வருங்கால மருமகளுக்கு முகேஷ், நீட்டா அம்பானி வழங்கிய ரூ.4.5 கோடி சொகுசு கார்
பிரபல தொழிலதிபரும் பெரும்பணக்காரருமான முகேஷ் அம்பானியின் குடும்பம் ஆடம்பர வாழ்க்கை மற்றும் விலை மதிப்புமிக்க பரிசுகளை வழங்குவதற்காகவும் அடிக்கடி தலைப்பு செய்திகளில் வலம் வருகிறது. தங்கள் பிள்ளைகளுக்கும் விலையுயர்ந்த பரிசுகளை வழங்கும் பாரம்பரியத்தை தொடர்ந்து வருகின்றனர். அந்த வகையில், முகேஷ் அம்பானி, நீட்டா அம்பானி தங்கள் வருங்கால மருமகளான ராதிகா மெர்ச்சண்ட்டிற்கும் இதே போல ஆடம்பர பரிசுகளை வழங்கி உள்ளனர்.
113.6 பில்லியன் டாலர் (தோராயமாக ரூ.9,43,091 கோடி) சொத்து மதிப்புடன், உலக அளவில் 11வது பணக்காரரான முகேஷ் அம்பானி தலைமையிலான அம்பானி குடும்பம், ஆடம்பரமான வாழ்க்கை முறைக்கு பெயர் பெற்றது. இந்த நிலையில் வரும் மார்ச் 1 முதல் 3ம் தேதி வரை ஜாம்நகரில் உள்ள ரிலையன்ஸ் கிரீன்ஸில் ஆனந்த் அம்பானி மற்றும் ராதிகா மெர்ச்சன்ட் ஆகியோரின் திருமணம் நடைபெற உள்ளது. .அனந்த் அம்பானியின் வருங்கால மனைவியான ராதிகா மெர்ச்சன்ட், தனது மாமியார் நீட்டா அம்பானியிடம் இருந்து அழகான வெள்ளி லக்ஷ்மிகணேஷ் பரிசு ஹேம்பரைப் பெற்றார். அந்த பரிசு தொகுப்பில் 2 வெள்ளி துளசி பானைகள் மற்றும் ஒரு வெள்ளி தூபக் குச்சி மற்றும் ஒரு லட்சுமிகணேஷ் சிலை ஆகியவை அடங்கும். வெள்ளைப் பூக்கள் மற்றும் இதர அலங்காரப் பொருட்களால் ஹேம்பர் அலங்கரிக்கப்பட்டிருந்தது.
ஆனந்த் அம்பானி மற்றும் ராதிகா மெர்ச்சண்ட் ஆகியோருக்கு முகேஷ் அம்பானி சுமார் ரூ.4.5 கோடி மதிப்புள்ள ஆடம்பரமான பென்ட்லி கான்டினென்டல் ஜிடிசி ஸ்பீட் காரை பரிசாக வழங்கினார். .ராதிகா மெர்ச்சன்ட், நீட்டா அம்பானியைப் போலவே பரதநாட்டிய நடனக் கலைஞர் ஆவார்.2022 ஆம் ஆண்டில், மும்பையில் உள்ள ஜியோ வேர்ல்ட் சென்டரில் உள்ள தி கிராண்ட் தியேட்டரில் ராதிகா மெர்ச்சண்டிற்கு அம்பானி குடும்பத்தினர் அரங்கேற்றம் விழாவை ஏற்பாடு செய்தனர். குரு பாவனா தக்கரின் வழிகாட்டுதலின் கீழ் ராதிகா தனது பாரம்பரிய நடனப் பயிற்சியை முடித்தார். முகேஷ் அம்பானியின் மருமகள் ராதிகா மெர்ச்சண்ட் அழகான முத்து மற்றும் வைர நெக்லஸை அணிந்திருந்தார். இந்த நெக்லஸ் அவரின் மாமியார் நீட்டா அம்பானிக்கு சொந்தமானது. .
0
Leave a Reply