இந்தியாவின்நம்பர் 1 யூடியூபர், ப்ளஸ் டூஃபெயில்
அடிமட்டத்திலிருந்து உச்சம் தொட்டவர்தான் கேரளாவைச் சேர்ந்த பிஜு. பள்ளிப் படிப்பைக்கூட முடிக்காமல், கூலித் தொழிலாளியாக இருந்த இவர், இப்போது இந்தியாவின் நம்பர்1 யூடியூபர்(தனிநபர் பிரிவில்; சப்ஸ்கிரைபர்களின் எண்ணிக்கையின்படி).‘KLBROBijuRithvik’ எனும் இவரது யூடியூப் சேனல்,4.5 கோடி சப்ஸ்கிரைபர்களை கொண்டிருக்கிறது. இதன் வளர்ச்சிக்கு, பிஜுவுடன், அவரின் மொத்த குடும்பமும் கூட்டாக நடித்து, உழைக்கின்றனர். தங்கள் வீட்டு நிகழ்வுகள் மற்றும் பயணங்களுடன், இல்லம்தோறும் நடக்கின்ற குடும்ப பஞ்சாயத்து களை, ரகளையாகவும் ரசனையாகவும் வீடியோவாக்குகின்றனர். கேரளா மாநிலம், கண்ணூர் மாவட்டம், பாவலூர் கிராமத்தைச் சேர்ந்த பிஜுவுக்கு, அவரின் மனைவி கவிதா, சேனல் வளர்ச்சிக்கும் உற்றதுணை.
0
Leave a Reply