காளான் ஒயிட் பிரியாணி (Mushroom White Biryani).
தேவையான பொருட்கள்:
பாஸ்மதி அரிசி அல்லது சீரகச் சம்பா அரிசி - 2 கப் (30 நிமிடங்கள் ஊறவைத்தது),
பட்டன் காளான் - 200 கிராம் (நன்றாகக் கழுவி இரண்டாக நறுக்கியது),
பெரிய வெங்காயம் - 2 (நீளவாக்கில் நறுக்கியது),
பச்சை மிளகாய் - 4 முதல் 5 (காரத்திற்கு ஏற்ப கீறியது),
இஞ்சி - பூண்டு விழுது - 2 டேபிள் ஸ்பூன்,
புதினா இலை - ஒரு கைப்பிடி,
மல்லி இலை (கொத்தமல்லி) - ஒரு கைப்பிடி,
தயிர் - 3 டேபிள் ஸ்பூன்,
தேங்காய் பால் - 1.5 கப் (அல்லது தேங்காய் பால் + தண்ணீர் சேர்த்து 2 கப்),
எண்ணெய் மற்றும் நெய் - 3 டேபிள் ஸ்பூன், உப்பு - தேவையான அளவு.
தாளிக்க: பட்டை - 1 துண்டு,கிராம்பு – 3,ஏலக்காய் – 2,பிரிஞ்சி இலை – 2,
அன்னாசிப் பூ – 1,சோம்பு - 1 டீஸ்பூன்.
செய்முறை -
பாஸ்மதி அரிசியை நன்கு கழுவி, 20 முதல் 30 நிமிடங்கள் தண்ணீரில் ஊற வைக்கவும்.
ஒரு குக்கரில் அல்லது பாத்திரத்தில் 2 டேபிள் ஸ்பூன் எண்ணெய் மற்றும் 1 டேபிள் ஸ்பூன் நெய்ஊற்றி சூடாக்கவும். அதில் பட்டை, கிராம்பு, ஏலக்காய், பிரிஞ்சி இலை, அன்னாசிப் பூ மற்றும் சோம்பு சேர்த்து தாளிக்கவும்.
நறுக்கிய பெரிய வெங்காயம் மற்றும் கீறிய பச்சை மிளகாய் சேர்த்து, வெங்காயம் கண்ணாடி பதம் வரும் வரை (அதிகமாக பொன்னிறமாக வதங்கக் கூடாது, ஒயிட் பிரியாணிக்கு வெங்காயம் சிவக்கக் கூடாது) வதக்கவும்.
இஞ்சி-பூண்டு விழுது சேர்த்து பச்சை வாசனை போகும் வரை வதக்கவும். பின் புதினா மற்றும் மல்லி இலை சேர்த்து வதக்கவும்.
தயிர் சேர்த்து நன்கு கிளறவும். பின்னர் நறுக்கி வைத்துள்ள காளான்களைச் சேர்த்து மிதமான தீயில் 2 நிமிடங்கள் வதக்கவும் .(காளானில் இருந்து தண்ணீர் பிரியும்).1 கப் பாஸ்மதி அரிசிக்கு 1.5 கப் அளவு (தேங்காய் பால் மற்றும் தண்ணீர் கலந்து) ஊற்றவும்.
தேவையான அளவு உப்பு சேர்த்து கொதிக்க விடவும்.
தண்ணீர் கொதித்தவுடன் ஊறவைத்த அரிசியை வடிகட்டி இதில் சேர்க்கவும். ஒருமுறை மெதுவாகக் கிளறிவிட்டு, குக்கர் மூடி போட்டு மிதமான தீயில் 1 விசில் விட்டு (அல்லது பாத்திரத்தில் செய்தால் மூடி போட்டு) வேக வைத்து எடுக்கவும்.
ஆவி பறக்கும் சுவையான காளான் ஒயிட் பிரியாணி ரெடி! இதற்கு தயிர் பச்சடி அல்லது காளான் கிரேவி அருமையான காம்பினேஷன்.
0
Leave a Reply