தலைவர் முனைவர் வீ.ப.ஜெயசீலன்., I A S., அவர்கள் தலைமையில் (03.10.2024) நடைபெற்றது.இந்நிகழ்ச்சியில், தமிழ்நாடு மாநில ஊரக வாழ்வாதார இயக்கம் 3 மகளிர் சுய உதவி குழுக்களுக்கு மொத்தம் ரூ.3 இலட்சம் கடனுதவிகளையும், மருத்துவத்துறை சார்பில் 15 கர்ப்பிணித் தாய்மார்களுக்கு ஊட்டச்சத்து பெட்டகங்களையும், வேளாண்மைத்துறை மூலம் 9 பயனாளிகளுக்கு மண்வள அட்டைகளையும் மாவட்ட ஆட்சித்தலைவர் அவர்கள் வழங்கினார்.இந்திய அரசினுடைய நிதி ஆயோக் அமைப்பின் மூலம் முன்னேற விழையும் மாவட்டம் மற்றும் முன்னேற விழையும் வட்டாரம் திட்டத்தின் கீழ் அனைத்துத் துறைகளையும் ஒருங்கிணைத்து பல்வேறு சிறப்புத் திட்டங்கள் செயல்படுத்தப்பட்டு வருகிறது. முன்னேற விழையும் மாவட்டம் மற்றும் முழு நிறைவுத் திட்டத்தின் கீழ் வளரிளம் பெண்கள், குழந்தைகள், கர்ப்பிணித் தாய்மார்கள் ஆகியோர்களுக்கான ஊட்டச்சத்து உணவுகளை வழங்குவதற்கு முயற்சி எடுத்து பிரசவத்தின் போது ஏற்படும் மரணங்களை தவிர்த்து நல்லமுறையில் குழந்தைப்பேறு அடைந்து தாயும் சேயும் நலமாக இருக்க சீரிய முயற்சி எடுக்கப்பட்டு வருகிறது.விவசாயிகளுக்கு அவர்களுடைய வாழ்வாதாரம், விவசாயிகள் அதிகமாக உற்பத்தியைப் பெருக்குதல், புதிய பயிர்களை விளைவிப்பதன் மூலமாக விவசாயிகளுடைய வருமானத்தை பெருக்குவது, பெண்கள் சிறு தொழில்களை செய்வதன் மூலமாக, குறிப்பாக கடன் உதவிகளை பெற்று அவர்கள் பகுதியிலேயே சிறிய தொழில்களை தொடங்குவதன் மூலமாக பொருளாதார வாய்ப்புகளை பெறுதல் இதன் நோக்கமாகும்.இது தொடர்பாக முழு நிறைவுத் திட்டத்தின் கீழ் விவசாயம், கல்வி, மருத்துவம், சுகாதாரம், ஊட்டச்சத்து, மகளிர் மேம்பாடு ஆகிய துறைகள் தொடர்புடைய குறிப்பிட்ட ஆறு குறியீடுகளுக்கான 100 சதவிகித இலக்கினை அடைய திட்டமிடப்பட்டுள்ளது.மத்திய மாநில திட்டங்களை எல்லாம் ஒருங்கிணைத்து அனைத்து தரப்பு மக்கள், பெண்கள், குழந்தைகள், கர்ப்பிணி தாய்மார்கள் மற்றும் மாணவர்கள் என மக்களினுடைய நலனுக்காக திட்டங்களை எல்லாம் முழுமையாக்க வேண்டும் என்பதற்காகத்தான் இந்த திட்டத்தை செயல்படுத்திக் கொண்டிருக்கிறார்கள்.இந்த திட்டங்களை நீங்கள் தெரிந்து கொள்ள வேண்டும். இதில் மக்கள் பங்கேற்பும் இருக்க வேண்டும். கருவுற்ற மூன்று மாதங்களுக்குள் பதிவு செய்யப்பட வேண்டும். ஏனென்றால் மூன்று மாதத்துக்குள் பதிவு செய்யும் பொழுது தான் அவர்களிடத்தில் இருக்கக்கூடிய ஹீமோகுளோபின் அளவு, ஊட்டச்சத்து குறைபாடுகள் என அனைத்தையும் சரி செய்து, பிரசவத்தின் போது ஏற்படும் சிக்கல்களை சரிசெய்ய முடியும்.