ஆசிய சாம்பியன்ஸ் டிராபி ஹாக்கி: 'ஹாட்ரிக்' கோப்பையைக் கைப்பற்றுமா இந்திய அணி.
பஞ்சாப் மாநிலம் ஜலந்தரில், 9-வது சீசன் ஆசிய சாம்பியன்ஸ் டிராபி ஹாக்கி தொடர் இன்று தொடங்குகிறது. இத்தொடரில் நடப்பு சாம்பியனான இந்தியா, சீனா, வங்கதேசம், ஜப்பான், மலேசியா மற்றும் தென்கொரியா ஆகிய 6 அணிகள் பங்கேற்கின்றன. பாகிஸ்தான் அணி இத்தொடரில் இருந்து விலகியதால், அதற்குப் பதிலாக வங்கதேச அணி வாய்ப்பு பெற்றுள்ளது.
இத்தொடரின் லீக் சுற்றுப் போட்டிகள் ஜலந்தரில் உள்ள சுர்ஜித் ஹாக்கி மைதானத்திலும், 'நாக்-அவுட்' சுற்றுப் போட்டிகள் மொகாலியில் உள்ள சர்வதேச ஹாக்கி மைதானத்திலும் நடைபெறவுள்ளன. போட்டியில் ஒவ்வொரு அணியும் மற்ற அணிகளுடன் தலா ஒருமுறை மோதும்.
லீக் சுற்றுகளின் முடிவில் புள்ளிப்பட்டியலில் முதல் 4 இடங்களைப் பிடிக்கும் அணிகள் நவம்பர் 4-ஆம் தேதி நடைபெறும் அரையிறுதிக்குத் தகுதி பெறும். இதில் வெற்றிபெறும் அணிகள் நவம்பர் 5-ஆம் தேதி நடைபெறும் இறுதிப்போட்டியில் மோதும்.
ஆசிய சாம்பியன்ஸ் டிராபி ஹாக்கி வரலாற்றில் இதுவரை இந்திய அணி அதிகபட்சமாக 5 முறை (2011, 2016, 2018, 2023, 2024) சாம்பியன் பட்டம் வென்று சாதனை படைத்துள்ளது என்பது குறிப்பிடத்தக்கது.
0
Leave a Reply