விருதுநகர் மாவட்ட ஆட்சியர் அலுவலக வளர்ச்சிமன்றக் கூட்டரங்கில் மக்கள் குறைதீர்க்கும் நாள் கூட்டம்
விருதுநகர் மாவட்ட ஆட்சியர் அலுவலக வளர்ச்சிமன்றக் கூட்டரங்கில் மக்கள் குறைதீர்க்கும் நாள் கூட்டம் மாவட்ட ஆட்சித்தலைவர் முனைவர் வீ.ப.ஜெயசீலன் I A S.,அவர்கள் தலைமையில் (15.07.2024) நடைபெற்றது.
இக்கூட்டத்தில், இலவச வீட்டுமனைப்பட்டா மற்றும் பட்டா மாறுதல், குடும்பஅட்டை, வேலைவாய்ப்பு, முதியோர், விபத்து நிவாரணம், மாற்றுத்திறனாளிகள், நலிந்தோர் நலத்திட்டம் மற்றும் விதவை உதவித்தொகை, திருமண உதவித்தொகை உள்ளிட்ட பல்வேறு கோரிக்கைகள் தொடர்பாக மனுக்கள் பெறப்பட்டது. மேலும், மாற்றுத்திறனாளிகள் மற்றும் மூத்த குடிமக்களுக்காக அமைக்கப்பட்டுள்ள சிறப்பு அமருமிடத்திற்குச் சென்று, மாவட்ட ஆட்சித்தலைவர் அவர்கள் கோரிக்கை மனுக்களை பெற்றுக் கொண்டார்.இம்மனுக்களை மாவட்ட ஆட்சித்தலைவர் அவர்கள் சம்மந்தப்பட்டதுறை அலுவலர்களிடம் ஒப்படைத்து உரிய நடவடிக்கை எடுக்குமாறு உத்தரவிட்டார்கள். மேலும் முதலமைச்சர் தனிப்பிரிவு மனுக்கள் மீது தனிக்கவனம் செலுத்தி நடவடிக்கை எடுக்குமாறு மாவட்ட ஆட்சித்தலைவர் அவர்கள் அறிவுறுத்தினார்கள்.
இக்கூட்டத்தில் இலவச தையல் இயந்திரம் வேண்டி விண்ணப்பித்த மனுதாரருக்கு உடனடி தீர்வாக பிற்படுத்தப்டோர் நலத்துறை சார்பில் ரூ.12,500 மதிப்புள்ள தையல் இயந்திரத்தினை மாவட்ட ஆட்சித்தலைவர் அவர்கள் வழங்கினார்.பின்னர், முதலமைச்சரின் பொதுநிவாரண நிதியிலிருந்து வெடி விபத்தில் உயிரிழந்த 7 நபர்களின் வாரிசுதாரர்களுக்கு தலா ரூ.3 இலட்சம் வீதம் மொத்தம் ரூ.21 இலட்சம் மதிப்பிலும், பாம்புகடியால் உயிரிழந்த 2 நபர்களின் வாரிசுதார்களுக்கு மொத்தம் ரூ.2 இலட்சம் மதிப்பிலும்,மல்லாங்கிணர் தொடக்க வேளாண்மை கூட்டுறவு சங்கத்தின் நியாயவிலைக்கடையில்; விற்பனையாளராக பணிபுரிந்து கொரோனா நோயால் பாதிக்கப்பட்டு உயிரிழந்தவரின் குடும்பத்திற்கு ரூ.25 இலட்சம் மதிப்பிலும் என ஆக மொத்தம் 10 நபர்களுக்கு ரூ.48 இலட்சம் மதிப்பிலான நிவாரணத்தொகைக்கான காசோலைகளை மாவட்ட ஆட்சித்தலைவர் அவர்கள் வழங்கினார்.
இக்கூட்டத்தில், மாவட்ட ஆட்சியரின் நேர்முக உதவியாளர்(நிலம்) திரு.அ,மர்நாத், மாவட்ட பிற்படுத்தப்பட்டோர் மற்றும் சிறுபான்மையின நலத்துறை அலுவலர் திருமதி .இ.கார்த்திகேயனி கூட்டுறவு மண்டல இணைப்பதிவாளர் திரு.பா.செந்தில்குமார், மாவட்ட வழங்கல் அலுவலர் திருமதி அனிதா, அரசு அலுவலர்கள் மற்றும் பொதுமக்கள் உட்பட பலர் கலந்துகொண்டனர்.
0
Leave a Reply