பெண் குழந்தைகளுக்கு இரத்த சோகை தவிர்க்கும் வகையில், அவர்களுக்கான ஊட்டச்சத்துக்களை உறுதி செய்ய வேண்டும். இரும்புச்சத்து குறைபாடுகள் இருப்பின், முறையாக கண்டறிந்து, அரசு மருத்துவமனைகளில் வழங்கப்படும் இரும்புச்சத்து மாத்திரைகளை உட்கொள்ள வேண்டும்.18 வயது முன்பாக குழந்தைகளுக்கு திருமணம் செய்து வைப்பது சட்டப்படி தவறாகும். அப்படி திருமணம் செய்து வைக்கும் பெற்றோர்கள் மீதும், திருமணம் செய்து கொண்ட ஆணின் மீதும் குற்ற வழக்கு பதிவு செய்யப்படுகிறது. எனவே, குழந்தை திருமணத்தை அனைத்து பெற்றோர்களும் தவிர்க்க வேண்டும். அவ்வாறு கண்டறியப்பட்டால் அவர்களின் மீது கடுமையான நடவடிக்கை மேற்கொள்ளப்படும்.விவசாயிகள் மண் பரிசோதனை செய்து, அதற்கு ஏற்றாற்போல் பயிர் செய்ய வேண்டும். மண்ணின் தன்மை, சத்துக்களுக்கு ஏற்ப உரம் இட வேண்டும். இதனால் மகசூல் அதிகமாக கிடைக்கிறது. எனவே, விவசாயிகள் அனைவரும் வேளாண்மை துறை அலுவலர்களை அணுகி பயன்பெறலாம்.நமது பகுதியில் மகளிர் சுய உதவி குழுக்கள் உள்ளன. அந்த சுய உதவி குழுக்களுக்கு சுழல் நிதி அரசு வழங்குகிறது. அந்த நிதியை பெற்று அதன் மூலம் தொழில் செய்து, தங்கள் பொருளாதாரத்தை உயர்த்தி கொள்ள வேண்டும். மகளிர் சுய உதவிக்குழுக்களுக்கு தொழில் தொடங்குவதற்காக பயிற்சிகளும் வழங்கப்பட்டு வருகிறது. இதனை பயன்படுத்தி கொள்ள வேண்டும்.இது போன்ற ஒவ்வொரு துறைகளுக்கும் இலக்குகள் உள்ளன. இந்த இலக்குகளை அடைந்த மாவட்டம் மற்றும் வட்டாரமாக விருதுநகர் மாவட்டம் உருவாக வேண்டுமென்றால், இது குறித்து அனைவரும் புரிந்து கொள்ள வேண்டும் என்பதற்கு தான் இந்த முழு நிறைவுத் திட்டம் தொடங்கப்பட்டுள்ளது.இந்த திட்டங்களினுடைய பயன்கள் ஏழை, எளிய பொதுமக்கள், பெண்கள், குழந்தைகளுக்கு கிடைக்க வேண்டுமென்றால், முதலில் அது குறித்த புரிதல், விழிப்புணர்வு மிகவும் அவசியம். இவற்றை முறையாக அரசு அதிகாரிகள் செயல்படுத்த வேண்டும் என மாவட்ட ஆட்சித்தலைவர் அவர்கள் தெரிவித்தார்.மேலும், விவசாயம், மருத்துவம் மற்றும் சுகாதாரம், ஊட்டச்சத்து, மகளிர் மேம்பாடு ஆகிய துறைகள் சார்பாக அமைக்கப்பட்டிருந்த கண்காட்சி அரங்குகளை மாவட்ட ஆட்சித்தலைவர் அவர்கள் பார்வையிட்டார்.
