• 58
• Sep 21, 2024

வாழ்ந்து காட்டுவோம் திட்டத்தின் கீழ் பகுதி அளவிலான தையல் தொழில் குழுக்களுக்கான வாங்குபவர் மற்றும் விற்பவர்களுக்கான (Buyer-Seller) வணிக இணைப்புக் கூட்டம்

விருதுநகர் மாவட்ட ஆட்சியர் அலுவலக கூட்டரங்கில் (20.09.2024) வாழ்ந்து காட்டுவோம் திட்டத்தின் கீழ் பகுதி அளவிலான தையல் தொழில் குழுக்களுக்கான வாங்குபவர் மற்றும் விற்பவர்களுக்கான (Buyer-Seller) வணிக இணைப்புக் கூட்டம் மாவட்ட ஆட்சித்தலைவர் முனைவர் வீ.ப.ஜெயசீலன்,I A S.,அவர்கள் தலைமையில் நடைபெற்றது.இக்கூட்டத்தில் 14 ஆடை உற்பத்தியாளர்கள் நிறுவனங்களும், 6 பகுதி அளவிலான தையல் தொழில் குழு நிர்வாகிகளும் மற்றும் ஆடை உற்பத்தியாளர் சங்க நிர்வாகிகள் கலந்து கொண்டனர்.
இக்கூட்டத்தின் வாயிலாக பகுதி அளவிலான தையல் தொழில் குழுக்களுக்கான கொள்முதல் மற்றும் விற்பனை ஆணை ஆடை உற்பத்தியாளர் நிறுவனங்கள் மூலம் தொடர்ந்து வழங்க ஏற்பாடு செய்து தரப்பட்டது. இதன் மூலம் தையல் தொழில் குழுக்களின் வருமானம் அதிகரிக்கவும் பெண் உற்பத்தியாளர்களின் வாழ்வாதாரம் மேம்படுத்தவும் வழிவகை செய்யப்பட்டது இக்கூட்டத்தில் வாழ்ந்து காட்டுவோம் திட்ட மாவட்ட செயல் அலுவலர் திருமதி ராஜாத்தி,  வாழ்ந்து காட்டுவோம் திட்ட பணியாளர்கள் மற்றும் அரசு அலுவலர்கள் பலர் கலந்து கொண்டனர்.