சர்வதேச கால்பந்து போட்டிகளில் இருந்து ஓய்வு பெற்றார் கிறிஸ்டியானோ ரொனால்டோ.
போர்ச்சுகல் கால்பந்து ஜாம்பவான் கிறிஸ்டியானோ ரொனால்டோ, சர்வதேச கால்பந்து அரங்கில் தனது பயணத்தை நிறைவு செய்தார்.
41 வயதான ரொனால்டோவின் வாழ்க்கைப் பயணம் பலருக்கும் உத்வேகம் அளிப்பதாக உள்ளது. குடும்பத்தின் வறுமையான சூழ்நிலையிலும் தனது கால்பந்து திறமையால் உலகப் புகழ்பெற்ற வீரராக உயர்ந்தார். குடும்பத்திற்குப் பெருமை சேர்த்ததுடன், கால்பந்து வரலாற்றிலும் தனக்கென தனி இடத்தைப் பிடித்தார்.
234 போட்டிகள் – 146 கோல்கள்!
சர்வதேச கால்பந்து அரங்கில் அதிக கோல்கள் அடித்த வீரர்கள் பட்டியலில் கிறிஸ்டியானோ ரொனால்டோ முதலிடத்தில் உள்ளார். இதுவரை 234 போட்டிகளில் விளையாடி 146 கோல்கள் அடித்துள்ளார். அர்ஜென்டினாவின் லயோனல் மெஸ்ஸி 208 போட்டிகளில் 126 கோல்கள் அடித்து அடுத்த இடத்தில் உள்ளார்.
உலகக் கோப்பையில் வரலாற்றுச் சாதனை!
ஃபிஃபா உலகக் கோப்பை கால்பந்து வரலாற்றில் ஆறு தொடர்களில் (2006, 2010, 2014, 2018, 2022, 2026) பங்கேற்ற முதல் வீரர் என்ற பெருமையை ரொனால்டோ பெற்றார். மேலும், ஆறு உலகக் கோப்பை தொடர்களிலும் கோல் அடித்த முதல் வீரர் என்ற சாதனையையும் படைத்தார்.
உலகக் கோப்பை போட்டிகளில் அதிக ஆட்டங்களில் (27) விளையாடிய போர்ச்சுகல் வீரர் என்ற சாதனையும், அதிக கோல்கள் (11) அடித்த போர்ச்சுகல் வீரர் என்ற பெருமையும் அவருக்கே சொந்தம்.
0
Leave a Reply