விருதுநகரில் மாவட்ட நிர்வாகம், பொது நூலக இயக்ககம் மற்றும் தென்னிந்திய புத்தக விற்பனையாளர் மற்றும் பதிப்பாளர்கள் சங்கம் இணைந்து, விருதுநகர்-மதுரை சாலையில் அமைந்துள்ள கே.வி.எஸ் மேல்நிலைப்பள்ளி வளாகத்தில் உள்ள பொருட்காட்சி மைதானத்தில் 27.09.2024 முதல் 07.10.2024 வரை நடைபெறும் மூன்றாவது விருதுநகர் புத்தகத் திருவிழா நடைபெற்று வருகிறது.அதன்படி, ஆறாம் நாளான 02.10.2024 அன்று நகராட்சி நிர்வாக மண்டல இயக்குநர்(திருநெல்வேலி) திருமதி பெ.விஜயலட்சுமி அவர்கள் தலைமையில், திரு.கா.சி.தமிழ்க்குமரன் அவர்கள் எழுதிய “மந்தைப் பிஞ்சை” என்ற நூல் வெளியீட்டு நிகழ்ச்சியும், சாகித்ய அகாடமி விருதாளர் எழுத்தாளர் திரு.சோ.தர்மன் அவர்கள் “மனிதர்களும் மரங்களும்” என்ற தலைப்பிலும், பேச்சாளர் திரு.பாரதிகிருஷ்ணகுமார் அவர்கள் “தாயினும் சாலப்பரிந்து” என்ற தலைப்பிலும் சிறப்புரை ஆற்றினார்கள். மேலும் படைப்புலகில் பெண்கள் என்ற தலைப்பில் எழுத்தாளர் சூ.பாமா, திருமதி ர.ரமாதேவி, திருமதி பிருந்தா ஜ.ராகவன் அவர்கள் ஆகியோர்கள் கலந்து கொண்ட நேர்காணல் நிகழ்ச்சி நடைபெற்றது.இந்நிகழ்ச்சியில், மாவட்ட திட்ட அலுவலர்(ஒருங்கிணைந்த குழந்தைகள் வளர்ச்சி திட்டம்) திருமதி தனலட்சுமி அவர்கள் வரவேற்புரையும், மாவட்ட சமூக நல அலுவலர் திருமதி ம.ஷீலா சுந்தரி அவர்கள் நன்றியுரையும் வழங்கினார்கள்.இந்நிகழ்ச்சியில் ஏராளமான பொதுமக்கள், மாணவ மாணவியர்கள் பலர் கலந்துகொண்டு பயன் பெற்றனர்.
விருதுநகர் மாவட்ட ஆட்சியர் அலுவலக கூட்டரங்கில் (03.10.2024) சிவகாசி அய்யநாடார் ஜானகி அம்மாள் கல்லூரியில் பல்வேறு துறைகளில் பயிலும் 60 கல்லூரி மாணவர்களுடனான "Coffee With Collector” என்ற 106- வது கலந்துரையாடல் நிகழ்ச்சியில் மாவட்ட ஆட்சித்தலைவர் முனைவர் வீ.ப.ஜெயசீலன், I A S,அவர்கள் மாணவ, மாணவிகளுடன் கலந்துரையாடினார்.இந்த 106-வது காபி வித் கலெக்டர் நிகழ்வில் கலந்து கொண்ட அய்ய நாடார் ஜானகி அம்மாள் அறிவியல் மற்றும் கலைக் கல்லூரியில் இரண்டாம் ஆண்டு ஆங்கிலம் பயிலும் பார்வை திறன் குறைந்த மாணவி செல்வி சூர்யா அவர்கள், தனக்கு பாடங்களை எளிதாக படிப்பதற்கு உரிய கேட்கும் கருவி வேண்டும் என்று வேண்டுகோள் விடுத்ததன்பேரில், அம்மாணவிக்கு உடனடியாக மாவட்ட ஆட்சித்தலைவர் அவர்கள் "Daisy player" என்னும் ஒலிப்பதிவு கருவியை வழங்கினார்.விருதுநகர் மாவட்டத்தில் பள்ளி மற்றும் கல்லூரியில் பயிலும் மாணவ ஃ மாணவியர்களுடன் கல்வி, பொது அறிவு, விளையாட்டு, ஓவியம், இசை உள்ளிட்ட பல்வேறு திறன் அடிப்படையில் மாணாக்கர்களின் திறன்களை கண்டறிந்து, மாணவ, மாணவியர்கள் தேர்ந்தெடுக்கப்பட்டு பிரதி வாரம் ஒருமுறை அவர்களை மாவட்ட ஆட்சித்தலைவர் அவர்கள் நேரில் அழைத்து கலந்துரையாடும் நிகழ்ச்சி தொடங்கப்பட்டு, இன்று 106-வது முறையாக கலந்துரையாடல் நிகழ்;ச்சி நடைபெற்றது.