உலக AI போட்டியில் கோவை இளைஞர் சாதனை! ₹24 லட்சம் பரிசு வென்று அசத்தல்.
செயற்கை நுண்ணறிவுத் துறையில் உலகளாவிய போட்டியில் முதலிடம் பிடித்து, கோவையைச் சேர்ந்த அர்ஷுன் திலக் சாதனை படைத்துள்ளதாகத் தகவல் வெளியாகியுள்ளது.
கூகுள் டீப் மைண்ட் மற்றும் Kaggle இணைந்து நடத்தியதாகக் கூறப்படும் AI போட்டியில், இவர் உருவாக்கிய ‘GAUGE’ என்ற AI பாதுகாப்புக் கருவி கவனம் பெற்றுள்ளது. செயற்கை நுண்ணறிவு உருவாக்கும் தவறான தகவல்களைக் கண்டறிந்து தடுக்கும் நோக்கில் இந்தக் கருவி வடிவமைக்கப்பட்டதாகத் தெரிவிக்கப்படுகிறது.
192 நாடுகளைச் சேர்ந்த போட்டியாளர்கள் பங்கேற்றதாகக் கூறப்படும் இந்தப் போட்டியில் வெற்றி பெற்றதற்காக, அவருக்கு 25,000 அமெரிக்க டாலர் (சுமார் ரூ.24 லட்சம்) பரிசுத் தொகை வழங்கப்பட்டதாகத் தகவல் வெளியாகியுள்ளது.
AI பாதுகாப்புத் துறையில் இளம் இந்தியத் திறமையாளர்களின் பங்களிப்பை இந்தச் சாதனை எடுத்துக்காட்டுகிறது.
0
Leave a Reply