சிறந்த சமூக சேவைக்காக முதலமைச்சரின் மாநில இளைஞர் விருது பெற்ற திருமதி ச.உமாதேவி என்பவரை, மாவட்ட ஆட்சித்தலைவர் அவர்கள் நேரில் அழைத்து, பாராட்டி, வாழ்த்துகளை தெரிவித்தார்
விருதுநகர் மாவட்ட ஆட்சியர் அலுவலகத்தில், மாண்புமிகு தமிழ்நாடு முதலமைச்சர் அவர்களிடம் (15.08.2024) அன்று சுதந்திர தின விழாவில், சிறந்த சமூக சேவைக்காக முதலமைச்சரின் மாநில இளைஞர் விருது பெற்ற திருமதி ச.உமாதேவி என்பவரை, மாவட்ட ஆட்சித்தலைவர் முனைவர் வீ.ப.ஜெயசீலன், I A S., அவர்கள் நேரில் அழைத்து, பாராட்டி, வாழ்த்துகளை தெரிவித்தார்.அதன்படி, விருதுநகர் மாவட்டம் இராஜபாளையம் வட்டம் சேத்தூரை சேர்ந்தவர் திருமதி உமாதேவி என்பவர், இராஜபாளையம் சுற்றி உள்ள பகுதிகளில் 26 முறை ரத்ததான முகாம் நடத்தியதற்காகவும், ரத்ததானம், உடல் உறுப்பு தானம் குறித்த விழிப்புணர்வை மாணவர்கள் மத்தியிலும், கிராமப்புற பொது மக்களிடமும் விழிப்புணர்வு ஏற்படுத்தியதற்காகவும், கிராமப்புற குழந்தைகளை பள்ளியில் சேர்த்து, அவர்களுடைய கல்வி தடைப்படாமல் கிடைப்பது தொடர்பான விழிப்புணர்வு ஏற்படுத்தியதற்காகவும், நெகிழி பையை ஒழித்து மஞ்சப்பை பயன்பாட்டை அதிகரிப்பதற்கு பொதுமக்களிடம் விழிப்புணர்வு ஏற்படுத்தியதற்காகவும், சாலையோரத்தில் ஆதரவற்று இருக்கும் மக்களை பாதுகாப்பாக மீட்டெடுத்ததற்காகவும் உள்ளிட்ட பல்வேறு சமூக சேவைகளுக்காக மாண்புமிகு தமிழ்நாடு முதலமைச்சர் அவர்களிடம் முதலமைச்சரின் மாநில இளைஞர் விருது பெற்றுள்ளார்.இந்நிகழ்வின் போது, மாவட்ட விளையாட்டு அலுவலர் திரு.குமார மணிமாறன் உட்பட அரசு அலுவலர்கள் பலர் உடன் இருந்தனர்.
0
Leave a Reply