இந்த நிகழ்ச்சியின் முக்கிய நோக்கம், பள்ளி மற்றும் கல்லூரியில் பயிலும் மாணவர்களுடைய உயர்ந்த இலட்சியம், அவர்களுடைய உயர்கல்வி பயில்வதற்கு வழிகாட்டுதல், போட்டி தேர்வுகளை எதிர்கொள்ளுதல், தோல்வியை எவ்வாறு எதிர்கொள்வது, அவர்களுக்கு கல்வி, வேலைவாய்ப்பு உள்ளிட்ட பல்வேறு பிரிவுகளில் அவர்களுடைய சந்தேகங்களை அகற்றி, அவர்கள் வாழ்க்கையில் எங்கு பிறந்தோம், நாம் அரசு பள்ளியில் பயின்றோம், நமக்கு வசதி இல்லை, நமக்கு பின்புலம் இல்லை என்பதெல்லாம், வாழ்க்கையில் ஒரு உயர்ந்த இடத்தை அடைவதற்கு ஒரு தடை இல்லை என்பதை புரிய வைத்து, தன்னம்பிக்கை, விடாமுயற்சி, கடின உழைப்புடன் தொடர்ந்து உழைத்தால் நாம் எதையும் சாதிக்க முடியும் என்பதை உணர்த்தும் வகையில் சரியான வழிகாட்டுதல் வழங்குவதே இந்த நிகழ்ச்சியின் முக்கிய நோக்கமாகும்.இந்த கலந்துரையாடல் நிகழ்ச்சியில் கலந்து கொண்ட கல்லூரி மாணவ, மாணவிகளிடம், அவர்களுடைய இலட்சியம், அவர்களுக்கு எந்த துறையில் ஆர்வம் உள்ளது என்பது குறித்து கேட்டறிந்தார்.பள்ளி, கல்லூரி படிப்பு என்பது ஒருவரின் வாழ்க்கையில் ஒருமுறை மட்டுமே கிடைக்கும். எனவே பள்ளி மற்றும் கல்லூரி படிப்பின் மூலம் வாழ்க்கைக்கான பல அனுபவங்களை கற்றுக் கொள்ளலாம். அனுபவங்களில் இருந்து கிடைக்கும் கல்விதான் சிறந்த கல்வியாகும்.மத்திய மாநில அரசுகளின் மூலம் நடத்தப்பெறும் பல்வேறு போட்டித்தேர்வுகள் குறித்து தெரிந்து கொண்டு, அதில் முழு ஈடுபாட்டுடன் அந்த இலக்கை நோக்கி சென்றால் வெற்றி பெற முடியும். மேலும், ஒவ்வொருவருக்கும் என்று தனித்திறமைகள் உள்ளன. அத்திறமைகளை அனைவரும் வளர்த்து கொண்டு வாழ்வில் முன்னேற வேண்டும் என மாவட்ட ஆட்சித்தலைவர் அவர்கள் தெரிவித்தார்.கல்லூரி மாணவ மாணவர்கள் போட்டித் தேர்வை எவ்வாறு எதிர்கொள்வது என்பது தொடர்பாக மாணவ, மாணவிகளிடையே மாவட்ட ஆட்சித்தலைவர் அவர்கள் கலந்துரையாடி விழிப்புணர்வு ஏற்படுத்தினார்.இந்த சந்திப்பில் கல்லூரியில் பயிலும் மாணவ, மாணவியர்கள்; உற்சாகத்துடன் கலந்து கொண்டு, இந்த நிகழ்ச்சி மூலம் எங்களுக்கு ஒரு புத்துணர்வு, ஊக்கம் அளிப்பதாகவும், மாவட்ட ஆட்சியர் போன்று தாங்களும் சாதிக்க வேண்டும் என்ற எண்ணம் உருவாகி உள்ளதாகவும், எங்களுடைய கேள்விகள் மற்றும் சந்தேகங்களுக்கு மாவட்ட ஆட்சியர் தெளிவான விடை கொடுத்ததாகவும், நாங்களும் மாவட்ட ஆட்சியர் போன்று சாதித்து காட்டுவோம் என்றும், இந்த நிகழ்ச்சி ஏற்பாடு செய்ததற்கு மாவட்ட ஆட்சித்தலைவர் அவர்களுக்கு மாணவர்கள் தங்களது நன்றிகளை தெரிவித்துக்கொண்டனர்.
விருதுநகர் மாவட்ட விளையாட்டு அரங்க மைதானத்தில் (03.10.2024) தமிழ்நாடு விளையாட்டு மேம்பாட்டு ஆணையம் சார்பில் நடத்தப்பட்ட மாவட்ட அளவிலான முதலமைச்சர் கோப்பை- 2024 போட்டிகளில் தேர்வு செய்யப்பட்டு, மாநில அளவிலான முதலமைச்சர் கோப்பை 2024 போட்டிகளுக்கு கலந்து கொள்ள சென்னை செல்லும் பள்ளி மாணவர்கள் பயணத்தை மாவட்ட ஆட்சித்தலைவர் முனைவர் வீ.ப.ஜெயசீலன் I A S,அவர்கள் கொடியசைத்து தொடங்கி வைத்தார். உடன் மாவட்ட விளையாட்டு அலுவலர் திரு.குமாரமணிமாறன் மற்றும் மாவட்ட உடற்கல்வி ஆய்வாளர் திரு.ஜாகிர் உசேன் உள்ளனர்.
சென்னை ஊரக வளர்ச்சி மற்றும் ஊராட்சி ஆணையர் அவர்களின் கடிதம் ந.க.எண். 32398/2022/எப்2, நாள்.13.02.2023-ன்படி, விருதுநகர் மாவட்டத்திலுள்ள ஊரக வளர்ச்சி மற்றும் ஊராட்சி அலகில் பணிபுரிந்து ஓய்வு பெற்ற ஓய்வூதியர்கள்ஃகுடும்ப ஓய்வூதியர்கள் ஆகியோர்களுக்கு ஓய்வூதியர்கள் குறைதீர்க்கும் நாள் கூட்டம் விருதுநகர் மாவட்ட ஆட்சியர் அவர்களின் தலைமையில் எதிர்வரும் 22.10.2024 அன்று காலை 10.30 மணியளவில் விருதுநகர் மாவட்ட ஆட்சியர் அலுவலக கூட்டரங்கில் நடைபெறவுள்ளது. விருதுநகர் மாவட்டத்திலுள்ள ஊரக வளர்ச்சி மற்றும் ஊராட்சி அலகில் பணிபுரிந்து ஓய்வு பெற்ற ஓய்வூதியர்கள்/குடும்ப ஓய்வூதியர்கள் ஆகியோர் தங்களது ஓய்வூதியம் மற்றும் இதர ஓய்வூதிய பலன்கள் பெறுவதில் பிரச்சினைகள் ஏதும் இருப்பின் அது தொடர்பான கோரிக்கை மனுக்களை 01.10.2024 முதல் 10.10.2024 தேதிக்குள் விருதுநகர் மாவட்ட ஆட்சித்தலைவர் (வளர்ச்சிப்பிரிவு) அவர்களுக்கு இரட்டைப் பிரதிகளில் அனுப்பி வைக்கலாம்.விண்ணப்பங்களில் ஓய்வூதியர் குறைதீர்க்கும் நாள் மனு எனக் குறிப்பிட்டு அனுப்பப்பட வேண்டும். விண்ணப்பத்தில் மனுதாரர் கோரிக்கை விவரத்துடன் ஓய்வூதியதாரர் பெயர், குடும்ப ஓய்வூதியம் என்றால் உறவுமுறை, பணியிலிருந்து ஓய்வு பெற்ற நாள், கடைசியாக பணிபுரிந்த அலுவலகம், ஓய்வூதிய கொடுவை எண் மற்றும் ஓய்வூதியம் பெறும் கருவூலம் ஆகிய விவரங்கள் குறிப்பிடப்பட வேண்டும். தற்போது ஓயு;வூதியம் பெறுவதில் உள்ள குறைபாடுகள் குறித்து ஏற்கனவே சென்னையிலுள்ள மாநில கணக்காயருக்கு அனுப்பப்பட்டு அது தொடர்பான பதில் ஏதும் பெற்றிருப்பின் அதன் விவரங்களுடன் இணைக்கப்பட வேண்டும். ஓய்வூதியர்களுக்கு உள்ள குறைகள் குறித்து சம்மந்தப்பட்ட அலுவலர்களுடன் விவாதித்து, ஓய்வூதியர்களின் குறைகளை தீர்க்க தேவையான நடவடிக்கை எடுக்கப்படும் என மாவட்ட ஆட்சித்தலைவர் முனைவர் வீ.ப.ஜெயசீலன்.,I A S., அவர்கள் தெரிவித்துள்ளார்.
சுற்றுச்சூழல் மற்றும் வனத்துறையின் 25.06.2018 நாளிட்ட அரசாணை எண்.84-ன் மூலம் கடந்த 01.01.2019 முதல் ஒருமுறையே பயன்படுத்தி தூக்கி எறியும் நெகிழிப் பொருட்களின் உற்பத்தி, பயன்பாடு, சேமித்தல் மற்றும் விற்பனை தமிழ்நாட்டில் தடை செய்யப்பட்டுள்ளது.மேலும், மத்திய மாசு கட்டுப்பாடு வாரியம் 04.02.2024 நாளிட்ட அறிவிக்கை மூலம் ஒருமுறையே பயன்படுத்தும் ஒரு சிலவகையான நெகிழிப் பொருட்களைத் தடை செய்துள்ளது.ஒருமுறையே பயன்படுத்தி தூக்கி எறியப்படும் நெகிழிப் பொருட்களை உற்பத்தி செய்யும் தொழிற்சாலைகள் ஆய்வு செய்யப்பட்டு, அவைகளுக்கு மூடுதல் உத்தரவு பிறப்பிக்கப்பட்டு, அவைகளின் மின் இணைப்பு துண்டிக்கப்பட்டுள்ளது.மேலும், ஒருமுறையே பயன்படுத்தி தூக்கி எறியும் நெகிழிப் பொருட்களை விற்பனை மற்றும் சேமித்து வைக்கும் நிறுவனங்கள் தொடர்ச்சியாக ஆய்வு செய்யப்பட்டு, அந்நெகிழிப்பொருட்கள் உள்ளாட்சி அமைப்புகளால் பறிமுதல் செய்யப்பட்டு, அபராதம் விதிக்கப்பட்டு வருகிறது.இருந்த போதிலும், சமீப காலமாக விருதுநகர் மாவட்டத்தில் நெகிழிப் பொருட்களின் விற்பனை மற்றும் பயன்பாடு அதிகரித்து இருப்பதாக தொடர்ச்சியாக நாளிதழ்களில் செய்திகள் வெளியாகி வருகின்றன.எனவே, விருதுநகர் மாவட்டத்தில் ஒருமுறையே பயன்படுத்தி தூக்கி எறியப்படும் நெகிழிப் பொருட்களை விற்பனை செய்வோர் மற்றும் சேமித்து வைப்போர் மீது கடுமையான நடவடிக்கை மேற்கொள்ளப்படும் என்று தெரிவித்துக் கொள்ளப்படுகிறது.மேலும், பொதுமக்கள் சுற்றுச்சூழலைப் பாதுகாக்கும் பொருட்டு, ஒருமுறையே பயன்படுத்தி தூக்கி எறியப்படும் நெகிழிப் பொருட்களை பயன்படுத்த வேண்டாம் என மாவட்ட ஆட்சித்தலைவர் முனைவர் வீ.ப.ஜெயசீலன்., I A S, அவர்கள் கேட்டுக்கொண்டுள்ளார்.
